ap7am logo

'రాజుగారి గది 3' మూవీ రివ్యూ

Fri, Oct 18, 2019, 03:27 PM
Movie Name: Raju Gari Gadi 3
Release Date: 18-10-2019
Cast: Ashwin, Avika Gor, Ali, Brahmaji, Ajay Ghosh, Urvasi, Dhan Raj
Director: Ohmkar
Producer: Ohmkar
Music: Shabir
Banner: OAK Entertainments

మనసుపడిన అమ్మాయిని మనువాడాలనుకున్న ఓ యువకుడు, అందుకు అడ్డుపడుతోన్న ఆత్మలపై చేసే పోరాటమే 'రాజుగారి గది 3'. హారర్ కామెడీ చిత్రాలను ఇష్టపడేవారిని ఈ సినిమా ఇటు నవ్వించలేకపోయింది .. అటు భయపెట్టలేకపోయింది. ఒక్క మాటలో చెప్పాలంటే అంచనాలను అందుకోలేకపోయింది. 

కొంతమంది మాంత్రికులు కొన్ని శక్తులను ప్రయోగించడం, ఆ శక్తులు సృష్టించే అవరోధాలను అధిగమించి నాయకుడు విజయాన్ని సాధించడం వంటి తరహాలో గతంలో చాలా సినిమాలే వచ్చాయి. అలాంటి తరహా కథాంశంతోనే దర్శకుడు ఓంకార్ 'రాజుగారి గది 3' చిత్రాన్ని ప్రేక్షకుల ముందుకు తీసుకొచ్చాడు. హారర్ కామెడీ నేపథ్యంలో వచ్చిన ఈ సినిమా ప్రేక్షకులను ఏ స్థాయిలో నవ్వించిందో .. ఏ మేరకు భయపెట్టిందో ఇప్పుడు చూద్దాం.

కథలోకి వెళితే .. మాయ (అవికా గోర్) ఒక హాస్పిటల్లో డాక్టర్ గా పనిచేస్తూ ఉంటుంది. అదే హాస్పిటల్లో డాక్టర్ గా పనిచేస్తోన్న శశి (బ్రహ్మాజీ) 'మాయ'పై మనసు పారేసుకుంటాడు. మాయకి ఐ లవ్ యూ చెప్పిన ఆయనపై ఒక దెయ్యం దాడి చేస్తుంది. దాంతో కాలనీలో తనని ఇబ్బంది పెడుతున్న అశ్విన్ (అశ్విన్ బాబు)ని మాయ ప్రేమలో పడేలా చేయాలనుకుంటాడు. దెయ్యం దాడి చేస్తే ఆ కాలనీ నుంచి అశ్విన్ పారిపోతాడని భావిస్తాడు. మాయని ప్రేమిస్తున్నట్టు చెప్పిన అశ్విన్ పై కూడా దెయ్యం దాడి చేస్తుంది. ఇందుకు కారణం మాయ తండ్రి అయిన మలయాళ మాంత్రికుడు 'గరుడ పిళ్లై' (అజయ్ ఘోష్) అని తెలుసుకుని అశ్విన్ కేరళ వెళతాడు. అక్కడ ఏం జరుగుతుందో .. ఎలాంటి పర్యవసానాలు చోటుచేసుకుంటాయనేది మిగతా కథగా నడుస్తుంది.

దర్శకుడు ఓంకార్ 'రాజుగారి గది' టైటిల్ కింద చేసిన 3వ సినిమా ఇది. ఒక వైపున కామెడీని .. మరో వైపున హారర్ ని .. ఇంకో వైపున సస్పెన్స్ ను కలిపి నడపడానికి ప్రయత్నించాడు. అయితే ఈ మూడు అంశాలను కలిపి ఆసక్తికరంగా నడిపించడంలో ఆయన సక్సెస్ కాలేకపోయాడు. కథా వస్తువు బలంగా లేనప్పుడు కథనం కూడా నీరసంగానే సాగుతుంది. దాంతో సహజంగానే సన్నివేశాలు పేలవంగా తేలిపోతుంటాయి. ఈ సినిమా విషయంలో ఇదే జరిగింది. దెయ్యాలు మేకప్ వేసుకుని తిరుగుతున్నట్టుగా కనిపిస్తాయేగానీ, నిజం దెయ్యాలుగా మాత్రం అనిపించకపోవడాన్నే ఒక ఉదాహరణగా చెప్పుకోవచ్చు.

కథ బలంగా లేదు .. కథనంలో పట్టు లేదు. పాత్రలను తీర్చిదిద్దే విషయంపై శ్రద్ధ పెట్టినట్టుగా కనిపించదు. మలయాళ  మాంత్రికుడిగా అజయ్ ఘోష్ కనిపించగానే అక్కడి నుంచి కథ లేస్తుందని ప్రేక్షకులు అనుకుంటారు. కానీ ఆ పాత్రను జోకర్ కంటే దారుణంగా మార్చేశాడు. అలీ పాత్రను కామెడీ పరంగా సరిగ్గా వాడుకోలేకపోయాడు. దెయ్యలతో కామెడీ చేయించడం మరీ ఘోరం. ఇక అసలు పాయింట్ కి 18వ శతాబ్దానికి పెట్టిన ముడిని, సామాన్య ప్రేక్షకులు అర్థం చేసుకునేంత సమయం లేదు. నిజానికి ఇదే అసలైన పాయింట్ .. దీనిని విపులంగా చెప్పవలసింది.

అజయ్ ఘోష్ ఎదుట అశ్విన్ - అలీ చేసిన రచ్చ చూస్తున్నప్పుడు, అసలు స్క్రిప్ట్ అనేది ఉందా? లేక ఎవరి నోటికి వచ్చిన డైలాగ్స్ వాళ్లు చెబుతున్నారా? అనిపిస్తుంది. కథానాయకుడిగా అశ్విన్ తన పాత్రకి న్యాయం చేయడానికి తనవంతు ప్రయత్నం చేశాడు. మాయ పాత్రలో అవిక ఫరవాలేదనిపించింది. అజయ్ ఘోష్ .. ఊర్వశి వంటి సీనియర్ ఆర్టిస్టులు ఈ తరహా పాత్రలను చేయకపోవడం మంచిది. ఆ పాత్రల్లో వాళ్లను చూడటం కూడా ఇబ్బందిగా అనిపిస్తుంది. ఇక అలీ .. ధనరాజ్ పాత్రల ప్రయోజనం ఏమిటనే విషయం కూడా అర్థం కాదు.

 సంగీతం విషయానికొస్తే హీరో ఇంట్రడక్షన్ సాంగ్ తమిళ వాసన వస్తుంది. సాహిత్యాన్ని మ్యూజిక్ చాలా వరకూ డామినేట్ చేసేసింది. 'రా రా .. రా రా నా గదిలోకి' అనే ఐటమ్ సాంగ్ మాత్రం మాస్ ఆడియన్స్ ను హుషారెత్తించేదిలా వుంది. రీ రికార్డింగ్ విషయానికొస్తే గందరగోళంగా అనిపించిన సందర్భాలే ఎక్కువ. ఎడిటింగ్ విషయానికొస్తే అజయ్ ఘోష్ .. ఊర్వశి ఎపిసోడ్ ను ట్రిమ్ చేయవలసింది. అశ్విన్ ఆటోతో రౌండ్స్ వేస్తూ కాలనీ వాళ్లకి నిద్రలేకుండా చేసే సీన్ .. శివశంకర్ మాస్టర్ సీన్ .. ధన్ రాజ్ ఆరుబయటికి వెళ్లే సీన్ ను లేపేయవలసింది. ఫొటోగ్రఫీ .. శేఖర్ మాస్టర్ కొరియోగ్రఫీ కొన్ని చోట్ల బాగున్నాయి.
 
బలమైన కథాకథనాలను సిద్ధం చేసుకోకుండా .. పాత్రలను స్పష్టంగా డిజైన్ చేసుకోకుండా బరిలోకి దిగితే ఎలాంటి అవుట్ పుట్ వస్తుందనడానికి ఈ సినిమా నిదర్శనంగా నిలుస్తుంది. 'రాజుగారి గది' .. 'రాజుగారి గది 2' సినిమాలకి మించి ఈ సినిమా ఉంటుందని ప్రమోషన్స్ లో ఓంకార్ చెప్పాడు. కానీ ఆ రెండు సినిమాలకి రెండు మెట్ల కిందనే ఈ సినిమా నిలిచిపోతుందని చెప్పొచ్చు.            

Review By: Peddinti
X

Feedback Form

I agree to Terms of Service & Privacy Policy
'విజయ్ సేతుపతి' మూవీ రివ్యూ
పచ్చదనానికీ .. మంచితనానికి ప్రతీకగా కనిపించే పల్లెటూరు అది. ఆ ఊరు బాగు కోసం తపించే దేవరాజ్ కొడుకే విజయ్ సేతుపతి. రాజకీయనాయకుడైన చంటబ్బాయ్ .. పారిశ్రామికవేత్త అయిన సంజయ్ కలిసి ఆ ఊళ్లో 'కాపర్ ఫ్యాక్టరీ' పెట్టాలనుకుంటారు. ఆ నిర్ణయాన్ని వ్యతిరేకించిన కారణంగా తన తల్లిదండ్రులనీ, కాబోయే భార్యని విజయ్ సేతుపతి పోగొట్టుకుంటాడు. ఆ తరువాత ఆయన ఏం చేస్తాడు? అనేదే కథ. ఏ మాత్రం కొత్తదనం లేని ఈ కథ సహనానికి పరీక్ష పెడుతూ సాగుతుంది. 
'యాక్షన్' మూవీ రివ్యూ
ఒక ఉన్నతమైన కుటుంబం నుంచి వచ్చిన ఆర్మీ ఆఫీసర్ సుభాశ్, ఒకానొక సంఘటనలో తాను ప్రేమించే అమ్మాయినీ .. తనని ప్రేమించే అన్నయ్యను పోగొట్టుకుంటాడు. తమ కుటుంబ సభ్యుల కారణంగానే కాబోయే ప్రధాని కూడా చనిపోయాడనే నిందను భరించలేకపోతాడు. ఆ సంఘటన వెనక ఎవరున్నారో తెలుసుకుని చట్టానికి అప్పగించి, తన కుటుంబ పరువు ప్రతిష్ఠలను నిలబెట్టడం కోసం సుభాశ్ చేసే ప్రయత్నమే ఈ కథ. 
'తెనాలి రామకృష్ణ బీఏ బీఎల్' మూవీ రివ్యూ
రాజకీయంగా తన ఎదుగుదలకి వరలక్ష్మి అడ్డుగా మారుతుందనే ఉద్దేశంతో, సింహాద్రినాయుడు ఆమెను ఓ హత్య కేసులో ఇరికిస్తాడు. లాయర్ తెనాలి రామకృష్ణ తన తెలివితేటలతో, నిందితురాలైన వరలక్ష్మిని నిర్దోషిగా నిరూపిస్తాడు. ఆ తరువాత తెలిసిన నిజంతో బిత్తరపోతాడు. ఆ నిజం ఏమిటి? దాని పర్యవసానాలు ఎలాంటివి? అనే ఆసక్తికరమైన అంశాల చుట్టూ ఈ కథ తిరుగుతుంది. వినోదమే ప్రధానంగా రూపొందిన ఈ సినిమా ఫరవాలేదనిపిస్తుంది.
'తిప్పరా మీసం' మూవీ రివ్యూ
చిన్నతనంలోనే చెడు బాట పట్టిన కొడుకు .. అతనితో పాటే పెరుగుతూ వచ్చిన వ్యసనాలు. అతను మంచి మార్గంలోకి అడుగుపెట్టే రోజు కోసం ఎదురుచూసే తల్లి. ఆమె ప్రేమకి ద్వేషాన్ని ఫలితంగా ముట్టజెప్పే కొడుకు. ఇలా తల్లీకొడుకుల మధ్య నడిచే కథ ఇది. ప్రధానమైన కథకు వినోదపరమైన మిగతా అంశాలను జోడించకపోవడం వలన, ఈ సినిమా ఇటు యూత్ ను .. అటు ఫ్యామిలీ ఆడియన్స్ ను ఆకట్టుకోలేకపోయిందని చెప్పొచ్చు.
'ఏడు చేపల కథ' మూవీ రివ్యూ
ఒక వైపున ఆత్మల ఆవాహన .. మరో వైపున అరుదైన వ్యాధితో బాధపడే హీరో బృందం .. ఇంకో వైపున తనకి తెలియకుండానే తాను ఎలా గర్భవతినయ్యాననే విషయం తెలుసుకోవడానికి ప్రయత్నించే హీరోయిన్. ఇలాంటి ముఖ్యమైన అంశాలను ముడివేసుకుంటూ వెళ్లిన కథే .. 'ఏడు చేపల కథ'. అడల్ట్ కంటెంట్ చిత్రాలను ఇష్టపడే ప్రేక్షకులకు కూడా ఈ సినిమా ఓ మాదిరిగా అనిపించడం కష్టమేనేమో.
'ఆవిరి' మూవీ రివ్యూ
రాజ్ దంపతులకు ఇద్దరు కుమార్తెలు. పెద్ద కూతురును పోగొట్టుకున్న ఆ దంపతులు, ఆ జ్ఞాపకాలకు దూరంగా వేరే ఇంటికి మారతారు. అక్కడికి వెళ్లిన దగ్గర నుంచి చిన్నకూతురి ప్రవర్తనలో మార్పు వస్తుంది. ఓ రాత్రివేళ హఠాత్తుగా ఆ అమ్మాయి అదృశ్యమవుతుంది. అందుకు కారకులు ఎవరు? అసలా ఇంట్లో ఏం జరుగుతోంది? అనే మలుపులతో 'ఆవిరి' సినిమా సాగుతుంది. ఆసక్తికరమైన కథనం కారణంగా ఈ ఫ్యామిలీ థ్రిల్లర్ ఈ తరహా కథలను ఇష్టపడే ప్రేక్షకులకు నచ్చుతుంది.
'మీకు మాత్రమే చెప్తా' మూవీ రివ్యూ
తనకి కాబోయే భర్త నిజాయితీ పరుడై, ఎలాంటి వ్యసనాలు లేనివాడై వుండాలని కోరుకునే యువతి ఒక వైపు, తన గురించిన ఒక విషయం ఆమెకి తెలిస్తే తమ పెళ్లి ఆగిపోతుందనే ఉద్దేశంతో ఒక యువకుడు పడే పాట్లు మరో వైపు. కథ అంతా కూడా ఈ అంశం చుట్టూనే తిరుగుతుంది. అక్కడక్కడా మాత్రమే నవ్వించే ఈ సినిమా ఓ మాదిరిగా అనిపిస్తుందంతే.
'తుపాకి రాముడు' మూవీ రివ్యూ
పుట్టుకతోనే అనాథలా విసిరివేయబడిన రాముడు, ఆ ఊళ్లో వాళ్లంతా తమవాడు అనుకునేలా పెరుగుతాడు. పుస్తకాల షాపు నడుపుకునే అనితపై మనసు పారేసుకున్న రాముడికి ఒక చేదు నిజం తెలుస్తుంది. అదేమిటి? అప్పుడు రాముడు ఏం చేస్తాడు? అనేదే కథ. గ్రామీణ నేపథ్యంలో సాదాసీదాగా సాగిపోయే ఈ కథ, బిత్తిరి సత్తి నుంచి ఆశించే కామెడీని అందించలేకపోయింది. 
'ఖైదీ' మూవీ రివ్యూ
840 కోట్ల విలువ చేసే 900 కేజీల డ్రగ్స్ పోలీసుల చేతికి చిక్కుతుంది. ఆ డ్రగ్స్ ను తిరిగి చేజిక్కించుకోవడానికి మాఫియా గ్యాంగ్ రంగంలోకి దిగుతుంది. వాళ్ల ప్రయత్నాన్ని అడ్డుకునేందుకు పోలీసులు డిల్లీ అనే ఒక ఖైదీ సాయం కోరతారు. తన కూతురిని కలుసుకోవడం కోసం వాళ్లకి సహకరించడానికి అంగీకరించిన ఆ ఖైదీ, చివరికి తన కూతురిని కలుసుకున్నాడా లేదా అనేదే కథ. బలమైన కథ .. ఆసక్తికరమైన కథనంతో ఈ సినిమా మొదటి నుంచి చివరి వరకూ ప్రేక్షకులను కట్టిపడేస్తుంది. 
'విజిల్' మూవీ రివ్యూ
రౌడీగా చెలామణి అవుతున్న రాజప్ప, తన తనయుడు మైఖేల్ జాతీయస్థాయిలో ఫుట్ బాల్ ఆటగాడిగా కప్పు గెలుచుకురావాలని కలలు కంటాడు. అయితే కప్పు అందుకోవలసిన మైఖేల్, చివరి నిమిషంలో కత్తి పట్టుకోవలసి వస్తుంది. తండ్రి కోరిక నెరవేర్చడం కోసం కోచ్ గా మారిన ఆయనకి ఎలాంటి అవరోధాలు ఎదురవుతాయి? వాటిని ఆయన ఎలా అధిగమించాడు? అనేదే కథ. యాక్షన్ .. ఎమోషన్ పాళ్లు ఎక్కువై వినోదం పాళ్లు తగ్గిన ఈ సినిమా, గతంలో విజయ్ - అట్లీ కాంబినేషన్లో వచ్చిన 'తెరి' .. 'మెర్సల్' స్థాయిని అందుకోలేకపోయిందనే చెప్పాలి. 
'ఆపరేషన్ గోల్డ్ ఫిష్' మూవీ రివ్యూ
ఎంతోమంది కశ్మీర్ పండిట్లను పొట్టనబెట్టుకున్న పాకిస్థాన్ తీవ్రవాది ఘాజీబాబాను, జాతీయ భద్రతా దళానికి చెందిన అర్జున్ పండిట్ బంధిస్తాడు. ఉరిశిక్ష పడిన ఘాజీబాబాను విడిపించుకోవడానికి ఆయన ప్రధాన సహచరుడైన ఫారుక్ 'ఆపరేషన్ గోల్డ్ ఫిష్' ను ఆరంభించడంతోనే అసలు కథ మొదలవుతుంది. విస్తృతమైన పరిథి కలిగిన ఈ కథలో, దర్శకుడు యాక్షన్ సన్నివేశాలకు మాత్రమే ప్రాధాన్యతనిచ్చి మిగతా వాటిని వదిలేశాడు. ఫలితంగా ప్రేక్షకులకు అసహనం  కలుగుతుంది .. నిరాశే మిగులుతుంది. 
'రాజుగారి గది 3' మూవీ రివ్యూ
మనసుపడిన అమ్మాయిని మనువాడాలనుకున్న ఓ యువకుడు, అందుకు అడ్డుపడుతోన్న ఆత్మలపై చేసే పోరాటమే 'రాజుగారి గది 3'. హారర్ కామెడీ చిత్రాలను ఇష్టపడేవారిని ఈ సినిమా ఇటు నవ్వించలేకపోయింది .. అటు భయపెట్టలేకపోయింది. ఒక్క మాటలో చెప్పాలంటే అంచనాలను అందుకోలేకపోయింది. 
'RDX Love' మూవీ రివ్యూ
ఊరు కోసం .. ఊరు జనాల బాగు కోసం తన శీలాన్ని పణంగా పెట్టిన ఓ అందమైన యువతి కథ ఇది. ఆ ఊరు సమస్యని పరిష్కరించడం కోసం తన ప్రాణాలను సైతం త్యాగం చేయడానికి సిద్ధపడిన అలివేలు కథ ఇది. రొమాంటిక్ లవ్ స్టోరీగా కనిపించే ఈ లేడీ ఓరియెంటెడ్ మూవీలో, శృంగారం - ఆదర్శం అనే రెండు అతకని అంశాలను కలిపి చెప్పడానికి దర్శకుడు చేసిన ప్రయత్నం కొంతవరకు మాత్రమే ఫలించిందని చెప్పాలి. 
'ఎవ్వరికీ చెప్పొద్దు' మూవీ రివ్యూ
ప్రేమకి ఎప్పుడూ ప్రధానమైన అడ్డంకిగా మారేది కులమే. ప్రేమికులను ప్రధమంగా భయపెట్టేదీ కులమే. కులాన్ని ప్రాణంగా భావించే ఒక ఆడపిల్ల తండ్రి .. మరో కులానికి చెందిన యువకుడిని ప్రేమిస్తున్నానని తండ్రికి చెప్పడానికి భయపడే కూతురు .. ఆ అమ్మాయినే భార్యగా పొందడం కోసం తెగించే ఓ ప్రేమికుడు. ఈ ముగ్గురి చుట్టూ తిరిగే ప్రేమకథా చిత్రమే 'ఎవ్వరికీ చెప్పొద్దు'. కులం అనే పాయింట్ చుట్టూ అల్లుకున్న ఈ కథ సందేశాత్మకమే అయినా, దర్శకుడు దానిని పూర్తిస్థాయిలో ఆసక్తికరంగా ఆవిష్కరించలేకపోయాడు. 
'చాణక్య' మూవీ రివ్యూ
'రా' సంస్థలో గోపీచంద్ తో పాటు ఆయన నలుగురు స్నేహితులు ఒక టీమ్ గా పనిచేస్తూ ఉంటారు. ఒకానొక సందర్భంలో గోపీచంద్ మినహా ఆయన నలుగురు స్నేహితులను, పాకిస్థాన్ లోని భారత వ్యతిరేక శక్తి కిడ్నాప్ చేస్తుంది. దాంతో తన ప్రాణాలకి తెగించి మరీ వాళ్లను ఇండియా తీసుకురావడానికి హీరో 'కరాచీ' లో అడుగుపెడతాడు. అక్కడ ఏం జరుగుతుంది? ఎలాంటి పరిస్థితులను ఆయన ఎదుర్కోవలసి వస్తుందనేది ఈ కథ. అనూహ్యమైన మలుపులు .. ఆసక్తికరమైన సంఘటనలు ఎంతమాత్రం లేని ఈ సినిమా, ప్రేక్షకులను ఆకట్టుకోవడం కష్టమే!
'సైరా నరసింహా రెడ్డి' మూవీ రివ్యూ
భారతావని స్వేచ్ఛా స్వాతంత్ర్యాల కోసం ఉద్యమాన్ని ఊపిరిగా చేసుకున్న తొలి పోరాట యోధుడి కథ ఇది. ఉడుకు నెత్తురుతో ఉప్పెనలా ఆంగ్లేయులపై విరుచుకుపడిన ఉయ్యాలవాడ నరసింహారెడ్డి కథ ఇది. దేశమాత సంకెళ్లను తెంచడం కోసం తనని తాను సమిధగా సమర్పించుకున్న అమరవీరుని ఆదర్శ చరిత్రగా 'సైరా' ప్రేక్షకుల ముందుకు వచ్చింది. బలమైన కథాకథనాలకు భారీతనాన్ని జోడించి అందించిన ఈ చిత్రం, చిరంజీవి కెరియర్లో ప్రత్యేక స్థానాన్ని దక్కించుకుందనే చెప్పాలి.
'నిన్ను తలచి' మూవీ రివ్యూ
ప్రేమ అనేది ప్రతి నిమిషాన్ని అందమైన అనుభూతిగా మారుస్తుంది .. ఊహల ఊయలను ఉత్సాహంతో ఊపేస్తుంది. అలాంటి సున్నితమైన ప్రేమకథను సుదీర్ఘంగా చెప్పిన చిత్రమే 'నిన్నుతలచి'. నిజమైన ప్రేమను సొంతం చేసుకునేందుకు కథానాయిక అనుభవించిన మానసిక సంఘర్షణే ఈ సినిమా కథ. హృదయాన్ని తాకే సన్నివేశాలుగానీ .. మాటలుగాని .. పాటలుగాని లేని ఈ సినిమా యూత్ ను నిరాశ పరుస్తుంది.
'బందోబస్త్' మూవీ రివ్యూ
ఒక పారిశ్రామిక వేత్త దేశ రాజకీయాలను ప్రభావితం చేసే శక్తిమంతుడవుతాడు. తన వ్యాపార సామ్రాజ్యాన్ని విస్తరింప జేయడం కోసం ప్రకృతికి .. ప్రజలకు నష్టాన్ని కలిగించడానికి కూడా వెనుకాడడు. ఈ విషయంలో ఆయన ప్రధానిని సైతం ఎదిరించే స్థాయికి చేరుకుంటాడు. అప్పుడు ప్రధాని పర్సనల్ సెక్యూరిటీ ఆఫీసర్ గా ఉన్న రవికిశోర్ ఏం చేశాడనేదే కథ. వినోదానికి దూరంగా చాలా నీరసంగా నడిచే ఈ కథ, అక్కడక్కడ మాత్రమే ఆకట్టుకుంటుంది .. అదీ యాక్షన్ సినిమాల ప్రేమికులను మాత్రమే.
'గద్దలకొండ గణేశ్' మూవీ రివ్యూ
అసిస్టెంట్ డైరెక్టర్ గా వున్న 'అభి'కి ఒక దర్శకుడి కారణంగా అవమానం ఎదురవుతుంది. దాంతో మంచి కథ తయారు చేసుకుని ఏడాదిలోగా దర్శకుడిగా మారాలనుకుంటాడు. 'గద్దలకొండ గణేశ్' అనే ఒక గ్యాంగ్ స్టర్ ను సీక్రెట్ గా ఫాలో అవుతూ ఆయన కథను తెరకెక్కించాలనుకుంటాడు. ఆ క్రమంలో ఆ యువకుడికి ఎలాంటి పరిస్థితులు ఎదురయ్యాయనేదే కథ. పూర్తి వినోదభరితంగా రూపొందిన ఈ సినిమా మాస్ ఆడియన్స్ ను ఎక్కువగా ఆకట్టుకోవచ్చు.
'మార్షల్' మూవీ రివ్యూ
ఒక వైపున తను పిచ్చిగా అభిమానించే హీరో, మరో వైపున తను ప్రాణంగా ప్రేమించే అక్క. ఆ హీరో కారణంగా తన అక్కయ్య ప్రాణాలకి ముప్పు ఏర్పడినప్పుడు ఆ యువకుడు ఏం చేశాడనేదే కథ. సినిమా మొదలైన దగ్గర నుంచి అంబులెన్సుల సైరన్లతో .. స్ట్రెచర్ల పరుగులతో .. హాస్పిటల్స్ వాతావరణంలో సాగుతుంది. ఈ తరహా సన్నివేశాలను చూడటానికి చాలామంది ఇష్టపడరు. ప్రధాన పాత్రను తీర్చిదిద్దే విషయంలో ప్రేక్షకులకు ఏర్పడిన గందరగోళం చివరి వరకూ అలాగే ఉంటుంది. సందేశం ఉన్నప్పటికీ సహనానికి పరీక్ష పెడుతుంది.
నానీస్ 'గ్యాంగ్ లీడర్' మూవీ రివ్యూ
ఒక వ్యక్తి కారణంగా ఐదుగురి జీవితాల్లో విషాదం చోటుచేసుకుంటుంది. ఆ ఐదుగురు కలిసి ఆ వ్యక్తిపై పగ తీర్చుకోవాలని నిర్ణయించుకుంటారు. ఈ విషయంలో వాళ్లంతా పెన్సిల్ పార్థసారథి అనే ఒక రైటర్ సాయాన్ని కోరతారు. వాళ్లకి ఆయన ఎలా సాయపడ్డాడనేదే కథ. అక్కడక్కడా కథ కాస్త నెమ్మదించినా, కామెడీని ఆసరా చేసుకుని మళ్లీ పుంజుకుంటూ నడుస్తుంది .. నాని అభిమానులతో పాటు ఫ్యామిలీ ఆడియన్స్ ని ఆకట్టుకోవచ్చు.
'ఉండిపోరాదే' మూవీ రివ్యూ
కాలేజ్ లో చదువుతో పాటు సాగే ప్రేమకథ ఇది. కథలో మంచి సందేశం ఉన్నప్పటికీ దానిని ఆసక్తికరంగా ప్రేక్షకులకు చేరవేయడంలో దర్శకుడు విఫలమయ్యాడు. దాంతో సెకండాఫ్ లో మాత్రమే ఒక సినిమా చూస్తున్నామనే ఫీలింగ్ ప్రేక్షకులకు కలుగుతుంది. సక్సెస్ అయిన ప్రేమకథా చిత్రాలను పరిశీలిస్తే, మంత్రించే మాటలు .. అనుభూతినిచ్చే పాటలు .. అందమైన దృశ్యాలు ప్రధానమైన బలంగా నిలవడం కనిపిస్తుంది. ఈ అంశాలన్నీ ఈ ప్రేమకథలో లోపించాయి.
'జోడి' మూవీ రివ్యూ
ఒక వైపున జూదానికి బానిసైన తండ్రి .. మరో వైపున తను ప్రాణంగా ప్రేమించిన ప్రియురాలు. తన ప్రేమకి తన తండ్రి వ్యసనమే అడ్డంకిగా మారినప్పుడు ఆ యువకుడు ఏం చేశాడనేదే కథ. ఎమోషన్ ను జోడీగా చేసుకుని నడిచిన ఈ ప్రేమకథ ఓ మాదిరిగా అనిపిస్తుంది.
'సాహో' మూవీ రివ్యూ
కథ బలమైనదైనప్పుడు చేసే ఖర్చు ఆ కథకు మరింత బలాన్ని చేకూరుస్తుంది. కథ బలహీనమైనప్పుడు చేసే ఖర్చు అనవసరమనిపిస్తుంది. 'సాహో' విషయంలో ఈ రెండొవదే జరిగింది. బలహీనమైన కథ .. అయోమయానికి గురిచేసే కథనంతో సాగే ఈ సినిమా, ఖర్చు విషయంలో మాత్రమే 'సాహో' అనిపిస్తుంది.
'ఏదైనా జరగొచ్చు' మూవీ రివ్యూ
జీవితాన్ని విలాసవంతంగా గడపాలి .. అందుకోసం సులభంగా డబ్బు సంపాదించాలనే ఓ ముగ్గురు కుర్రాళ్లు, డబ్బు కోసం ఎంతకైనా తెగించే ఓ రౌడీతో శత్రుత్వం పెట్టుకుంటారు. ఆ రౌడీ ఆశ్రయంలో వున్న దెయ్యం ఆగ్రహానికి గురవుతారు. పర్యవసానంగా చోటుచేసుకునే పరిణామాలతో ఈ కథ సాగుతుంది. కథాకథనాల్లో బలం తక్కువ .. సన్నివేశాల పరంగా హడావిడి ఎక్కువ అనిపించే ఈ సినిమా, కొత్తదనాన్ని ఆశించి వెళ్లిన ప్రేక్షకులను నిరాశ పరుస్తుంది.
MP Galla Jayadev Speech on AP Capital Amaravathi In Lok Sa..
MP Galla Jayadev Speech on AP Capital Amaravathi In Lok Sabha
TTD Implements New Rules on Marriages..
TTD Implements New Rules on Marriages
Kalvakuntla Kavitha's speech after a long time..
Kalvakuntla Kavitha's speech after a long time
John Abraham falls down with the touch of Ileana..
John Abraham falls down with the touch of Ileana
Video: Money thrown from office building during DRI raids ..
Video: Money thrown from office building during DRI raids in Kolkata
Why CM YS Jagan Not Responding On Kodali Nani Comments Ove..
Why CM YS Jagan Not Responding On Kodali Nani Comments Over TTD- Devineni Uma
Microsoft CEO Satya Nadella tops Fortune's Businessperson ..
Microsoft CEO Satya Nadella tops Fortune's Businessperson of the Year 2019 list
Amala Paul Workout in Gym Video..
Amala Paul Workout in Gym Video
KA Paul Files A Petition on Kamma Rajyam Lo Kadapa Reddlu ..
KA Paul Files A Petition on Kamma Rajyam Lo Kadapa Reddlu Movie
High Court Issues Notices to AP Deputy CM Pushpa Srivani..
High Court Issues Notices to AP Deputy CM Pushpa Srivani