ap7am logo

'తిప్పరా మీసం' మూవీ రివ్యూ

Fri, Nov 08, 2019, 04:18 PM
Movie Name: Thipparaa Meesam
Release Date: 08-11-2019
Cast: Sree Vishnu, Nikki Thamboli, Rohini, Banerjee
Director: Krishna Vijay
Producer: Rizwan
Music: Suresh Bobbili
Banner: Rizwan Entertainments   

చిన్నతనంలోనే చెడు బాట పట్టిన కొడుకు .. అతనితో పాటే పెరుగుతూ వచ్చిన వ్యసనాలు. అతను మంచి మార్గంలోకి అడుగుపెట్టే రోజు కోసం ఎదురుచూసే తల్లి. ఆమె ప్రేమకి ద్వేషాన్ని ఫలితంగా ముట్టజెప్పే కొడుకు. ఇలా తల్లీకొడుకుల మధ్య నడిచే కథ ఇది. ప్రధానమైన కథకు వినోదపరమైన మిగతా అంశాలను జోడించకపోవడం వలన, ఈ సినిమా ఇటు యూత్ ను .. అటు ఫ్యామిలీ ఆడియన్స్ ను ఆకట్టుకోలేకపోయిందని చెప్పొచ్చు.


శ్రీవిష్ణు మంచి నటుడు .. ఈ విషయాన్ని ఆయన తన తొలి చిత్రంతోనే నిరూపించుకున్నాడు. అప్పటి నుంచి కూడా వైవిధ్యభరితమైన కథలకు ప్రాధాన్యతనిస్తూ, కెరియర్ పరంగా ఒక్కో మెట్టూ పైకెక్కుతూ వెళుతున్నాడు. అలా ఈ మధ్య ఆయన చేసిన 'బ్రోచేవారెవరురా' విజయంతో పాటు ప్రశంసలు అందుకుంది. అలాంటి శ్రీవిష్ణు చేసిన ఈ సినిమా ప్రేక్షకులను ఎంతవరకూ మెప్పించిందన్నది ఇప్పుడు చూద్దాం.

మణిశంకర్ (శ్రీవిష్ణు) చిన్నతనంలోనే తండ్రిని పోగొట్టుకుంటాడు. తల్లి లలిత (రోహిణి) అతన్ని బాగా చదివించి ప్రయోజకుడిని చేయాలనుకుంటుంది. అయితే స్కూల్ కి వెళ్లే వయసులోనే మణిశంకర్ దారితప్పుతాడు. అతణ్ణి సరైన దారిలోపెట్టడం కోసం తల్లి చేసిన ప్రయత్నాలు, ఆమె పట్ల అతనికి ద్వేషం పెరిగేలా చేస్తాయి. ఆ ద్వేషంతో కొన్నేళ్లపాటు  తల్లికి దూరమైన అతను, ఓ పబ్ లో డీజేగా పనిచేస్తూ, విచ్చలవిడి జీవితాన్ని గడుపుతుంటాడు.

అలాంటి సమయంలోనే అతనికి 'మోనిక' (నిక్కీ తంబోలి)తో పరిచయం ఏర్పడుతుంది .. అది కాస్తా ప్రేమగా మారుతుంది. మాదక ద్రవ్యాలకి .. క్రికెట్ బెట్టింగులకి అలవాటుపడిన మణిశంకర్, జోసఫ్ అనే బుకీకి 30 లక్షల అప్పు పడతాడు. ఆ డబ్బుకోసం తన ఆస్తి తనకి రాసివ్వమంటూ తల్లితో గొడవపడతాడు. చివరికి కోర్టుకి కూడా వెళతాడు. అప్పుడు అతనికి ఒక నిజం తెలుస్తుంది. ఆ నిజం ఏమిటి? అది మణిశంకర్ జీవితాన్ని ఎలాంటి మలుపు తిప్పుతుంది? అనే అంశాలతో మిగతా కథ నడుస్తుంది.

దర్శకుడు కృష్ణవిజయ్ ఈ సినిమాకి 'తిప్పరా మీసం' అనే టైటిల్ పెడితే పౌరుషంతో కూడిన ఆ రేంజ్ సీన్స్ వుంటాయని ప్రేక్షకులు అనుకోవడం సహజం. కానీ సినిమాలో కల్పించుకుని తిప్పితే తప్ప, హీరో మీసం తిప్పే సందర్భాలుగానీ .. ఆ స్థాయి సన్నివేశాలుగాని ఎక్కడా కనిపించవు. హీరో తన కోసం .. తనని నమ్ముకున్నవాళ్ల కోసం మీసం తిప్పి ప్రధానమైన ప్రతినాయకుడిని మట్టి కరిపించాడా అంటే అదీ లేదు.

శ్రీవిష్ణు పాత్రను నెగెటివ్ షేడ్స్ లో దర్శకుడు చాలా బాగా మలిచాడు. అయితే హీరోలో మార్పు చూపించడమనేది ఆలస్యమైపోయింది. తాగుడు .. బెట్టింగులు .. అర్థంపర్థం లేని పందాలతోనే సినిమా చాలావరకూ నడుస్తుంది. ప్రేక్షకులు థియేటర్లో నుంచి బయటికి వచ్చే సమయంలో హీరో మారడం వలన కలిగే ప్రయోజనం ఏమీ ఉండదు. అంతేకాదు వ్యసనాల కారణంగా హీరో .. తన కుటుంబాన్ని దూరం పెడితే, అదే వ్యసనాల కారణంగా హీరోయిన్ అతనికి దూరమవుతుంది. దాంతో ఆ ఇద్దరి మధ్య రొమాన్స్ కి అవకాశం లేకుండా పోయింది.

ఇక ప్రధానమైన విలన్ ఎప్పుడూ హీరో చేతిలో చనిపోయినప్పుడే ఆడియన్స్ కి కిక్ ఉంటుంది. అది మరొకరి ఖాతాలో వేయడం వలన ఆడియన్స్ నిరాశ చెందుతారు. హీరోకి త్యాగం ఆపాదించాలనుకుంటే అందుకు మరో మార్గాన్ని ఎంచుకోవలసింది. దర్శకుడు తీసుకున్న ఈ నిర్ణయాల వలన, వ్యసనపరుడైన హీరో లీలావిశేషాలు ఒక్కొక్కటిగా తెరపైకి వచ్చి వెళుతుంటాయి .. కానీ ప్రేక్షకులకు ఏమీ అనిపించదు. ఎందుకంటే చివరివరకూ ఎక్కడా ఎలాంటి ట్విస్టులు లేవు. అప్పటివరకూ ఆడియన్స్ ను కూర్చోబెట్టే రొమాంటిక్ సాంగ్స్ లేవు .. కనీసం నవ్వు ముఖం పెట్టించే కామెడీ కూడా లేదు.  సంగీతం .. ఫొటోగ్రఫీ .. ఎడిటింగ్ పనితీరు ఒక మాదిరిగానే వున్నాయి. ఎడిటింగ్ విషయానికొస్తే హీరో చిన్నప్పటి సీన్స్ ను ట్రిమ్ చేయవలసింది.  

మణిశంకర్ పాత్రలో శ్రీవిష్ణు చాలా బాగా చేశాడు. అన్నిరకాల వ్యసనాలకు హక్కుదారుడినన్నట్టుగా తన పాత్రకి న్యాయం చేశాడు. లుక్ పరంగాను .. బాడీ లాంగ్వేజ్ పరంగాను కొత్తదనాన్ని చూపించాడు. తల్లిపట్ల ద్వేషాన్నీ .. ఆమె పట్ల ప్రేమను వ్యక్తం చేసే సన్నివేశాల్లో మెప్పించాడు. హీరోకి లవర్ పాత్రలో నిక్కీ తంబోలి నటించింది. నిక్కీ తంబోలి ఇంట్రడక్షన్ సీన్లోనే ప్రేక్షకులు నీరుగారిపోతారు. అందుకు కారణం ఆమె గ్లామర్ .. హీరోయిన్ రేంజ్ లో లేకపోవడమే. హీరోకి తల్లిగా సీనియర్ నటి 'రోహిణి' తనదైన శైలిలో పాత్రను పండించింది. కొడుకులో మంచి మార్పు కోసం ఆరాటపడే పాత్రలో మెప్పించింది. ఇక హీరో మేనమామ పాత్రలో బెనర్జీ, ఆ పాత్రపై తనదైన మార్క్ వేశాడు. ఇక హీరోను టార్చర్ పెట్టే జోసెఫ్ .. కాళీ .. దుర్గా పాత్రలను సరిగ్గా డిజైన్ చేయకపోవడం వలన, అవి ప్రేక్షకులపై ఎలాంటి ప్రభావం చూపలేకపోయాయి.

దర్శకుడు ఎంచుకున్న కథా వస్తువు మంచిదే అయినా, ప్రేక్షకులకు వినోదాన్ని అందించే మిగతా అంశాలను ప్రధానమైన కథకు జోడించడంలో విఫలమయ్యాడు. ఎవరినీ కేర్ చేయని స్వభావం కలిగిన హీరో, ఒక క్రికెట్ బుకీకి భయపడి, అతనికి ఇవ్వాల్సిన డబ్బు కోసం తల్లిపై కేసు పెట్టడం సిల్లీగా అనిపిస్తుంది. జోసఫ్ .. కాళీ .. దుర్గాలలో అసలు విలన్ ఎవరు? అనే ప్రశ్నను ప్రేక్షకులే వేసుకునే పరిస్థితి. ఈ ముగ్గురిలో ఎవరో ఒకరి పాత్రను హైలైట్ చేసి, మీసం తిప్పేసి వాళ్లతో హీరో తలపడితే బాగుండేది. సినిమా అనేది వినోద సాధనం .. కథలో ప్రధానమైన రసం ఏదైనా ప్రేక్షకులకు ప్రధానంగా కావలసింది వినోదమే. ఆ వినోదమే లోపిస్తే ఎలా ఉంటుందనడానికి ఈ సినిమాయే ఒక ఉదాహరణ.

Review By: Peddinti
X

Feedback Form

I agree to Terms of Service & Privacy Policy
'తిప్పరా మీసం' మూవీ రివ్యూ
చిన్నతనంలోనే చెడు బాట పట్టిన కొడుకు .. అతనితో పాటే పెరుగుతూ వచ్చిన వ్యసనాలు. అతను మంచి మార్గంలోకి అడుగుపెట్టే రోజు కోసం ఎదురుచూసే తల్లి. ఆమె ప్రేమకి ద్వేషాన్ని ఫలితంగా ముట్టజెప్పే కొడుకు. ఇలా తల్లీకొడుకుల మధ్య నడిచే కథ ఇది. ప్రధానమైన కథకు వినోదపరమైన మిగతా అంశాలను జోడించకపోవడం వలన, ఈ సినిమా ఇటు యూత్ ను .. అటు ఫ్యామిలీ ఆడియన్స్ ను ఆకట్టుకోలేకపోయిందని చెప్పొచ్చు.
'ఏడు చేపల కథ' మూవీ రివ్యూ
ఒక వైపున ఆత్మల ఆవాహన .. మరో వైపున అరుదైన వ్యాధితో బాధపడే హీరో బృందం .. ఇంకో వైపున తనకి తెలియకుండానే తాను ఎలా గర్భవతినయ్యాననే విషయం తెలుసుకోవడానికి ప్రయత్నించే హీరోయిన్. ఇలాంటి ముఖ్యమైన అంశాలను ముడివేసుకుంటూ వెళ్లిన కథే .. 'ఏడు చేపల కథ'. అడల్ట్ కంటెంట్ చిత్రాలను ఇష్టపడే ప్రేక్షకులకు కూడా ఈ సినిమా ఓ మాదిరిగా అనిపించడం కష్టమేనేమో.
'ఆవిరి' మూవీ రివ్యూ
రాజ్ దంపతులకు ఇద్దరు కుమార్తెలు. పెద్ద కూతురును పోగొట్టుకున్న ఆ దంపతులు, ఆ జ్ఞాపకాలకు దూరంగా వేరే ఇంటికి మారతారు. అక్కడికి వెళ్లిన దగ్గర నుంచి చిన్నకూతురి ప్రవర్తనలో మార్పు వస్తుంది. ఓ రాత్రివేళ హఠాత్తుగా ఆ అమ్మాయి అదృశ్యమవుతుంది. అందుకు కారకులు ఎవరు? అసలా ఇంట్లో ఏం జరుగుతోంది? అనే మలుపులతో 'ఆవిరి' సినిమా సాగుతుంది. ఆసక్తికరమైన కథనం కారణంగా ఈ ఫ్యామిలీ థ్రిల్లర్ ఈ తరహా కథలను ఇష్టపడే ప్రేక్షకులకు నచ్చుతుంది.
'మీకు మాత్రమే చెప్తా' మూవీ రివ్యూ
తనకి కాబోయే భర్త నిజాయితీ పరుడై, ఎలాంటి వ్యసనాలు లేనివాడై వుండాలని కోరుకునే యువతి ఒక వైపు, తన గురించిన ఒక విషయం ఆమెకి తెలిస్తే తమ పెళ్లి ఆగిపోతుందనే ఉద్దేశంతో ఒక యువకుడు పడే పాట్లు మరో వైపు. కథ అంతా కూడా ఈ అంశం చుట్టూనే తిరుగుతుంది. అక్కడక్కడా మాత్రమే నవ్వించే ఈ సినిమా ఓ మాదిరిగా అనిపిస్తుందంతే.
'తుపాకి రాముడు' మూవీ రివ్యూ
పుట్టుకతోనే అనాథలా విసిరివేయబడిన రాముడు, ఆ ఊళ్లో వాళ్లంతా తమవాడు అనుకునేలా పెరుగుతాడు. పుస్తకాల షాపు నడుపుకునే అనితపై మనసు పారేసుకున్న రాముడికి ఒక చేదు నిజం తెలుస్తుంది. అదేమిటి? అప్పుడు రాముడు ఏం చేస్తాడు? అనేదే కథ. గ్రామీణ నేపథ్యంలో సాదాసీదాగా సాగిపోయే ఈ కథ, బిత్తిరి సత్తి నుంచి ఆశించే కామెడీని అందించలేకపోయింది. 
'ఖైదీ' మూవీ రివ్యూ
840 కోట్ల విలువ చేసే 900 కేజీల డ్రగ్స్ పోలీసుల చేతికి చిక్కుతుంది. ఆ డ్రగ్స్ ను తిరిగి చేజిక్కించుకోవడానికి మాఫియా గ్యాంగ్ రంగంలోకి దిగుతుంది. వాళ్ల ప్రయత్నాన్ని అడ్డుకునేందుకు పోలీసులు డిల్లీ అనే ఒక ఖైదీ సాయం కోరతారు. తన కూతురిని కలుసుకోవడం కోసం వాళ్లకి సహకరించడానికి అంగీకరించిన ఆ ఖైదీ, చివరికి తన కూతురిని కలుసుకున్నాడా లేదా అనేదే కథ. బలమైన కథ .. ఆసక్తికరమైన కథనంతో ఈ సినిమా మొదటి నుంచి చివరి వరకూ ప్రేక్షకులను కట్టిపడేస్తుంది. 
'విజిల్' మూవీ రివ్యూ
రౌడీగా చెలామణి అవుతున్న రాజప్ప, తన తనయుడు మైఖేల్ జాతీయస్థాయిలో ఫుట్ బాల్ ఆటగాడిగా కప్పు గెలుచుకురావాలని కలలు కంటాడు. అయితే కప్పు అందుకోవలసిన మైఖేల్, చివరి నిమిషంలో కత్తి పట్టుకోవలసి వస్తుంది. తండ్రి కోరిక నెరవేర్చడం కోసం కోచ్ గా మారిన ఆయనకి ఎలాంటి అవరోధాలు ఎదురవుతాయి? వాటిని ఆయన ఎలా అధిగమించాడు? అనేదే కథ. యాక్షన్ .. ఎమోషన్ పాళ్లు ఎక్కువై వినోదం పాళ్లు తగ్గిన ఈ సినిమా, గతంలో విజయ్ - అట్లీ కాంబినేషన్లో వచ్చిన 'తెరి' .. 'మెర్సల్' స్థాయిని అందుకోలేకపోయిందనే చెప్పాలి. 
'ఆపరేషన్ గోల్డ్ ఫిష్' మూవీ రివ్యూ
ఎంతోమంది కశ్మీర్ పండిట్లను పొట్టనబెట్టుకున్న పాకిస్థాన్ తీవ్రవాది ఘాజీబాబాను, జాతీయ భద్రతా దళానికి చెందిన అర్జున్ పండిట్ బంధిస్తాడు. ఉరిశిక్ష పడిన ఘాజీబాబాను విడిపించుకోవడానికి ఆయన ప్రధాన సహచరుడైన ఫారుక్ 'ఆపరేషన్ గోల్డ్ ఫిష్' ను ఆరంభించడంతోనే అసలు కథ మొదలవుతుంది. విస్తృతమైన పరిథి కలిగిన ఈ కథలో, దర్శకుడు యాక్షన్ సన్నివేశాలకు మాత్రమే ప్రాధాన్యతనిచ్చి మిగతా వాటిని వదిలేశాడు. ఫలితంగా ప్రేక్షకులకు అసహనం  కలుగుతుంది .. నిరాశే మిగులుతుంది. 
'రాజుగారి గది 3' మూవీ రివ్యూ
మనసుపడిన అమ్మాయిని మనువాడాలనుకున్న ఓ యువకుడు, అందుకు అడ్డుపడుతోన్న ఆత్మలపై చేసే పోరాటమే 'రాజుగారి గది 3'. హారర్ కామెడీ చిత్రాలను ఇష్టపడేవారిని ఈ సినిమా ఇటు నవ్వించలేకపోయింది .. అటు భయపెట్టలేకపోయింది. ఒక్క మాటలో చెప్పాలంటే అంచనాలను అందుకోలేకపోయింది. 
'RDX Love' మూవీ రివ్యూ
ఊరు కోసం .. ఊరు జనాల బాగు కోసం తన శీలాన్ని పణంగా పెట్టిన ఓ అందమైన యువతి కథ ఇది. ఆ ఊరు సమస్యని పరిష్కరించడం కోసం తన ప్రాణాలను సైతం త్యాగం చేయడానికి సిద్ధపడిన అలివేలు కథ ఇది. రొమాంటిక్ లవ్ స్టోరీగా కనిపించే ఈ లేడీ ఓరియెంటెడ్ మూవీలో, శృంగారం - ఆదర్శం అనే రెండు అతకని అంశాలను కలిపి చెప్పడానికి దర్శకుడు చేసిన ప్రయత్నం కొంతవరకు మాత్రమే ఫలించిందని చెప్పాలి. 
'ఎవ్వరికీ చెప్పొద్దు' మూవీ రివ్యూ
ప్రేమకి ఎప్పుడూ ప్రధానమైన అడ్డంకిగా మారేది కులమే. ప్రేమికులను ప్రధమంగా భయపెట్టేదీ కులమే. కులాన్ని ప్రాణంగా భావించే ఒక ఆడపిల్ల తండ్రి .. మరో కులానికి చెందిన యువకుడిని ప్రేమిస్తున్నానని తండ్రికి చెప్పడానికి భయపడే కూతురు .. ఆ అమ్మాయినే భార్యగా పొందడం కోసం తెగించే ఓ ప్రేమికుడు. ఈ ముగ్గురి చుట్టూ తిరిగే ప్రేమకథా చిత్రమే 'ఎవ్వరికీ చెప్పొద్దు'. కులం అనే పాయింట్ చుట్టూ అల్లుకున్న ఈ కథ సందేశాత్మకమే అయినా, దర్శకుడు దానిని పూర్తిస్థాయిలో ఆసక్తికరంగా ఆవిష్కరించలేకపోయాడు. 
'చాణక్య' మూవీ రివ్యూ
'రా' సంస్థలో గోపీచంద్ తో పాటు ఆయన నలుగురు స్నేహితులు ఒక టీమ్ గా పనిచేస్తూ ఉంటారు. ఒకానొక సందర్భంలో గోపీచంద్ మినహా ఆయన నలుగురు స్నేహితులను, పాకిస్థాన్ లోని భారత వ్యతిరేక శక్తి కిడ్నాప్ చేస్తుంది. దాంతో తన ప్రాణాలకి తెగించి మరీ వాళ్లను ఇండియా తీసుకురావడానికి హీరో 'కరాచీ' లో అడుగుపెడతాడు. అక్కడ ఏం జరుగుతుంది? ఎలాంటి పరిస్థితులను ఆయన ఎదుర్కోవలసి వస్తుందనేది ఈ కథ. అనూహ్యమైన మలుపులు .. ఆసక్తికరమైన సంఘటనలు ఎంతమాత్రం లేని ఈ సినిమా, ప్రేక్షకులను ఆకట్టుకోవడం కష్టమే!
'సైరా నరసింహా రెడ్డి' మూవీ రివ్యూ
భారతావని స్వేచ్ఛా స్వాతంత్ర్యాల కోసం ఉద్యమాన్ని ఊపిరిగా చేసుకున్న తొలి పోరాట యోధుడి కథ ఇది. ఉడుకు నెత్తురుతో ఉప్పెనలా ఆంగ్లేయులపై విరుచుకుపడిన ఉయ్యాలవాడ నరసింహారెడ్డి కథ ఇది. దేశమాత సంకెళ్లను తెంచడం కోసం తనని తాను సమిధగా సమర్పించుకున్న అమరవీరుని ఆదర్శ చరిత్రగా 'సైరా' ప్రేక్షకుల ముందుకు వచ్చింది. బలమైన కథాకథనాలకు భారీతనాన్ని జోడించి అందించిన ఈ చిత్రం, చిరంజీవి కెరియర్లో ప్రత్యేక స్థానాన్ని దక్కించుకుందనే చెప్పాలి.
'నిన్ను తలచి' మూవీ రివ్యూ
ప్రేమ అనేది ప్రతి నిమిషాన్ని అందమైన అనుభూతిగా మారుస్తుంది .. ఊహల ఊయలను ఉత్సాహంతో ఊపేస్తుంది. అలాంటి సున్నితమైన ప్రేమకథను సుదీర్ఘంగా చెప్పిన చిత్రమే 'నిన్నుతలచి'. నిజమైన ప్రేమను సొంతం చేసుకునేందుకు కథానాయిక అనుభవించిన మానసిక సంఘర్షణే ఈ సినిమా కథ. హృదయాన్ని తాకే సన్నివేశాలుగానీ .. మాటలుగాని .. పాటలుగాని లేని ఈ సినిమా యూత్ ను నిరాశ పరుస్తుంది.
'బందోబస్త్' మూవీ రివ్యూ
ఒక పారిశ్రామిక వేత్త దేశ రాజకీయాలను ప్రభావితం చేసే శక్తిమంతుడవుతాడు. తన వ్యాపార సామ్రాజ్యాన్ని విస్తరింప జేయడం కోసం ప్రకృతికి .. ప్రజలకు నష్టాన్ని కలిగించడానికి కూడా వెనుకాడడు. ఈ విషయంలో ఆయన ప్రధానిని సైతం ఎదిరించే స్థాయికి చేరుకుంటాడు. అప్పుడు ప్రధాని పర్సనల్ సెక్యూరిటీ ఆఫీసర్ గా ఉన్న రవికిశోర్ ఏం చేశాడనేదే కథ. వినోదానికి దూరంగా చాలా నీరసంగా నడిచే ఈ కథ, అక్కడక్కడ మాత్రమే ఆకట్టుకుంటుంది .. అదీ యాక్షన్ సినిమాల ప్రేమికులను మాత్రమే.
'గద్దలకొండ గణేశ్' మూవీ రివ్యూ
అసిస్టెంట్ డైరెక్టర్ గా వున్న 'అభి'కి ఒక దర్శకుడి కారణంగా అవమానం ఎదురవుతుంది. దాంతో మంచి కథ తయారు చేసుకుని ఏడాదిలోగా దర్శకుడిగా మారాలనుకుంటాడు. 'గద్దలకొండ గణేశ్' అనే ఒక గ్యాంగ్ స్టర్ ను సీక్రెట్ గా ఫాలో అవుతూ ఆయన కథను తెరకెక్కించాలనుకుంటాడు. ఆ క్రమంలో ఆ యువకుడికి ఎలాంటి పరిస్థితులు ఎదురయ్యాయనేదే కథ. పూర్తి వినోదభరితంగా రూపొందిన ఈ సినిమా మాస్ ఆడియన్స్ ను ఎక్కువగా ఆకట్టుకోవచ్చు.
'మార్షల్' మూవీ రివ్యూ
ఒక వైపున తను పిచ్చిగా అభిమానించే హీరో, మరో వైపున తను ప్రాణంగా ప్రేమించే అక్క. ఆ హీరో కారణంగా తన అక్కయ్య ప్రాణాలకి ముప్పు ఏర్పడినప్పుడు ఆ యువకుడు ఏం చేశాడనేదే కథ. సినిమా మొదలైన దగ్గర నుంచి అంబులెన్సుల సైరన్లతో .. స్ట్రెచర్ల పరుగులతో .. హాస్పిటల్స్ వాతావరణంలో సాగుతుంది. ఈ తరహా సన్నివేశాలను చూడటానికి చాలామంది ఇష్టపడరు. ప్రధాన పాత్రను తీర్చిదిద్దే విషయంలో ప్రేక్షకులకు ఏర్పడిన గందరగోళం చివరి వరకూ అలాగే ఉంటుంది. సందేశం ఉన్నప్పటికీ సహనానికి పరీక్ష పెడుతుంది.
నానీస్ 'గ్యాంగ్ లీడర్' మూవీ రివ్యూ
ఒక వ్యక్తి కారణంగా ఐదుగురి జీవితాల్లో విషాదం చోటుచేసుకుంటుంది. ఆ ఐదుగురు కలిసి ఆ వ్యక్తిపై పగ తీర్చుకోవాలని నిర్ణయించుకుంటారు. ఈ విషయంలో వాళ్లంతా పెన్సిల్ పార్థసారథి అనే ఒక రైటర్ సాయాన్ని కోరతారు. వాళ్లకి ఆయన ఎలా సాయపడ్డాడనేదే కథ. అక్కడక్కడా కథ కాస్త నెమ్మదించినా, కామెడీని ఆసరా చేసుకుని మళ్లీ పుంజుకుంటూ నడుస్తుంది .. నాని అభిమానులతో పాటు ఫ్యామిలీ ఆడియన్స్ ని ఆకట్టుకోవచ్చు.
'ఉండిపోరాదే' మూవీ రివ్యూ
కాలేజ్ లో చదువుతో పాటు సాగే ప్రేమకథ ఇది. కథలో మంచి సందేశం ఉన్నప్పటికీ దానిని ఆసక్తికరంగా ప్రేక్షకులకు చేరవేయడంలో దర్శకుడు విఫలమయ్యాడు. దాంతో సెకండాఫ్ లో మాత్రమే ఒక సినిమా చూస్తున్నామనే ఫీలింగ్ ప్రేక్షకులకు కలుగుతుంది. సక్సెస్ అయిన ప్రేమకథా చిత్రాలను పరిశీలిస్తే, మంత్రించే మాటలు .. అనుభూతినిచ్చే పాటలు .. అందమైన దృశ్యాలు ప్రధానమైన బలంగా నిలవడం కనిపిస్తుంది. ఈ అంశాలన్నీ ఈ ప్రేమకథలో లోపించాయి.
'జోడి' మూవీ రివ్యూ
ఒక వైపున జూదానికి బానిసైన తండ్రి .. మరో వైపున తను ప్రాణంగా ప్రేమించిన ప్రియురాలు. తన ప్రేమకి తన తండ్రి వ్యసనమే అడ్డంకిగా మారినప్పుడు ఆ యువకుడు ఏం చేశాడనేదే కథ. ఎమోషన్ ను జోడీగా చేసుకుని నడిచిన ఈ ప్రేమకథ ఓ మాదిరిగా అనిపిస్తుంది.
'సాహో' మూవీ రివ్యూ
కథ బలమైనదైనప్పుడు చేసే ఖర్చు ఆ కథకు మరింత బలాన్ని చేకూరుస్తుంది. కథ బలహీనమైనప్పుడు చేసే ఖర్చు అనవసరమనిపిస్తుంది. 'సాహో' విషయంలో ఈ రెండొవదే జరిగింది. బలహీనమైన కథ .. అయోమయానికి గురిచేసే కథనంతో సాగే ఈ సినిమా, ఖర్చు విషయంలో మాత్రమే 'సాహో' అనిపిస్తుంది.
'ఏదైనా జరగొచ్చు' మూవీ రివ్యూ
జీవితాన్ని విలాసవంతంగా గడపాలి .. అందుకోసం సులభంగా డబ్బు సంపాదించాలనే ఓ ముగ్గురు కుర్రాళ్లు, డబ్బు కోసం ఎంతకైనా తెగించే ఓ రౌడీతో శత్రుత్వం పెట్టుకుంటారు. ఆ రౌడీ ఆశ్రయంలో వున్న దెయ్యం ఆగ్రహానికి గురవుతారు. పర్యవసానంగా చోటుచేసుకునే పరిణామాలతో ఈ కథ సాగుతుంది. కథాకథనాల్లో బలం తక్కువ .. సన్నివేశాల పరంగా హడావిడి ఎక్కువ అనిపించే ఈ సినిమా, కొత్తదనాన్ని ఆశించి వెళ్లిన ప్రేక్షకులను నిరాశ పరుస్తుంది.
'బాయ్' మూవీ రివ్యూ
స్కూల్ ఫైనల్లో తెలియని ఆకర్షణ .. ప్రేమ, చదువును పక్కదారి పట్టిస్తుంటాయి. ఈ సమయంలోనే ఆ వయసు పిల్లలు ఒక రకమైన మానసిక సంఘర్షణకి లోనవుతారు. అలాంటి సంఘర్షణకు దృశ్య రూపంగా 'బాయ్' కనిపిస్తుంది. దర్శకుడు ఎంచుకున్న లైన్ ఆసక్తికరమైనదే .. సందేశంతో కూడినదే. వినోదపు పాళ్లు కావలసినంత కలిపే అవకాశం వున్నా అలాంటి ప్రయత్నం జరగకపోవడంతో, ఈ కథ ఆశించినస్థాయిలో మెప్పించలేకపోయింది.
'కౌసల్య కృష్ణమూర్తి' మూవీ రివ్యూ
కష్టాలను ఎదురిస్తూ .. ప్రతికూల పరిస్థితులపై పోరాడినప్పుడే గమ్యం చేరువవుతుంది .. విజయం సొంతమవుతుంది. క్రీడా స్ఫూర్తిని కలిగిస్తూ అలాంటి సందేశంతో తాజాగా ప్రేక్షకుల ముందుకు వచ్చిన చిత్రమే 'కౌసల్య కృష్ణమూర్తి'. సందేశంపైనే ప్రధానంగా దృష్టిపెట్టడం వలన, వినోదపరమైన అంశాల పాళ్లు తగ్గిపోయి ఓ మాదిరిగా అనిపిస్తుందంతే.
'ఎవరు' మూవీ రివ్యూ
ఒక తప్పు అనేక తప్పులు చేయడానికి కారణమవుతుంది. విలాసవంతమైన జీవితంపట్ల ఆశ .. విషాదం వైపు నడిపిస్తుందనే రెండు సత్యాలను చాటిచెప్పే కథ ఇది. అనుక్షణం ఉత్కంఠను రేకెత్తించే కథాకథనాలతో .. అనూహ్యమైన మలుపులతో సాగిపోయే ఈ క్రైమ్ థ్రిల్లర్ ఆ తరహా చిత్రాలను ఇష్టపడే ప్రేక్షకులను ఆద్యంతం ఆకట్టుకుంటుంది.
High Voltage: Pawan Kalyan reaction over English medium in..
High Voltage: Pawan Kalyan reaction over English medium in govt schools
Serious Action Against Those Who Involve In Sand Mining Sa..
Serious Action Against Those Who Involve In Sand Mining Says Perni Nani
Press Meet: Minister Botsa Comments On Pawan Kalyan And Ch..
Press Meet: Minister Botsa Comments On Pawan Kalyan And Chandrababu
Chief Justice Of India's Office Comes Under RTI Act, Says ..
Chief Justice Of India's Office Comes Under RTI Act, Says Supreme Court
Hero Rajasekhar EXCLUSIVE Visuals After Accident Incident..
Hero Rajasekhar EXCLUSIVE Visuals After Accident Incident
Anchor Suma Challenges To NTR, Bigg Boss Rahul Sipligunj &..
Anchor Suma Challenges To NTR, Bigg Boss Rahul Sipligunj & Ohmkar
This is how Deepika and Ranveer Singh will celebrate their..
This is how Deepika and Ranveer Singh will celebrate their first wedding anniversary
TSRTC Strike: Telangana Govt Not Agreed To Set Up High Pow..
TSRTC Strike: Telangana Govt Not Agreed To Set Up High Power Committee
Sreemukhi Ramulamma Dance With Ramulamma Contest Winners..
Sreemukhi Ramulamma Dance With Ramulamma Contest Winners
Aashiqui Mein Teri 2.0 Teaser- Himesh Reshammiya, Ranu Mon..
Aashiqui Mein Teri 2.0 Teaser- Himesh Reshammiya, Ranu Mondal