ap7am logo

'యాక్షన్' మూవీ రివ్యూ

Sat, Nov 16, 2019, 08:24 AM
Movie Name: Action
Release Date: 15-11-2019
Cast: Vishal, Tamannah, Aishwarya Lakshmi, Akanksha Puri, Ramki, Kabir Duhan Singh, Yogi Babu
Director: Sundar C.
Producer: Srinivas Adepu
Music: Hiphop Tamizha
Banner: Sri Karthikeya Cinemas

ఒక ఉన్నతమైన కుటుంబం నుంచి వచ్చిన ఆర్మీ ఆఫీసర్ సుభాశ్, ఒకానొక సంఘటనలో తాను ప్రేమించే అమ్మాయినీ .. తనని ప్రేమించే అన్నయ్యను పోగొట్టుకుంటాడు. తమ కుటుంబ సభ్యుల కారణంగానే కాబోయే ప్రధాని కూడా చనిపోయాడనే నిందను భరించలేకపోతాడు. ఆ సంఘటన వెనక ఎవరున్నారో తెలుసుకుని చట్టానికి అప్పగించి, తన కుటుంబ పరువు ప్రతిష్ఠలను నిలబెట్టడం కోసం సుభాశ్ చేసే ప్రయత్నమే ఈ కథ. 

తెలుగు .. తమిళ భాషల్లో మాస్ యాక్షన్ హీరోగా విశాల్ కి మంచి క్రేజ్ వుంది. అందువల్లనే తమిళంతో పాటు సమానంగా తెలుగులోను ఆయన సినిమాలు విడుదలవుతుంటాయి. యాక్షన్ సినిమాలతో ఎక్కువ ఆదరణ పొందిన విశాల్ ఈ సారి 'యాక్షన్' నే టైటిల్ గా చేసుకుని ప్రేక్షకుల ముందుకు రావడం విశేషం. ఒక వైపున విశాల్ మాస్ యాక్షన్ ను .. మరో వైపున తమన్నా గ్లామర్ ను కలుపుకుని వచ్చిన ఈ భారీ బడ్జెట్ చిత్రం ప్రేక్షకులను ఏ స్థాయిలో మెప్పించిందో, ఈ జంటతో దర్శకుడు సుందర్ .సి చేసిన ప్రయత్నం ఎంతవరకూ ఫలించిందో ఇప్పుడు చూద్దాం.

కథగా చూస్తే .. సుభాశ్ (విశాల్) ఇండియన్ ఆర్మీలో కల్నల్ గా పనిచేస్తుంటాడు. ఆయన తోటి ఆఫీసర్ గా దియా (తమన్నా) పనిచేస్తుంటుంది. ఆమె సుభాశ్ ను ఆరాధిస్తూ ఉంటుందిగానీ, అతని మనసు మాత్రం తనకి వరసకి మరదలైన మీరా (ఐశ్వర్య లక్ష్మి) పై ఉంటుంది. వాళ్ల పెళ్లికి పెద్దలు అంగీకరిస్తారు కూడా. సుభాశ్ తండ్రి ఆంధ్ర రాష్ట్రానికి ముఖ్యమంత్రి. ఆ కుర్చీని తన పెద్ద కొడుకైన శ్రవణ్ (రాంకీ)కి అప్పగించి తను విశ్రాంతి తీసుకోవాలనుకుంటాడు. ఓ వేదిక ద్వారా ఆ విషయాన్ని వెల్లడించడానికి సన్నాహాలు చేస్తాడు. కాబోయే ప్రధాని కూడా  ఆ కార్యక్రమానికి  హాజరవుతాడు.

ఆ వేదికపై జరిగిన బాంబ్ బ్లాస్టింగ్ లో కాబోయే ప్రధానితో పాటు 'మీరా' కూడా చనిపోతుంది. శ్రవణ్ చేసిన ఒక పొరపాటు కారణంగా, బాంబు బ్లాస్టింగ్ కుట్రలో అతను భాగస్వామి అనే ప్రచారం ఊపందుకుంటుంది. ఆ అవమానాన్ని భరించలేక అతను ఆత్మహత్య చేసుకుంటాడు. జరిగిన సంఘటనకి అసలు కారకులెవరో తెలుసుకుని, తన కుటుంబంపై పడిన నిందను తుడిచేయడం కోసం సుభాశ్ రంగంలోకి దిగుతాడు. ఆ ప్రయత్నంలో అతనికి ఎలాంటి అవాంతరాలు ఎదురవుతాయి? ఎటువంటి నిజాలు తెలుస్తాయి? అనే ఆసక్తికరమైన మలుపులతో కథ ముందుకెళుతుంది.

ఇది దర్శకుడు సుందర్ .సి నుంచి వచ్చిన భారీ యాక్షన్ చిత్రం. యాక్షన్ సన్నివేశాలను ఒక రేంజ్ లో డిజైన్ చేసుకుని ఆయన రంగంలోకి దిగాడనే విషయం స్పష్టంగా తెలుస్తుంది. ఇస్తాంబుల్ .. పాకిస్థాన్ .. లండన్ .. వీధుల్లో ఆయన ఈ కథను పరుగులు తీయించాడు. భారీ యాక్షన్ ఎపిసోడ్స్ తో .. ఛేజింగ్ లతో ప్రేక్షకులను ఆశ్చర్యచకితులను చేశాడు. ఈ లొకేషన్స్ లో ఆయన వందలమంది జూనియర్ ఆర్టిస్టులను ఉపయోగించాడు. ఎక్కడా భారీతనం తగ్గకుండా తనవంతు ప్రయత్నం చేశాడు.

అయితే దర్శకుడు అసలు కథపై పెద్దగా శ్రద్ధ పెట్టకుండా, హడావిడి ఎక్కువ చేసినట్టుగా అనిపిస్తుంది. ఖర్చుపైనే తప్ప కథపై దృష్టి పెట్టలేదు. అందువల్లనే సాధారణ ప్రేక్షకుడికి కథలో స్పష్టత కనిపించదు. ఎవరు ఎందుకు చేశారు? వాళ్ల ఉద్దేశం ఏమిటి? అనే విషయం అర్థం కాదు. 'హీరో ఏదో చేస్తున్నాడుగా చేయనీ .. చూద్దాం' అని ఆడియన్స్ ఆ పాత్రను ఫాలో కావడంతోనే చాలా సమయం గడిచిపోతుంది. చివరాఖరికి కూడా సగటు ప్రేక్షకుడికి ఆ డౌట్ అలాగే ఉండిపోవడమే  విచారకరం. ఇస్తాంబుల్ బ్యాంక్ లోని సీక్రెట్ రూమ్ కి వెళ్లి 4 వేల కోట్లను ట్రాన్స్ ఫర్ చేయించే సీన్ ను .. అంతర్జాతీయ క్రిమినల్ 'కైరా'ను బహుళ అంతస్తుల భవనాలపై వెంటాడే సీన్ ను .. మాఫియా సామ్రాజ్యంలో నుంచి విశాల్ - తమన్నా బయటపడే సీన్ ను .. విలన్ ను కిడ్నాప్ చేసి ఇండియాకి తీసుకెళ్లే సీన్ ను మాత్రం సుందర్.సి  చాలా ఉత్కంఠభరితంగా తెరకెక్కించాడు.

సుభాశ్ పాత్రలో విశాల్ నటన ఆకట్టుకుంటుంది. యాక్షన్ సీన్లు ఆయనకి కొట్టిన పిండి కాబట్టి ..ఆయన నుంచి ఫ్యాన్స్ ఆశించేవి అవే కనుక ఒక రేంజ్ లో రెచ్చిపోయాడు. సిన్సియర్ ఆఫీసర్ గాను.. గ్లాపర్ పరంగాను తమన్నా మెప్పించింది. ఆమె బాగా ఒళ్లు చేసినట్టు కనిపిస్తోంది. ప్రతినాయకుడిగా కబీర్ దుహాన్ సింగ్ తనదైన స్టైల్లో నటించాడు. అంతర్జాతీయ క్రిమినల్ గాను.. గ్లామర్ పరంగాను ఆకాంక్షపురి ప్రత్యేక ఆకర్షణగా నిలిచింది. ఇక యోగిబాబుతోపాటు మిగతా వాళ్లంతా తమ పాత్రలకి న్యాయం చేశారు.

కథాకథనాలు వీక్ గా ఉన్నప్పటికీ ఈ సినిమాను రీ రికార్డింగ్ .. ఫొటోగ్రఫీ కలిసి నిలబెట్టేశాయి. హిపాప్ తమిజా రీ రికార్డింగ్ .. డుడ్లీ ఫొటోగ్రఫీ ప్రధానమైన బలంగా నిలిచాయి. టెన్షన్ బిల్డప్ చేయడంలో రీ రికార్డింగ్ మంచి మార్కులు కొట్టేసింది. ఇక ఇస్తాంబుల్ .. పాకిస్థాన్ .. లండన్ లొకేషన్స్ లోని ఛేజింగ్ సీన్స్ ను 'డుడ్లీ' తెరపై అద్భుతంగా ఆవిష్కరించాడు. పాటల్లోను విదేశాల్లోని లొకేషన్లను చాలా అందంగా చూపించాడు. రిస్కీ యాక్షన్ సీన్స్ ను సైతం ఆయన గొప్పగా తెరకెక్కించాడు. ఎడిటింగ్ పరంగా చూసుకుంటే, ఎన్.బి. శ్రీకాంత్ కొన్ని సాగతీత సీన్లను వదిలేశాడనే చెప్పాలి. విశాల్ ఫ్యామిలీ నేపథ్యంలో వచ్చే ఏ సీన్ పండలేదు. అర్థంలేని కామెడీతో విసుగు తెప్పిస్తాయి కూడా.

భారీతనం వుంది.. బలమైన కథే లేదు. కథ.. దేశ దేశాలు దాటి వెళ్లిపోతూ ఉంటుంది.. ఎందుకనే విషయంలో సగటు ప్రేక్షకుడికి క్లారిటీ రాదు. అసాధ్యమైన చాలా విషయాలను హీరో సుసాధ్యం చేయడం వరకూ బాగానే వుందిగానీ, 'పద్మవ్యూహం' వంటి ఆ ప్రదేశాల్లోకి ఎంటర్ కావడానికి ఆయన ఎంచుకున్న మార్గాలు సిల్లీగా అనిపిస్తాయి. ఇక చివర్లోను తమని ఎవరూ గుర్తుపట్టకుండా విశాల్ వేసుకున్న మారువేషం.. విలన్ కి వేసిన మారువేషం చాలా అతిగా అనిపిస్తాయి. సాయాజీ షిండేకి ఆయన డైలాగ్ డెలివరీనే ప్రత్యేక ఆకర్షణ.. ఆయన పాత్రకి అతకని వాయిస్ తో వేరే వారితో డబ్బింగ్ చెప్పించడం ఇబ్బందిని కలిగిస్తుంది. ఈ సినిమాకి 'యాక్షన్' అనే టైటిల్ పెట్టేసి ఓన్లీ యాక్షన్ సీన్స్ పై మాత్రమే శ్రద్ధ పెట్టారు గనుక, కథను పట్టించుకోవడం మానేసి కామ్ గా కూర్చుని ఆ యాక్షన్ ఎపిసోడ్స్ వరకూ చూస్తే మాత్రం, ఈ సినిమా ఫరవాలేదనే అనిపిస్తుంది.  
Review By: Peddinti
X

Feedback Form

I agree to Terms of Service & Privacy Policy
'శివన్' మూవీ రివ్యూ
శివన్ .. సునంద గాఢంగా ప్రేమించుకుంటారు .. పెళ్లి చేసుకోవాలని నిర్ణయించుకుంటారు. అయితే హఠాత్తుగా సునందపై శివన్ దాడి చేసి, ఆమెను హత్య చేస్తాడు. అందుకు కారణమేమిటి? ఆ తరువాత చోటుచేసుకునే పరిణామాలు ఎలాంటివి? అనేది కథ. రొమాన్స్  .. కామెడీ పాళ్లు ఏ మాత్రం లేని ఈ సినిమా, యాక్షన్ .. ఎమోషన్స్ ప్రధానంగా సాగుతుంది. బలహీనమైన కథాకథనాల కారణంగా ఈ సినిమా ఆకట్టుకోలేకపోయిందనే చెప్పొచ్చు. 
'ప్రేమ పిపాసి' మూవీ రివ్యూ
ఈ తరం అమ్మాయిల్లో చాలా మందిలో నిజమైన ప్రేమ లోపించిందని భావించిన ఓ యువకుడు, అసలైన ప్రేమకి అద్దం వంటి ఓ అమ్మాయి మనసు గెలుచుకోవాలనుకుంటాడు. అందుకోసం అతను ఏం చేస్తాడు? ఆ ప్రయత్నంలో అతను విజయాన్ని సాధిస్తాడా లేదా? అనేదే కథ. బలహీనమైన కథాకథనాలు .. బరువు తగ్గిన పాత్రలు .. ఆసక్తికరంగా లేని సన్నివేశాలతో ఈ సినిమా నిదానంగా .. నీరసంగా సాగుతుంది. 
'ఓ పిట్టకథ' మూవీ రివ్యూ
ప్రభు .. వెంకటలక్ష్మి ఎంతో గాఢంగా ప్రేమించుకుంటారు. ఆ విషయాన్ని వెంకటలక్ష్మి తండ్రికి చెప్పాలని ప్రభు అనుకుంటున్న సమయంలోనే, దగ్గరి బంధుత్వం చెప్పుకుని వెంకటలక్ష్మి ఇంట్లోకి క్రిష్ ఎంటరవుతాడు. వెంకటలక్ష్మి కోసం కథానాయకులు పోటీ పడుతుండగా, హఠాత్తుగా ఆమె అదృశ్యమవుతుంది. ఆమె హత్యకి సంబంధించిన వీడియో పోలీసుల చేతికి చిక్కుతుంది. ఆమె ప్రేమికులిద్దరిలో నేరస్థులు ఎవరు? అనే కోణంలో ఈ కథ సాగుతుంది. గ్రామీణ నేపథ్యంలో సాగే సస్పెన్స్ తో కూడిన ఈ ప్రేమకథ, ఓ మాదిరిగా అనిపిస్తుంది.
'పలాస 1978' మూవీ రివ్యూ
'పలాస'లో 1970 ప్రాంతంలో జరిగిన ఒక యథార్థ సంఘటనకి కొన్ని కల్పితాలను జోడించి ఆవిష్కరించిన కథ ఇది. జానపద కళను నమ్ముకుని బతికే ఐక్యత కలిగిన ఇద్దరు అన్నదమ్ములు ఒక వైపు, గ్రామంపై పెత్తనం కోసం పోరాడే సఖ్యతలేని మరో ఇద్దరు అన్నదమ్ములు ఇంకోవైపు. ప్రధానంగా ఈ నాలుగు పాత్రల చుట్టూనే సహజత్వానికి దగ్గరగా ఈ కథ తిరుగుతుంది. కుల వివక్ష కారణంగా అణచివేతకుగురై, పెత్తందారులపై తిరుగుబాటు చేసిన అన్నదమ్ముల కథగా సాగే ఈ సినిమా ఒక వర్గం ప్రేక్షకులకు నచ్చుతుంది.   
'రాహు' మూవీ రివ్యూ
అసిస్టెంట్ పోలీస్ కమిషనర్ భార్గవ్, గ్యాంగ్ స్టర్ గా అరాచకాలకు పాల్పడుతున్న నాగరాజును జైలుకు పంపిస్తాడు. భార్గవ్ ఒక్కగానొక్క కూతురు భానుని చంపుతానని నాగరాజు శపథం చేస్తాడు. ఒకానొక సందర్భంలో జైలు నుంచి తప్పించుకున్న నాగరాజు, ఒక రహస్య స్థావరంలో తలదాచుకుంటాడు. 'రాహు' దోషం కారణంగా ఆపదలో చిక్కుకున్న భాను, ఆ స్థావరంలోకి అడుగుపెడుతుంది. అక్కడ ఏం జరిగిందనేదే కథ. ఫస్టాఫ్ లో పేలవమైన సన్నివేశాలు, సెకండాఫ్ లో పసలేని ట్విస్టుల కారణంగా ఈ సినిమా ఆకట్టుకోలేకపోయింది. 
HIT మూవీ రివ్యూ
ప్రీతి అనే ఒక టీనేజ్ అమ్మాయి మర్డర్ మిస్టరీ చుట్టూ .. నేహా అనే ఒక యువతి మిస్సింగ్ చుట్టూ తిరిగే క్రైమ్ స్టోరీ ఇది. ప్రీతిని ఎవరు మర్డర్ చేశారు? నేహా ఎలా కనిపించకుండాపోయింది? ఈ రెండు నేరాల వెనక వున్నది ఎవరు? అనే మలుపులతో ఈ కథ ముందుకు వెళుతుంది. వినోదానికి ఎంతమాత్రం అవకాశం లేని ఈ కథ, క్రైమ్ స్టోరీస్ ను ఎక్కువగా  ఇష్టపడేవారికి నచ్చొచ్చు.
'భీష్మ'  మూవీ రివ్యూ
ఓ ఆర్గానిక్ సంస్థ చైర్మన్ రసాయనిక ఎరువుల వాడకం ఎంతప్రమాదమో చాటిచెబుతూ ఆర్గానిక్ ఉత్పత్తుల వాడకాన్ని పెంచే ప్రయత్నం చేస్తుంటాడు. తన స్వార్థం కోసం రసాయనిక ఎరువులనే ప్రోత్సహిస్తూ, ఆర్గానిక్ సంస్థను దెబ్బతీయడానికి రాఘవన్ రంగంలోకి దిగుతాడు. ఈ నేపథ్యంలో ఆర్గానిక్ సంస్థ చైర్మన్ తన సంస్థను కాపాడుకోవడం కోసం, డిగ్రీ కూడా పాస్ కాని 'భీష్మ'ను సీఈఓ గా నియమిస్తాడు. అందుకు గల కారణం ఏమిటి? వేల కోట్ల టర్నోవర్ కలిగిన సంస్థకి సీఈఓగా భీష్మ ఎలా నెగ్గుకొచ్చాడు? అనేదే కథ. వినోదానికి సందేశాన్ని జోడిస్తూ అల్లుకున్న ఈ కథ పూర్తిస్థాయిలో ప్రేక్షకులను ఆకట్టుకుంటుంది.
'వరల్డ్ ఫేమస్ లవర్' మూవీ రివ్యూ
జీవితం పాఠాలు నేర్పుతుంది, ప్రేమ .. పరీక్షలు పెడుతుంది. గౌతమ్ అనే ఒక ప్రేమికుడికి  జీవితం ఎలాంటి పాఠాలు నేర్పింది? ప్రాణంగా ప్రేమించిన అమ్మాయి నుంచి అతనికి ఎటువంటి పరీక్షలు ఎదురయ్యాయి? వాటిని అతను ఎలా అధిగమించాడు? అనేదే ఈ సినిమా కథ. హీరోతో పాటు నలుగురు కథానాయికల పాత్రలకి ప్రాధాన్యతనిస్తూ ఈ కథ నడుస్తుంది. అక్కడక్కడా 'అర్జున్ రెడ్డి'ని గుర్తుచేస్తూ, నిదానమైన కథనంతో సాగే ఈ సినిమా, విజయ్ దేవరకొండ అభిమానులకు నచ్చొచ్చు.
'జాను' మూవీ రివ్యూ
అనుకోకుండా జరిగే కొన్ని సంఘటనలు భవిష్యత్తును నిర్ణయిస్తుంటాయి .. జీవితాన్ని మార్చేస్తుంటాయి. అలాంటి ఒక సంఘటన ఇద్దరి ప్రేమికులను దూరం చేస్తుంది. ఆ సంఘటన ఏమిటి? చాలా కాలం తరువాత కలుసుకున్న ఆ ఇద్దరూ ఆ జ్ఞాపకాలను ఎలా పంచుకున్నారు? అనేది కథ. అనుభూతి ప్రధానమైన ఈ కథ, ఆ పరిధిని దాటేసి సాగతీతగా అనిపిస్తుంది. ఈ తరహా కథలకు ప్రాణంగా నిలవాల్సిన పాటలు, ప్రేక్షకుల మనసులను పట్టుకోలేకపోయాయి .. ఆకట్టుకోలేకపోయాయి. తమిళ .. కన్నడ భాషా ప్రేక్షకుల ఆదరణ పొందిన ఈ కథ, తెలుగు రీమేక్ గా మాత్రం ఓ మాదిరిగా అనిపిస్తుందంతే. 
'అశ్వద్ధామ ' మూవీ రివ్యూ
ఒక వైపున కుటుంబ గౌరవాన్నీ .. మరో వైపున చెల్లెలి కాపురాన్ని కాపాడుకోవడానికి రంగంలోకి దిగిన కథానాయకుడే  'అశ్వద్ధామ'. నగరంలో ఆడపిల్లలు అదృశ్యం కావడానికి గల కారణాన్ని కనుక్కునే బాధ్యతను కూడా ఆయన తన భుజాలపైనే వేసుకుంటాడు. ఆ ప్రయత్నంలో ఆయన ఎలాంటి పరిస్థితులను ఎదుర్కోవలసి వస్తుంది ? వాటిని ఆయన ఎలా అధిగమించాడు? అనేది కథ. నాగశౌర్య తను స్వయంగా రాసిన కథ ఇది .. నిర్మాత కూడా ఆయనే. నిర్మాణ పరమైన విలువలు బాగానే ఉన్నప్పటికీ కథాపరంగా విషయాల్లో అనుభవలేమి కనిపిస్తుంది. యాక్షన్ ఎపిసోడ్స్ ను మాత్రమే పట్టుకుని వేళ్లాడిన నాగశౌర్య, మిగతా అంశాలను సరిగ్గా రాసుకోలేకపోయాడు .. ప్రేక్షకులను పూర్తిస్థాయిలో మెప్పించలేకపోయాడు.  
'డిస్కోరాజా' మూవీ రివ్యూ
డిస్కోరాజా చిన్న చిన్న దొంగతనాల నుంచి గ్యాంగ్ స్టర్ గా ఎదుగుతాడు. ఆ వృత్తిలో ఆయనకి బర్మా సేతు శత్రువుగా మారతాడు. ఇద్దరి మధ్య ఆధిపత్య పోరు జరుగుతూ ఉంటుంది. ఓ సారి లడఖ్ వెళ్లిన డిస్కోరాజా అక్కడ హత్య చేయబడతాడు. చాలా కాలంగా ఓ డాక్టర్ చేస్తున్న ప్రయోగం ఫలించి, డిస్కోరాజా బ్రతుకుతాడు. అయితే, గతాన్ని మరిచిపోయిన ఆయన ఏం చేస్తాడు? ఆ తరువాత చోటుచేసుకునే పరిణామాలు ఎలాంటివి? అనేదే కథ. ఫస్టాఫ్ సాగతీతగాను .. సెకండాఫ్ కాస్త గందరగోళంగాను సాగే ఈ సినిమా ఓ మాదిరిగా అనిపిస్తుందంతే!
'ఎంత మంచివాడవురా' మూవీ రివ్యూ
బాల్యంలోనే బాలు ఓ ప్రమాదంలో తన తల్లిదండ్రులను పోగొట్టుకుంటాడు. తనకి ఆశ్రయం కల్పించవలసి వస్తుందేమో అన్న ఉద్దేశంతో బంధువులంతా ముఖం చాటేయడం అతనికి బాధ కలిగిస్తుంది. తనలా అయినవారి ప్రేమకి దూరమైనవారికి ఆ లోటు తెలియకుండా ప్రేమను అందించాలనే ఆలోచనతో బాలు రంగంలోకి దిగుతాడు. పర్యవసానంగా అతను ఎలాంటి పరిస్థితులను ఎదుర్కోవలసి వస్తుందనేదే కథ. భవిష్యత్తు తరాలవారికి అందించవలసింది ఆస్తిపాస్తులు కాదు, బంధాలు .. అనుబంధాలు అనే సందేశంతో రూపొందిన ఈ సినిమా కేవలం ఫ్యామిలీ ఆడియన్స్ ను ఆకట్టుకోవచ్చు.
'అల వైకుంఠపురములో' మూవీ రివ్యూ
మధ్యతరగతి కుటుంబానికి చెందిన ఒక తండ్రి, తన కొడుకును శ్రీమంతుడిగా చూసుకోవాలనే స్వార్థంతో, పురిటిలోనే బిడ్డలను మారుస్తాడు. అలా మధ్యతరగతికి చెందిన ఆ బిడ్డ శ్రీమంతుల కుటుంబంలో పెరుగుతాడు. శ్రీమంతుల బిడ్డ మధ్యతరగతి ఇంట్లో ఇబ్బందులు పడుతూ ఎదుగుతాడు. ఈ నిజం ఎలా బయటపడుతుంది? ఎప్పుడు బయటపడుతుంది? అనే ఆసక్తికరమైన మలుపులతో ఈ కథ సాగుతుంది. లవ్ .. కామెడీ .. యాక్షన్ .. ఎమోషన్ పాళ్లతో సాగే ఈ సినిమా ప్రేక్షకులను ఆకట్టుకుంటుంది.
'సరిలేరు నీకెవ్వరు' మూవీ రివ్యూ
దేశ సరిహద్దుల్లో శత్రువుల దాడిని తిప్పికొట్టే మేజర్ అజయ్ కృష్ణ, ప్రొఫెసర్ భారతి కుటుంబానికి అండగా నిలబడవలసి వస్తుంది. అందుకోసం అతను కశ్మీర్ నుంచి కర్నూల్ వస్తాడు. భారతి కుటుంబాన్ని అంతం చేయడానికి ప్రయత్నిస్తున్న మినిస్టర్ నాగేంద్రకు ఎదురు తిరుగుతాడు. ప్రొఫెసర్ భారతికి .. మినిస్టర్ నాగేంద్రకి మధ్య వైరానికి గల కారణం ఏమిటి? భారతికి సపోర్ట్ గా నిలిచిన అజయ్ కృష్ణకి ఎలాంటి పరిస్థితులు ఎదురయ్యాయి? అజయ్ కృష్ణ ఎలా నాగేంద్ర ఆటకట్టించాడు? అనేది కథ. యాక్షన్ .. ఎమోషన్ .. కామెడీ సమపాళ్లలో కలిపి అల్లిన ఈ కథ అన్ని వర్గాల ప్రేక్షకులను ఆకట్టుకుంటుంది. 
'దర్బార్' మూవీ రివ్యూ
డ్రగ్స్ మాఫియా గుప్పెట్లో వున్న యువతను కాపాడటమే ధ్యేయంగా ముంబై పోలీస్ కమిషనర్ ఆదిత్య అరుణాచలం రంగంలోకి దిగుతాడు. ఆ ప్రయత్నంలో తన ఒక్కగానొక్క కూతురును కోల్పోతాడు. అందుకు కారణమైన మాఫియా లీడర్ ను ఆదిత్య అరుణాచలం ఎలా అంతం చేశాడు? అందుకోసం ఎలాంటి వ్యూహాలను ఛేదించాడు? అనేదే కథ. సాధారణమైన కథే అయినా మురుగదాస్ తనదైన స్టైల్లో చెప్పిన తీరు వలన, రజనీ లుక్ .. స్టైల్ కారణంగా ఈ సినిమా ఆయన అభిమానులను ఆకట్టుకుంటుంది. 
'తూటా' మూవీ రివ్యూ
'రఘు' చిన్నతనంలోనే ఆయన అన్నయ్య ఇల్లొదిలిపోతాడు. ఇంజనీరింగ్ చదువుతున్న రఘు .. సినిమాల్లో నటించే 'లేఖ' ప్రేమలో పడతాడు. కొన్ని కారణాల వలన రఘుకి దూరమైన ఆమె, కొంతకాలం తరువాత రఘుకి కాల్ చేస్తుంది. రఘు అన్నయ్యను గురించిన ఒక రహస్యం చెబుతుంది. అదేమిటి? లేఖతో పాటు అన్నయ్యను రక్షించుకోవడం కోసం రఘు ఏం చేస్తాడు? అనేవి మిగతా కథ. ఫస్టాఫ్ లో కథ అర్థం కావడానికి కొంత సమయం పడుతుంది. సెకండాఫ్ లో కొంత అర్థమైనప్పటికీ, ఆశించినస్థాయిలో లేని ముగింపు అసంతృప్తిని కలిగిస్తుంది.
'మత్తు వదలరా' మూవీ రివ్యూ
ఆర్థికపరమైన సమస్యలతో ముగ్గురు స్నేహితులు ఇరుకైన ఒక చిన్న గదిలో వుంటూ నానా కష్టాలు పడుతుంటారు. డెలివరీ బాయ్ గా పనిచేస్తున్న కథానాయకుడు ఒక ఐటమ్ ను అందజేయడానికి ఒక ఫ్లాట్ కి వెళతాడు. అక్కడ జరిగే అనూహ్యమైన సంఘటనతో కథ మలుపు తిరుగుతుంది. ఆ సంఘటన ఏమిటి? పర్యవసానంగా చోటుచేసుకునే పరిణామాలు ఎలాంటివి? అనేదే మిగతా కథ. ఫస్టాఫ్ లో కథ కాస్త నెమ్మదించినా, ఆ తరువాత ఆసక్తికరమైన మలుపులతో ఆకట్టుకుంటుంది.
'ఇద్దరి లోకం ఒకటే' మూవీ రివ్యూ
ప్రేమలో పడిన తరువాత కొన్ని సంఘటనలు అందమైన జ్ఞాపకాలుగా .. అనిర్వచనీయమైన అనుభూతులుగా మారతాయి. అయితే కొంతమంది విషయంలో చిన్ననాటి అందమైన జ్ఞాపకాలు .. అనుభూతులే ప్రేమగా మారతాయి. అలా రెండో కోవకి చెందిన ప్రేమకథగా ప్రేక్షకుల ముందుకు వచ్చిన చిత్రమే 'ఇద్దరి లోకం ఒకటే'. ఒక చిన్నపాయింట్ పట్టుకుని మొదటి నుంచి చివరివరకూ సాగదీసిన ఈ కథ, ప్రేక్షకుల సహనానికి మాత్రం పరీక్ష పెడుతుంది! 
'రూలర్' మూవీ రివ్యూ
ఉత్తరప్రదేశ్ ప్రాంతంలో స్థిరపడిన తెలుగు రైతులు .. అక్కడ వారికి ఎదురైన కష్టాలు .. ప్రాణాలను పణంగా పెట్టి వాళ్లను ఆదుకున్న కథానాయకుడి కథ ఇది. బాలకృష్ణ రెండు విభిన్నమైన పాత్రలను ధరించిన ఈ సినిమా, నిర్మాణం పరంగా భారీగా కనిపిస్తుందిగానీ, కథాకథనాలపరంగా బలహీనంగా అనిపిస్తుంది. అతకని సన్నివేశాలతో అసంతృప్తిని కలిగిస్తుంది.
'ప్రతిరోజూ పండగే' మూవీ రివ్యూ
కన్నతండ్రి ప్రాణాలకంటే ఉద్యోగాలే ఎక్కువనుకునే కొడుకులు ఒక వైపు .. చివరి క్షణాల్లో కొడుకులతో కలిసి ఉండటమే పండగ అనుకునే తండ్రి ఒక వైపు. ఆ కొడుకుల ఆలోచనా విధానాన్ని మార్చి .. ఆ తండ్రి ముచ్చట తీర్చే ఒక మనవడి కథే ఇది. బలమైన ఎమోషన్స్ తో తాతా మనవళ్ల చుట్టూ తిరుగుతూ, అందమైన ప్రేమను .. ఆహ్లాదకరమైన కామెడీని టచ్ చేస్తూ సాగే ఈ కథ ఆద్యంతం ఆకట్టుకుంటుంది.
'వెంకీమామ' మూవీ రివ్యూ
మేనల్లుడి ఆలనా పాలన చూసుకోవడం కోసం పెళ్లి చేసుకోవడం మానేసిన మేనమామ ఒక వైపు. ఆ మేనమామ కోసం తన ప్రేమను త్యాగం చేయడానికి సిద్ధపడిన మేనల్లుడు మరో వైపు. ఈ రెండు పాత్రలు ప్రధానంగా గ్రామీణ నేపథ్యంలో సాగిన ఈ కథ, ఫ్యామిలీ ఆడియన్స్ తో పాటు యూత్ ను .. మాస్ ఆడియన్స్ ను కూడా ఆకట్టుకుంటుంది.
'భాగ్యనగర వీధుల్లో గమ్మత్తు' మూవీ రివ్యూ
ఒక వైపున షార్ట్ ఫిల్మ్స్ లో నటించే ముగ్గురు స్నేహితులు .. మరో వైపున డ్రగ్స్ ను అక్రమంగా తరలించే మాఫియా ముఠా .. వాళ్ల రహస్యాలకి సంబంధించిన ఆధారాలతో తప్పించుకు తిరిగే యువతి .. ఆ ముఠాను పట్టుకోవడానికి ప్రయత్నించే పోలీసుల చుట్టూ తిరిగే కథ ఇది. కసరత్తు చేయని కథతో .. పై పై అల్లేసిన కథనంతో చుట్టేసిన ఈ సినిమా అలరించడం సంగతి అటుంచితే, గందరగోళానికి గురిచేయడంలోనే సక్సెస్ అయింది.
'మిస్ మ్యాచ్' మూవీ రివ్యూ
రెండు ప్రాంతాలు .. రెండు కుటుంబాలు .. వేరు వేరు స్వభావాలు .. అయినా ఒకటి కావాలని ఆరాటపడే రెండు మనసులు. పెళ్లి చేసుకోవాలనుకున్న ఆ జంటకి ఎలాంటి పరిస్థితులు ఎదురయ్యాయి? ఎలాంటి పరిణామాలను ఎదుర్కోవలసి వచ్చింది? అనేది కథ. ఆసక్తికరంగా అనిపించని కథాకథనాలతో ఆద్యంతం ఈ సినిమా నీరసంగా సాగుతుంది .. అనూహ్యమైన మలుపులనేవి లేకుండా అసహనానికి గురిచేస్తుంది. 
'90 ఎంఎల్' మూవీ రివ్యూ
మూడు పూటలా 90 ఎం.ఎల్ మందు తాగనిదే ఉండలేని ‘దేవదాసు’, మందు వాసన తమ గేటు బైట ఉండగానే పసిగట్టే ‘సువాసన’ను ప్రేమిస్తాడు. తన ఈ అలవాటును కప్పిపుచ్చుకుంటూ కథానాయికతో ప్రేమను కొనసాగిస్తాడు. అనుకోని పరిస్థితుల్లో దేవదాసు నిత్య తాగుబోతు అని తెలుసుకున్న కథానాయిక అతనికి దూరం అవుతుంది. ప్రియురాలికి నిజం చెప్పి ఆమె ప్రేమను ఎలా తిరిగి పొందగలిగాడు అనేది కథ. మాస్ ప్రేక్షకులను టార్గెట్ చేసుకున్న ఈ చిత్రం ఆ వర్గానికి నచ్చే అంశాలతో రూపొందింది.
'రాజావారు రాణిగారు' మూవీ రివ్యూ
రాణిపట్ల తన మనసులోని ప్రేమను బయటపెట్టలేక రాజా మౌనంగా ఆరాధిస్తూ ఉంటాడు. కాలేజ్ చదువు కోసం ఊరెళ్లిన రాణి తిరిగిరాగానే ఆమెను ప్రేమిస్తున్నట్టుగా చెప్పాలనుకుంటాడు. ఈ లోగా రాణి తండ్రి ఆమెను తన మేనల్లుడికిచ్చి పెళ్లి చేయాలనుకుంటాడు. అప్పుడు రాజా ఏం చేస్తాడు? పర్యవసానంగా ఏం జరుగుతుంది? అనేదే కథ. పస లేని కథ ..పట్టులేని కథనంతో ఈ పల్లెటూరి ప్రేమకథ ఆకట్టుకోలేకపోయింది.
AP Minister Anil Kumar Yadav tested negative for Coronavir..
AP Minister Anil Kumar Yadav tested negative for Coronavirus
#Family - A short film by top celebs on Coronavirus withou..
#Family - A short film by top celebs on Coronavirus without moving out of their houses
British PM Boris Johnson moved to Intensive Care Unit afte..
British PM Boris Johnson moved to Intensive Care Unit after worsen condition
AP government adds Coronavirus under Aarogyasri Scheme..
AP government adds Coronavirus under Aarogyasri Scheme
Drunk man rams car into divider in Hyderabad..
Drunk man rams car into divider in Hyderabad
Telangana minister KTR praises man after his idea to play ..
Telangana minister KTR praises man after his idea to play during quarantine
Over 50 attended funeral of Tamil Nadu COVID-19 victim, al..
Over 50 attended funeral of Tamil Nadu COVID-19 victim, alleges body removed from protective bag
Coronavirus positive cases increasing in Andhra Pradesh, t..
Coronavirus positive cases increasing in Andhra Pradesh, total reaches 303
KCR shows the latest false report of his sayings in the mo..
KCR shows the latest false report of his sayings in the mobile phone, slams English paper- Exclusive
9 PM Telugu News: 6th April 2020..
9 PM Telugu News: 6th April 2020