ap7am logo

'జార్జి రెడ్డి' మూవీ రివ్యూ

Fri, Nov 22, 2019, 04:50 PM
Movie Name: George Reddy
Release Date: 22-11-2019
Cast: Sandeep Madhav, Muskaan, Devika, Sathya Dev, Shatru, Manoj Nandam, Yadamma Raju  
Director: Jeevan Reddy
Producer: Appi Reddy,
Music: Suresh Bobbili 
Banner: Mic Movies 

ఉస్మానియా యూనివర్సిటీలో 'జార్జి రెడ్డి' చదువుకునేటప్పుడు వున్న సమస్యలు, వాటి పరిష్కారానికై విద్యార్థులను చైతన్యవంతులను చేస్తూ ఆయన పోరాట శంఖం పూరించిన తీరుతో ఈ కథ నడుస్తుంది. ఆ కాలంనాటి కాస్ట్యూమ్స్ విషయంలో కొంత ఇబ్బంది పడినట్టుగా అనిపించినా, సహజత్వానికి దగ్గరగా ఆవిష్కరించిన సన్నివేశాలతో ఈ సినిమా యూత్ ను ఆకట్టుకుంటుందనే చెప్పాలి.

ఉస్మానియా విశ్వవిద్యాలయంలో పూర్వ విద్యార్థి అయిన 'జార్జి రెడ్డి' సినిమా అనే సరికి ఇది బయోపిక్ అని అంతా భావించారు. ఈ సినిమా ద్వారా ఎలాంటి వివాదాస్పదమైన అంశాలు తెరపైకి రానున్నాయోనని అనుకున్నారు. అలాంటివాటికి ఎంత మాత్రం అవకాశం ఇవ్వకుండా, ఇది ప్రేరణ మాత్రమేననీ .. కల్పితమని దర్శకుడు ముందుమాటగా చెప్పేశాడు. సందీప్ మాధవ్ ప్రధాన పాత్రధారిగా రూపొందిన ఈ సినిమా ఏ స్థాయిలో ప్రేక్షకులను మెప్పించిందన్నది ఇప్పుడు చూద్దాం.

'జార్జి రెడ్డి' జీవితచరిత్రను డాక్యుమెంటరీగా రూపొందించాలని భావించిన ఓ యువతి, ఆయనకి సంబంధించిన పూర్తి సమాచారాన్ని సేకరించడం కోసం న్యూయార్క్ నుంచి ఇండియాకి బయల్దేరడంతో ఈ కథ మొదలవుతుంది. 'జార్జి రెడ్డి' (సందీప్ మాధవ్) బాల్యంతో కేరళలో మొదలైన ఈ కథ, హైదరాబాదులోని ఉస్మానియా విశ్వవిద్యాలయానికి చేరుకుంటుంది. తెలివైనవాడు .. ధైర్యవంతుడు అయిన జార్జిరెడ్డి, క్యాంపస్ లో వున్న అసమానతలపై గళం విప్పుతాడు. ఆ తరువాత అక్కడి సమస్యల పరిష్కారానికై నడుం బిగించి, విద్యార్థి నాయకుడవుతాడు. తమ రాజకీయాలకు .. రౌడీయిజానికి విద్యార్థులను పావులుగా వాడుకుందామని భావించినవారికి జార్జి రెడ్డి అడ్డంకిగా మారతాడు. ఆయనను అడ్డు తప్పించడానికి వాళ్లు పన్నిన వ్యూహాలతో మిగతా కథ నడుస్తుంది.

దర్శకుడు జీవన్ రెడ్డి .. జార్జి రెడ్డి స్వభావాన్ని దృష్టిలో పెట్టుకుని ఆ పాత్రను చాలా గొప్పగా డిజైన్ చేశాడు .. తెరపై చాలా సహజంగా ఆవిష్కరించాడు. కాలేజ్ క్యాంపస్ అల్లర్లు .. బయటి నుంచి రౌడీ రాజకీయాల ప్రభావం వంటి అంశాలను చాలా బాగా తెరకెక్కించాడు. యాక్షన్ కి .. ఎమోషన్ కి ప్రాధాన్యతనిస్తూనే, కామెడీ కోసం ఒక స్టూడెంట్ గా యాదమ్మరాజు పాత్రను నడిపిన తీరు బాగుంది.

అయితే 'జార్జి రెడ్డి' ఆవేశంతో అప్పటికప్పుడు తీసుకునే నిర్ణయాలను చూపించాడుగానీ, అసలు ఆయన సిద్ధాంతమేమిటి? ఆశయం ఏమిటి? అనే విషయాల్లో క్లారిటీ ఇవ్వలేకపోయాడు. తోటి విద్యార్థుల సమస్యలను పరిష్కరించడం కోసం తన భవిష్యత్తును పణంగా పెట్టాడంటే బలమైన ఆశయమేదో వుండకపోదు. శత్రువులంతా చుట్టుముట్టి కర్రలతో .. కత్తులతో దాడికి దిగుతున్నపుడు 'జార్జి రెడ్డి' తన దగ్గరున్న 'తుపాకి'ని ఎందుకు ఉపయోగించలేదనే సందేహానికి దర్శకుడు సమాధానం చెప్పిస్తే బాగుండేది. ఇక 'జార్జి రెడ్డి' డాక్యుమెంటరీ తీయడానికి వచ్చిన ముస్కాన్ ఎవరు? ఆమె ఇండియాకి వచ్చి ఎవరిని కలిసింది? అనే విషయం కూడా సగటు ప్రేక్షకుడికి అర్థం కాదు. ఆ సన్నివేశాలు కాస్త రిజిస్టర్ అయ్యేలా చిత్రీకరించి ఉండాల్సింది.

ఈ కథలో కీలక పాత్రధారులైన సత్యదేవ్ .. మనోజ్ నందం ఇద్దరూ క్యాంపస్ తో సంబంధం వున్నవారే. 'జార్జి రెడ్డి' పట్ల వాళ్ల అభిప్రాయమేమిటన్నది చూపించరు .. ఈ మూడు పాత్రలు అసలు ఎదురుపడవు .. కారణం తెలియదు. కొన్ని పాత్రలను హఠాత్తుగా ప్రవేశపెట్టేయడం .. మరికొన్ని పాత్రలను అర్థాంతరంగా ముగించడం వంటివి చేశాడు. వినయ్ వర్మ పాత్ర .. తిరువీర్ పాత్ర ఆ కేటగిరిలోకే వస్తాయి. ఈ కథ 1960 -70 మధ్య కాలంనాటిది కావడంతో, అప్పటి కాస్ట్యూమ్స్ తోనే స్టూడెంట్స్ అందరినీ చూపించాలి. ఇక్కడే దర్శకుడు చాలా ఇబ్బందిపడినట్టు అనిపిస్తుంది. ముఖ్యంగా హెయిర్ స్టైల్ విషయంలో ఈ తేడా కొట్టొచ్చినట్టు కనిపిస్తుంది.

'జార్జి రెడ్డి' పాత్రలో సందీప్ మాధవ్ జీవించాడనే చెప్పాలి. తెరపై ఆయన పాత్ర తప్ప ఆయన కనిపించడు. అంత సహజంగా ఆయన నటించాడు. విద్యార్థుల సమస్యలపై మాత్రమే దృష్టిపెట్టిన ఒక విద్యార్థి నాయకుడిగా ఆ పాత్రకి ఆయన పూర్తి న్యాయం చేశాడు. సింపుల్ గా కనిపిస్తూ నీట్ గా ఆ పాత్రను ఓన్ చేసుకున్న తీరుతో ఎక్కువ మార్కులు కొట్టేశాడు.  ఇక కథానాయికగా ముస్కాన్ గ్లామర్ పరంగాను .. నటన పరంగాను పాత్ర పరిథిలో మెప్పించింది. ప్రతినాయకుడి పాత్రలో 'శత్రు' బాగా చేశాడు. సత్యదేవ్ .. వినయ్ వర్మ .. మనోజ్ నందం మంచి ఆర్టిస్టులు. కానీ వాళ్ల పాత్రలను సరిగ్గా డిజైన్ చేయకపోవడం వలన తేలిపోయాయి. ఇక యాదమ్మరాజు పాత్ర పరిధిలో నవ్వించాడు.        

ఈ సినిమాకి సురేశ్ బొబ్బిలి అందించిన  సంగీతం ప్రధాన ఆకర్షణగా నిలిచిందనే చెప్పాలి. సందర్భానుసారంగా వచ్చే పాటలు బాగానే అనిపిస్తాయి. రీ రికార్డింగ్ ఈ సినిమాకి హైలైట్ గా నిలిచిందని చెప్పొచ్చు. యాక్షన్ .. ఎమోషన్ సీన్స్ లోకి ప్రేక్షకుడిని పూర్తిగా ఇన్వాల్వ్ చేస్తూ ఈ రీ రికార్డింగ్ సాగింది. సుధాకర్ ఫొటోగ్రఫీ ఈ సినిమాను ఒక స్థాయిలో నిలబెట్టేసింది. క్యాంపస్ సీన్స్ తో పాటు .. కేరళలోని సీన్స్ ను .. వర్షంలో యాక్షన్ సీన్ ను ఆయన చిత్రీకరించిన తీరు గొప్పగా వుంది. ఈ సినిమాకి ఆర్ట్ డైరెక్టర్ గా 'గాంధీ' పనిచేశారు. ఉస్మానియా యూనివర్సిటీలోని 'ఆర్ట్స్ కాలేజ్' సెట్ ను ఆయన తీర్చిదిద్దిన తీరు చూస్తే అభినందించకుండా ఉండలేం. ఇక ఎడిటింగ్ పరంగా చూసుకుంటే కొన్ని లూజ్ సీన్స్ కనిపిస్తాయి. తిరువీర్ .. మనోజ్ నందం .. వినయ్ వర్మ సీన్స్ అనవసరమనిపిస్తాయి.

దర్శకుడు జీవన్ రెడ్డి రూపొందించిన 'జార్జి రెడ్డి' చూస్తుంటే, ప్రేక్షకులకి థియేటర్లో కాకుండా క్యాంపస్ లో ఉన్నట్టు అనిపిస్తుంది. అంత సహజంగా ఆయన ఈ సినిమాను తెరకెక్కించాడు. అయితే 'జార్జి రెడ్డి' కాలేజ్ లైఫ్ కి సంబంధించిన కంటెంట్ పై .. ఆయనని అంతమొందించాలనుకునే టీమ్ లోని పాత్రలపై మరింత శ్రద్ధ పెట్టి వుంటే ఈ సినిమా మరో మెట్టుపైన ఉండేది. కొన్ని చోట్ల క్లారిటీ మిస్ అయినప్పటికీ, ఓవరాల్ గా చూస్తే ఈ సినిమా ఫరవాలేదనిపిస్తుంది.        




Review By: Peddinti
X

Feedback Form

I agree to Terms of Service & Privacy Policy
'వరల్డ్ ఫేమస్ లవర్' మూవీ రివ్యూ
జీవితం పాఠాలు నేర్పుతుంది, ప్రేమ .. పరీక్షలు పెడుతుంది. గౌతమ్ అనే ఒక ప్రేమికుడికి  జీవితం ఎలాంటి పాఠాలు నేర్పింది? ప్రాణంగా ప్రేమించిన అమ్మాయి నుంచి అతనికి ఎటువంటి పరీక్షలు ఎదురయ్యాయి? వాటిని అతను ఎలా అధిగమించాడు? అనేదే ఈ సినిమా కథ. హీరోతో పాటు నలుగురు కథానాయికల పాత్రలకి ప్రాధాన్యతనిస్తూ ఈ కథ నడుస్తుంది. అక్కడక్కడా 'అర్జున్ రెడ్డి'ని గుర్తుచేస్తూ, నిదానమైన కథనంతో సాగే ఈ సినిమా, విజయ్ దేవరకొండ అభిమానులకు నచ్చొచ్చు.
'జాను' మూవీ రివ్యూ
అనుకోకుండా జరిగే కొన్ని సంఘటనలు భవిష్యత్తును నిర్ణయిస్తుంటాయి .. జీవితాన్ని మార్చేస్తుంటాయి. అలాంటి ఒక సంఘటన ఇద్దరి ప్రేమికులను దూరం చేస్తుంది. ఆ సంఘటన ఏమిటి? చాలా కాలం తరువాత కలుసుకున్న ఆ ఇద్దరూ ఆ జ్ఞాపకాలను ఎలా పంచుకున్నారు? అనేది కథ. అనుభూతి ప్రధానమైన ఈ కథ, ఆ పరిధిని దాటేసి సాగతీతగా అనిపిస్తుంది. ఈ తరహా కథలకు ప్రాణంగా నిలవాల్సిన పాటలు, ప్రేక్షకుల మనసులను పట్టుకోలేకపోయాయి .. ఆకట్టుకోలేకపోయాయి. తమిళ .. కన్నడ భాషా ప్రేక్షకుల ఆదరణ పొందిన ఈ కథ, తెలుగు రీమేక్ గా మాత్రం ఓ మాదిరిగా అనిపిస్తుందంతే. 
'అశ్వద్ధామ ' మూవీ రివ్యూ
ఒక వైపున కుటుంబ గౌరవాన్నీ .. మరో వైపున చెల్లెలి కాపురాన్ని కాపాడుకోవడానికి రంగంలోకి దిగిన కథానాయకుడే  'అశ్వద్ధామ'. నగరంలో ఆడపిల్లలు అదృశ్యం కావడానికి గల కారణాన్ని కనుక్కునే బాధ్యతను కూడా ఆయన తన భుజాలపైనే వేసుకుంటాడు. ఆ ప్రయత్నంలో ఆయన ఎలాంటి పరిస్థితులను ఎదుర్కోవలసి వస్తుంది ? వాటిని ఆయన ఎలా అధిగమించాడు? అనేది కథ. నాగశౌర్య తను స్వయంగా రాసిన కథ ఇది .. నిర్మాత కూడా ఆయనే. నిర్మాణ పరమైన విలువలు బాగానే ఉన్నప్పటికీ కథాపరంగా విషయాల్లో అనుభవలేమి కనిపిస్తుంది. యాక్షన్ ఎపిసోడ్స్ ను మాత్రమే పట్టుకుని వేళ్లాడిన నాగశౌర్య, మిగతా అంశాలను సరిగ్గా రాసుకోలేకపోయాడు .. ప్రేక్షకులను పూర్తిస్థాయిలో మెప్పించలేకపోయాడు.  
'డిస్కోరాజా' మూవీ రివ్యూ
డిస్కోరాజా చిన్న చిన్న దొంగతనాల నుంచి గ్యాంగ్ స్టర్ గా ఎదుగుతాడు. ఆ వృత్తిలో ఆయనకి బర్మా సేతు శత్రువుగా మారతాడు. ఇద్దరి మధ్య ఆధిపత్య పోరు జరుగుతూ ఉంటుంది. ఓ సారి లడఖ్ వెళ్లిన డిస్కోరాజా అక్కడ హత్య చేయబడతాడు. చాలా కాలంగా ఓ డాక్టర్ చేస్తున్న ప్రయోగం ఫలించి, డిస్కోరాజా బ్రతుకుతాడు. అయితే, గతాన్ని మరిచిపోయిన ఆయన ఏం చేస్తాడు? ఆ తరువాత చోటుచేసుకునే పరిణామాలు ఎలాంటివి? అనేదే కథ. ఫస్టాఫ్ సాగతీతగాను .. సెకండాఫ్ కాస్త గందరగోళంగాను సాగే ఈ సినిమా ఓ మాదిరిగా అనిపిస్తుందంతే!
'ఎంత మంచివాడవురా' మూవీ రివ్యూ
బాల్యంలోనే బాలు ఓ ప్రమాదంలో తన తల్లిదండ్రులను పోగొట్టుకుంటాడు. తనకి ఆశ్రయం కల్పించవలసి వస్తుందేమో అన్న ఉద్దేశంతో బంధువులంతా ముఖం చాటేయడం అతనికి బాధ కలిగిస్తుంది. తనలా అయినవారి ప్రేమకి దూరమైనవారికి ఆ లోటు తెలియకుండా ప్రేమను అందించాలనే ఆలోచనతో బాలు రంగంలోకి దిగుతాడు. పర్యవసానంగా అతను ఎలాంటి పరిస్థితులను ఎదుర్కోవలసి వస్తుందనేదే కథ. భవిష్యత్తు తరాలవారికి అందించవలసింది ఆస్తిపాస్తులు కాదు, బంధాలు .. అనుబంధాలు అనే సందేశంతో రూపొందిన ఈ సినిమా కేవలం ఫ్యామిలీ ఆడియన్స్ ను ఆకట్టుకోవచ్చు.
'అల వైకుంఠపురములో' మూవీ రివ్యూ
మధ్యతరగతి కుటుంబానికి చెందిన ఒక తండ్రి, తన కొడుకును శ్రీమంతుడిగా చూసుకోవాలనే స్వార్థంతో, పురిటిలోనే బిడ్డలను మారుస్తాడు. అలా మధ్యతరగతికి చెందిన ఆ బిడ్డ శ్రీమంతుల కుటుంబంలో పెరుగుతాడు. శ్రీమంతుల బిడ్డ మధ్యతరగతి ఇంట్లో ఇబ్బందులు పడుతూ ఎదుగుతాడు. ఈ నిజం ఎలా బయటపడుతుంది? ఎప్పుడు బయటపడుతుంది? అనే ఆసక్తికరమైన మలుపులతో ఈ కథ సాగుతుంది. లవ్ .. కామెడీ .. యాక్షన్ .. ఎమోషన్ పాళ్లతో సాగే ఈ సినిమా ప్రేక్షకులను ఆకట్టుకుంటుంది.
'సరిలేరు నీకెవ్వరు' మూవీ రివ్యూ
దేశ సరిహద్దుల్లో శత్రువుల దాడిని తిప్పికొట్టే మేజర్ అజయ్ కృష్ణ, ప్రొఫెసర్ భారతి కుటుంబానికి అండగా నిలబడవలసి వస్తుంది. అందుకోసం అతను కశ్మీర్ నుంచి కర్నూల్ వస్తాడు. భారతి కుటుంబాన్ని అంతం చేయడానికి ప్రయత్నిస్తున్న మినిస్టర్ నాగేంద్రకు ఎదురు తిరుగుతాడు. ప్రొఫెసర్ భారతికి .. మినిస్టర్ నాగేంద్రకి మధ్య వైరానికి గల కారణం ఏమిటి? భారతికి సపోర్ట్ గా నిలిచిన అజయ్ కృష్ణకి ఎలాంటి పరిస్థితులు ఎదురయ్యాయి? అజయ్ కృష్ణ ఎలా నాగేంద్ర ఆటకట్టించాడు? అనేది కథ. యాక్షన్ .. ఎమోషన్ .. కామెడీ సమపాళ్లలో కలిపి అల్లిన ఈ కథ అన్ని వర్గాల ప్రేక్షకులను ఆకట్టుకుంటుంది. 
'దర్బార్' మూవీ రివ్యూ
డ్రగ్స్ మాఫియా గుప్పెట్లో వున్న యువతను కాపాడటమే ధ్యేయంగా ముంబై పోలీస్ కమిషనర్ ఆదిత్య అరుణాచలం రంగంలోకి దిగుతాడు. ఆ ప్రయత్నంలో తన ఒక్కగానొక్క కూతురును కోల్పోతాడు. అందుకు కారణమైన మాఫియా లీడర్ ను ఆదిత్య అరుణాచలం ఎలా అంతం చేశాడు? అందుకోసం ఎలాంటి వ్యూహాలను ఛేదించాడు? అనేదే కథ. సాధారణమైన కథే అయినా మురుగదాస్ తనదైన స్టైల్లో చెప్పిన తీరు వలన, రజనీ లుక్ .. స్టైల్ కారణంగా ఈ సినిమా ఆయన అభిమానులను ఆకట్టుకుంటుంది. 
'తూటా' మూవీ రివ్యూ
'రఘు' చిన్నతనంలోనే ఆయన అన్నయ్య ఇల్లొదిలిపోతాడు. ఇంజనీరింగ్ చదువుతున్న రఘు .. సినిమాల్లో నటించే 'లేఖ' ప్రేమలో పడతాడు. కొన్ని కారణాల వలన రఘుకి దూరమైన ఆమె, కొంతకాలం తరువాత రఘుకి కాల్ చేస్తుంది. రఘు అన్నయ్యను గురించిన ఒక రహస్యం చెబుతుంది. అదేమిటి? లేఖతో పాటు అన్నయ్యను రక్షించుకోవడం కోసం రఘు ఏం చేస్తాడు? అనేవి మిగతా కథ. ఫస్టాఫ్ లో కథ అర్థం కావడానికి కొంత సమయం పడుతుంది. సెకండాఫ్ లో కొంత అర్థమైనప్పటికీ, ఆశించినస్థాయిలో లేని ముగింపు అసంతృప్తిని కలిగిస్తుంది.
'మత్తు వదలరా' మూవీ రివ్యూ
ఆర్థికపరమైన సమస్యలతో ముగ్గురు స్నేహితులు ఇరుకైన ఒక చిన్న గదిలో వుంటూ నానా కష్టాలు పడుతుంటారు. డెలివరీ బాయ్ గా పనిచేస్తున్న కథానాయకుడు ఒక ఐటమ్ ను అందజేయడానికి ఒక ఫ్లాట్ కి వెళతాడు. అక్కడ జరిగే అనూహ్యమైన సంఘటనతో కథ మలుపు తిరుగుతుంది. ఆ సంఘటన ఏమిటి? పర్యవసానంగా చోటుచేసుకునే పరిణామాలు ఎలాంటివి? అనేదే మిగతా కథ. ఫస్టాఫ్ లో కథ కాస్త నెమ్మదించినా, ఆ తరువాత ఆసక్తికరమైన మలుపులతో ఆకట్టుకుంటుంది.
'ఇద్దరి లోకం ఒకటే' మూవీ రివ్యూ
ప్రేమలో పడిన తరువాత కొన్ని సంఘటనలు అందమైన జ్ఞాపకాలుగా .. అనిర్వచనీయమైన అనుభూతులుగా మారతాయి. అయితే కొంతమంది విషయంలో చిన్ననాటి అందమైన జ్ఞాపకాలు .. అనుభూతులే ప్రేమగా మారతాయి. అలా రెండో కోవకి చెందిన ప్రేమకథగా ప్రేక్షకుల ముందుకు వచ్చిన చిత్రమే 'ఇద్దరి లోకం ఒకటే'. ఒక చిన్నపాయింట్ పట్టుకుని మొదటి నుంచి చివరివరకూ సాగదీసిన ఈ కథ, ప్రేక్షకుల సహనానికి మాత్రం పరీక్ష పెడుతుంది! 
'రూలర్' మూవీ రివ్యూ
ఉత్తరప్రదేశ్ ప్రాంతంలో స్థిరపడిన తెలుగు రైతులు .. అక్కడ వారికి ఎదురైన కష్టాలు .. ప్రాణాలను పణంగా పెట్టి వాళ్లను ఆదుకున్న కథానాయకుడి కథ ఇది. బాలకృష్ణ రెండు విభిన్నమైన పాత్రలను ధరించిన ఈ సినిమా, నిర్మాణం పరంగా భారీగా కనిపిస్తుందిగానీ, కథాకథనాలపరంగా బలహీనంగా అనిపిస్తుంది. అతకని సన్నివేశాలతో అసంతృప్తిని కలిగిస్తుంది.
'ప్రతిరోజూ పండగే' మూవీ రివ్యూ
కన్నతండ్రి ప్రాణాలకంటే ఉద్యోగాలే ఎక్కువనుకునే కొడుకులు ఒక వైపు .. చివరి క్షణాల్లో కొడుకులతో కలిసి ఉండటమే పండగ అనుకునే తండ్రి ఒక వైపు. ఆ కొడుకుల ఆలోచనా విధానాన్ని మార్చి .. ఆ తండ్రి ముచ్చట తీర్చే ఒక మనవడి కథే ఇది. బలమైన ఎమోషన్స్ తో తాతా మనవళ్ల చుట్టూ తిరుగుతూ, అందమైన ప్రేమను .. ఆహ్లాదకరమైన కామెడీని టచ్ చేస్తూ సాగే ఈ కథ ఆద్యంతం ఆకట్టుకుంటుంది.
'వెంకీమామ' మూవీ రివ్యూ
మేనల్లుడి ఆలనా పాలన చూసుకోవడం కోసం పెళ్లి చేసుకోవడం మానేసిన మేనమామ ఒక వైపు. ఆ మేనమామ కోసం తన ప్రేమను త్యాగం చేయడానికి సిద్ధపడిన మేనల్లుడు మరో వైపు. ఈ రెండు పాత్రలు ప్రధానంగా గ్రామీణ నేపథ్యంలో సాగిన ఈ కథ, ఫ్యామిలీ ఆడియన్స్ తో పాటు యూత్ ను .. మాస్ ఆడియన్స్ ను కూడా ఆకట్టుకుంటుంది.
'భాగ్యనగర వీధుల్లో గమ్మత్తు' మూవీ రివ్యూ
ఒక వైపున షార్ట్ ఫిల్మ్స్ లో నటించే ముగ్గురు స్నేహితులు .. మరో వైపున డ్రగ్స్ ను అక్రమంగా తరలించే మాఫియా ముఠా .. వాళ్ల రహస్యాలకి సంబంధించిన ఆధారాలతో తప్పించుకు తిరిగే యువతి .. ఆ ముఠాను పట్టుకోవడానికి ప్రయత్నించే పోలీసుల చుట్టూ తిరిగే కథ ఇది. కసరత్తు చేయని కథతో .. పై పై అల్లేసిన కథనంతో చుట్టేసిన ఈ సినిమా అలరించడం సంగతి అటుంచితే, గందరగోళానికి గురిచేయడంలోనే సక్సెస్ అయింది.
'మిస్ మ్యాచ్' మూవీ రివ్యూ
రెండు ప్రాంతాలు .. రెండు కుటుంబాలు .. వేరు వేరు స్వభావాలు .. అయినా ఒకటి కావాలని ఆరాటపడే రెండు మనసులు. పెళ్లి చేసుకోవాలనుకున్న ఆ జంటకి ఎలాంటి పరిస్థితులు ఎదురయ్యాయి? ఎలాంటి పరిణామాలను ఎదుర్కోవలసి వచ్చింది? అనేది కథ. ఆసక్తికరంగా అనిపించని కథాకథనాలతో ఆద్యంతం ఈ సినిమా నీరసంగా సాగుతుంది .. అనూహ్యమైన మలుపులనేవి లేకుండా అసహనానికి గురిచేస్తుంది. 
'90 ఎంఎల్' మూవీ రివ్యూ
మూడు పూటలా 90 ఎం.ఎల్ మందు తాగనిదే ఉండలేని ‘దేవదాసు’, మందు వాసన తమ గేటు బైట ఉండగానే పసిగట్టే ‘సువాసన’ను ప్రేమిస్తాడు. తన ఈ అలవాటును కప్పిపుచ్చుకుంటూ కథానాయికతో ప్రేమను కొనసాగిస్తాడు. అనుకోని పరిస్థితుల్లో దేవదాసు నిత్య తాగుబోతు అని తెలుసుకున్న కథానాయిక అతనికి దూరం అవుతుంది. ప్రియురాలికి నిజం చెప్పి ఆమె ప్రేమను ఎలా తిరిగి పొందగలిగాడు అనేది కథ. మాస్ ప్రేక్షకులను టార్గెట్ చేసుకున్న ఈ చిత్రం ఆ వర్గానికి నచ్చే అంశాలతో రూపొందింది.
'రాజావారు రాణిగారు' మూవీ రివ్యూ
రాణిపట్ల తన మనసులోని ప్రేమను బయటపెట్టలేక రాజా మౌనంగా ఆరాధిస్తూ ఉంటాడు. కాలేజ్ చదువు కోసం ఊరెళ్లిన రాణి తిరిగిరాగానే ఆమెను ప్రేమిస్తున్నట్టుగా చెప్పాలనుకుంటాడు. ఈ లోగా రాణి తండ్రి ఆమెను తన మేనల్లుడికిచ్చి పెళ్లి చేయాలనుకుంటాడు. అప్పుడు రాజా ఏం చేస్తాడు? పర్యవసానంగా ఏం జరుగుతుంది? అనేదే కథ. పస లేని కథ ..పట్టులేని కథనంతో ఈ పల్లెటూరి ప్రేమకథ ఆకట్టుకోలేకపోయింది.
'అర్జున్ సురవరం' మూవీ రివ్యూ
నకిలీ సర్టిఫికెట్లకి సంబంధించిన వ్యాపారం కోట్ల రూపాయల్లో కొనసాగుతూ ఉంటుంది. ఆ మాఫియా దెబ్బకి 'అర్జున్ సురవరం' అనే రిపోర్టర్ భవిష్యత్తు కూడా ప్రశ్నార్థకంగా మారుతుంది. దాంతో ఆ మాఫియాకి అడ్డుకట్టవేయడానికి అతను రంగంలోకి దిగుతాడు. పర్యవసానంగా అతనికి ఎదురయ్యే పరిస్థితులతో ఈ కథ సాగుతుంది. బలమైన కథాకథనాలతో .. ఆద్యంతం ఆసక్తికరమైన మలుపులతో సాగే ఈ సినిమా ఆకట్టుకుంటుంది.
'తోలుబొమ్మలాట' మూవీ రివ్యూ
జీవితానికి అందాన్నిచ్చేది .. జీవితానికో అర్థాన్నిచ్చేవి బంధాలు - అనుబంధాలేనని నమ్మే వ్యక్తి సోమరాజు. తన కుటుంబ సభ్యులంతా సఖ్యతగా ఉన్నారని భావించిన ఆయనకి, అందులో నిజంలేదనే విషయం తన మరణం తరువాత తెలుస్తుంది. ఆత్మగా వున్న ఆయన, వాళ్లలో మార్పు తీసుకురావడం కోసం ఏం చేశాడనేదే కథ. మూడు తరాలకి చెందిన కుటుంబ సభ్యులతో కలిసి సాగే ఈ కథ ఫరవాలేదనిపిస్తుంది.
'రాగల 24 గంటల్లో' మూవీ రివ్యూ
అనాథశరణాలయంలో పెరిగిన 'విద్య'ను, శ్రీమంతుడైన రాహుల్ ప్రేమించి పెళ్లి చేసుకుంటాడు. పెళ్లి జరిగిన కొంతకాలానికే అతను హత్యకి గురవుతాడు. ఆ హత్యకి కారకులు ఎవరు? ఎందుకు అతణ్ణి హత్య చేయవలసి వచ్చింది? అనేదే కథ. ఆద్యంతం అనూహ్యమైన మలుపులతో సాగే ఈ కథ, సస్పెన్స్ థ్రిల్లర్స్ ను ఇష్టపడేవారికి ఫరవాలేదనిపిస్తుంది. 
'జార్జి రెడ్డి' మూవీ రివ్యూ
ఉస్మానియా యూనివర్సిటీలో 'జార్జి రెడ్డి' చదువుకునేటప్పుడు వున్న సమస్యలు, వాటి పరిష్కారానికై విద్యార్థులను చైతన్యవంతులను చేస్తూ ఆయన పోరాట శంఖం పూరించిన తీరుతో ఈ కథ నడుస్తుంది. ఆ కాలంనాటి కాస్ట్యూమ్స్ విషయంలో కొంత ఇబ్బంది పడినట్టుగా అనిపించినా, సహజత్వానికి దగ్గరగా ఆవిష్కరించిన సన్నివేశాలతో ఈ సినిమా యూత్ ను ఆకట్టుకుంటుందనే చెప్పాలి.
'విజయ్ సేతుపతి' మూవీ రివ్యూ
పచ్చదనానికీ .. మంచితనానికి ప్రతీకగా కనిపించే పల్లెటూరు అది. ఆ ఊరు బాగు కోసం తపించే దేవరాజ్ కొడుకే విజయ్ సేతుపతి. రాజకీయనాయకుడైన చంటబ్బాయ్ .. పారిశ్రామికవేత్త అయిన సంజయ్ కలిసి ఆ ఊళ్లో 'కాపర్ ఫ్యాక్టరీ' పెట్టాలనుకుంటారు. ఆ నిర్ణయాన్ని వ్యతిరేకించిన కారణంగా తన తల్లిదండ్రులనీ, కాబోయే భార్యని విజయ్ సేతుపతి పోగొట్టుకుంటాడు. ఆ తరువాత ఆయన ఏం చేస్తాడు? అనేదే కథ. ఏ మాత్రం కొత్తదనం లేని ఈ కథ సహనానికి పరీక్ష పెడుతూ సాగుతుంది. 
'యాక్షన్' మూవీ రివ్యూ
ఒక ఉన్నతమైన కుటుంబం నుంచి వచ్చిన ఆర్మీ ఆఫీసర్ సుభాశ్, ఒకానొక సంఘటనలో తాను ప్రేమించే అమ్మాయినీ .. తనని ప్రేమించే అన్నయ్యను పోగొట్టుకుంటాడు. తమ కుటుంబ సభ్యుల కారణంగానే కాబోయే ప్రధాని కూడా చనిపోయాడనే నిందను భరించలేకపోతాడు. ఆ సంఘటన వెనక ఎవరున్నారో తెలుసుకుని చట్టానికి అప్పగించి, తన కుటుంబ పరువు ప్రతిష్ఠలను నిలబెట్టడం కోసం సుభాశ్ చేసే ప్రయత్నమే ఈ కథ. 
'తెనాలి రామకృష్ణ బీఏ బీఎల్' మూవీ రివ్యూ
రాజకీయంగా తన ఎదుగుదలకి వరలక్ష్మి అడ్డుగా మారుతుందనే ఉద్దేశంతో, సింహాద్రినాయుడు ఆమెను ఓ హత్య కేసులో ఇరికిస్తాడు. లాయర్ తెనాలి రామకృష్ణ తన తెలివితేటలతో, నిందితురాలైన వరలక్ష్మిని నిర్దోషిగా నిరూపిస్తాడు. ఆ తరువాత తెలిసిన నిజంతో బిత్తరపోతాడు. ఆ నిజం ఏమిటి? దాని పర్యవసానాలు ఎలాంటివి? అనే ఆసక్తికరమైన అంశాల చుట్టూ ఈ కథ తిరుగుతుంది. వినోదమే ప్రధానంగా రూపొందిన ఈ సినిమా ఫరవాలేదనిపిస్తుంది.
Anand Mahindra shares unique car parking technique video..
Anand Mahindra shares unique car parking technique video
Focus On Chandrababu 'Praja Chaitanya Yatra' Impact In AP ..
Focus On Chandrababu 'Praja Chaitanya Yatra' Impact In AP Politics
9 PM Telugu News: 19th February 2020..
9 PM Telugu News: 19th February 2020
PM enjoys litti-chokha, kulhad chai in surprise visit to D..
PM enjoys litti-chokha, kulhad chai in surprise visit to Delhi craft fest
Farmers protest against YSRCP decision on taking land from..
Farmers protest against YSRCP decision on taking land from farmers- Vizag
Pilli Subhash Chandra Bose key comments at YSRCP meeting..
Pilli Subhash Chandra Bose key comments at YSRCP meeting
Home Minister Sucharitha speaks to media over Chandrababu ..
Home Minister Sucharitha speaks to media over Chandrababu security
Errabelli shakes leg with lambada tribal women..
Errabelli shakes leg with lambada tribal women
YSRCP Leaders counter to Chandrababu comments..
YSRCP Leaders counter to Chandrababu comments
Interview: Nagababu on writer Yandamuri & RGV controve..
Interview: Nagababu on writer Yandamuri & RGV controversy