ap7am logo

'రాగల 24 గంటల్లో' మూవీ రివ్యూ

Fri, Nov 22, 2019, 11:17 PM
Movie Name: Ragala 24 Gantallo
Release Date: 22-11-2019
Cast: Eesha Rebbah, Sathya Dev, Sri Ram, Ganesh Venkatraman 
Director: Srinivas Redde 
Producer: Srinivas Kanuru
Music: Raghu Kunche 
Banner: Sri Navhas Creations 

అనాథశరణాలయంలో పెరిగిన 'విద్య'ను, శ్రీమంతుడైన రాహుల్ ప్రేమించి పెళ్లి చేసుకుంటాడు. పెళ్లి జరిగిన కొంతకాలానికే అతను హత్యకి గురవుతాడు. ఆ హత్యకి కారకులు ఎవరు? ఎందుకు అతణ్ణి హత్య చేయవలసి వచ్చింది? అనేదే కథ. ఆద్యంతం అనూహ్యమైన మలుపులతో సాగే ఈ కథ, సస్పెన్స్ థ్రిల్లర్స్ ను ఇష్టపడేవారికి ఫరవాలేదనిపిస్తుంది. 

కథ కొంతదూరం ప్రయాణం చేయగానే ఒక మర్డర్ జరగడం .. ఆ మర్డర్ పై అనేక కోణాల్లో అనుమానాలు తలెత్తేలా చేయడం.. చివరికి అసలు హంతకులను రివీల్ చేయడం తరహాలో గతంలో చాలానే కథలు వచ్చాయి. ఇలాంటి కథలు .. కథనంపై ఎక్కువగా ఆధారపడతాయి. అసలు హంతకులు ఎవరనే విషయాన్నీ చివరి వరకూ ప్రేక్షకులు అంచనా వేయలేని కథనంతో సాగే కథలే కిక్ ఇస్తుంటాయి. 'రాగల 24 గంటల్లో' చిత్రం అలాంటి కిక్ ఇచ్చిందేమో చూద్దాం.

కథలోకి వెళితే .. రాహుల్ (సత్యదేవ్) యాడ్ ఫిల్మ్ మేకర్ గా మంచి పేరు ప్రఖ్యాతులను సంపాదిస్తాడు. శ్రీమంతుడైన అతనికి అనుకోకుండా విద్య (ఈషా రెబ్బా) తారసపడుతుంది. అనాథగా పెరిగిన ఆమెను రాహుల్ ప్రేమించి పెళ్లి చేసుకుంటాడు. కోటి ఆశలతో ఆమె అతని ఇంట్లోకి అడుగుపెడుతుంది. అయితే కొంతకాలానికే రాహుల్ హత్యకి గురవుతాడు. ఆ హత్యకి కారకులు ఎవరు? ఎలాంటి పరిస్థితులు అతని హత్యకి దారితీశాయి? అనే ఉత్కంఠభరితమైన మలుపులతో కథ ముందుకు వెళుతుంది.

దర్శకుడు శ్రీనివాసరెడ్డి ఈ కథను ఎత్తుకున్న తీరు బాగుంది. మేఘన అనే ఒక అమ్మాయి హత్యకేసులో జైలుకెళ్లిన ఖైదీలు ఓ రాత్రివేళలో తప్పించుకుని, ఒంటరిగా వున్న కథానాయిక ఇంట్లోకి ప్రవేశిస్తారు. అలా ఆరంభం నుంచే ప్రేక్షకులలో ఆసక్తిని పెంచుతూ వెళ్లాడు. ఒక వైపున హోరున వర్షం .. మరో వైపున పారిపోయిన ఖైదీలు .. ఇంకో వైపున విద్య భర్త హత్య .. పోలీసుల వెతుకులాట. ఇలా అన్ని వైపుల నుంచి శ్రీనివాస రెడ్డి కథను అల్లుకొచ్చిన విధానం ఆకట్టుకుంటుంది.

అయితే అర్థరాత్రివేళ తన ఇంటికి వచ్చిన ఖైదీలకు విద్య కూల్ గా ఫ్లాష్ బ్యాక్ చెప్పడం చిత్రంగా అనిపిస్తుంది. ఇక ఆ తరువాత ఈ ముగ్గురు ఖైదీలు పోలీస్ కమీషనర్ ఇంట్లో శ్రీవిద్యను కలవడం మరింత విడ్డూరం. ఒక పాత్ర చేత అతిగా యాక్షన్ చేయించి, హంతకులు ఎవరనే 'క్లూ'ను దర్శకుడు ముందుగా ఇచ్చినట్టుగా అనిపిస్తుంది. ఈషా రెబ్బా - గణేశ్ వెంకట్రామన్ ఫ్లాష్ బ్యాక్ ఎపిసోడ్ చాలా సిల్లీగా అనిపిస్తుంది. గణేశ్ వెంకట్రామన్ స్నేహితుడిగా 'అదిరే అభి' పాత్ర .. ఈషా రెబ్బా పక్కింటి వ్యక్తిగా కృష్ణభగవాన్ పాత్రలు అనవసరం. కృష్ణభగవాన్ ఈ సినిమాకి మాటలు రాశాడు కనుక, ఈ పాత్రను క్రియేట్ చేసుకుని ముచ్చట తీర్చుకుని ఉంటాడు. ఇక ట్విస్టులపై ట్విస్టులు ఇస్తూ వెళ్లిన దర్శకుడు, ఎలాంటి కన్ఫ్యూజన్ లేకుండా జాగ్రత్తగా వాటిని రివీల్ చేస్తూ వెళ్లాడు.

ఈ సినిమాలో రాహుల్ పాత్రలో సత్యదేవ్ చాలా బాగా చేశాడు. డబ్బుకోసం .. యాడ్ ఫిల్మ్ మేకింగ్ పట్ల తనకి గల ముచ్చట తీర్చుకోవడంకోసం ఎంతకైనా తెగించే పాత్రలో మెప్పించాడు. ఆయన భార్య పాత్రలో ఈషా రెబ్బా నటన ఆకట్టుకుంటుంది. అయితే ఆమె హెయిర్ స్టైల్ విషయంలో శ్రద్ధ తీసుకుని ఉంటే ఆమె మరింత అందంగా కనిపించి ఉండేది. భర్తపట్ల ప్రేమను .. భయాన్ని ఆమె చక్కగా పలికించింది. పోలీస్ ఆఫీసర్ పాత్రలో శ్రీరామ్ నటన బాగుంది. ఇక గణేశ్ వెంకట్రామన్ పాత్ర పరిధిలో చేశాడు.

కథాకథనాలపరంగా కొన్ని లోపాలు ఉన్నప్పటికీ, సంగీతం .. రీ రికార్డింగ్ .. ఫొటోగ్రఫీ ఈ సినిమాను నెక్స్ట్ లెవెల్ కి తీసుకెళ్లాయి. రఘు కుంచె సంగీతం బాగుంది. 'నీ నగుమోముకి నమోనమః' .. 'ఆకాశాన్ని కూర్చోబెడతా నీ అరచేతిలో' అనే పాటలు బాగున్నాయి. ఆయన అందించిన రీ రికార్డింగ్ ప్రేక్షకులు కథలో భాగమైపోయేలా చేసింది. ప్రతి సన్నివేశం  స్థాయిని పెంచుతూ వెళ్లింది. 'గరుడ వేగ' అంజి ఫొటోగ్రఫీ ఈ సినిమాకి ప్రధానమైన బలంగా నిలిచింది. వర్షం నేపథ్యంలోని దృశ్యాలను చాలా ఇంట్రెస్టింగ్ గా ఆవిష్కరించాడు. తమ్మిరాజు ఎడిటింగ్ కి కూడా మంచి మార్కులే దక్కుతాయి. 'నేను ఏ విషయాన్నైనా సెన్స్ తో కాకుండా లెన్స్ తో చూస్తాను' అనే సత్యదేవ్ డైలాగ్ బాగుంది. 'నా కథను మీరు వింటున్నారని అనుకున్నానుగానీ, మీ కథలో నేను వున్నానని నాకు ఇప్పుడే తెలిసింది' అనే డైలాగ్ సందర్భానుసారంగా బాగా పేలింది.  

ఒక సస్పెన్స్ థ్రిల్లర్ లో ఉండవలసిన మలుపులు .. మెరుపులు ఈ సినిమాలో వున్నాయి. చిన్న సినిమా అయినప్పటికీ  నిర్మాణ విలువలు బాగున్నాయి. వాస్తవానికి దూరంగా అనిపించే ఒకటి రెండు సన్నివేశాల వలన, అవసరం లేకపోయినా తెరపైకి ఎంట్రీ ఇచ్చే ఒకటి రెండు పాత్రల వలన కాస్త అసహనంగా అనిపించినా, సంగీతం .. రీ రికార్డింగ్ .. ఫొటోగ్రఫీ చేసిన సపోర్ట్ కారణంగా ఈ సినిమా ఫరవాలేదనిపిస్తుంది.      


Review By: Peddinti
X

Feedback Form

I agree to Terms of Service & Privacy Policy
'భాగ్యనగర వీధుల్లో గమ్మత్తు' మూవీ రివ్యూ
ఒక వైపున షార్ట్ ఫిల్మ్స్ లో నటించే ముగ్గురు స్నేహితులు .. మరో వైపున డ్రగ్స్ ను అక్రమంగా తరలించే మాఫియా ముఠా .. వాళ్ల రహస్యాలకి సంబంధించిన ఆధారాలతో తప్పించుకు తిరిగే యువతి .. ఆ ముఠాను పట్టుకోవడానికి ప్రయత్నించే పోలీసుల చుట్టూ తిరిగే కథ ఇది. కసరత్తు చేయని కథతో .. పై పై అల్లేసిన కథనంతో చుట్టేసిన ఈ సినిమా అలరించడం సంగతి అటుంచితే, గందరగోళానికి గురిచేయడంలోనే సక్సెస్ అయింది.
'మిస్ మ్యాచ్' మూవీ రివ్యూ
రెండు ప్రాంతాలు .. రెండు కుటుంబాలు .. వేరు వేరు స్వభావాలు .. అయినా ఒకటి కావాలని ఆరాటపడే రెండు మనసులు. పెళ్లి చేసుకోవాలనుకున్న ఆ జంటకి ఎలాంటి పరిస్థితులు ఎదురయ్యాయి? ఎలాంటి పరిణామాలను ఎదుర్కోవలసి వచ్చింది? అనేది కథ. ఆసక్తికరంగా అనిపించని కథాకథనాలతో ఆద్యంతం ఈ సినిమా నీరసంగా సాగుతుంది .. అనూహ్యమైన మలుపులనేవి లేకుండా అసహనానికి గురిచేస్తుంది. 
'90 ఎంఎల్' మూవీ రివ్యూ
మూడు పూటలా 90 ఎం.ఎల్ మందు తాగనిదే ఉండలేని ‘దేవదాసు’, మందు వాసన తమ గేటు బైట ఉండగానే పసిగట్టే ‘సువాసన’ను ప్రేమిస్తాడు. తన ఈ అలవాటును కప్పిపుచ్చుకుంటూ కథానాయికతో ప్రేమను కొనసాగిస్తాడు. అనుకోని పరిస్థితుల్లో దేవదాసు నిత్య తాగుబోతు అని తెలుసుకున్న కథానాయిక అతనికి దూరం అవుతుంది. ప్రియురాలికి నిజం చెప్పి ఆమె ప్రేమను ఎలా తిరిగి పొందగలిగాడు అనేది కథ. మాస్ ప్రేక్షకులను టార్గెట్ చేసుకున్న ఈ చిత్రం ఆ వర్గానికి నచ్చే అంశాలతో రూపొందింది.
'రాజావారు రాణిగారు' మూవీ రివ్యూ
రాణిపట్ల తన మనసులోని ప్రేమను బయటపెట్టలేక రాజా మౌనంగా ఆరాధిస్తూ ఉంటాడు. కాలేజ్ చదువు కోసం ఊరెళ్లిన రాణి తిరిగిరాగానే ఆమెను ప్రేమిస్తున్నట్టుగా చెప్పాలనుకుంటాడు. ఈ లోగా రాణి తండ్రి ఆమెను తన మేనల్లుడికిచ్చి పెళ్లి చేయాలనుకుంటాడు. అప్పుడు రాజా ఏం చేస్తాడు? పర్యవసానంగా ఏం జరుగుతుంది? అనేదే కథ. పస లేని కథ ..పట్టులేని కథనంతో ఈ పల్లెటూరి ప్రేమకథ ఆకట్టుకోలేకపోయింది.
'అర్జున్ సురవరం' మూవీ రివ్యూ
నకిలీ సర్టిఫికెట్లకి సంబంధించిన వ్యాపారం కోట్ల రూపాయల్లో కొనసాగుతూ ఉంటుంది. ఆ మాఫియా దెబ్బకి 'అర్జున్ సురవరం' అనే రిపోర్టర్ భవిష్యత్తు కూడా ప్రశ్నార్థకంగా మారుతుంది. దాంతో ఆ మాఫియాకి అడ్డుకట్టవేయడానికి అతను రంగంలోకి దిగుతాడు. పర్యవసానంగా అతనికి ఎదురయ్యే పరిస్థితులతో ఈ కథ సాగుతుంది. బలమైన కథాకథనాలతో .. ఆద్యంతం ఆసక్తికరమైన మలుపులతో సాగే ఈ సినిమా ఆకట్టుకుంటుంది.
'తోలుబొమ్మలాట' మూవీ రివ్యూ
జీవితానికి అందాన్నిచ్చేది .. జీవితానికో అర్థాన్నిచ్చేవి బంధాలు - అనుబంధాలేనని నమ్మే వ్యక్తి సోమరాజు. తన కుటుంబ సభ్యులంతా సఖ్యతగా ఉన్నారని భావించిన ఆయనకి, అందులో నిజంలేదనే విషయం తన మరణం తరువాత తెలుస్తుంది. ఆత్మగా వున్న ఆయన, వాళ్లలో మార్పు తీసుకురావడం కోసం ఏం చేశాడనేదే కథ. మూడు తరాలకి చెందిన కుటుంబ సభ్యులతో కలిసి సాగే ఈ కథ ఫరవాలేదనిపిస్తుంది.
'రాగల 24 గంటల్లో' మూవీ రివ్యూ
అనాథశరణాలయంలో పెరిగిన 'విద్య'ను, శ్రీమంతుడైన రాహుల్ ప్రేమించి పెళ్లి చేసుకుంటాడు. పెళ్లి జరిగిన కొంతకాలానికే అతను హత్యకి గురవుతాడు. ఆ హత్యకి కారకులు ఎవరు? ఎందుకు అతణ్ణి హత్య చేయవలసి వచ్చింది? అనేదే కథ. ఆద్యంతం అనూహ్యమైన మలుపులతో సాగే ఈ కథ, సస్పెన్స్ థ్రిల్లర్స్ ను ఇష్టపడేవారికి ఫరవాలేదనిపిస్తుంది. 
'జార్జి రెడ్డి' మూవీ రివ్యూ
ఉస్మానియా యూనివర్సిటీలో 'జార్జి రెడ్డి' చదువుకునేటప్పుడు వున్న సమస్యలు, వాటి పరిష్కారానికై విద్యార్థులను చైతన్యవంతులను చేస్తూ ఆయన పోరాట శంఖం పూరించిన తీరుతో ఈ కథ నడుస్తుంది. ఆ కాలంనాటి కాస్ట్యూమ్స్ విషయంలో కొంత ఇబ్బంది పడినట్టుగా అనిపించినా, సహజత్వానికి దగ్గరగా ఆవిష్కరించిన సన్నివేశాలతో ఈ సినిమా యూత్ ను ఆకట్టుకుంటుందనే చెప్పాలి.
'విజయ్ సేతుపతి' మూవీ రివ్యూ
పచ్చదనానికీ .. మంచితనానికి ప్రతీకగా కనిపించే పల్లెటూరు అది. ఆ ఊరు బాగు కోసం తపించే దేవరాజ్ కొడుకే విజయ్ సేతుపతి. రాజకీయనాయకుడైన చంటబ్బాయ్ .. పారిశ్రామికవేత్త అయిన సంజయ్ కలిసి ఆ ఊళ్లో 'కాపర్ ఫ్యాక్టరీ' పెట్టాలనుకుంటారు. ఆ నిర్ణయాన్ని వ్యతిరేకించిన కారణంగా తన తల్లిదండ్రులనీ, కాబోయే భార్యని విజయ్ సేతుపతి పోగొట్టుకుంటాడు. ఆ తరువాత ఆయన ఏం చేస్తాడు? అనేదే కథ. ఏ మాత్రం కొత్తదనం లేని ఈ కథ సహనానికి పరీక్ష పెడుతూ సాగుతుంది. 
'యాక్షన్' మూవీ రివ్యూ
ఒక ఉన్నతమైన కుటుంబం నుంచి వచ్చిన ఆర్మీ ఆఫీసర్ సుభాశ్, ఒకానొక సంఘటనలో తాను ప్రేమించే అమ్మాయినీ .. తనని ప్రేమించే అన్నయ్యను పోగొట్టుకుంటాడు. తమ కుటుంబ సభ్యుల కారణంగానే కాబోయే ప్రధాని కూడా చనిపోయాడనే నిందను భరించలేకపోతాడు. ఆ సంఘటన వెనక ఎవరున్నారో తెలుసుకుని చట్టానికి అప్పగించి, తన కుటుంబ పరువు ప్రతిష్ఠలను నిలబెట్టడం కోసం సుభాశ్ చేసే ప్రయత్నమే ఈ కథ. 
'తెనాలి రామకృష్ణ బీఏ బీఎల్' మూవీ రివ్యూ
రాజకీయంగా తన ఎదుగుదలకి వరలక్ష్మి అడ్డుగా మారుతుందనే ఉద్దేశంతో, సింహాద్రినాయుడు ఆమెను ఓ హత్య కేసులో ఇరికిస్తాడు. లాయర్ తెనాలి రామకృష్ణ తన తెలివితేటలతో, నిందితురాలైన వరలక్ష్మిని నిర్దోషిగా నిరూపిస్తాడు. ఆ తరువాత తెలిసిన నిజంతో బిత్తరపోతాడు. ఆ నిజం ఏమిటి? దాని పర్యవసానాలు ఎలాంటివి? అనే ఆసక్తికరమైన అంశాల చుట్టూ ఈ కథ తిరుగుతుంది. వినోదమే ప్రధానంగా రూపొందిన ఈ సినిమా ఫరవాలేదనిపిస్తుంది.
'తిప్పరా మీసం' మూవీ రివ్యూ
చిన్నతనంలోనే చెడు బాట పట్టిన కొడుకు .. అతనితో పాటే పెరుగుతూ వచ్చిన వ్యసనాలు. అతను మంచి మార్గంలోకి అడుగుపెట్టే రోజు కోసం ఎదురుచూసే తల్లి. ఆమె ప్రేమకి ద్వేషాన్ని ఫలితంగా ముట్టజెప్పే కొడుకు. ఇలా తల్లీకొడుకుల మధ్య నడిచే కథ ఇది. ప్రధానమైన కథకు వినోదపరమైన మిగతా అంశాలను జోడించకపోవడం వలన, ఈ సినిమా ఇటు యూత్ ను .. అటు ఫ్యామిలీ ఆడియన్స్ ను ఆకట్టుకోలేకపోయిందని చెప్పొచ్చు.
'ఏడు చేపల కథ' మూవీ రివ్యూ
ఒక వైపున ఆత్మల ఆవాహన .. మరో వైపున అరుదైన వ్యాధితో బాధపడే హీరో బృందం .. ఇంకో వైపున తనకి తెలియకుండానే తాను ఎలా గర్భవతినయ్యాననే విషయం తెలుసుకోవడానికి ప్రయత్నించే హీరోయిన్. ఇలాంటి ముఖ్యమైన అంశాలను ముడివేసుకుంటూ వెళ్లిన కథే .. 'ఏడు చేపల కథ'. అడల్ట్ కంటెంట్ చిత్రాలను ఇష్టపడే ప్రేక్షకులకు కూడా ఈ సినిమా ఓ మాదిరిగా అనిపించడం కష్టమేనేమో.
'ఆవిరి' మూవీ రివ్యూ
రాజ్ దంపతులకు ఇద్దరు కుమార్తెలు. పెద్ద కూతురును పోగొట్టుకున్న ఆ దంపతులు, ఆ జ్ఞాపకాలకు దూరంగా వేరే ఇంటికి మారతారు. అక్కడికి వెళ్లిన దగ్గర నుంచి చిన్నకూతురి ప్రవర్తనలో మార్పు వస్తుంది. ఓ రాత్రివేళ హఠాత్తుగా ఆ అమ్మాయి అదృశ్యమవుతుంది. అందుకు కారకులు ఎవరు? అసలా ఇంట్లో ఏం జరుగుతోంది? అనే మలుపులతో 'ఆవిరి' సినిమా సాగుతుంది. ఆసక్తికరమైన కథనం కారణంగా ఈ ఫ్యామిలీ థ్రిల్లర్ ఈ తరహా కథలను ఇష్టపడే ప్రేక్షకులకు నచ్చుతుంది.
'మీకు మాత్రమే చెప్తా' మూవీ రివ్యూ
తనకి కాబోయే భర్త నిజాయితీ పరుడై, ఎలాంటి వ్యసనాలు లేనివాడై వుండాలని కోరుకునే యువతి ఒక వైపు, తన గురించిన ఒక విషయం ఆమెకి తెలిస్తే తమ పెళ్లి ఆగిపోతుందనే ఉద్దేశంతో ఒక యువకుడు పడే పాట్లు మరో వైపు. కథ అంతా కూడా ఈ అంశం చుట్టూనే తిరుగుతుంది. అక్కడక్కడా మాత్రమే నవ్వించే ఈ సినిమా ఓ మాదిరిగా అనిపిస్తుందంతే.
'తుపాకి రాముడు' మూవీ రివ్యూ
పుట్టుకతోనే అనాథలా విసిరివేయబడిన రాముడు, ఆ ఊళ్లో వాళ్లంతా తమవాడు అనుకునేలా పెరుగుతాడు. పుస్తకాల షాపు నడుపుకునే అనితపై మనసు పారేసుకున్న రాముడికి ఒక చేదు నిజం తెలుస్తుంది. అదేమిటి? అప్పుడు రాముడు ఏం చేస్తాడు? అనేదే కథ. గ్రామీణ నేపథ్యంలో సాదాసీదాగా సాగిపోయే ఈ కథ, బిత్తిరి సత్తి నుంచి ఆశించే కామెడీని అందించలేకపోయింది. 
'ఖైదీ' మూవీ రివ్యూ
840 కోట్ల విలువ చేసే 900 కేజీల డ్రగ్స్ పోలీసుల చేతికి చిక్కుతుంది. ఆ డ్రగ్స్ ను తిరిగి చేజిక్కించుకోవడానికి మాఫియా గ్యాంగ్ రంగంలోకి దిగుతుంది. వాళ్ల ప్రయత్నాన్ని అడ్డుకునేందుకు పోలీసులు డిల్లీ అనే ఒక ఖైదీ సాయం కోరతారు. తన కూతురిని కలుసుకోవడం కోసం వాళ్లకి సహకరించడానికి అంగీకరించిన ఆ ఖైదీ, చివరికి తన కూతురిని కలుసుకున్నాడా లేదా అనేదే కథ. బలమైన కథ .. ఆసక్తికరమైన కథనంతో ఈ సినిమా మొదటి నుంచి చివరి వరకూ ప్రేక్షకులను కట్టిపడేస్తుంది. 
'విజిల్' మూవీ రివ్యూ
రౌడీగా చెలామణి అవుతున్న రాజప్ప, తన తనయుడు మైఖేల్ జాతీయస్థాయిలో ఫుట్ బాల్ ఆటగాడిగా కప్పు గెలుచుకురావాలని కలలు కంటాడు. అయితే కప్పు అందుకోవలసిన మైఖేల్, చివరి నిమిషంలో కత్తి పట్టుకోవలసి వస్తుంది. తండ్రి కోరిక నెరవేర్చడం కోసం కోచ్ గా మారిన ఆయనకి ఎలాంటి అవరోధాలు ఎదురవుతాయి? వాటిని ఆయన ఎలా అధిగమించాడు? అనేదే కథ. యాక్షన్ .. ఎమోషన్ పాళ్లు ఎక్కువై వినోదం పాళ్లు తగ్గిన ఈ సినిమా, గతంలో విజయ్ - అట్లీ కాంబినేషన్లో వచ్చిన 'తెరి' .. 'మెర్సల్' స్థాయిని అందుకోలేకపోయిందనే చెప్పాలి. 
'ఆపరేషన్ గోల్డ్ ఫిష్' మూవీ రివ్యూ
ఎంతోమంది కశ్మీర్ పండిట్లను పొట్టనబెట్టుకున్న పాకిస్థాన్ తీవ్రవాది ఘాజీబాబాను, జాతీయ భద్రతా దళానికి చెందిన అర్జున్ పండిట్ బంధిస్తాడు. ఉరిశిక్ష పడిన ఘాజీబాబాను విడిపించుకోవడానికి ఆయన ప్రధాన సహచరుడైన ఫారుక్ 'ఆపరేషన్ గోల్డ్ ఫిష్' ను ఆరంభించడంతోనే అసలు కథ మొదలవుతుంది. విస్తృతమైన పరిథి కలిగిన ఈ కథలో, దర్శకుడు యాక్షన్ సన్నివేశాలకు మాత్రమే ప్రాధాన్యతనిచ్చి మిగతా వాటిని వదిలేశాడు. ఫలితంగా ప్రేక్షకులకు అసహనం  కలుగుతుంది .. నిరాశే మిగులుతుంది. 
'రాజుగారి గది 3' మూవీ రివ్యూ
మనసుపడిన అమ్మాయిని మనువాడాలనుకున్న ఓ యువకుడు, అందుకు అడ్డుపడుతోన్న ఆత్మలపై చేసే పోరాటమే 'రాజుగారి గది 3'. హారర్ కామెడీ చిత్రాలను ఇష్టపడేవారిని ఈ సినిమా ఇటు నవ్వించలేకపోయింది .. అటు భయపెట్టలేకపోయింది. ఒక్క మాటలో చెప్పాలంటే అంచనాలను అందుకోలేకపోయింది. 
'RDX Love' మూవీ రివ్యూ
ఊరు కోసం .. ఊరు జనాల బాగు కోసం తన శీలాన్ని పణంగా పెట్టిన ఓ అందమైన యువతి కథ ఇది. ఆ ఊరు సమస్యని పరిష్కరించడం కోసం తన ప్రాణాలను సైతం త్యాగం చేయడానికి సిద్ధపడిన అలివేలు కథ ఇది. రొమాంటిక్ లవ్ స్టోరీగా కనిపించే ఈ లేడీ ఓరియెంటెడ్ మూవీలో, శృంగారం - ఆదర్శం అనే రెండు అతకని అంశాలను కలిపి చెప్పడానికి దర్శకుడు చేసిన ప్రయత్నం కొంతవరకు మాత్రమే ఫలించిందని చెప్పాలి. 
'ఎవ్వరికీ చెప్పొద్దు' మూవీ రివ్యూ
ప్రేమకి ఎప్పుడూ ప్రధానమైన అడ్డంకిగా మారేది కులమే. ప్రేమికులను ప్రధమంగా భయపెట్టేదీ కులమే. కులాన్ని ప్రాణంగా భావించే ఒక ఆడపిల్ల తండ్రి .. మరో కులానికి చెందిన యువకుడిని ప్రేమిస్తున్నానని తండ్రికి చెప్పడానికి భయపడే కూతురు .. ఆ అమ్మాయినే భార్యగా పొందడం కోసం తెగించే ఓ ప్రేమికుడు. ఈ ముగ్గురి చుట్టూ తిరిగే ప్రేమకథా చిత్రమే 'ఎవ్వరికీ చెప్పొద్దు'. కులం అనే పాయింట్ చుట్టూ అల్లుకున్న ఈ కథ సందేశాత్మకమే అయినా, దర్శకుడు దానిని పూర్తిస్థాయిలో ఆసక్తికరంగా ఆవిష్కరించలేకపోయాడు. 
'చాణక్య' మూవీ రివ్యూ
'రా' సంస్థలో గోపీచంద్ తో పాటు ఆయన నలుగురు స్నేహితులు ఒక టీమ్ గా పనిచేస్తూ ఉంటారు. ఒకానొక సందర్భంలో గోపీచంద్ మినహా ఆయన నలుగురు స్నేహితులను, పాకిస్థాన్ లోని భారత వ్యతిరేక శక్తి కిడ్నాప్ చేస్తుంది. దాంతో తన ప్రాణాలకి తెగించి మరీ వాళ్లను ఇండియా తీసుకురావడానికి హీరో 'కరాచీ' లో అడుగుపెడతాడు. అక్కడ ఏం జరుగుతుంది? ఎలాంటి పరిస్థితులను ఆయన ఎదుర్కోవలసి వస్తుందనేది ఈ కథ. అనూహ్యమైన మలుపులు .. ఆసక్తికరమైన సంఘటనలు ఎంతమాత్రం లేని ఈ సినిమా, ప్రేక్షకులను ఆకట్టుకోవడం కష్టమే!
'సైరా నరసింహా రెడ్డి' మూవీ రివ్యూ
భారతావని స్వేచ్ఛా స్వాతంత్ర్యాల కోసం ఉద్యమాన్ని ఊపిరిగా చేసుకున్న తొలి పోరాట యోధుడి కథ ఇది. ఉడుకు నెత్తురుతో ఉప్పెనలా ఆంగ్లేయులపై విరుచుకుపడిన ఉయ్యాలవాడ నరసింహారెడ్డి కథ ఇది. దేశమాత సంకెళ్లను తెంచడం కోసం తనని తాను సమిధగా సమర్పించుకున్న అమరవీరుని ఆదర్శ చరిత్రగా 'సైరా' ప్రేక్షకుల ముందుకు వచ్చింది. బలమైన కథాకథనాలకు భారీతనాన్ని జోడించి అందించిన ఈ చిత్రం, చిరంజీవి కెరియర్లో ప్రత్యేక స్థానాన్ని దక్కించుకుందనే చెప్పాలి.
'నిన్ను తలచి' మూవీ రివ్యూ
ప్రేమ అనేది ప్రతి నిమిషాన్ని అందమైన అనుభూతిగా మారుస్తుంది .. ఊహల ఊయలను ఉత్సాహంతో ఊపేస్తుంది. అలాంటి సున్నితమైన ప్రేమకథను సుదీర్ఘంగా చెప్పిన చిత్రమే 'నిన్నుతలచి'. నిజమైన ప్రేమను సొంతం చేసుకునేందుకు కథానాయిక అనుభవించిన మానసిక సంఘర్షణే ఈ సినిమా కథ. హృదయాన్ని తాకే సన్నివేశాలుగానీ .. మాటలుగాని .. పాటలుగాని లేని ఈ సినిమా యూత్ ను నిరాశ పరుస్తుంది.
Revanth Reddy fires on TRS government..
Revanth Reddy fires on TRS government
Man re-marries his wife and ties knot to other women in sa..
Man re-marries his wife and ties knot to other women in same wedding
Women MLAs Tie Rakhi To AP CM YS Jagan..
Women MLAs Tie Rakhi To AP CM YS Jagan
Actor Gollapudi Maruthi Rao Passes Away- LIVE..
Actor Gollapudi Maruthi Rao Passes Away- LIVE
YSRCP MLA says Naidu 'killed 'NTR with mental torture..
YSRCP MLA says Naidu 'killed 'NTR with mental torture
TRS MLA sensational comments on Disha accused case has gon..
TRS MLA sensational comments on Disha accused case has gone viral
Prabhas spotted at Hyderabad airport with new look..
Prabhas spotted at Hyderabad airport with new look
Samantha Akkineni Laughs At Bollywood Media Calling her Ta..
Samantha Akkineni Laughs At Bollywood Media Calling her Tamannaah
Chennakeshavulu and his wife did a crime alleges senior jo..
Chennakeshavulu and his wife did a crime alleges senior journalist
Anasuya Stylish Avatar For Jabardasth..
Anasuya Stylish Avatar For Jabardasth