ap7am logo

'తిప్పరా మీసం' మూవీ రివ్యూ

Fri, Nov 08, 2019, 04:18 PM
Movie Name: Thipparaa Meesam
Release Date: 08-11-2019
Cast: Sree Vishnu, Nikki Thamboli, Rohini, Banerjee
Director: Krishna Vijay
Producer: Rizwan
Music: Suresh Bobbili
Banner: Rizwan Entertainments   

చిన్నతనంలోనే చెడు బాట పట్టిన కొడుకు .. అతనితో పాటే పెరుగుతూ వచ్చిన వ్యసనాలు. అతను మంచి మార్గంలోకి అడుగుపెట్టే రోజు కోసం ఎదురుచూసే తల్లి. ఆమె ప్రేమకి ద్వేషాన్ని ఫలితంగా ముట్టజెప్పే కొడుకు. ఇలా తల్లీకొడుకుల మధ్య నడిచే కథ ఇది. ప్రధానమైన కథకు వినోదపరమైన మిగతా అంశాలను జోడించకపోవడం వలన, ఈ సినిమా ఇటు యూత్ ను .. అటు ఫ్యామిలీ ఆడియన్స్ ను ఆకట్టుకోలేకపోయిందని చెప్పొచ్చు.


శ్రీవిష్ణు మంచి నటుడు .. ఈ విషయాన్ని ఆయన తన తొలి చిత్రంతోనే నిరూపించుకున్నాడు. అప్పటి నుంచి కూడా వైవిధ్యభరితమైన కథలకు ప్రాధాన్యతనిస్తూ, కెరియర్ పరంగా ఒక్కో మెట్టూ పైకెక్కుతూ వెళుతున్నాడు. అలా ఈ మధ్య ఆయన చేసిన 'బ్రోచేవారెవరురా' విజయంతో పాటు ప్రశంసలు అందుకుంది. అలాంటి శ్రీవిష్ణు చేసిన ఈ సినిమా ప్రేక్షకులను ఎంతవరకూ మెప్పించిందన్నది ఇప్పుడు చూద్దాం.

మణిశంకర్ (శ్రీవిష్ణు) చిన్నతనంలోనే తండ్రిని పోగొట్టుకుంటాడు. తల్లి లలిత (రోహిణి) అతన్ని బాగా చదివించి ప్రయోజకుడిని చేయాలనుకుంటుంది. అయితే స్కూల్ కి వెళ్లే వయసులోనే మణిశంకర్ దారితప్పుతాడు. అతణ్ణి సరైన దారిలోపెట్టడం కోసం తల్లి చేసిన ప్రయత్నాలు, ఆమె పట్ల అతనికి ద్వేషం పెరిగేలా చేస్తాయి. ఆ ద్వేషంతో కొన్నేళ్లపాటు  తల్లికి దూరమైన అతను, ఓ పబ్ లో డీజేగా పనిచేస్తూ, విచ్చలవిడి జీవితాన్ని గడుపుతుంటాడు.

అలాంటి సమయంలోనే అతనికి 'మోనిక' (నిక్కీ తంబోలి)తో పరిచయం ఏర్పడుతుంది .. అది కాస్తా ప్రేమగా మారుతుంది. మాదక ద్రవ్యాలకి .. క్రికెట్ బెట్టింగులకి అలవాటుపడిన మణిశంకర్, జోసఫ్ అనే బుకీకి 30 లక్షల అప్పు పడతాడు. ఆ డబ్బుకోసం తన ఆస్తి తనకి రాసివ్వమంటూ తల్లితో గొడవపడతాడు. చివరికి కోర్టుకి కూడా వెళతాడు. అప్పుడు అతనికి ఒక నిజం తెలుస్తుంది. ఆ నిజం ఏమిటి? అది మణిశంకర్ జీవితాన్ని ఎలాంటి మలుపు తిప్పుతుంది? అనే అంశాలతో మిగతా కథ నడుస్తుంది.

దర్శకుడు కృష్ణవిజయ్ ఈ సినిమాకి 'తిప్పరా మీసం' అనే టైటిల్ పెడితే పౌరుషంతో కూడిన ఆ రేంజ్ సీన్స్ వుంటాయని ప్రేక్షకులు అనుకోవడం సహజం. కానీ సినిమాలో కల్పించుకుని తిప్పితే తప్ప, హీరో మీసం తిప్పే సందర్భాలుగానీ .. ఆ స్థాయి సన్నివేశాలుగాని ఎక్కడా కనిపించవు. హీరో తన కోసం .. తనని నమ్ముకున్నవాళ్ల కోసం మీసం తిప్పి ప్రధానమైన ప్రతినాయకుడిని మట్టి కరిపించాడా అంటే అదీ లేదు.

శ్రీవిష్ణు పాత్రను నెగెటివ్ షేడ్స్ లో దర్శకుడు చాలా బాగా మలిచాడు. అయితే హీరోలో మార్పు చూపించడమనేది ఆలస్యమైపోయింది. తాగుడు .. బెట్టింగులు .. అర్థంపర్థం లేని పందాలతోనే సినిమా చాలావరకూ నడుస్తుంది. ప్రేక్షకులు థియేటర్లో నుంచి బయటికి వచ్చే సమయంలో హీరో మారడం వలన కలిగే ప్రయోజనం ఏమీ ఉండదు. అంతేకాదు వ్యసనాల కారణంగా హీరో .. తన కుటుంబాన్ని దూరం పెడితే, అదే వ్యసనాల కారణంగా హీరోయిన్ అతనికి దూరమవుతుంది. దాంతో ఆ ఇద్దరి మధ్య రొమాన్స్ కి అవకాశం లేకుండా పోయింది.

ఇక ప్రధానమైన విలన్ ఎప్పుడూ హీరో చేతిలో చనిపోయినప్పుడే ఆడియన్స్ కి కిక్ ఉంటుంది. అది మరొకరి ఖాతాలో వేయడం వలన ఆడియన్స్ నిరాశ చెందుతారు. హీరోకి త్యాగం ఆపాదించాలనుకుంటే అందుకు మరో మార్గాన్ని ఎంచుకోవలసింది. దర్శకుడు తీసుకున్న ఈ నిర్ణయాల వలన, వ్యసనపరుడైన హీరో లీలావిశేషాలు ఒక్కొక్కటిగా తెరపైకి వచ్చి వెళుతుంటాయి .. కానీ ప్రేక్షకులకు ఏమీ అనిపించదు. ఎందుకంటే చివరివరకూ ఎక్కడా ఎలాంటి ట్విస్టులు లేవు. అప్పటివరకూ ఆడియన్స్ ను కూర్చోబెట్టే రొమాంటిక్ సాంగ్స్ లేవు .. కనీసం నవ్వు ముఖం పెట్టించే కామెడీ కూడా లేదు.  సంగీతం .. ఫొటోగ్రఫీ .. ఎడిటింగ్ పనితీరు ఒక మాదిరిగానే వున్నాయి. ఎడిటింగ్ విషయానికొస్తే హీరో చిన్నప్పటి సీన్స్ ను ట్రిమ్ చేయవలసింది.  

మణిశంకర్ పాత్రలో శ్రీవిష్ణు చాలా బాగా చేశాడు. అన్నిరకాల వ్యసనాలకు హక్కుదారుడినన్నట్టుగా తన పాత్రకి న్యాయం చేశాడు. లుక్ పరంగాను .. బాడీ లాంగ్వేజ్ పరంగాను కొత్తదనాన్ని చూపించాడు. తల్లిపట్ల ద్వేషాన్నీ .. ఆమె పట్ల ప్రేమను వ్యక్తం చేసే సన్నివేశాల్లో మెప్పించాడు. హీరోకి లవర్ పాత్రలో నిక్కీ తంబోలి నటించింది. నిక్కీ తంబోలి ఇంట్రడక్షన్ సీన్లోనే ప్రేక్షకులు నీరుగారిపోతారు. అందుకు కారణం ఆమె గ్లామర్ .. హీరోయిన్ రేంజ్ లో లేకపోవడమే. హీరోకి తల్లిగా సీనియర్ నటి 'రోహిణి' తనదైన శైలిలో పాత్రను పండించింది. కొడుకులో మంచి మార్పు కోసం ఆరాటపడే పాత్రలో మెప్పించింది. ఇక హీరో మేనమామ పాత్రలో బెనర్జీ, ఆ పాత్రపై తనదైన మార్క్ వేశాడు. ఇక హీరోను టార్చర్ పెట్టే జోసెఫ్ .. కాళీ .. దుర్గా పాత్రలను సరిగ్గా డిజైన్ చేయకపోవడం వలన, అవి ప్రేక్షకులపై ఎలాంటి ప్రభావం చూపలేకపోయాయి.

దర్శకుడు ఎంచుకున్న కథా వస్తువు మంచిదే అయినా, ప్రేక్షకులకు వినోదాన్ని అందించే మిగతా అంశాలను ప్రధానమైన కథకు జోడించడంలో విఫలమయ్యాడు. ఎవరినీ కేర్ చేయని స్వభావం కలిగిన హీరో, ఒక క్రికెట్ బుకీకి భయపడి, అతనికి ఇవ్వాల్సిన డబ్బు కోసం తల్లిపై కేసు పెట్టడం సిల్లీగా అనిపిస్తుంది. జోసఫ్ .. కాళీ .. దుర్గాలలో అసలు విలన్ ఎవరు? అనే ప్రశ్నను ప్రేక్షకులే వేసుకునే పరిస్థితి. ఈ ముగ్గురిలో ఎవరో ఒకరి పాత్రను హైలైట్ చేసి, మీసం తిప్పేసి వాళ్లతో హీరో తలపడితే బాగుండేది. సినిమా అనేది వినోద సాధనం .. కథలో ప్రధానమైన రసం ఏదైనా ప్రేక్షకులకు ప్రధానంగా కావలసింది వినోదమే. ఆ వినోదమే లోపిస్తే ఎలా ఉంటుందనడానికి ఈ సినిమాయే ఒక ఉదాహరణ.

Review By: Peddinti
X

Feedback Form

I agree to Terms of Service & Privacy Policy
'డిస్కోరాజా' మూవీ రివ్యూ
డిస్కోరాజా చిన్న చిన్న దొంగతనాల నుంచి గ్యాంగ్ స్టర్ గా ఎదుగుతాడు. ఆ వృత్తిలో ఆయనకి బర్మా సేతు శత్రువుగా మారతాడు. ఇద్దరి మధ్య ఆధిపత్య పోరు జరుగుతూ ఉంటుంది. ఓ సారి లడఖ్ వెళ్లిన డిస్కోరాజా అక్కడ హత్య చేయబడతాడు. చాలా కాలంగా ఓ డాక్టర్ చేస్తున్న ప్రయోగం ఫలించి, డిస్కోరాజా బ్రతుకుతాడు. అయితే, గతాన్ని మరిచిపోయిన ఆయన ఏం చేస్తాడు? ఆ తరువాత చోటుచేసుకునే పరిణామాలు ఎలాంటివి? అనేదే కథ. ఫస్టాఫ్ సాగతీతగాను .. సెకండాఫ్ కాస్త గందరగోళంగాను సాగే ఈ సినిమా ఓ మాదిరిగా అనిపిస్తుందంతే!
'ఎంత మంచివాడవురా' మూవీ రివ్యూ
బాల్యంలోనే బాలు ఓ ప్రమాదంలో తన తల్లిదండ్రులను పోగొట్టుకుంటాడు. తనకి ఆశ్రయం కల్పించవలసి వస్తుందేమో అన్న ఉద్దేశంతో బంధువులంతా ముఖం చాటేయడం అతనికి బాధ కలిగిస్తుంది. తనలా అయినవారి ప్రేమకి దూరమైనవారికి ఆ లోటు తెలియకుండా ప్రేమను అందించాలనే ఆలోచనతో బాలు రంగంలోకి దిగుతాడు. పర్యవసానంగా అతను ఎలాంటి పరిస్థితులను ఎదుర్కోవలసి వస్తుందనేదే కథ. భవిష్యత్తు తరాలవారికి అందించవలసింది ఆస్తిపాస్తులు కాదు, బంధాలు .. అనుబంధాలు అనే సందేశంతో రూపొందిన ఈ సినిమా కేవలం ఫ్యామిలీ ఆడియన్స్ ను ఆకట్టుకోవచ్చు.
'అల వైకుంఠపురములో' మూవీ రివ్యూ
మధ్యతరగతి కుటుంబానికి చెందిన ఒక తండ్రి, తన కొడుకును శ్రీమంతుడిగా చూసుకోవాలనే స్వార్థంతో, పురిటిలోనే బిడ్డలను మారుస్తాడు. అలా మధ్యతరగతికి చెందిన ఆ బిడ్డ శ్రీమంతుల కుటుంబంలో పెరుగుతాడు. శ్రీమంతుల బిడ్డ మధ్యతరగతి ఇంట్లో ఇబ్బందులు పడుతూ ఎదుగుతాడు. ఈ నిజం ఎలా బయటపడుతుంది? ఎప్పుడు బయటపడుతుంది? అనే ఆసక్తికరమైన మలుపులతో ఈ కథ సాగుతుంది. లవ్ .. కామెడీ .. యాక్షన్ .. ఎమోషన్ పాళ్లతో సాగే ఈ సినిమా ప్రేక్షకులను ఆకట్టుకుంటుంది.
'సరిలేరు నీకెవ్వరు' మూవీ రివ్యూ
దేశ సరిహద్దుల్లో శత్రువుల దాడిని తిప్పికొట్టే మేజర్ అజయ్ కృష్ణ, ప్రొఫెసర్ భారతి కుటుంబానికి అండగా నిలబడవలసి వస్తుంది. అందుకోసం అతను కశ్మీర్ నుంచి కర్నూల్ వస్తాడు. భారతి కుటుంబాన్ని అంతం చేయడానికి ప్రయత్నిస్తున్న మినిస్టర్ నాగేంద్రకు ఎదురు తిరుగుతాడు. ప్రొఫెసర్ భారతికి .. మినిస్టర్ నాగేంద్రకి మధ్య వైరానికి గల కారణం ఏమిటి? భారతికి సపోర్ట్ గా నిలిచిన అజయ్ కృష్ణకి ఎలాంటి పరిస్థితులు ఎదురయ్యాయి? అజయ్ కృష్ణ ఎలా నాగేంద్ర ఆటకట్టించాడు? అనేది కథ. యాక్షన్ .. ఎమోషన్ .. కామెడీ సమపాళ్లలో కలిపి అల్లిన ఈ కథ అన్ని వర్గాల ప్రేక్షకులను ఆకట్టుకుంటుంది. 
'దర్బార్' మూవీ రివ్యూ
డ్రగ్స్ మాఫియా గుప్పెట్లో వున్న యువతను కాపాడటమే ధ్యేయంగా ముంబై పోలీస్ కమిషనర్ ఆదిత్య అరుణాచలం రంగంలోకి దిగుతాడు. ఆ ప్రయత్నంలో తన ఒక్కగానొక్క కూతురును కోల్పోతాడు. అందుకు కారణమైన మాఫియా లీడర్ ను ఆదిత్య అరుణాచలం ఎలా అంతం చేశాడు? అందుకోసం ఎలాంటి వ్యూహాలను ఛేదించాడు? అనేదే కథ. సాధారణమైన కథే అయినా మురుగదాస్ తనదైన స్టైల్లో చెప్పిన తీరు వలన, రజనీ లుక్ .. స్టైల్ కారణంగా ఈ సినిమా ఆయన అభిమానులను ఆకట్టుకుంటుంది. 
'తూటా' మూవీ రివ్యూ
'రఘు' చిన్నతనంలోనే ఆయన అన్నయ్య ఇల్లొదిలిపోతాడు. ఇంజనీరింగ్ చదువుతున్న రఘు .. సినిమాల్లో నటించే 'లేఖ' ప్రేమలో పడతాడు. కొన్ని కారణాల వలన రఘుకి దూరమైన ఆమె, కొంతకాలం తరువాత రఘుకి కాల్ చేస్తుంది. రఘు అన్నయ్యను గురించిన ఒక రహస్యం చెబుతుంది. అదేమిటి? లేఖతో పాటు అన్నయ్యను రక్షించుకోవడం కోసం రఘు ఏం చేస్తాడు? అనేవి మిగతా కథ. ఫస్టాఫ్ లో కథ అర్థం కావడానికి కొంత సమయం పడుతుంది. సెకండాఫ్ లో కొంత అర్థమైనప్పటికీ, ఆశించినస్థాయిలో లేని ముగింపు అసంతృప్తిని కలిగిస్తుంది.
'మత్తు వదలరా' మూవీ రివ్యూ
ఆర్థికపరమైన సమస్యలతో ముగ్గురు స్నేహితులు ఇరుకైన ఒక చిన్న గదిలో వుంటూ నానా కష్టాలు పడుతుంటారు. డెలివరీ బాయ్ గా పనిచేస్తున్న కథానాయకుడు ఒక ఐటమ్ ను అందజేయడానికి ఒక ఫ్లాట్ కి వెళతాడు. అక్కడ జరిగే అనూహ్యమైన సంఘటనతో కథ మలుపు తిరుగుతుంది. ఆ సంఘటన ఏమిటి? పర్యవసానంగా చోటుచేసుకునే పరిణామాలు ఎలాంటివి? అనేదే మిగతా కథ. ఫస్టాఫ్ లో కథ కాస్త నెమ్మదించినా, ఆ తరువాత ఆసక్తికరమైన మలుపులతో ఆకట్టుకుంటుంది.
'ఇద్దరి లోకం ఒకటే' మూవీ రివ్యూ
ప్రేమలో పడిన తరువాత కొన్ని సంఘటనలు అందమైన జ్ఞాపకాలుగా .. అనిర్వచనీయమైన అనుభూతులుగా మారతాయి. అయితే కొంతమంది విషయంలో చిన్ననాటి అందమైన జ్ఞాపకాలు .. అనుభూతులే ప్రేమగా మారతాయి. అలా రెండో కోవకి చెందిన ప్రేమకథగా ప్రేక్షకుల ముందుకు వచ్చిన చిత్రమే 'ఇద్దరి లోకం ఒకటే'. ఒక చిన్నపాయింట్ పట్టుకుని మొదటి నుంచి చివరివరకూ సాగదీసిన ఈ కథ, ప్రేక్షకుల సహనానికి మాత్రం పరీక్ష పెడుతుంది! 
'రూలర్' మూవీ రివ్యూ
ఉత్తరప్రదేశ్ ప్రాంతంలో స్థిరపడిన తెలుగు రైతులు .. అక్కడ వారికి ఎదురైన కష్టాలు .. ప్రాణాలను పణంగా పెట్టి వాళ్లను ఆదుకున్న కథానాయకుడి కథ ఇది. బాలకృష్ణ రెండు విభిన్నమైన పాత్రలను ధరించిన ఈ సినిమా, నిర్మాణం పరంగా భారీగా కనిపిస్తుందిగానీ, కథాకథనాలపరంగా బలహీనంగా అనిపిస్తుంది. అతకని సన్నివేశాలతో అసంతృప్తిని కలిగిస్తుంది.
'ప్రతిరోజూ పండగే' మూవీ రివ్యూ
కన్నతండ్రి ప్రాణాలకంటే ఉద్యోగాలే ఎక్కువనుకునే కొడుకులు ఒక వైపు .. చివరి క్షణాల్లో కొడుకులతో కలిసి ఉండటమే పండగ అనుకునే తండ్రి ఒక వైపు. ఆ కొడుకుల ఆలోచనా విధానాన్ని మార్చి .. ఆ తండ్రి ముచ్చట తీర్చే ఒక మనవడి కథే ఇది. బలమైన ఎమోషన్స్ తో తాతా మనవళ్ల చుట్టూ తిరుగుతూ, అందమైన ప్రేమను .. ఆహ్లాదకరమైన కామెడీని టచ్ చేస్తూ సాగే ఈ కథ ఆద్యంతం ఆకట్టుకుంటుంది.
'వెంకీమామ' మూవీ రివ్యూ
మేనల్లుడి ఆలనా పాలన చూసుకోవడం కోసం పెళ్లి చేసుకోవడం మానేసిన మేనమామ ఒక వైపు. ఆ మేనమామ కోసం తన ప్రేమను త్యాగం చేయడానికి సిద్ధపడిన మేనల్లుడు మరో వైపు. ఈ రెండు పాత్రలు ప్రధానంగా గ్రామీణ నేపథ్యంలో సాగిన ఈ కథ, ఫ్యామిలీ ఆడియన్స్ తో పాటు యూత్ ను .. మాస్ ఆడియన్స్ ను కూడా ఆకట్టుకుంటుంది.
'భాగ్యనగర వీధుల్లో గమ్మత్తు' మూవీ రివ్యూ
ఒక వైపున షార్ట్ ఫిల్మ్స్ లో నటించే ముగ్గురు స్నేహితులు .. మరో వైపున డ్రగ్స్ ను అక్రమంగా తరలించే మాఫియా ముఠా .. వాళ్ల రహస్యాలకి సంబంధించిన ఆధారాలతో తప్పించుకు తిరిగే యువతి .. ఆ ముఠాను పట్టుకోవడానికి ప్రయత్నించే పోలీసుల చుట్టూ తిరిగే కథ ఇది. కసరత్తు చేయని కథతో .. పై పై అల్లేసిన కథనంతో చుట్టేసిన ఈ సినిమా అలరించడం సంగతి అటుంచితే, గందరగోళానికి గురిచేయడంలోనే సక్సెస్ అయింది.
'మిస్ మ్యాచ్' మూవీ రివ్యూ
రెండు ప్రాంతాలు .. రెండు కుటుంబాలు .. వేరు వేరు స్వభావాలు .. అయినా ఒకటి కావాలని ఆరాటపడే రెండు మనసులు. పెళ్లి చేసుకోవాలనుకున్న ఆ జంటకి ఎలాంటి పరిస్థితులు ఎదురయ్యాయి? ఎలాంటి పరిణామాలను ఎదుర్కోవలసి వచ్చింది? అనేది కథ. ఆసక్తికరంగా అనిపించని కథాకథనాలతో ఆద్యంతం ఈ సినిమా నీరసంగా సాగుతుంది .. అనూహ్యమైన మలుపులనేవి లేకుండా అసహనానికి గురిచేస్తుంది. 
'90 ఎంఎల్' మూవీ రివ్యూ
మూడు పూటలా 90 ఎం.ఎల్ మందు తాగనిదే ఉండలేని ‘దేవదాసు’, మందు వాసన తమ గేటు బైట ఉండగానే పసిగట్టే ‘సువాసన’ను ప్రేమిస్తాడు. తన ఈ అలవాటును కప్పిపుచ్చుకుంటూ కథానాయికతో ప్రేమను కొనసాగిస్తాడు. అనుకోని పరిస్థితుల్లో దేవదాసు నిత్య తాగుబోతు అని తెలుసుకున్న కథానాయిక అతనికి దూరం అవుతుంది. ప్రియురాలికి నిజం చెప్పి ఆమె ప్రేమను ఎలా తిరిగి పొందగలిగాడు అనేది కథ. మాస్ ప్రేక్షకులను టార్గెట్ చేసుకున్న ఈ చిత్రం ఆ వర్గానికి నచ్చే అంశాలతో రూపొందింది.
'రాజావారు రాణిగారు' మూవీ రివ్యూ
రాణిపట్ల తన మనసులోని ప్రేమను బయటపెట్టలేక రాజా మౌనంగా ఆరాధిస్తూ ఉంటాడు. కాలేజ్ చదువు కోసం ఊరెళ్లిన రాణి తిరిగిరాగానే ఆమెను ప్రేమిస్తున్నట్టుగా చెప్పాలనుకుంటాడు. ఈ లోగా రాణి తండ్రి ఆమెను తన మేనల్లుడికిచ్చి పెళ్లి చేయాలనుకుంటాడు. అప్పుడు రాజా ఏం చేస్తాడు? పర్యవసానంగా ఏం జరుగుతుంది? అనేదే కథ. పస లేని కథ ..పట్టులేని కథనంతో ఈ పల్లెటూరి ప్రేమకథ ఆకట్టుకోలేకపోయింది.
'అర్జున్ సురవరం' మూవీ రివ్యూ
నకిలీ సర్టిఫికెట్లకి సంబంధించిన వ్యాపారం కోట్ల రూపాయల్లో కొనసాగుతూ ఉంటుంది. ఆ మాఫియా దెబ్బకి 'అర్జున్ సురవరం' అనే రిపోర్టర్ భవిష్యత్తు కూడా ప్రశ్నార్థకంగా మారుతుంది. దాంతో ఆ మాఫియాకి అడ్డుకట్టవేయడానికి అతను రంగంలోకి దిగుతాడు. పర్యవసానంగా అతనికి ఎదురయ్యే పరిస్థితులతో ఈ కథ సాగుతుంది. బలమైన కథాకథనాలతో .. ఆద్యంతం ఆసక్తికరమైన మలుపులతో సాగే ఈ సినిమా ఆకట్టుకుంటుంది.
'తోలుబొమ్మలాట' మూవీ రివ్యూ
జీవితానికి అందాన్నిచ్చేది .. జీవితానికో అర్థాన్నిచ్చేవి బంధాలు - అనుబంధాలేనని నమ్మే వ్యక్తి సోమరాజు. తన కుటుంబ సభ్యులంతా సఖ్యతగా ఉన్నారని భావించిన ఆయనకి, అందులో నిజంలేదనే విషయం తన మరణం తరువాత తెలుస్తుంది. ఆత్మగా వున్న ఆయన, వాళ్లలో మార్పు తీసుకురావడం కోసం ఏం చేశాడనేదే కథ. మూడు తరాలకి చెందిన కుటుంబ సభ్యులతో కలిసి సాగే ఈ కథ ఫరవాలేదనిపిస్తుంది.
'రాగల 24 గంటల్లో' మూవీ రివ్యూ
అనాథశరణాలయంలో పెరిగిన 'విద్య'ను, శ్రీమంతుడైన రాహుల్ ప్రేమించి పెళ్లి చేసుకుంటాడు. పెళ్లి జరిగిన కొంతకాలానికే అతను హత్యకి గురవుతాడు. ఆ హత్యకి కారకులు ఎవరు? ఎందుకు అతణ్ణి హత్య చేయవలసి వచ్చింది? అనేదే కథ. ఆద్యంతం అనూహ్యమైన మలుపులతో సాగే ఈ కథ, సస్పెన్స్ థ్రిల్లర్స్ ను ఇష్టపడేవారికి ఫరవాలేదనిపిస్తుంది. 
'జార్జి రెడ్డి' మూవీ రివ్యూ
ఉస్మానియా యూనివర్సిటీలో 'జార్జి రెడ్డి' చదువుకునేటప్పుడు వున్న సమస్యలు, వాటి పరిష్కారానికై విద్యార్థులను చైతన్యవంతులను చేస్తూ ఆయన పోరాట శంఖం పూరించిన తీరుతో ఈ కథ నడుస్తుంది. ఆ కాలంనాటి కాస్ట్యూమ్స్ విషయంలో కొంత ఇబ్బంది పడినట్టుగా అనిపించినా, సహజత్వానికి దగ్గరగా ఆవిష్కరించిన సన్నివేశాలతో ఈ సినిమా యూత్ ను ఆకట్టుకుంటుందనే చెప్పాలి.
'విజయ్ సేతుపతి' మూవీ రివ్యూ
పచ్చదనానికీ .. మంచితనానికి ప్రతీకగా కనిపించే పల్లెటూరు అది. ఆ ఊరు బాగు కోసం తపించే దేవరాజ్ కొడుకే విజయ్ సేతుపతి. రాజకీయనాయకుడైన చంటబ్బాయ్ .. పారిశ్రామికవేత్త అయిన సంజయ్ కలిసి ఆ ఊళ్లో 'కాపర్ ఫ్యాక్టరీ' పెట్టాలనుకుంటారు. ఆ నిర్ణయాన్ని వ్యతిరేకించిన కారణంగా తన తల్లిదండ్రులనీ, కాబోయే భార్యని విజయ్ సేతుపతి పోగొట్టుకుంటాడు. ఆ తరువాత ఆయన ఏం చేస్తాడు? అనేదే కథ. ఏ మాత్రం కొత్తదనం లేని ఈ కథ సహనానికి పరీక్ష పెడుతూ సాగుతుంది. 
'యాక్షన్' మూవీ రివ్యూ
ఒక ఉన్నతమైన కుటుంబం నుంచి వచ్చిన ఆర్మీ ఆఫీసర్ సుభాశ్, ఒకానొక సంఘటనలో తాను ప్రేమించే అమ్మాయినీ .. తనని ప్రేమించే అన్నయ్యను పోగొట్టుకుంటాడు. తమ కుటుంబ సభ్యుల కారణంగానే కాబోయే ప్రధాని కూడా చనిపోయాడనే నిందను భరించలేకపోతాడు. ఆ సంఘటన వెనక ఎవరున్నారో తెలుసుకుని చట్టానికి అప్పగించి, తన కుటుంబ పరువు ప్రతిష్ఠలను నిలబెట్టడం కోసం సుభాశ్ చేసే ప్రయత్నమే ఈ కథ. 
'తెనాలి రామకృష్ణ బీఏ బీఎల్' మూవీ రివ్యూ
రాజకీయంగా తన ఎదుగుదలకి వరలక్ష్మి అడ్డుగా మారుతుందనే ఉద్దేశంతో, సింహాద్రినాయుడు ఆమెను ఓ హత్య కేసులో ఇరికిస్తాడు. లాయర్ తెనాలి రామకృష్ణ తన తెలివితేటలతో, నిందితురాలైన వరలక్ష్మిని నిర్దోషిగా నిరూపిస్తాడు. ఆ తరువాత తెలిసిన నిజంతో బిత్తరపోతాడు. ఆ నిజం ఏమిటి? దాని పర్యవసానాలు ఎలాంటివి? అనే ఆసక్తికరమైన అంశాల చుట్టూ ఈ కథ తిరుగుతుంది. వినోదమే ప్రధానంగా రూపొందిన ఈ సినిమా ఫరవాలేదనిపిస్తుంది.
'తిప్పరా మీసం' మూవీ రివ్యూ
చిన్నతనంలోనే చెడు బాట పట్టిన కొడుకు .. అతనితో పాటే పెరుగుతూ వచ్చిన వ్యసనాలు. అతను మంచి మార్గంలోకి అడుగుపెట్టే రోజు కోసం ఎదురుచూసే తల్లి. ఆమె ప్రేమకి ద్వేషాన్ని ఫలితంగా ముట్టజెప్పే కొడుకు. ఇలా తల్లీకొడుకుల మధ్య నడిచే కథ ఇది. ప్రధానమైన కథకు వినోదపరమైన మిగతా అంశాలను జోడించకపోవడం వలన, ఈ సినిమా ఇటు యూత్ ను .. అటు ఫ్యామిలీ ఆడియన్స్ ను ఆకట్టుకోలేకపోయిందని చెప్పొచ్చు.
'ఏడు చేపల కథ' మూవీ రివ్యూ
ఒక వైపున ఆత్మల ఆవాహన .. మరో వైపున అరుదైన వ్యాధితో బాధపడే హీరో బృందం .. ఇంకో వైపున తనకి తెలియకుండానే తాను ఎలా గర్భవతినయ్యాననే విషయం తెలుసుకోవడానికి ప్రయత్నించే హీరోయిన్. ఇలాంటి ముఖ్యమైన అంశాలను ముడివేసుకుంటూ వెళ్లిన కథే .. 'ఏడు చేపల కథ'. అడల్ట్ కంటెంట్ చిత్రాలను ఇష్టపడే ప్రేక్షకులకు కూడా ఈ సినిమా ఓ మాదిరిగా అనిపించడం కష్టమేనేమో.
'ఆవిరి' మూవీ రివ్యూ
రాజ్ దంపతులకు ఇద్దరు కుమార్తెలు. పెద్ద కూతురును పోగొట్టుకున్న ఆ దంపతులు, ఆ జ్ఞాపకాలకు దూరంగా వేరే ఇంటికి మారతారు. అక్కడికి వెళ్లిన దగ్గర నుంచి చిన్నకూతురి ప్రవర్తనలో మార్పు వస్తుంది. ఓ రాత్రివేళ హఠాత్తుగా ఆ అమ్మాయి అదృశ్యమవుతుంది. అందుకు కారకులు ఎవరు? అసలా ఇంట్లో ఏం జరుగుతోంది? అనే మలుపులతో 'ఆవిరి' సినిమా సాగుతుంది. ఆసక్తికరమైన కథనం కారణంగా ఈ ఫ్యామిలీ థ్రిల్లర్ ఈ తరహా కథలను ఇష్టపడే ప్రేక్షకులకు నచ్చుతుంది.
30 Rojullo Preminchadam Ela‬ First Look Motion Poster- Pra..
30 Rojullo Preminchadam Ela‬ First Look Motion Poster- Pradeep Machiraju
9 PM Telugu News: 25th January 2020..
9 PM Telugu News: 25th January 2020
BJP-Janasena Long March over AP Capital Shifting- Weekend ..
BJP-Janasena Long March over AP Capital Shifting- Weekend Comment by RK
Jagan Govt Strategies to scrap the Legislative Council- We..
Jagan Govt Strategies to scrap the Legislative Council- Weekend Comment by RK
Mukha Mukhi with Prathipati Pulla Rao..
Mukha Mukhi with Prathipati Pulla Rao
Somu Veerraju in Encounter with Murali Krishna: Promo..
Somu Veerraju in Encounter with Murali Krishna: Promo
CM KCR opposes CAA bill..
CM KCR opposes CAA bill
Revanth Reddy Press Meet On Telangana Municipal Election R..
Revanth Reddy Press Meet On Telangana Municipal Election Results
TRS Non-Commital On CAA And NRC After Opposing It In ParlI..
TRS Non-Commital On CAA And NRC After Opposing It In ParlIament
Aswathama Audio Launch LIVE- Naga Shaurya, Mehreen Kaur..
Aswathama Audio Launch LIVE- Naga Shaurya, Mehreen Kaur