ap7am logo

'ప్రతిరోజూ పండగే' మూవీ రివ్యూ

Fri, Dec 20, 2019, 04:22 PM
Movie Name: Prathiroju Pandage
Release Date: 20-12-2019
Cast: Sai Dharam Tej, Rasi Khanna, Sathya Raj, Rao Ramesh, Vijay Kumar, Naresh, Prabha, Murali Sharma, Ajay  
Director: Maruthi 
Producer: Bunny Vasu 
Music: Thaman 
Banner: U.V. Creations, GA2 Pictures

కన్నతండ్రి ప్రాణాలకంటే ఉద్యోగాలే ఎక్కువనుకునే కొడుకులు ఒక వైపు .. చివరి క్షణాల్లో కొడుకులతో కలిసి ఉండటమే పండగ అనుకునే తండ్రి ఒక వైపు. ఆ కొడుకుల ఆలోచనా విధానాన్ని మార్చి .. ఆ తండ్రి ముచ్చట తీర్చే ఒక మనవడి కథే ఇది. బలమైన ఎమోషన్స్ తో తాతా మనవళ్ల చుట్టూ తిరుగుతూ, అందమైన ప్రేమను .. ఆహ్లాదకరమైన కామెడీని టచ్ చేస్తూ సాగే ఈ కథ ఆద్యంతం ఆకట్టుకుంటుంది.

రోజులు మారుతున్నాయి .. ఉమ్మడి కుటుంబాలు మాయమవుతున్నాయి. పట్టణాల్లో .. విదేశాల్లో ఉద్యోగాలు చేసే పిల్లలు తమ తల్లిదండ్రుల కోసం సమయాన్ని కేటాయించలేని పరిస్థితి. వాళ్లు అనారోగ్యం పాలైనా పట్టించుకోని స్థితి. పిల్లల ఎదుగుదలకి అడ్డుపడటం కరెక్ట్ కాదనే ఉద్దేశంతో  ఒంటరితనాన్ని భరించే స్థితిలో తల్లిదండ్రులు. ఈ నేపథ్యంలో గతంలో కొన్ని సినిమాలు వచ్చాయి. అదే కథను తనదైన శైలిలో చెప్పడానికి మారుతి చేసిన ప్రయత్నంగా 'ప్రతిరోజూ పండగే' కనిపిస్తుంది. ఈ రోజున ప్రేక్షకుల ముందుకు వచ్చిన ఈ సినిమా, ఏ స్థాయిలో వాళ్లను మెప్పించిందన్నది చూద్దాం.

రఘురామయ్య (సత్యరాజ్)కి ముగ్గురు మగ పిల్లలు .. ఒక ఆడపిల్ల. పెద్ద కొడుకైన రమేశ్ (రావు రమేశ్) అమెరికాలో స్థిరపడతాడు. రెండవ కొడుకు ఆస్ట్రేలియాలో స్థిరపడగా .. మూడవ కొడుకు వేరే ఊళ్లో కేటరింగ్ బిజినెస్ చేసుకుంటూ ఉంటాడు. భార్యను కోల్పోయి ఒంటరివాడిగా జీవితాన్ని కొనసాగిస్తున్న ఆయన, కేన్సర్ బారిన పడతాడు. ఆయన బ్రతికేది కొన్ని రోజులు మాత్రమే అని డాక్టర్లు చెబుతారు. విషయం తెలుసుకున్న కొడుకులు .. కూతురు తమ పనులు మానుకుని ఆ పల్లెటూరు రావడానికి అంతగా ఆసక్తిని చూపించరు. డబ్బుకి .. ఉద్యోగాలకి మాత్రమే వాళ్లు విలువనిస్తారు. అయితే రమేశ్ కొడుకైన సాయి (సాయితేజ్) మాత్రం వెంటనే బయల్దేరి తాతయ్య ఊరికి చేరుకుంటాడు. తన తాతయ్య చనిపోయేలోగా ఆయనకి ప్రతిరోజు ఒక పండుగ అనిపించేలా చేయాలనుకుంటాడు. తాత కోరిక మేరకు ఆయనకి స్నేహితుడి కూతురైన 'ఆర్ణ'ను పెళ్లి చేసుకోవడానికి సిద్ధపడతాడు. ఆ తరువాత ఏం జరుగుతుంది? ఫలితంగా చోటుచేసుకునే మలుపులు ఎలాంటివి? అనేది మిగతా కథ.

దర్శకుడు మారుతి కొంతకాలంగా యూత్ కి .. మాస్ కి నచ్చే అంశాలను మేళవిస్తూ ఫ్యామిలీ ఆడియన్స్ కి నచ్చే కథాంశాలను ఎంచుకుంటూ వస్తున్నాడు. అదే పద్ధతిని కొనసాగిస్తూ ఆయన ఈ కథను తెరపై ఆవిష్కరించాడు. ఎమోషన్ కి పెద్దపీట వేస్తూ .. కథలో భాగంగానే కామెడీని నడిపిస్తూ .. లవ్ కోటింగ్ ఇస్తూ ఆయన ఈ కథను చెప్పిన తీరు బాగుంది. వినోదంతో కూడిన కథ, విదేశాల నుంచి మారుమూల గ్రామానికి కథను పరుగులు తీయించే పట్టు సడలని కథనం .. ప్రధానమైన పాత్రలను మలిచిన విధానం ప్రేక్షకుల నుంచి మంచి మార్కులు కొట్టేస్తాయి.

పుట్టిపెరిగిన గ్రామాలను .. కనిపెంచిన తల్లిదండ్రులను మరిచిపోవద్దని చెప్పే సందేశంతో కూడిన ఈ కథను ప్రేక్షకులకు కనెక్ట్ అయ్యేలా చెప్పడంలో దర్శకుడు మారుతి సక్సెస్ అయ్యాడు. జీవితంలో ఎదగాలి గానీ అది తల్లిదండ్రులను మరిచిపోయేంతలా కాదు అనే సందేశానిస్తూ, కన్నవాళ్ల చివరిదశలో ఆసరాగా నిలిస్తే అది వాళ్లకి 'ప్రతిరోజూ పండగే' అవుతుందనే విషయాన్ని వినోదాన్ని జోడిస్తూ మారుతి చెప్పిన తీరు ప్రేక్షకులను కూర్చోబెట్టేస్తుంది.

ఒక్క మాటలో చెప్పాలంటే ఇది తాత మనవుల కథ. మరణానికి చేరువలో వున్న తాతను చివరిక్షణం వరకూ సంతోషంగా ఉంచాలని తాపత్రయపడే మనవడి కథ. ఈ కథలో తండ్రిగా .. తాతగా సత్యరాజ్ తన పాత్రలో జీవించాడు. కొడుకులు .. కోడళ్ల నిజస్వరూపాలను తెలుసుకుని మౌనంగా రోదించేవాడిగా, మనవడు ఇచ్చిన ఉత్సాహంతో పరుగులుతీసే వాడిగా ఆయన నటన హైలైట్ గా నిలిచింది.

ఇక తేజు కూడా తన పాత్రకి న్యాయం చేశాడు. తాత కోసం కుటుంబ సభ్యులందరి మనసులు మార్చే మనవడి పాత్రను సమర్థవంతంగా పోషించాడు. ఇక 'టిక్ టాక్' వీడియోలు చేసే పిచ్చి వున్న 'ఆర్ణ' పాత్రలో రాశి ఖన్నా నటన ఆకట్టుకుంటుంది. సత్యరాజ్ తరువాత అంతటి ప్రాముఖ్యత కలిగిన పాత్రలో రావు రమేశ్ మెప్పించాడు. ఎప్పటిలాగే తనదైన డైలాగ్ డెలివరీతో సన్నివేశాలను పండించాడు. మురళీ శర్మ కూడా నటనలో తనదైన మార్క్ చూపించాడు. ఇక అజయ్ .. సత్యం రాజేశ్ .. 'జబర్దస్త్' మహేశ్ .. సుహాస్ ఓకే అనిపించారు. విజయ్ కుమార్ .. ప్రభ .. నరేశ్ వంటి సీనియర్ ఆర్టిస్టులు చిన్న చిన్న పాత్రల్లో మెరిశారు.  

తమన్ సంగీతం ఫరవాలేదనిపించేలా వుంది. బాణీలు పెద్ద గొప్పగా లేకపోయినా, సందర్భానికి తగినట్టుగా ఓకే అనిపిస్తాయి. రీ రికార్డింగ్ బాగుంది .. సీన్ లో నుంచి ప్రేక్షకులు జారిపోకుండా చేయగలిగింది. జయకుమార్ కెమెరా పనితనం బాగుంది. ప్రతి సన్నివేశాన్ని అందంగా ఆవిష్కరించాడు. ముఖ్యంగా పల్లె అందాలను .. పాటలను హృద్యంగా ఆవిష్కరించాడు. కోటగిరి వెంకటేశ్వరరావు ఎడిటింగ్ బాగుంది. కాకపోతే డైనింగ్ టేబుల్ దగ్గర రావు రమేశ్ అండ్ కో సీన్ ను ట్రిమ్ చేయాల్సింది. ఇక 'మృత్యుంజయ హోమం' దగ్గర జరిగిన ఫైట్ సీన్ అనవసరమనిపిస్తుంది.' ఒకటి రెండు పాటలకి కొరియోగ్రఫీ బాగుంది. 'మట్టి వాసనల మధ్య బతికిన వాడిని .. మందుల వాసనల మధ్య బతకలేనురా'.. 'లాస్ట్ స్టేజ్ లోను లాజిక్కులకేం తక్కువ లేదు' .. 'ఇది ఫైనల్ స్టేజ్ కాదు .. సెమీ ఫైనల్ స్టేజ్' .. 'ఒకడు సమాధికి శాంపిల్స్ చూపిస్తే .. ఇంకొకడు దినానికి మెనూ చూపిస్తాడు' .. 'యుద్ధం కూడా సాయంత్రం 6 తరువాత ఆపేస్తార్రా' అనే డైలాగులు గుర్తుంచుకోదగినవిగా అనిపిస్తాయి.

ఇది కొత్త కథ కాకపోయినా కొత్తగా చెప్పడానికి మారుతి ప్రయత్నించాడు. బలమైన ఎమోషన్స్ ను మాత్రమే రుద్దకుండా కామెడీని కలిపి అందిస్తూ ఎంటర్టైన్ చేశాడు. ఎంతసేపు డబ్బు .. హోదా గురించి కాకుండా తల్లిదండ్రులను గురించిన ఆలోచన చేయమని పిల్లలకు చెప్పడంలోనూ, పిల్లలతో గడిపే ప్రతిరోజూ పెద్దవాళ్లకి పండుగరోజే అని విషయాన్ని స్పష్టం చేయడంలోను దర్శకుడు మారుతి సక్సెస్ అయ్యాడు. ఈ కంటెంట్ ను ఆడియన్స్ కి కనెక్ట్ చేయడంలో సఫలీకృతుడయ్యాడు.  

Review By: Peddinti
X

Feedback Form

I agree to Terms of Service & Privacy Policy
'శివన్' మూవీ రివ్యూ
శివన్ .. సునంద గాఢంగా ప్రేమించుకుంటారు .. పెళ్లి చేసుకోవాలని నిర్ణయించుకుంటారు. అయితే హఠాత్తుగా సునందపై శివన్ దాడి చేసి, ఆమెను హత్య చేస్తాడు. అందుకు కారణమేమిటి? ఆ తరువాత చోటుచేసుకునే పరిణామాలు ఎలాంటివి? అనేది కథ. రొమాన్స్  .. కామెడీ పాళ్లు ఏ మాత్రం లేని ఈ సినిమా, యాక్షన్ .. ఎమోషన్స్ ప్రధానంగా సాగుతుంది. బలహీనమైన కథాకథనాల కారణంగా ఈ సినిమా ఆకట్టుకోలేకపోయిందనే చెప్పొచ్చు. 
'ప్రేమ పిపాసి' మూవీ రివ్యూ
ఈ తరం అమ్మాయిల్లో చాలా మందిలో నిజమైన ప్రేమ లోపించిందని భావించిన ఓ యువకుడు, అసలైన ప్రేమకి అద్దం వంటి ఓ అమ్మాయి మనసు గెలుచుకోవాలనుకుంటాడు. అందుకోసం అతను ఏం చేస్తాడు? ఆ ప్రయత్నంలో అతను విజయాన్ని సాధిస్తాడా లేదా? అనేదే కథ. బలహీనమైన కథాకథనాలు .. బరువు తగ్గిన పాత్రలు .. ఆసక్తికరంగా లేని సన్నివేశాలతో ఈ సినిమా నిదానంగా .. నీరసంగా సాగుతుంది. 
'ఓ పిట్టకథ' మూవీ రివ్యూ
ప్రభు .. వెంకటలక్ష్మి ఎంతో గాఢంగా ప్రేమించుకుంటారు. ఆ విషయాన్ని వెంకటలక్ష్మి తండ్రికి చెప్పాలని ప్రభు అనుకుంటున్న సమయంలోనే, దగ్గరి బంధుత్వం చెప్పుకుని వెంకటలక్ష్మి ఇంట్లోకి క్రిష్ ఎంటరవుతాడు. వెంకటలక్ష్మి కోసం కథానాయకులు పోటీ పడుతుండగా, హఠాత్తుగా ఆమె అదృశ్యమవుతుంది. ఆమె హత్యకి సంబంధించిన వీడియో పోలీసుల చేతికి చిక్కుతుంది. ఆమె ప్రేమికులిద్దరిలో నేరస్థులు ఎవరు? అనే కోణంలో ఈ కథ సాగుతుంది. గ్రామీణ నేపథ్యంలో సాగే సస్పెన్స్ తో కూడిన ఈ ప్రేమకథ, ఓ మాదిరిగా అనిపిస్తుంది.
'పలాస 1978' మూవీ రివ్యూ
'పలాస'లో 1970 ప్రాంతంలో జరిగిన ఒక యథార్థ సంఘటనకి కొన్ని కల్పితాలను జోడించి ఆవిష్కరించిన కథ ఇది. జానపద కళను నమ్ముకుని బతికే ఐక్యత కలిగిన ఇద్దరు అన్నదమ్ములు ఒక వైపు, గ్రామంపై పెత్తనం కోసం పోరాడే సఖ్యతలేని మరో ఇద్దరు అన్నదమ్ములు ఇంకోవైపు. ప్రధానంగా ఈ నాలుగు పాత్రల చుట్టూనే సహజత్వానికి దగ్గరగా ఈ కథ తిరుగుతుంది. కుల వివక్ష కారణంగా అణచివేతకుగురై, పెత్తందారులపై తిరుగుబాటు చేసిన అన్నదమ్ముల కథగా సాగే ఈ సినిమా ఒక వర్గం ప్రేక్షకులకు నచ్చుతుంది.   
'రాహు' మూవీ రివ్యూ
అసిస్టెంట్ పోలీస్ కమిషనర్ భార్గవ్, గ్యాంగ్ స్టర్ గా అరాచకాలకు పాల్పడుతున్న నాగరాజును జైలుకు పంపిస్తాడు. భార్గవ్ ఒక్కగానొక్క కూతురు భానుని చంపుతానని నాగరాజు శపథం చేస్తాడు. ఒకానొక సందర్భంలో జైలు నుంచి తప్పించుకున్న నాగరాజు, ఒక రహస్య స్థావరంలో తలదాచుకుంటాడు. 'రాహు' దోషం కారణంగా ఆపదలో చిక్కుకున్న భాను, ఆ స్థావరంలోకి అడుగుపెడుతుంది. అక్కడ ఏం జరిగిందనేదే కథ. ఫస్టాఫ్ లో పేలవమైన సన్నివేశాలు, సెకండాఫ్ లో పసలేని ట్విస్టుల కారణంగా ఈ సినిమా ఆకట్టుకోలేకపోయింది. 
HIT మూవీ రివ్యూ
ప్రీతి అనే ఒక టీనేజ్ అమ్మాయి మర్డర్ మిస్టరీ చుట్టూ .. నేహా అనే ఒక యువతి మిస్సింగ్ చుట్టూ తిరిగే క్రైమ్ స్టోరీ ఇది. ప్రీతిని ఎవరు మర్డర్ చేశారు? నేహా ఎలా కనిపించకుండాపోయింది? ఈ రెండు నేరాల వెనక వున్నది ఎవరు? అనే మలుపులతో ఈ కథ ముందుకు వెళుతుంది. వినోదానికి ఎంతమాత్రం అవకాశం లేని ఈ కథ, క్రైమ్ స్టోరీస్ ను ఎక్కువగా  ఇష్టపడేవారికి నచ్చొచ్చు.
'భీష్మ'  మూవీ రివ్యూ
ఓ ఆర్గానిక్ సంస్థ చైర్మన్ రసాయనిక ఎరువుల వాడకం ఎంతప్రమాదమో చాటిచెబుతూ ఆర్గానిక్ ఉత్పత్తుల వాడకాన్ని పెంచే ప్రయత్నం చేస్తుంటాడు. తన స్వార్థం కోసం రసాయనిక ఎరువులనే ప్రోత్సహిస్తూ, ఆర్గానిక్ సంస్థను దెబ్బతీయడానికి రాఘవన్ రంగంలోకి దిగుతాడు. ఈ నేపథ్యంలో ఆర్గానిక్ సంస్థ చైర్మన్ తన సంస్థను కాపాడుకోవడం కోసం, డిగ్రీ కూడా పాస్ కాని 'భీష్మ'ను సీఈఓ గా నియమిస్తాడు. అందుకు గల కారణం ఏమిటి? వేల కోట్ల టర్నోవర్ కలిగిన సంస్థకి సీఈఓగా భీష్మ ఎలా నెగ్గుకొచ్చాడు? అనేదే కథ. వినోదానికి సందేశాన్ని జోడిస్తూ అల్లుకున్న ఈ కథ పూర్తిస్థాయిలో ప్రేక్షకులను ఆకట్టుకుంటుంది.
'వరల్డ్ ఫేమస్ లవర్' మూవీ రివ్యూ
జీవితం పాఠాలు నేర్పుతుంది, ప్రేమ .. పరీక్షలు పెడుతుంది. గౌతమ్ అనే ఒక ప్రేమికుడికి  జీవితం ఎలాంటి పాఠాలు నేర్పింది? ప్రాణంగా ప్రేమించిన అమ్మాయి నుంచి అతనికి ఎటువంటి పరీక్షలు ఎదురయ్యాయి? వాటిని అతను ఎలా అధిగమించాడు? అనేదే ఈ సినిమా కథ. హీరోతో పాటు నలుగురు కథానాయికల పాత్రలకి ప్రాధాన్యతనిస్తూ ఈ కథ నడుస్తుంది. అక్కడక్కడా 'అర్జున్ రెడ్డి'ని గుర్తుచేస్తూ, నిదానమైన కథనంతో సాగే ఈ సినిమా, విజయ్ దేవరకొండ అభిమానులకు నచ్చొచ్చు.
'జాను' మూవీ రివ్యూ
అనుకోకుండా జరిగే కొన్ని సంఘటనలు భవిష్యత్తును నిర్ణయిస్తుంటాయి .. జీవితాన్ని మార్చేస్తుంటాయి. అలాంటి ఒక సంఘటన ఇద్దరి ప్రేమికులను దూరం చేస్తుంది. ఆ సంఘటన ఏమిటి? చాలా కాలం తరువాత కలుసుకున్న ఆ ఇద్దరూ ఆ జ్ఞాపకాలను ఎలా పంచుకున్నారు? అనేది కథ. అనుభూతి ప్రధానమైన ఈ కథ, ఆ పరిధిని దాటేసి సాగతీతగా అనిపిస్తుంది. ఈ తరహా కథలకు ప్రాణంగా నిలవాల్సిన పాటలు, ప్రేక్షకుల మనసులను పట్టుకోలేకపోయాయి .. ఆకట్టుకోలేకపోయాయి. తమిళ .. కన్నడ భాషా ప్రేక్షకుల ఆదరణ పొందిన ఈ కథ, తెలుగు రీమేక్ గా మాత్రం ఓ మాదిరిగా అనిపిస్తుందంతే. 
'అశ్వద్ధామ ' మూవీ రివ్యూ
ఒక వైపున కుటుంబ గౌరవాన్నీ .. మరో వైపున చెల్లెలి కాపురాన్ని కాపాడుకోవడానికి రంగంలోకి దిగిన కథానాయకుడే  'అశ్వద్ధామ'. నగరంలో ఆడపిల్లలు అదృశ్యం కావడానికి గల కారణాన్ని కనుక్కునే బాధ్యతను కూడా ఆయన తన భుజాలపైనే వేసుకుంటాడు. ఆ ప్రయత్నంలో ఆయన ఎలాంటి పరిస్థితులను ఎదుర్కోవలసి వస్తుంది ? వాటిని ఆయన ఎలా అధిగమించాడు? అనేది కథ. నాగశౌర్య తను స్వయంగా రాసిన కథ ఇది .. నిర్మాత కూడా ఆయనే. నిర్మాణ పరమైన విలువలు బాగానే ఉన్నప్పటికీ కథాపరంగా విషయాల్లో అనుభవలేమి కనిపిస్తుంది. యాక్షన్ ఎపిసోడ్స్ ను మాత్రమే పట్టుకుని వేళ్లాడిన నాగశౌర్య, మిగతా అంశాలను సరిగ్గా రాసుకోలేకపోయాడు .. ప్రేక్షకులను పూర్తిస్థాయిలో మెప్పించలేకపోయాడు.  
'డిస్కోరాజా' మూవీ రివ్యూ
డిస్కోరాజా చిన్న చిన్న దొంగతనాల నుంచి గ్యాంగ్ స్టర్ గా ఎదుగుతాడు. ఆ వృత్తిలో ఆయనకి బర్మా సేతు శత్రువుగా మారతాడు. ఇద్దరి మధ్య ఆధిపత్య పోరు జరుగుతూ ఉంటుంది. ఓ సారి లడఖ్ వెళ్లిన డిస్కోరాజా అక్కడ హత్య చేయబడతాడు. చాలా కాలంగా ఓ డాక్టర్ చేస్తున్న ప్రయోగం ఫలించి, డిస్కోరాజా బ్రతుకుతాడు. అయితే, గతాన్ని మరిచిపోయిన ఆయన ఏం చేస్తాడు? ఆ తరువాత చోటుచేసుకునే పరిణామాలు ఎలాంటివి? అనేదే కథ. ఫస్టాఫ్ సాగతీతగాను .. సెకండాఫ్ కాస్త గందరగోళంగాను సాగే ఈ సినిమా ఓ మాదిరిగా అనిపిస్తుందంతే!
'ఎంత మంచివాడవురా' మూవీ రివ్యూ
బాల్యంలోనే బాలు ఓ ప్రమాదంలో తన తల్లిదండ్రులను పోగొట్టుకుంటాడు. తనకి ఆశ్రయం కల్పించవలసి వస్తుందేమో అన్న ఉద్దేశంతో బంధువులంతా ముఖం చాటేయడం అతనికి బాధ కలిగిస్తుంది. తనలా అయినవారి ప్రేమకి దూరమైనవారికి ఆ లోటు తెలియకుండా ప్రేమను అందించాలనే ఆలోచనతో బాలు రంగంలోకి దిగుతాడు. పర్యవసానంగా అతను ఎలాంటి పరిస్థితులను ఎదుర్కోవలసి వస్తుందనేదే కథ. భవిష్యత్తు తరాలవారికి అందించవలసింది ఆస్తిపాస్తులు కాదు, బంధాలు .. అనుబంధాలు అనే సందేశంతో రూపొందిన ఈ సినిమా కేవలం ఫ్యామిలీ ఆడియన్స్ ను ఆకట్టుకోవచ్చు.
'అల వైకుంఠపురములో' మూవీ రివ్యూ
మధ్యతరగతి కుటుంబానికి చెందిన ఒక తండ్రి, తన కొడుకును శ్రీమంతుడిగా చూసుకోవాలనే స్వార్థంతో, పురిటిలోనే బిడ్డలను మారుస్తాడు. అలా మధ్యతరగతికి చెందిన ఆ బిడ్డ శ్రీమంతుల కుటుంబంలో పెరుగుతాడు. శ్రీమంతుల బిడ్డ మధ్యతరగతి ఇంట్లో ఇబ్బందులు పడుతూ ఎదుగుతాడు. ఈ నిజం ఎలా బయటపడుతుంది? ఎప్పుడు బయటపడుతుంది? అనే ఆసక్తికరమైన మలుపులతో ఈ కథ సాగుతుంది. లవ్ .. కామెడీ .. యాక్షన్ .. ఎమోషన్ పాళ్లతో సాగే ఈ సినిమా ప్రేక్షకులను ఆకట్టుకుంటుంది.
'సరిలేరు నీకెవ్వరు' మూవీ రివ్యూ
దేశ సరిహద్దుల్లో శత్రువుల దాడిని తిప్పికొట్టే మేజర్ అజయ్ కృష్ణ, ప్రొఫెసర్ భారతి కుటుంబానికి అండగా నిలబడవలసి వస్తుంది. అందుకోసం అతను కశ్మీర్ నుంచి కర్నూల్ వస్తాడు. భారతి కుటుంబాన్ని అంతం చేయడానికి ప్రయత్నిస్తున్న మినిస్టర్ నాగేంద్రకు ఎదురు తిరుగుతాడు. ప్రొఫెసర్ భారతికి .. మినిస్టర్ నాగేంద్రకి మధ్య వైరానికి గల కారణం ఏమిటి? భారతికి సపోర్ట్ గా నిలిచిన అజయ్ కృష్ణకి ఎలాంటి పరిస్థితులు ఎదురయ్యాయి? అజయ్ కృష్ణ ఎలా నాగేంద్ర ఆటకట్టించాడు? అనేది కథ. యాక్షన్ .. ఎమోషన్ .. కామెడీ సమపాళ్లలో కలిపి అల్లిన ఈ కథ అన్ని వర్గాల ప్రేక్షకులను ఆకట్టుకుంటుంది. 
'దర్బార్' మూవీ రివ్యూ
డ్రగ్స్ మాఫియా గుప్పెట్లో వున్న యువతను కాపాడటమే ధ్యేయంగా ముంబై పోలీస్ కమిషనర్ ఆదిత్య అరుణాచలం రంగంలోకి దిగుతాడు. ఆ ప్రయత్నంలో తన ఒక్కగానొక్క కూతురును కోల్పోతాడు. అందుకు కారణమైన మాఫియా లీడర్ ను ఆదిత్య అరుణాచలం ఎలా అంతం చేశాడు? అందుకోసం ఎలాంటి వ్యూహాలను ఛేదించాడు? అనేదే కథ. సాధారణమైన కథే అయినా మురుగదాస్ తనదైన స్టైల్లో చెప్పిన తీరు వలన, రజనీ లుక్ .. స్టైల్ కారణంగా ఈ సినిమా ఆయన అభిమానులను ఆకట్టుకుంటుంది. 
'తూటా' మూవీ రివ్యూ
'రఘు' చిన్నతనంలోనే ఆయన అన్నయ్య ఇల్లొదిలిపోతాడు. ఇంజనీరింగ్ చదువుతున్న రఘు .. సినిమాల్లో నటించే 'లేఖ' ప్రేమలో పడతాడు. కొన్ని కారణాల వలన రఘుకి దూరమైన ఆమె, కొంతకాలం తరువాత రఘుకి కాల్ చేస్తుంది. రఘు అన్నయ్యను గురించిన ఒక రహస్యం చెబుతుంది. అదేమిటి? లేఖతో పాటు అన్నయ్యను రక్షించుకోవడం కోసం రఘు ఏం చేస్తాడు? అనేవి మిగతా కథ. ఫస్టాఫ్ లో కథ అర్థం కావడానికి కొంత సమయం పడుతుంది. సెకండాఫ్ లో కొంత అర్థమైనప్పటికీ, ఆశించినస్థాయిలో లేని ముగింపు అసంతృప్తిని కలిగిస్తుంది.
'మత్తు వదలరా' మూవీ రివ్యూ
ఆర్థికపరమైన సమస్యలతో ముగ్గురు స్నేహితులు ఇరుకైన ఒక చిన్న గదిలో వుంటూ నానా కష్టాలు పడుతుంటారు. డెలివరీ బాయ్ గా పనిచేస్తున్న కథానాయకుడు ఒక ఐటమ్ ను అందజేయడానికి ఒక ఫ్లాట్ కి వెళతాడు. అక్కడ జరిగే అనూహ్యమైన సంఘటనతో కథ మలుపు తిరుగుతుంది. ఆ సంఘటన ఏమిటి? పర్యవసానంగా చోటుచేసుకునే పరిణామాలు ఎలాంటివి? అనేదే మిగతా కథ. ఫస్టాఫ్ లో కథ కాస్త నెమ్మదించినా, ఆ తరువాత ఆసక్తికరమైన మలుపులతో ఆకట్టుకుంటుంది.
'ఇద్దరి లోకం ఒకటే' మూవీ రివ్యూ
ప్రేమలో పడిన తరువాత కొన్ని సంఘటనలు అందమైన జ్ఞాపకాలుగా .. అనిర్వచనీయమైన అనుభూతులుగా మారతాయి. అయితే కొంతమంది విషయంలో చిన్ననాటి అందమైన జ్ఞాపకాలు .. అనుభూతులే ప్రేమగా మారతాయి. అలా రెండో కోవకి చెందిన ప్రేమకథగా ప్రేక్షకుల ముందుకు వచ్చిన చిత్రమే 'ఇద్దరి లోకం ఒకటే'. ఒక చిన్నపాయింట్ పట్టుకుని మొదటి నుంచి చివరివరకూ సాగదీసిన ఈ కథ, ప్రేక్షకుల సహనానికి మాత్రం పరీక్ష పెడుతుంది! 
'రూలర్' మూవీ రివ్యూ
ఉత్తరప్రదేశ్ ప్రాంతంలో స్థిరపడిన తెలుగు రైతులు .. అక్కడ వారికి ఎదురైన కష్టాలు .. ప్రాణాలను పణంగా పెట్టి వాళ్లను ఆదుకున్న కథానాయకుడి కథ ఇది. బాలకృష్ణ రెండు విభిన్నమైన పాత్రలను ధరించిన ఈ సినిమా, నిర్మాణం పరంగా భారీగా కనిపిస్తుందిగానీ, కథాకథనాలపరంగా బలహీనంగా అనిపిస్తుంది. అతకని సన్నివేశాలతో అసంతృప్తిని కలిగిస్తుంది.
'ప్రతిరోజూ పండగే' మూవీ రివ్యూ
కన్నతండ్రి ప్రాణాలకంటే ఉద్యోగాలే ఎక్కువనుకునే కొడుకులు ఒక వైపు .. చివరి క్షణాల్లో కొడుకులతో కలిసి ఉండటమే పండగ అనుకునే తండ్రి ఒక వైపు. ఆ కొడుకుల ఆలోచనా విధానాన్ని మార్చి .. ఆ తండ్రి ముచ్చట తీర్చే ఒక మనవడి కథే ఇది. బలమైన ఎమోషన్స్ తో తాతా మనవళ్ల చుట్టూ తిరుగుతూ, అందమైన ప్రేమను .. ఆహ్లాదకరమైన కామెడీని టచ్ చేస్తూ సాగే ఈ కథ ఆద్యంతం ఆకట్టుకుంటుంది.
'వెంకీమామ' మూవీ రివ్యూ
మేనల్లుడి ఆలనా పాలన చూసుకోవడం కోసం పెళ్లి చేసుకోవడం మానేసిన మేనమామ ఒక వైపు. ఆ మేనమామ కోసం తన ప్రేమను త్యాగం చేయడానికి సిద్ధపడిన మేనల్లుడు మరో వైపు. ఈ రెండు పాత్రలు ప్రధానంగా గ్రామీణ నేపథ్యంలో సాగిన ఈ కథ, ఫ్యామిలీ ఆడియన్స్ తో పాటు యూత్ ను .. మాస్ ఆడియన్స్ ను కూడా ఆకట్టుకుంటుంది.
'భాగ్యనగర వీధుల్లో గమ్మత్తు' మూవీ రివ్యూ
ఒక వైపున షార్ట్ ఫిల్మ్స్ లో నటించే ముగ్గురు స్నేహితులు .. మరో వైపున డ్రగ్స్ ను అక్రమంగా తరలించే మాఫియా ముఠా .. వాళ్ల రహస్యాలకి సంబంధించిన ఆధారాలతో తప్పించుకు తిరిగే యువతి .. ఆ ముఠాను పట్టుకోవడానికి ప్రయత్నించే పోలీసుల చుట్టూ తిరిగే కథ ఇది. కసరత్తు చేయని కథతో .. పై పై అల్లేసిన కథనంతో చుట్టేసిన ఈ సినిమా అలరించడం సంగతి అటుంచితే, గందరగోళానికి గురిచేయడంలోనే సక్సెస్ అయింది.
'మిస్ మ్యాచ్' మూవీ రివ్యూ
రెండు ప్రాంతాలు .. రెండు కుటుంబాలు .. వేరు వేరు స్వభావాలు .. అయినా ఒకటి కావాలని ఆరాటపడే రెండు మనసులు. పెళ్లి చేసుకోవాలనుకున్న ఆ జంటకి ఎలాంటి పరిస్థితులు ఎదురయ్యాయి? ఎలాంటి పరిణామాలను ఎదుర్కోవలసి వచ్చింది? అనేది కథ. ఆసక్తికరంగా అనిపించని కథాకథనాలతో ఆద్యంతం ఈ సినిమా నీరసంగా సాగుతుంది .. అనూహ్యమైన మలుపులనేవి లేకుండా అసహనానికి గురిచేస్తుంది. 
'90 ఎంఎల్' మూవీ రివ్యూ
మూడు పూటలా 90 ఎం.ఎల్ మందు తాగనిదే ఉండలేని ‘దేవదాసు’, మందు వాసన తమ గేటు బైట ఉండగానే పసిగట్టే ‘సువాసన’ను ప్రేమిస్తాడు. తన ఈ అలవాటును కప్పిపుచ్చుకుంటూ కథానాయికతో ప్రేమను కొనసాగిస్తాడు. అనుకోని పరిస్థితుల్లో దేవదాసు నిత్య తాగుబోతు అని తెలుసుకున్న కథానాయిక అతనికి దూరం అవుతుంది. ప్రియురాలికి నిజం చెప్పి ఆమె ప్రేమను ఎలా తిరిగి పొందగలిగాడు అనేది కథ. మాస్ ప్రేక్షకులను టార్గెట్ చేసుకున్న ఈ చిత్రం ఆ వర్గానికి నచ్చే అంశాలతో రూపొందింది.
'రాజావారు రాణిగారు' మూవీ రివ్యూ
రాణిపట్ల తన మనసులోని ప్రేమను బయటపెట్టలేక రాజా మౌనంగా ఆరాధిస్తూ ఉంటాడు. కాలేజ్ చదువు కోసం ఊరెళ్లిన రాణి తిరిగిరాగానే ఆమెను ప్రేమిస్తున్నట్టుగా చెప్పాలనుకుంటాడు. ఈ లోగా రాణి తండ్రి ఆమెను తన మేనల్లుడికిచ్చి పెళ్లి చేయాలనుకుంటాడు. అప్పుడు రాజా ఏం చేస్తాడు? పర్యవసానంగా ఏం జరుగుతుంది? అనేదే కథ. పస లేని కథ ..పట్టులేని కథనంతో ఈ పల్లెటూరి ప్రేమకథ ఆకట్టుకోలేకపోయింది.
Actor Nani shares fun time video with family..
Actor Nani shares fun time video with family
Hyderabad CP Anjani Kumar warns WhatsApp media admins..
Hyderabad CP Anjani Kumar warns WhatsApp media admins
Never heard any govt threatening another like this: Shashi..
Never heard any govt threatening another like this: Shashi Tharoor on Trump’s retaliation threat
Chiranjeevi fulfilling dream of writing autobiography duri..
Chiranjeevi fulfilling dream of writing autobiography during Covid-19 lockdown
Bollywood fitness queen Katrina Kaif, her sister Isabelle ..
Bollywood fitness queen Katrina Kaif, her sister Isabelle Kaif share workout video
India may go for 'staggered' exit post 21 day covid lockdo..
India may go for 'staggered' exit post 21 day covid lockdown; PM asks states to come up with plan
Covid-19 cases dropped sharply in AP; Face to face with PV..
Covid-19 cases dropped sharply in AP; Face to face with PV Ramesh
25,000 completed quarantine in Telangana, likely to be rel..
25,000 completed quarantine in Telangana, likely to be released today
Viral: Khushi holds sister Janhvi by her teeth to keep her..
Viral: Khushi holds sister Janhvi by her teeth to keep her close during lockdown period
Positive cases in AP rises to 304, one more Covid-19 death..
Positive cases in AP rises to 304, one more Covid-19 death in Kurnool