ap7am logo

'సైరా నరసింహా రెడ్డి' మూవీ రివ్యూ

Wed, Oct 02, 2019, 06:02 PM
Movie Name: Syeraa
Release Date: 02-10-2019
Cast: Chiranjeevi, Amithabh, Nayanatara, Thamannah, Alexxo'Nell, Jagapathi Babu, Vijay Sethupathi,Sudeep,Ravikishan
Director: Surendar Reddy
Producer: Ram Charan
Music: Amit Trivedi
Banner: Konidela Productions

భారతావని స్వేచ్ఛా స్వాతంత్ర్యాల కోసం ఉద్యమాన్ని ఊపిరిగా చేసుకున్న తొలి పోరాట యోధుడి కథ ఇది. ఉడుకు నెత్తురుతో ఉప్పెనలా ఆంగ్లేయులపై విరుచుకుపడిన ఉయ్యాలవాడ నరసింహారెడ్డి కథ ఇది. దేశమాత సంకెళ్లను తెంచడం కోసం తనని తాను సమిధగా సమర్పించుకున్న అమరవీరుని ఆదర్శ చరిత్రగా 'సైరా' ప్రేక్షకుల ముందుకు వచ్చింది. బలమైన కథాకథనాలకు భారీతనాన్ని జోడించి అందించిన ఈ చిత్రం, చిరంజీవి కెరియర్లో ప్రత్యేక స్థానాన్ని దక్కించుకుందనే చెప్పాలి.

తెలుగు తెరపై కొత్త అధ్యాయాన్ని ఆరంభించిన కథానాయకుడిగా చిరంజీవి కనిపిస్తాడు. అభిమానులను అలరించడం కోసం ఎప్పటికప్పుడు కొత్తదనాన్ని ఒడిసిపట్టే అలుపెరగని విజేతగా అనిపిస్తాడు. కథానాయకుడిగా సుదీర్ఘమైన తన ప్రయాణంలో ఎన్నో విభిన్నమైన .. విలక్షణమైన కథాంశాలతో పలకరించిన చిరంజీవి, 'సైరా' అనే దేశభక్తితో కూడిన ఒక భారీ చారిత్రక చిత్రంతో ప్రేక్షకుల ముందుకొచ్చాడు. తొలిసారిగా చిరంజీవి చేసిన చారిత్రక చిత్రంగా, ఆయన కెరియర్లోనే అత్యంత భారీ బడ్జెట్ తో ప్రేక్షకుల ముందుకొచ్చిన 'సైరా' ఏ స్థాయిలో మెప్పించిందన్నది ఇప్పుడు చూద్దాం.

కథలోకి వెళితే .. ఆంగ్లేయులు భారతదేశంపై పట్టు సాధించే దిశగా పావులు కదుపుతుంటారు. భారతదేశంలోని మిగతా ప్రాంతాలపై మాదిరిగానే 'రేనాడు' ప్రాంతంపై తమ ఉక్కుపాదాన్ని మోపుతారు. శిస్తు వసూలు విషయంలో అక్కడి రైతులను అనేక విధాలుగా హింసిస్తుంటారు. పాలెగాళ్ల కుటుంబం నుంచే వచ్చిన నర్సింహా రెడ్డి(చిరంజీవి), ఆంగ్లేయుల ఆధిపత్యాన్ని ప్రశ్నిస్తాడు. రైతుల పక్షాన నిలిచి ఆంగ్లేయ ప్రభుత్వంపై తిరుగుబాటు చేస్తాడు. ఈ విషయంలో గురువైన గోసాయి వెంకన్న (అమితాబ్) ఆయనకి అండగా నిలుస్తాడు.

ఈ క్రమంలోనే నాట్యగత్తె అయిన లక్ష్మి(తమన్నా)పై నరసింహా రెడ్డి మనసు పారేసుకుంటాడు. తనకి చిన్నతనంలోనే సిద్ధమ్మ (నయనతార)తో వివాహం జరిగిందనే విషయం ఆయనకి ఆ సమయంలోనే తెలుస్తుంది. నరసింహా రెడ్డి కోరిక మేరకు ఊరూరా తిరుగుతూ ప్రజల్లో ఉద్యమ స్ఫూర్తిని రగిల్చడం కోసం లక్ష్మి నడుం బిగిస్తుంది. ఆయన పోరాటానికి తాను అడ్డు కాకూడదనే ఉద్దేశంతో సిద్ధమ్మ పక్కకి తప్పుకుంటుంది. ఈ నేపథ్యంలోనే నరసింహా రెడ్డిని అంతం చేయడానికి ఆంగ్లేయ ప్రభుత్వం అష్ట దిగ్బంధనం చేస్తూ ముందుకు కదులుతుంది. తనకి అండగా నిలిచిన అతికొద్ది మంది వీరులతో ఆంగ్లేయ సైనికులను నరసింహ రెడ్డి ఎలా ఎదుర్కున్నాడు? అనేది తెరపై చూడాల్సిందే.

దర్శకుడు సురేందర్ రెడ్డి ఇంతవరకూ యువ కథానాయకులతో యూత్ ను ఆకట్టుకునే సినిమాలనే ఎక్కువగా తెరకెక్కిస్తూ వచ్చాడు. అలాంటి ఆయన 150 సినిమాలు చేసిన చిరంజీవితో ఒక భారీ చారిత్రక చిత్రాన్ని ఎలా హ్యాండిల్ చేయగలడు? అనే సందేహం చాలామందికి కలిగింది. ఆ సందేహాన్ని పటాపంచలు చేస్తూ ఆయన ఈ సినిమాను చాలా గొప్పగా ఆవిష్కరించాడు. ఈ సినిమాకి ప్రధమ లక్షణంగా భారీతనం .. ప్రధాన లక్షణంగా భారీతారాగణం వుండేలా ఆయన చూసుకున్నాడు. కథను మరింత ఇంట్రెస్టింగ్ గా చెప్పాలనే ఉద్దేశంతో ఝాన్సీ లక్ష్మీబాయి ఎపిసోడ్ నుంచి ఆయన ఎత్తుకున్నాడు. చిరంజీవి ఎంట్రీ ఇచ్చే జాతర సీన్ చిత్రీకరణతోనే సురేందర్ రెడ్డి తన సత్తా చాటుకున్నాడు. ఆంగ్లేయులపై అంచలంచెలుగా నరసింహా రెడ్డి విజయాలను సాధిస్తూ వచ్చిన తీరును బాగా చూపించాడు.

చిరంజీవి .. నయనతార .. తమన్నా పాత్రలను అయన అద్భుతంగా డిజైన్ చేశాడు. ఈ మూడు పాత్రల మధ్య ఎమోషనల్ సీన్స్ తో ప్రేక్షకుల మనసులను భారం చేశాడు. ఇక ఆంగ్లేయులపై నరసింహా రెడ్డి తిరుగుబాటు సన్నివేశాలను .. ఆంగ్లేయ సైన్యాన్ని ధైర్యంగా ఎదుర్కునే సన్నివేశాలను ఉత్కంఠభరితంగా తెరకెక్కించాడు. అయితే ఈ కథను ఝాన్సీ లక్ష్మీబాయి(అనుష్క)తో చెప్పించడమనేది అసలు కథకి కాస్తంత అంతరాయం కిందే అనిపిస్తుంది. ఇక ఆంగ్లేయ అధికారులు నరసింహా రెడ్డి భార్యా బిడ్డలను అపహరించి తీసుకెళ్లగా, ఆంగ్లేయ అధికారులను నరసింహా రెడ్డి ఎదిరించి భార్య బిడ్డలను బయటికి తీసుకురావడమనే ఎపిసోడ్ ను ప్రేక్షకులు ఒక రేంజ్ లో ఊహించుకుంటారు. కానీ చాలా సింపుల్ గా ఆ సీన్ ను తేల్చేశాడు.

ఇక సాధ్యమైనంత త్వరగా అసలు కథలోకి వెళ్లాలనే ఉద్దేశం కారణంగా ఆరంభంలో కథలో హడావిడి కనిపిస్తుంది. నరసింహా రెడ్డి తల్లిదండ్రులు .. ఆయన సోదరులు .. ఆయన కాలంలో ఆ ప్రాంతంలో అరాచకత్వానికి పాల్పడిన ఆంగ్లేయ అధికారుల పేర్లు ప్రేక్షకులకు గుర్తుండేలా చేయలేకపోయాడు. అలాగే జగపతిబాబు పాత్రను ఇంకాస్త పవర్ఫుల్ గా చూపిస్తే బాగుండేదేనని అనిపిస్తుంది. కథ .. కథనం .. పాటలు .. నేపథ్య సంగీతం విషయంలో దర్శకుడు తీసుకున్న శ్రద్ధను అభినందించవలసిందే. సంభాషణలు ఇంకాస్త పదునుగా వుండేల చూసుకుంటే బాగుండేది. మొత్తానికి ఫస్టాఫ్ ను ఉత్కంఠభరితంగా .. సెకండాఫ్ ను ఉద్వేగపూరితంగా నడిపించడంలో ఆయన సఫలీకృతుడయ్యాడు.  

కొణిదెల ప్రొడక్షన్స్ బ్యానర్ పై చరణ్ ఈ సినిమాను నిర్మించాడు. 250 కోట్లకి పైగా ఖర్చుతో ఆయన ఈ సినిమాను నిర్మించాడు. మొదటి నుంచి చివరివరకూ సినిమాలో ఏ సన్నివేశంలోను ఖర్చు విషయంలో రాజీ పడినట్టుగా కనిపించదు. భారీ సెట్టింగ్స్ .. వందలమంది జూనియర్ ఆర్టిస్టులతో ఆయన ఈ సినిమాకి భారీ తనాన్ని తీసుకొచ్చాడు. వీఎఫెక్స్ విషయంలోను ప్రత్యేక దృష్టిపెట్టి ఈ సినిమాకి అదనపు బలం చేకూరడానికి ఆయన చేసిన కృషి ప్రతి ఫ్రేమ్ లోను కనిపిస్తుంది.

'సైరా'లో నరసింహా రెడ్డి పాత్ర తన కెరియర్లో చెప్పుకోదగినదిగా నిలిచిపోతుందని చిరంజీవి ఒక వేదికపై చెప్పారు. ఆయన చెప్పిన మాట అక్షరాలా నిజమనేది ఈ సినిమా చూసిన తరువాత స్పష్టమవుతుంది. ఈ పాత్రలో చిరంజీవి తన నట విశ్వరూపాన్ని చూపించాడు. యాక్షన్ .. ఎమోషన్ సీన్స్ లోను .. దేశభక్తిని తట్టిలేపే సంభాషణలతోను తనకి తిరుగులేదని ఆయన మరోమారు నిరూపించుకున్నాడు. సిద్ధమ్మ పాత్రకి నయనతార నిండుదనాన్ని తీసుకొచ్చింది. సున్నితమైన హావభావాలతో ప్రేక్షకులను మెప్పించింది. లక్ష్మీ పాత్రలో తమన్నా కొత్తగా కనిపించింది. నాట్యగత్తెగా .. నరసింహా రెడ్డికి మనసిచ్చి ఆయన ఆశయ సాధన కోసం తన జీవితాన్ని త్యాగం చేసిన యువతిగా ఆమె తన పాత్రకి పూర్తి న్యాయం చేసింది. నరసింహారెడ్డి గురువుగా అమితాబ్ ఆ పాత్రకి ప్రత్యేక ఆకర్షణగా నిలిచాడు. ఆంగ్లేయ అధికారిగా చేసిన అలెక్స్ ఓ నెల్ తో పాటు జగపతిబాబు .. సుదీప్ .. విజయ్ సేతుపతి .. రవికిషన్ .. నాజర్ .. రఘుబాబు .. ముఖేశ్ రుషి తమ తమ పాత్రల పరిథిలో నటించారు.

అమిత్ త్రివేది అందించిన బాణీలు బాగున్నాయి. సిరివెన్నెల కలం నుంచి జాలువారిన  'జాగో నరసింహా' .. 'పవిత్రభారత' పాటలు కథలోకి ప్రేక్షకులను లాక్కెళ్లి ఆ ఉద్యమంలో భాగస్వాములను చేస్తాయి. జూలియస్ పాకియం బ్యాక్ గ్రౌండ్ స్కోర్ సినిమాను నిలబెట్టేసింది. అయితే కొన్ని చోట్ల డైలాగ్స్ ను డామినేట్ చేసేసింది. ఇక రత్నవేలు ఫొటోగ్రఫీ సినిమాకి మరింత బలాన్ని చేకూర్చింది. ప్రతి దృశ్యాన్ని ఆయన అద్భుతంగా ఆవిష్కరించాడు. యాక్షన్ సీన్స్ ను .. నైట్ ఎఫెక్ట్ సీన్స్ ను .. యుద్ధ సన్నివేశాలను తెరపై ఆయన ఆవిష్కరించిన తీరు విస్మయులను చేస్తుంది. శ్రీకర ప్రసాద్ ఎడిటింగ్ కూడా బాగుంది. అనవసరమైన సన్నివేశాలేం కనిపించవు.

ఇక కాస్ట్యూమ్స్ డిజైన్ విషయంలో సుస్మిత కొణిదెలకి .. ఉత్తర మీనన్ కి మంచి మార్కులు పడతాయి. నయనతార .. నరసింహా రెడ్డి భార్య అనే విషయం తెలియక, 'యుద్ధానికి వీరుడిని పంపించు' అని ఆమెతో తమన్నా అంటే, 'నేను నాయకుడినే పంపించాను' అని నయనతార చెప్పే డైలాగ్ ఈ సినిమాకి హైలైట్. బలమైన కథా కథనాలు .. దర్శకుడి పనితనం .. కథావస్తువుకి తగిన భారీతనం .. ప్రధానమైన పాత్రలను తీర్చిదిద్దిన తీరు .. సందర్భోచితమైన సందేశంతో కూడిన పాటలు .. అద్భుతమైన చిత్రీకరణ .. అందమైన లొకేషన్లు .. ఆకట్టుకునే కాస్ట్యూమ్స్ డిజైనింగ్ .. భారీ సెట్స్ .. విస్మయులను చేసే నిర్మాణ విలువలు 'సైరా నరసింహారెడ్డి' సినిమాను మరోస్థాయికి తీసుకెళతాయి. చిరంజీవి తొలిసారిగా చేసిన ఈ చారిత్రక చిత్రం మెగా అభిమానుల అంచనాలను అందుకుంటుందనే చెప్పొచ్చు.    

Review By: Peddinti
X

Feedback Form

I agree to Terms of Service & Privacy Policy
'శివన్' మూవీ రివ్యూ
శివన్ .. సునంద గాఢంగా ప్రేమించుకుంటారు .. పెళ్లి చేసుకోవాలని నిర్ణయించుకుంటారు. అయితే హఠాత్తుగా సునందపై శివన్ దాడి చేసి, ఆమెను హత్య చేస్తాడు. అందుకు కారణమేమిటి? ఆ తరువాత చోటుచేసుకునే పరిణామాలు ఎలాంటివి? అనేది కథ. రొమాన్స్  .. కామెడీ పాళ్లు ఏ మాత్రం లేని ఈ సినిమా, యాక్షన్ .. ఎమోషన్స్ ప్రధానంగా సాగుతుంది. బలహీనమైన కథాకథనాల కారణంగా ఈ సినిమా ఆకట్టుకోలేకపోయిందనే చెప్పొచ్చు. 
'ప్రేమ పిపాసి' మూవీ రివ్యూ
ఈ తరం అమ్మాయిల్లో చాలా మందిలో నిజమైన ప్రేమ లోపించిందని భావించిన ఓ యువకుడు, అసలైన ప్రేమకి అద్దం వంటి ఓ అమ్మాయి మనసు గెలుచుకోవాలనుకుంటాడు. అందుకోసం అతను ఏం చేస్తాడు? ఆ ప్రయత్నంలో అతను విజయాన్ని సాధిస్తాడా లేదా? అనేదే కథ. బలహీనమైన కథాకథనాలు .. బరువు తగ్గిన పాత్రలు .. ఆసక్తికరంగా లేని సన్నివేశాలతో ఈ సినిమా నిదానంగా .. నీరసంగా సాగుతుంది. 
'ఓ పిట్టకథ' మూవీ రివ్యూ
ప్రభు .. వెంకటలక్ష్మి ఎంతో గాఢంగా ప్రేమించుకుంటారు. ఆ విషయాన్ని వెంకటలక్ష్మి తండ్రికి చెప్పాలని ప్రభు అనుకుంటున్న సమయంలోనే, దగ్గరి బంధుత్వం చెప్పుకుని వెంకటలక్ష్మి ఇంట్లోకి క్రిష్ ఎంటరవుతాడు. వెంకటలక్ష్మి కోసం కథానాయకులు పోటీ పడుతుండగా, హఠాత్తుగా ఆమె అదృశ్యమవుతుంది. ఆమె హత్యకి సంబంధించిన వీడియో పోలీసుల చేతికి చిక్కుతుంది. ఆమె ప్రేమికులిద్దరిలో నేరస్థులు ఎవరు? అనే కోణంలో ఈ కథ సాగుతుంది. గ్రామీణ నేపథ్యంలో సాగే సస్పెన్స్ తో కూడిన ఈ ప్రేమకథ, ఓ మాదిరిగా అనిపిస్తుంది.
'పలాస 1978' మూవీ రివ్యూ
'పలాస'లో 1970 ప్రాంతంలో జరిగిన ఒక యథార్థ సంఘటనకి కొన్ని కల్పితాలను జోడించి ఆవిష్కరించిన కథ ఇది. జానపద కళను నమ్ముకుని బతికే ఐక్యత కలిగిన ఇద్దరు అన్నదమ్ములు ఒక వైపు, గ్రామంపై పెత్తనం కోసం పోరాడే సఖ్యతలేని మరో ఇద్దరు అన్నదమ్ములు ఇంకోవైపు. ప్రధానంగా ఈ నాలుగు పాత్రల చుట్టూనే సహజత్వానికి దగ్గరగా ఈ కథ తిరుగుతుంది. కుల వివక్ష కారణంగా అణచివేతకుగురై, పెత్తందారులపై తిరుగుబాటు చేసిన అన్నదమ్ముల కథగా సాగే ఈ సినిమా ఒక వర్గం ప్రేక్షకులకు నచ్చుతుంది.   
'రాహు' మూవీ రివ్యూ
అసిస్టెంట్ పోలీస్ కమిషనర్ భార్గవ్, గ్యాంగ్ స్టర్ గా అరాచకాలకు పాల్పడుతున్న నాగరాజును జైలుకు పంపిస్తాడు. భార్గవ్ ఒక్కగానొక్క కూతురు భానుని చంపుతానని నాగరాజు శపథం చేస్తాడు. ఒకానొక సందర్భంలో జైలు నుంచి తప్పించుకున్న నాగరాజు, ఒక రహస్య స్థావరంలో తలదాచుకుంటాడు. 'రాహు' దోషం కారణంగా ఆపదలో చిక్కుకున్న భాను, ఆ స్థావరంలోకి అడుగుపెడుతుంది. అక్కడ ఏం జరిగిందనేదే కథ. ఫస్టాఫ్ లో పేలవమైన సన్నివేశాలు, సెకండాఫ్ లో పసలేని ట్విస్టుల కారణంగా ఈ సినిమా ఆకట్టుకోలేకపోయింది. 
HIT మూవీ రివ్యూ
ప్రీతి అనే ఒక టీనేజ్ అమ్మాయి మర్డర్ మిస్టరీ చుట్టూ .. నేహా అనే ఒక యువతి మిస్సింగ్ చుట్టూ తిరిగే క్రైమ్ స్టోరీ ఇది. ప్రీతిని ఎవరు మర్డర్ చేశారు? నేహా ఎలా కనిపించకుండాపోయింది? ఈ రెండు నేరాల వెనక వున్నది ఎవరు? అనే మలుపులతో ఈ కథ ముందుకు వెళుతుంది. వినోదానికి ఎంతమాత్రం అవకాశం లేని ఈ కథ, క్రైమ్ స్టోరీస్ ను ఎక్కువగా  ఇష్టపడేవారికి నచ్చొచ్చు.
'భీష్మ'  మూవీ రివ్యూ
ఓ ఆర్గానిక్ సంస్థ చైర్మన్ రసాయనిక ఎరువుల వాడకం ఎంతప్రమాదమో చాటిచెబుతూ ఆర్గానిక్ ఉత్పత్తుల వాడకాన్ని పెంచే ప్రయత్నం చేస్తుంటాడు. తన స్వార్థం కోసం రసాయనిక ఎరువులనే ప్రోత్సహిస్తూ, ఆర్గానిక్ సంస్థను దెబ్బతీయడానికి రాఘవన్ రంగంలోకి దిగుతాడు. ఈ నేపథ్యంలో ఆర్గానిక్ సంస్థ చైర్మన్ తన సంస్థను కాపాడుకోవడం కోసం, డిగ్రీ కూడా పాస్ కాని 'భీష్మ'ను సీఈఓ గా నియమిస్తాడు. అందుకు గల కారణం ఏమిటి? వేల కోట్ల టర్నోవర్ కలిగిన సంస్థకి సీఈఓగా భీష్మ ఎలా నెగ్గుకొచ్చాడు? అనేదే కథ. వినోదానికి సందేశాన్ని జోడిస్తూ అల్లుకున్న ఈ కథ పూర్తిస్థాయిలో ప్రేక్షకులను ఆకట్టుకుంటుంది.
'వరల్డ్ ఫేమస్ లవర్' మూవీ రివ్యూ
జీవితం పాఠాలు నేర్పుతుంది, ప్రేమ .. పరీక్షలు పెడుతుంది. గౌతమ్ అనే ఒక ప్రేమికుడికి  జీవితం ఎలాంటి పాఠాలు నేర్పింది? ప్రాణంగా ప్రేమించిన అమ్మాయి నుంచి అతనికి ఎటువంటి పరీక్షలు ఎదురయ్యాయి? వాటిని అతను ఎలా అధిగమించాడు? అనేదే ఈ సినిమా కథ. హీరోతో పాటు నలుగురు కథానాయికల పాత్రలకి ప్రాధాన్యతనిస్తూ ఈ కథ నడుస్తుంది. అక్కడక్కడా 'అర్జున్ రెడ్డి'ని గుర్తుచేస్తూ, నిదానమైన కథనంతో సాగే ఈ సినిమా, విజయ్ దేవరకొండ అభిమానులకు నచ్చొచ్చు.
'జాను' మూవీ రివ్యూ
అనుకోకుండా జరిగే కొన్ని సంఘటనలు భవిష్యత్తును నిర్ణయిస్తుంటాయి .. జీవితాన్ని మార్చేస్తుంటాయి. అలాంటి ఒక సంఘటన ఇద్దరి ప్రేమికులను దూరం చేస్తుంది. ఆ సంఘటన ఏమిటి? చాలా కాలం తరువాత కలుసుకున్న ఆ ఇద్దరూ ఆ జ్ఞాపకాలను ఎలా పంచుకున్నారు? అనేది కథ. అనుభూతి ప్రధానమైన ఈ కథ, ఆ పరిధిని దాటేసి సాగతీతగా అనిపిస్తుంది. ఈ తరహా కథలకు ప్రాణంగా నిలవాల్సిన పాటలు, ప్రేక్షకుల మనసులను పట్టుకోలేకపోయాయి .. ఆకట్టుకోలేకపోయాయి. తమిళ .. కన్నడ భాషా ప్రేక్షకుల ఆదరణ పొందిన ఈ కథ, తెలుగు రీమేక్ గా మాత్రం ఓ మాదిరిగా అనిపిస్తుందంతే. 
'అశ్వద్ధామ ' మూవీ రివ్యూ
ఒక వైపున కుటుంబ గౌరవాన్నీ .. మరో వైపున చెల్లెలి కాపురాన్ని కాపాడుకోవడానికి రంగంలోకి దిగిన కథానాయకుడే  'అశ్వద్ధామ'. నగరంలో ఆడపిల్లలు అదృశ్యం కావడానికి గల కారణాన్ని కనుక్కునే బాధ్యతను కూడా ఆయన తన భుజాలపైనే వేసుకుంటాడు. ఆ ప్రయత్నంలో ఆయన ఎలాంటి పరిస్థితులను ఎదుర్కోవలసి వస్తుంది ? వాటిని ఆయన ఎలా అధిగమించాడు? అనేది కథ. నాగశౌర్య తను స్వయంగా రాసిన కథ ఇది .. నిర్మాత కూడా ఆయనే. నిర్మాణ పరమైన విలువలు బాగానే ఉన్నప్పటికీ కథాపరంగా విషయాల్లో అనుభవలేమి కనిపిస్తుంది. యాక్షన్ ఎపిసోడ్స్ ను మాత్రమే పట్టుకుని వేళ్లాడిన నాగశౌర్య, మిగతా అంశాలను సరిగ్గా రాసుకోలేకపోయాడు .. ప్రేక్షకులను పూర్తిస్థాయిలో మెప్పించలేకపోయాడు.  
'డిస్కోరాజా' మూవీ రివ్యూ
డిస్కోరాజా చిన్న చిన్న దొంగతనాల నుంచి గ్యాంగ్ స్టర్ గా ఎదుగుతాడు. ఆ వృత్తిలో ఆయనకి బర్మా సేతు శత్రువుగా మారతాడు. ఇద్దరి మధ్య ఆధిపత్య పోరు జరుగుతూ ఉంటుంది. ఓ సారి లడఖ్ వెళ్లిన డిస్కోరాజా అక్కడ హత్య చేయబడతాడు. చాలా కాలంగా ఓ డాక్టర్ చేస్తున్న ప్రయోగం ఫలించి, డిస్కోరాజా బ్రతుకుతాడు. అయితే, గతాన్ని మరిచిపోయిన ఆయన ఏం చేస్తాడు? ఆ తరువాత చోటుచేసుకునే పరిణామాలు ఎలాంటివి? అనేదే కథ. ఫస్టాఫ్ సాగతీతగాను .. సెకండాఫ్ కాస్త గందరగోళంగాను సాగే ఈ సినిమా ఓ మాదిరిగా అనిపిస్తుందంతే!
'ఎంత మంచివాడవురా' మూవీ రివ్యూ
బాల్యంలోనే బాలు ఓ ప్రమాదంలో తన తల్లిదండ్రులను పోగొట్టుకుంటాడు. తనకి ఆశ్రయం కల్పించవలసి వస్తుందేమో అన్న ఉద్దేశంతో బంధువులంతా ముఖం చాటేయడం అతనికి బాధ కలిగిస్తుంది. తనలా అయినవారి ప్రేమకి దూరమైనవారికి ఆ లోటు తెలియకుండా ప్రేమను అందించాలనే ఆలోచనతో బాలు రంగంలోకి దిగుతాడు. పర్యవసానంగా అతను ఎలాంటి పరిస్థితులను ఎదుర్కోవలసి వస్తుందనేదే కథ. భవిష్యత్తు తరాలవారికి అందించవలసింది ఆస్తిపాస్తులు కాదు, బంధాలు .. అనుబంధాలు అనే సందేశంతో రూపొందిన ఈ సినిమా కేవలం ఫ్యామిలీ ఆడియన్స్ ను ఆకట్టుకోవచ్చు.
'అల వైకుంఠపురములో' మూవీ రివ్యూ
మధ్యతరగతి కుటుంబానికి చెందిన ఒక తండ్రి, తన కొడుకును శ్రీమంతుడిగా చూసుకోవాలనే స్వార్థంతో, పురిటిలోనే బిడ్డలను మారుస్తాడు. అలా మధ్యతరగతికి చెందిన ఆ బిడ్డ శ్రీమంతుల కుటుంబంలో పెరుగుతాడు. శ్రీమంతుల బిడ్డ మధ్యతరగతి ఇంట్లో ఇబ్బందులు పడుతూ ఎదుగుతాడు. ఈ నిజం ఎలా బయటపడుతుంది? ఎప్పుడు బయటపడుతుంది? అనే ఆసక్తికరమైన మలుపులతో ఈ కథ సాగుతుంది. లవ్ .. కామెడీ .. యాక్షన్ .. ఎమోషన్ పాళ్లతో సాగే ఈ సినిమా ప్రేక్షకులను ఆకట్టుకుంటుంది.
'సరిలేరు నీకెవ్వరు' మూవీ రివ్యూ
దేశ సరిహద్దుల్లో శత్రువుల దాడిని తిప్పికొట్టే మేజర్ అజయ్ కృష్ణ, ప్రొఫెసర్ భారతి కుటుంబానికి అండగా నిలబడవలసి వస్తుంది. అందుకోసం అతను కశ్మీర్ నుంచి కర్నూల్ వస్తాడు. భారతి కుటుంబాన్ని అంతం చేయడానికి ప్రయత్నిస్తున్న మినిస్టర్ నాగేంద్రకు ఎదురు తిరుగుతాడు. ప్రొఫెసర్ భారతికి .. మినిస్టర్ నాగేంద్రకి మధ్య వైరానికి గల కారణం ఏమిటి? భారతికి సపోర్ట్ గా నిలిచిన అజయ్ కృష్ణకి ఎలాంటి పరిస్థితులు ఎదురయ్యాయి? అజయ్ కృష్ణ ఎలా నాగేంద్ర ఆటకట్టించాడు? అనేది కథ. యాక్షన్ .. ఎమోషన్ .. కామెడీ సమపాళ్లలో కలిపి అల్లిన ఈ కథ అన్ని వర్గాల ప్రేక్షకులను ఆకట్టుకుంటుంది. 
'దర్బార్' మూవీ రివ్యూ
డ్రగ్స్ మాఫియా గుప్పెట్లో వున్న యువతను కాపాడటమే ధ్యేయంగా ముంబై పోలీస్ కమిషనర్ ఆదిత్య అరుణాచలం రంగంలోకి దిగుతాడు. ఆ ప్రయత్నంలో తన ఒక్కగానొక్క కూతురును కోల్పోతాడు. అందుకు కారణమైన మాఫియా లీడర్ ను ఆదిత్య అరుణాచలం ఎలా అంతం చేశాడు? అందుకోసం ఎలాంటి వ్యూహాలను ఛేదించాడు? అనేదే కథ. సాధారణమైన కథే అయినా మురుగదాస్ తనదైన స్టైల్లో చెప్పిన తీరు వలన, రజనీ లుక్ .. స్టైల్ కారణంగా ఈ సినిమా ఆయన అభిమానులను ఆకట్టుకుంటుంది. 
'తూటా' మూవీ రివ్యూ
'రఘు' చిన్నతనంలోనే ఆయన అన్నయ్య ఇల్లొదిలిపోతాడు. ఇంజనీరింగ్ చదువుతున్న రఘు .. సినిమాల్లో నటించే 'లేఖ' ప్రేమలో పడతాడు. కొన్ని కారణాల వలన రఘుకి దూరమైన ఆమె, కొంతకాలం తరువాత రఘుకి కాల్ చేస్తుంది. రఘు అన్నయ్యను గురించిన ఒక రహస్యం చెబుతుంది. అదేమిటి? లేఖతో పాటు అన్నయ్యను రక్షించుకోవడం కోసం రఘు ఏం చేస్తాడు? అనేవి మిగతా కథ. ఫస్టాఫ్ లో కథ అర్థం కావడానికి కొంత సమయం పడుతుంది. సెకండాఫ్ లో కొంత అర్థమైనప్పటికీ, ఆశించినస్థాయిలో లేని ముగింపు అసంతృప్తిని కలిగిస్తుంది.
'మత్తు వదలరా' మూవీ రివ్యూ
ఆర్థికపరమైన సమస్యలతో ముగ్గురు స్నేహితులు ఇరుకైన ఒక చిన్న గదిలో వుంటూ నానా కష్టాలు పడుతుంటారు. డెలివరీ బాయ్ గా పనిచేస్తున్న కథానాయకుడు ఒక ఐటమ్ ను అందజేయడానికి ఒక ఫ్లాట్ కి వెళతాడు. అక్కడ జరిగే అనూహ్యమైన సంఘటనతో కథ మలుపు తిరుగుతుంది. ఆ సంఘటన ఏమిటి? పర్యవసానంగా చోటుచేసుకునే పరిణామాలు ఎలాంటివి? అనేదే మిగతా కథ. ఫస్టాఫ్ లో కథ కాస్త నెమ్మదించినా, ఆ తరువాత ఆసక్తికరమైన మలుపులతో ఆకట్టుకుంటుంది.
'ఇద్దరి లోకం ఒకటే' మూవీ రివ్యూ
ప్రేమలో పడిన తరువాత కొన్ని సంఘటనలు అందమైన జ్ఞాపకాలుగా .. అనిర్వచనీయమైన అనుభూతులుగా మారతాయి. అయితే కొంతమంది విషయంలో చిన్ననాటి అందమైన జ్ఞాపకాలు .. అనుభూతులే ప్రేమగా మారతాయి. అలా రెండో కోవకి చెందిన ప్రేమకథగా ప్రేక్షకుల ముందుకు వచ్చిన చిత్రమే 'ఇద్దరి లోకం ఒకటే'. ఒక చిన్నపాయింట్ పట్టుకుని మొదటి నుంచి చివరివరకూ సాగదీసిన ఈ కథ, ప్రేక్షకుల సహనానికి మాత్రం పరీక్ష పెడుతుంది! 
'రూలర్' మూవీ రివ్యూ
ఉత్తరప్రదేశ్ ప్రాంతంలో స్థిరపడిన తెలుగు రైతులు .. అక్కడ వారికి ఎదురైన కష్టాలు .. ప్రాణాలను పణంగా పెట్టి వాళ్లను ఆదుకున్న కథానాయకుడి కథ ఇది. బాలకృష్ణ రెండు విభిన్నమైన పాత్రలను ధరించిన ఈ సినిమా, నిర్మాణం పరంగా భారీగా కనిపిస్తుందిగానీ, కథాకథనాలపరంగా బలహీనంగా అనిపిస్తుంది. అతకని సన్నివేశాలతో అసంతృప్తిని కలిగిస్తుంది.
'ప్రతిరోజూ పండగే' మూవీ రివ్యూ
కన్నతండ్రి ప్రాణాలకంటే ఉద్యోగాలే ఎక్కువనుకునే కొడుకులు ఒక వైపు .. చివరి క్షణాల్లో కొడుకులతో కలిసి ఉండటమే పండగ అనుకునే తండ్రి ఒక వైపు. ఆ కొడుకుల ఆలోచనా విధానాన్ని మార్చి .. ఆ తండ్రి ముచ్చట తీర్చే ఒక మనవడి కథే ఇది. బలమైన ఎమోషన్స్ తో తాతా మనవళ్ల చుట్టూ తిరుగుతూ, అందమైన ప్రేమను .. ఆహ్లాదకరమైన కామెడీని టచ్ చేస్తూ సాగే ఈ కథ ఆద్యంతం ఆకట్టుకుంటుంది.
'వెంకీమామ' మూవీ రివ్యూ
మేనల్లుడి ఆలనా పాలన చూసుకోవడం కోసం పెళ్లి చేసుకోవడం మానేసిన మేనమామ ఒక వైపు. ఆ మేనమామ కోసం తన ప్రేమను త్యాగం చేయడానికి సిద్ధపడిన మేనల్లుడు మరో వైపు. ఈ రెండు పాత్రలు ప్రధానంగా గ్రామీణ నేపథ్యంలో సాగిన ఈ కథ, ఫ్యామిలీ ఆడియన్స్ తో పాటు యూత్ ను .. మాస్ ఆడియన్స్ ను కూడా ఆకట్టుకుంటుంది.
'భాగ్యనగర వీధుల్లో గమ్మత్తు' మూవీ రివ్యూ
ఒక వైపున షార్ట్ ఫిల్మ్స్ లో నటించే ముగ్గురు స్నేహితులు .. మరో వైపున డ్రగ్స్ ను అక్రమంగా తరలించే మాఫియా ముఠా .. వాళ్ల రహస్యాలకి సంబంధించిన ఆధారాలతో తప్పించుకు తిరిగే యువతి .. ఆ ముఠాను పట్టుకోవడానికి ప్రయత్నించే పోలీసుల చుట్టూ తిరిగే కథ ఇది. కసరత్తు చేయని కథతో .. పై పై అల్లేసిన కథనంతో చుట్టేసిన ఈ సినిమా అలరించడం సంగతి అటుంచితే, గందరగోళానికి గురిచేయడంలోనే సక్సెస్ అయింది.
'మిస్ మ్యాచ్' మూవీ రివ్యూ
రెండు ప్రాంతాలు .. రెండు కుటుంబాలు .. వేరు వేరు స్వభావాలు .. అయినా ఒకటి కావాలని ఆరాటపడే రెండు మనసులు. పెళ్లి చేసుకోవాలనుకున్న ఆ జంటకి ఎలాంటి పరిస్థితులు ఎదురయ్యాయి? ఎలాంటి పరిణామాలను ఎదుర్కోవలసి వచ్చింది? అనేది కథ. ఆసక్తికరంగా అనిపించని కథాకథనాలతో ఆద్యంతం ఈ సినిమా నీరసంగా సాగుతుంది .. అనూహ్యమైన మలుపులనేవి లేకుండా అసహనానికి గురిచేస్తుంది. 
'90 ఎంఎల్' మూవీ రివ్యూ
మూడు పూటలా 90 ఎం.ఎల్ మందు తాగనిదే ఉండలేని ‘దేవదాసు’, మందు వాసన తమ గేటు బైట ఉండగానే పసిగట్టే ‘సువాసన’ను ప్రేమిస్తాడు. తన ఈ అలవాటును కప్పిపుచ్చుకుంటూ కథానాయికతో ప్రేమను కొనసాగిస్తాడు. అనుకోని పరిస్థితుల్లో దేవదాసు నిత్య తాగుబోతు అని తెలుసుకున్న కథానాయిక అతనికి దూరం అవుతుంది. ప్రియురాలికి నిజం చెప్పి ఆమె ప్రేమను ఎలా తిరిగి పొందగలిగాడు అనేది కథ. మాస్ ప్రేక్షకులను టార్గెట్ చేసుకున్న ఈ చిత్రం ఆ వర్గానికి నచ్చే అంశాలతో రూపొందింది.
'రాజావారు రాణిగారు' మూవీ రివ్యూ
రాణిపట్ల తన మనసులోని ప్రేమను బయటపెట్టలేక రాజా మౌనంగా ఆరాధిస్తూ ఉంటాడు. కాలేజ్ చదువు కోసం ఊరెళ్లిన రాణి తిరిగిరాగానే ఆమెను ప్రేమిస్తున్నట్టుగా చెప్పాలనుకుంటాడు. ఈ లోగా రాణి తండ్రి ఆమెను తన మేనల్లుడికిచ్చి పెళ్లి చేయాలనుకుంటాడు. అప్పుడు రాజా ఏం చేస్తాడు? పర్యవసానంగా ఏం జరుగుతుంది? అనేదే కథ. పస లేని కథ ..పట్టులేని కథనంతో ఈ పల్లెటూరి ప్రేమకథ ఆకట్టుకోలేకపోయింది.
1524 new corona cases in Telangana with 10 deaths..
1524 new corona cases in Telangana with 10 deaths
Pregnant woman dies after hospital staff denied to provide..
Pregnant woman dies after hospital staff denied to provide treatment in Andhra Pradesh
9 PM Telugu News: 14th July 2020..
9 PM Telugu News: 14th July 2020
Anchor Varshini Sounderajan shares her beauty secrete..
Anchor Varshini Sounderajan shares her beauty secrete
Tiger spots in mid of flyover in Madhya Pradesh, viral vid..
Tiger spots in mid of flyover in Madhya Pradesh, viral video
HRD Minister releases guidelines for online education ‘Pra..
HRD Minister releases guidelines for online education ‘Pragyata’
Woman dies in bus, allegedly thrown out of bus by driver o..
Woman dies in bus, allegedly thrown out of bus by driver over Corona fear in Telangana
Sreeja Kalyan family latest photo shoot, adorable..
Sreeja Kalyan family latest photo shoot, adorable
Human trial of India's first Covid - 19 vaccine begins at ..
Human trial of India's first Covid - 19 vaccine begins at NIMS Hyderabad
Nagababu about his two upcoming shows-Hunt for comedians!..
Nagababu about his two upcoming shows-Hunt for comedians!