ap7am logo

'డియర్ కామ్రేడ్' మూవీ రివ్యూ

Fri, Jul 26, 2019, 04:48 PM
Movie Name: Dear Comrade
Release Date: 26-07-2019
Cast: Vijay Devarakonda, Rashmika, Shruthi Ramachandran, Tulasi, Anand
Director: Bharat kamma
Producer: Yash Rangineni
Music: Justin Prabhakaran
Banner: Mythri Movies Makers

ప్రియురాలి ఆశయాన్ని నెరవేర్చడానికి ఒక ప్రియుడు చేసే పోరాటం .. తను మనసిచ్చినవాడిలో ఆవేశాన్ని తగ్గించడానికి ఒక ప్రియురాలుపడే ఆరాటమే 'డియర్ కామ్రేడ్'. ప్రేమ .. అల్లరి .. అలక .. ఎడబాటులోని బాధ .. కలిసి ఉండటంలోని సంతోషాన్ని అందంగా ఆవిష్కరించిన ఈ చిత్రం ఫరవాలేదనిపిస్తుంది. కథనం పట్టుగా సాగివుంటే మరిన్ని మార్కులు సంపాదించుకుని వుండేదనిపిస్తుంది.

కాలేజ్ లైఫ్ అనేది ఎంతో అందమైందిగా విద్యార్థులు భావిస్తారు. ఎన్నో ఆశలతో .. ఆశయాలతో వాళ్లు కాలేజ్ క్యాంపస్ లోకి అడుగుపెడతారు. అక్కడ పాఠాలు .. పాటలు వినిపిస్తాయి, ఆకతాయిల అల్లర్లూ .. విద్యార్థులను పావులుగా చేసుకునే స్వార్థ రాజకీయాలు కనిపిస్తాయి. అలాంటి కాలేజ్ నేపథ్యంలో ఈ రోజున ప్రేక్షకుల ముందుకు వచ్చిన మరో ప్రేమకథా చిత్రమే 'డియర్ కామ్రేడ్'. తన ప్రేమను గెలిపించుకోవడం కోసం ఈ కామ్రేడ్ సాగించిన పోరాటమేమిటో .. సాధించిన ప్రయోజనమేమిటో ఇప్పుడు చూద్దాం.

కథానాయకుడు చైతన్య (విజయ్ దేవరకొండ) కాకినాడలోని ఒక కాలేజ్ లో చదువుతుంటాడు. అంతా అతనిని బాబీ అని పిలుస్తుంటారు. తన తాతయ్య సూర్యం (చారుహాసన్) కామ్రేడ్ భావాలు బాబీ ఆలోచనా విధానంపై ప్రభావం చూపుతాయి. అందువలన తన కళ్ల ముందు అన్యాయం జరిగితే ఆయన ఎంతమాత్రం సహించలేడు. ఆవేశంతో ఒక్కసారిగా విరుచుకుపడిపోతుంటాడు. వాళ్ల పక్కింట్లో జరిగే ఒక పెళ్లికి హైదరాబాద్ నుంచి అపర్ణాదేవి (రష్మిక) వస్తుంది. ఆమెను అందరూ 'లిల్లీ' అని పిలుస్తుంటారు. రాష్ట్ర స్థాయి క్రికెట్ పోటీల్లో లిల్లీ పాల్గొంటూ ఉంటుంది. ఇద్దరి మధ్య పరిచయం ప్రేమగా మారుతుంది.

లిల్లీని జాతీయస్థాయి క్రికెట్ కి తీసుకెళ్లాలని బాబీ భావిస్తాడు. ఎవరితోను గొడవలు పడకుండా ఆయన ఆవేశం తగ్గించేలా చేయాలని లిల్లీ నిర్ణయించుకుంటుంది. అయితే ఆ తరువాత బాబీ ఆవేశాన్ని రెట్టింపు చేసే సంఘటనలు జరుగుతాయి. క్రికెట్ నుంచి లిల్లీ తప్పుకునే పరిణామాలు చోటు చేసుకుంటాయి. అందుకు కారకులు ఎవరు? ఆ పరిస్థితులను నాయకా నాయికలు ఎలా ఎదుర్కొన్నారు? అనే ఆసక్తికరమైన మలుపులతో కథ ముందుకు వెళుతుంది.

'నీ హక్కును సాధించడానికి నువ్వు చేసే పోరాటంలో చివరి వరకూ నీకు తోడుగా నడిచేవాడే కామ్రేడ్' అని ఈ సినిమాలో హీరోతో ఆయన తాతయ్య చెబుతాడు. జీవితంలో అనుకున్నది సాధించాలంటే ప్రతి ఒక్కరికీ ఒక కామ్రేడ్ ఉండాలి అనే అభిప్రాయాన్ని హీరోయిన్ వ్యక్తం చేస్తుంది. ఇదే పాయింట్ పై దర్శకుడు భరత్ కమ్మ ఈ కథను నడిపించాడు.ఒక వైపున ప్రేమకథను నడిపిస్తూనే మరో వైపున కళాశాల విద్యార్థులపై స్వార్థ రాజకీయ శక్తుల ప్రభావాన్ని .. క్రీడా రంగంలో లైంగిక వేధింపుల కోణాన్ని ఆవిష్కరించాడు.

భరత్ కమ్మ మంచి కథను తయారు చేసుకున్నాడు .. అందుకు తగిన నటీనటులను ఎంచుకున్నాడు. కాకపోతే కథనం విషయంలోనే మరింత శ్రద్ధ పెడితే బాగుండేదనిపిస్తుంది. క్రికెట్ 'బెట్ మ్యాచ్' లో హీరో బ్యాచ్ ను హీరోయిన్ గెలిపించిన దగ్గర నుంచి ఊపందుకున్న కథనం, సెకండాఫ్ లో నెమ్మదించింది. సెకండాఫ్ చివర్లో ఈ లోపం కాస్త ఎక్కువగా కనిపిస్తుంది. ఇక చారుహాసన్ .. సీనియర్ హీరో ఆనంద్ .. తులసి .. ఆశ్రిత వేముగంటి పాత్రలకు పెద్దగా ప్రాధాన్యతను ఇవ్వలేదు. ఫీల్ తో కూడిన లవ్ సీన్స్ ను .. సున్నితమైన  ఎమోషనల్ సీన్స్ ను మాత్రం దర్శకుడు చాలా బాగా తెరకెక్కించాడు.

డైలాగ్స్ పరంగా .. బాడీ లాంగ్వేజ్ పరంగా విజయ్ దేవరకొండ తన మార్క్ సినిమానే ప్రేక్షకుల ముందుకు తీసుకొచ్చాడు. ఈ సినిమాలో ఆయన మరింత హ్యాండ్సమ్ గా కనిపించాడు. బాబీ పాత్రలో ఆయన చాలా సహజంగా నటించాడు. లవ్ .. రొమాన్స్ .. యాక్షన్ .. ఎమోషన్ సీన్స్ లో చాలా బాగా చేశాడు. ప్రియురాలు దూరమైనప్పుడు .. ఆమె ఆశయాన్ని నెరవేర్చాలనుకున్న క్రమంలో వచ్చే సీన్స్ లోను ఆయన పలికించిన హావభావాలు గొప్పగా అనిపిస్తాయి. ఇక లిల్లీ పాత్రలో రష్మిక ఒదిగిపోయింది. సన్నివేశాలకి సహజత్వాన్ని తీసుకొచ్చే విషయంలో విజయ్ దేవరకొండతో పోటీపడింది. ఉత్సాహపరిచే సన్నివేశాల్లోను .. ఉద్వేగభరితమైన సన్నివేశాల్లోను ఆమె నటన ఆకట్టుకుంది. ఈ జోడీకి మరోసారి మంచి మార్కులు పడినట్టే. ఇక రష్మిక తండ్రి పాత్రలో సంజయ్ స్వరూప్ .. తల్లి పాత్రలో ఆశ్రిత వేముగంటి . పెద్దమ్మ పాత్రలో తులసి .. అక్క పాత్రలో శృతి రామచంద్రన్ పాత్రల పరిథిలో నటించారు. శృతి రామచంద్రన్ మాత్రం ప్రత్యేక ఆకర్షణగా నిలిచింది.

జస్టీన్ ప్రభాకరన్ అందించిన సంగీతం .. రీ రికార్డింగ్ ఈ సినిమాను మరో స్థాయికి తీసుకెళ్లాయి. ఫస్టాఫ్ లో వచ్చే 'నీ నీలికన్నుల్లో ఆకాశమే' .. 'గిరా గిరా' .. 'కడలల్లె వేచె కనులే', సెకండాఫ్ లో వచ్చే 'ఓ కథలా .. కలలా' .. 'మామ చూడరో' .. వంటి పాటలు సందర్భంలో ఇమిడిపోతూ  .. మనసును హత్తుకుంటాయి. ముఖ్యంగా 'కడలల్లె వేచె కనులే' మనసుకి తీపి బాధను కలిగిస్తుంది. 'మామ చూడరో' పాట జోరుగా .. హుషారుగా సాగుతుంది. చైతన్య ప్రసాద్ - రెహ్మాన్ సాహిత్యం .. గౌతమ్ భరద్వాజ్ - సిధ్ శ్రీరామ్ ఆలాపన అందంగా ... ఆహ్లాదంగా సాగాయి.

ఇక సుజిత్ సారంగ్ ఫొటోగ్రఫీ చాలా బాగుంది. వర్షం నేపథ్యంలోని సన్నివేశాలను .. మనసు బాగోలేక హీరో బైక్ ట్రిప్ వేసినప్పటి లొకేషన్స్ ను ఆయన మనసుతెరపై అందంగా ఆవిష్కరించాడు. ఫైట్స్ .. కొరియోగ్రఫీ ఫరవాలేదనిపిస్తాయి. ఎడిటింగ్ పరంగా చూసుకుంటే తక్కువ మార్కులే పడతాయి. ఒకటి రెండు అనవసరమైన సీన్స్ .. క్రికెట్ నేపథ్యంలో రష్మిక ఫ్లాష్ బ్యాక్ ఎపిసోడ్ .. క్లైమాక్స్ కాస్త సాగతీతగా అనిపిస్తాయి. కామెడీపై కాస్తంత దృష్టి .. కథనం విషయంలో మరింత శ్రద్ధ పెట్టి ఉంటే ఈ సినిమా మరింతగా ప్రేక్షకుల మనసులను దోచుకునేది. పై లోపాల కారణంగా ఆ స్థాయికి కాస్త తక్కువ మార్కులతో ఫరవాలేదనిపించుకుంటుంది.  
Review By: Peddinti
X

Feedback Form

I agree to Terms of Service & Privacy Policy
'డిస్కోరాజా' మూవీ రివ్యూ
డిస్కోరాజా చిన్న చిన్న దొంగతనాల నుంచి గ్యాంగ్ స్టర్ గా ఎదుగుతాడు. ఆ వృత్తిలో ఆయనకి బర్మా సేతు శత్రువుగా మారతాడు. ఇద్దరి మధ్య ఆధిపత్య పోరు జరుగుతూ ఉంటుంది. ఓ సారి లడఖ్ వెళ్లిన డిస్కోరాజా అక్కడ హత్య చేయబడతాడు. చాలా కాలంగా ఓ డాక్టర్ చేస్తున్న ప్రయోగం ఫలించి, డిస్కోరాజా బ్రతుకుతాడు. అయితే, గతాన్ని మరిచిపోయిన ఆయన ఏం చేస్తాడు? ఆ తరువాత చోటుచేసుకునే పరిణామాలు ఎలాంటివి? అనేదే కథ. ఫస్టాఫ్ సాగతీతగాను .. సెకండాఫ్ కాస్త గందరగోళంగాను సాగే ఈ సినిమా ఓ మాదిరిగా అనిపిస్తుందంతే!
'ఎంత మంచివాడవురా' మూవీ రివ్యూ
బాల్యంలోనే బాలు ఓ ప్రమాదంలో తన తల్లిదండ్రులను పోగొట్టుకుంటాడు. తనకి ఆశ్రయం కల్పించవలసి వస్తుందేమో అన్న ఉద్దేశంతో బంధువులంతా ముఖం చాటేయడం అతనికి బాధ కలిగిస్తుంది. తనలా అయినవారి ప్రేమకి దూరమైనవారికి ఆ లోటు తెలియకుండా ప్రేమను అందించాలనే ఆలోచనతో బాలు రంగంలోకి దిగుతాడు. పర్యవసానంగా అతను ఎలాంటి పరిస్థితులను ఎదుర్కోవలసి వస్తుందనేదే కథ. భవిష్యత్తు తరాలవారికి అందించవలసింది ఆస్తిపాస్తులు కాదు, బంధాలు .. అనుబంధాలు అనే సందేశంతో రూపొందిన ఈ సినిమా కేవలం ఫ్యామిలీ ఆడియన్స్ ను ఆకట్టుకోవచ్చు.
'అల వైకుంఠపురములో' మూవీ రివ్యూ
మధ్యతరగతి కుటుంబానికి చెందిన ఒక తండ్రి, తన కొడుకును శ్రీమంతుడిగా చూసుకోవాలనే స్వార్థంతో, పురిటిలోనే బిడ్డలను మారుస్తాడు. అలా మధ్యతరగతికి చెందిన ఆ బిడ్డ శ్రీమంతుల కుటుంబంలో పెరుగుతాడు. శ్రీమంతుల బిడ్డ మధ్యతరగతి ఇంట్లో ఇబ్బందులు పడుతూ ఎదుగుతాడు. ఈ నిజం ఎలా బయటపడుతుంది? ఎప్పుడు బయటపడుతుంది? అనే ఆసక్తికరమైన మలుపులతో ఈ కథ సాగుతుంది. లవ్ .. కామెడీ .. యాక్షన్ .. ఎమోషన్ పాళ్లతో సాగే ఈ సినిమా ప్రేక్షకులను ఆకట్టుకుంటుంది.
'సరిలేరు నీకెవ్వరు' మూవీ రివ్యూ
దేశ సరిహద్దుల్లో శత్రువుల దాడిని తిప్పికొట్టే మేజర్ అజయ్ కృష్ణ, ప్రొఫెసర్ భారతి కుటుంబానికి అండగా నిలబడవలసి వస్తుంది. అందుకోసం అతను కశ్మీర్ నుంచి కర్నూల్ వస్తాడు. భారతి కుటుంబాన్ని అంతం చేయడానికి ప్రయత్నిస్తున్న మినిస్టర్ నాగేంద్రకు ఎదురు తిరుగుతాడు. ప్రొఫెసర్ భారతికి .. మినిస్టర్ నాగేంద్రకి మధ్య వైరానికి గల కారణం ఏమిటి? భారతికి సపోర్ట్ గా నిలిచిన అజయ్ కృష్ణకి ఎలాంటి పరిస్థితులు ఎదురయ్యాయి? అజయ్ కృష్ణ ఎలా నాగేంద్ర ఆటకట్టించాడు? అనేది కథ. యాక్షన్ .. ఎమోషన్ .. కామెడీ సమపాళ్లలో కలిపి అల్లిన ఈ కథ అన్ని వర్గాల ప్రేక్షకులను ఆకట్టుకుంటుంది. 
'దర్బార్' మూవీ రివ్యూ
డ్రగ్స్ మాఫియా గుప్పెట్లో వున్న యువతను కాపాడటమే ధ్యేయంగా ముంబై పోలీస్ కమిషనర్ ఆదిత్య అరుణాచలం రంగంలోకి దిగుతాడు. ఆ ప్రయత్నంలో తన ఒక్కగానొక్క కూతురును కోల్పోతాడు. అందుకు కారణమైన మాఫియా లీడర్ ను ఆదిత్య అరుణాచలం ఎలా అంతం చేశాడు? అందుకోసం ఎలాంటి వ్యూహాలను ఛేదించాడు? అనేదే కథ. సాధారణమైన కథే అయినా మురుగదాస్ తనదైన స్టైల్లో చెప్పిన తీరు వలన, రజనీ లుక్ .. స్టైల్ కారణంగా ఈ సినిమా ఆయన అభిమానులను ఆకట్టుకుంటుంది. 
'తూటా' మూవీ రివ్యూ
'రఘు' చిన్నతనంలోనే ఆయన అన్నయ్య ఇల్లొదిలిపోతాడు. ఇంజనీరింగ్ చదువుతున్న రఘు .. సినిమాల్లో నటించే 'లేఖ' ప్రేమలో పడతాడు. కొన్ని కారణాల వలన రఘుకి దూరమైన ఆమె, కొంతకాలం తరువాత రఘుకి కాల్ చేస్తుంది. రఘు అన్నయ్యను గురించిన ఒక రహస్యం చెబుతుంది. అదేమిటి? లేఖతో పాటు అన్నయ్యను రక్షించుకోవడం కోసం రఘు ఏం చేస్తాడు? అనేవి మిగతా కథ. ఫస్టాఫ్ లో కథ అర్థం కావడానికి కొంత సమయం పడుతుంది. సెకండాఫ్ లో కొంత అర్థమైనప్పటికీ, ఆశించినస్థాయిలో లేని ముగింపు అసంతృప్తిని కలిగిస్తుంది.
'మత్తు వదలరా' మూవీ రివ్యూ
ఆర్థికపరమైన సమస్యలతో ముగ్గురు స్నేహితులు ఇరుకైన ఒక చిన్న గదిలో వుంటూ నానా కష్టాలు పడుతుంటారు. డెలివరీ బాయ్ గా పనిచేస్తున్న కథానాయకుడు ఒక ఐటమ్ ను అందజేయడానికి ఒక ఫ్లాట్ కి వెళతాడు. అక్కడ జరిగే అనూహ్యమైన సంఘటనతో కథ మలుపు తిరుగుతుంది. ఆ సంఘటన ఏమిటి? పర్యవసానంగా చోటుచేసుకునే పరిణామాలు ఎలాంటివి? అనేదే మిగతా కథ. ఫస్టాఫ్ లో కథ కాస్త నెమ్మదించినా, ఆ తరువాత ఆసక్తికరమైన మలుపులతో ఆకట్టుకుంటుంది.
'ఇద్దరి లోకం ఒకటే' మూవీ రివ్యూ
ప్రేమలో పడిన తరువాత కొన్ని సంఘటనలు అందమైన జ్ఞాపకాలుగా .. అనిర్వచనీయమైన అనుభూతులుగా మారతాయి. అయితే కొంతమంది విషయంలో చిన్ననాటి అందమైన జ్ఞాపకాలు .. అనుభూతులే ప్రేమగా మారతాయి. అలా రెండో కోవకి చెందిన ప్రేమకథగా ప్రేక్షకుల ముందుకు వచ్చిన చిత్రమే 'ఇద్దరి లోకం ఒకటే'. ఒక చిన్నపాయింట్ పట్టుకుని మొదటి నుంచి చివరివరకూ సాగదీసిన ఈ కథ, ప్రేక్షకుల సహనానికి మాత్రం పరీక్ష పెడుతుంది! 
'రూలర్' మూవీ రివ్యూ
ఉత్తరప్రదేశ్ ప్రాంతంలో స్థిరపడిన తెలుగు రైతులు .. అక్కడ వారికి ఎదురైన కష్టాలు .. ప్రాణాలను పణంగా పెట్టి వాళ్లను ఆదుకున్న కథానాయకుడి కథ ఇది. బాలకృష్ణ రెండు విభిన్నమైన పాత్రలను ధరించిన ఈ సినిమా, నిర్మాణం పరంగా భారీగా కనిపిస్తుందిగానీ, కథాకథనాలపరంగా బలహీనంగా అనిపిస్తుంది. అతకని సన్నివేశాలతో అసంతృప్తిని కలిగిస్తుంది.
'ప్రతిరోజూ పండగే' మూవీ రివ్యూ
కన్నతండ్రి ప్రాణాలకంటే ఉద్యోగాలే ఎక్కువనుకునే కొడుకులు ఒక వైపు .. చివరి క్షణాల్లో కొడుకులతో కలిసి ఉండటమే పండగ అనుకునే తండ్రి ఒక వైపు. ఆ కొడుకుల ఆలోచనా విధానాన్ని మార్చి .. ఆ తండ్రి ముచ్చట తీర్చే ఒక మనవడి కథే ఇది. బలమైన ఎమోషన్స్ తో తాతా మనవళ్ల చుట్టూ తిరుగుతూ, అందమైన ప్రేమను .. ఆహ్లాదకరమైన కామెడీని టచ్ చేస్తూ సాగే ఈ కథ ఆద్యంతం ఆకట్టుకుంటుంది.
'వెంకీమామ' మూవీ రివ్యూ
మేనల్లుడి ఆలనా పాలన చూసుకోవడం కోసం పెళ్లి చేసుకోవడం మానేసిన మేనమామ ఒక వైపు. ఆ మేనమామ కోసం తన ప్రేమను త్యాగం చేయడానికి సిద్ధపడిన మేనల్లుడు మరో వైపు. ఈ రెండు పాత్రలు ప్రధానంగా గ్రామీణ నేపథ్యంలో సాగిన ఈ కథ, ఫ్యామిలీ ఆడియన్స్ తో పాటు యూత్ ను .. మాస్ ఆడియన్స్ ను కూడా ఆకట్టుకుంటుంది.
'భాగ్యనగర వీధుల్లో గమ్మత్తు' మూవీ రివ్యూ
ఒక వైపున షార్ట్ ఫిల్మ్స్ లో నటించే ముగ్గురు స్నేహితులు .. మరో వైపున డ్రగ్స్ ను అక్రమంగా తరలించే మాఫియా ముఠా .. వాళ్ల రహస్యాలకి సంబంధించిన ఆధారాలతో తప్పించుకు తిరిగే యువతి .. ఆ ముఠాను పట్టుకోవడానికి ప్రయత్నించే పోలీసుల చుట్టూ తిరిగే కథ ఇది. కసరత్తు చేయని కథతో .. పై పై అల్లేసిన కథనంతో చుట్టేసిన ఈ సినిమా అలరించడం సంగతి అటుంచితే, గందరగోళానికి గురిచేయడంలోనే సక్సెస్ అయింది.
'మిస్ మ్యాచ్' మూవీ రివ్యూ
రెండు ప్రాంతాలు .. రెండు కుటుంబాలు .. వేరు వేరు స్వభావాలు .. అయినా ఒకటి కావాలని ఆరాటపడే రెండు మనసులు. పెళ్లి చేసుకోవాలనుకున్న ఆ జంటకి ఎలాంటి పరిస్థితులు ఎదురయ్యాయి? ఎలాంటి పరిణామాలను ఎదుర్కోవలసి వచ్చింది? అనేది కథ. ఆసక్తికరంగా అనిపించని కథాకథనాలతో ఆద్యంతం ఈ సినిమా నీరసంగా సాగుతుంది .. అనూహ్యమైన మలుపులనేవి లేకుండా అసహనానికి గురిచేస్తుంది. 
'90 ఎంఎల్' మూవీ రివ్యూ
మూడు పూటలా 90 ఎం.ఎల్ మందు తాగనిదే ఉండలేని ‘దేవదాసు’, మందు వాసన తమ గేటు బైట ఉండగానే పసిగట్టే ‘సువాసన’ను ప్రేమిస్తాడు. తన ఈ అలవాటును కప్పిపుచ్చుకుంటూ కథానాయికతో ప్రేమను కొనసాగిస్తాడు. అనుకోని పరిస్థితుల్లో దేవదాసు నిత్య తాగుబోతు అని తెలుసుకున్న కథానాయిక అతనికి దూరం అవుతుంది. ప్రియురాలికి నిజం చెప్పి ఆమె ప్రేమను ఎలా తిరిగి పొందగలిగాడు అనేది కథ. మాస్ ప్రేక్షకులను టార్గెట్ చేసుకున్న ఈ చిత్రం ఆ వర్గానికి నచ్చే అంశాలతో రూపొందింది.
'రాజావారు రాణిగారు' మూవీ రివ్యూ
రాణిపట్ల తన మనసులోని ప్రేమను బయటపెట్టలేక రాజా మౌనంగా ఆరాధిస్తూ ఉంటాడు. కాలేజ్ చదువు కోసం ఊరెళ్లిన రాణి తిరిగిరాగానే ఆమెను ప్రేమిస్తున్నట్టుగా చెప్పాలనుకుంటాడు. ఈ లోగా రాణి తండ్రి ఆమెను తన మేనల్లుడికిచ్చి పెళ్లి చేయాలనుకుంటాడు. అప్పుడు రాజా ఏం చేస్తాడు? పర్యవసానంగా ఏం జరుగుతుంది? అనేదే కథ. పస లేని కథ ..పట్టులేని కథనంతో ఈ పల్లెటూరి ప్రేమకథ ఆకట్టుకోలేకపోయింది.
'అర్జున్ సురవరం' మూవీ రివ్యూ
నకిలీ సర్టిఫికెట్లకి సంబంధించిన వ్యాపారం కోట్ల రూపాయల్లో కొనసాగుతూ ఉంటుంది. ఆ మాఫియా దెబ్బకి 'అర్జున్ సురవరం' అనే రిపోర్టర్ భవిష్యత్తు కూడా ప్రశ్నార్థకంగా మారుతుంది. దాంతో ఆ మాఫియాకి అడ్డుకట్టవేయడానికి అతను రంగంలోకి దిగుతాడు. పర్యవసానంగా అతనికి ఎదురయ్యే పరిస్థితులతో ఈ కథ సాగుతుంది. బలమైన కథాకథనాలతో .. ఆద్యంతం ఆసక్తికరమైన మలుపులతో సాగే ఈ సినిమా ఆకట్టుకుంటుంది.
'తోలుబొమ్మలాట' మూవీ రివ్యూ
జీవితానికి అందాన్నిచ్చేది .. జీవితానికో అర్థాన్నిచ్చేవి బంధాలు - అనుబంధాలేనని నమ్మే వ్యక్తి సోమరాజు. తన కుటుంబ సభ్యులంతా సఖ్యతగా ఉన్నారని భావించిన ఆయనకి, అందులో నిజంలేదనే విషయం తన మరణం తరువాత తెలుస్తుంది. ఆత్మగా వున్న ఆయన, వాళ్లలో మార్పు తీసుకురావడం కోసం ఏం చేశాడనేదే కథ. మూడు తరాలకి చెందిన కుటుంబ సభ్యులతో కలిసి సాగే ఈ కథ ఫరవాలేదనిపిస్తుంది.
'రాగల 24 గంటల్లో' మూవీ రివ్యూ
అనాథశరణాలయంలో పెరిగిన 'విద్య'ను, శ్రీమంతుడైన రాహుల్ ప్రేమించి పెళ్లి చేసుకుంటాడు. పెళ్లి జరిగిన కొంతకాలానికే అతను హత్యకి గురవుతాడు. ఆ హత్యకి కారకులు ఎవరు? ఎందుకు అతణ్ణి హత్య చేయవలసి వచ్చింది? అనేదే కథ. ఆద్యంతం అనూహ్యమైన మలుపులతో సాగే ఈ కథ, సస్పెన్స్ థ్రిల్లర్స్ ను ఇష్టపడేవారికి ఫరవాలేదనిపిస్తుంది. 
'జార్జి రెడ్డి' మూవీ రివ్యూ
ఉస్మానియా యూనివర్సిటీలో 'జార్జి రెడ్డి' చదువుకునేటప్పుడు వున్న సమస్యలు, వాటి పరిష్కారానికై విద్యార్థులను చైతన్యవంతులను చేస్తూ ఆయన పోరాట శంఖం పూరించిన తీరుతో ఈ కథ నడుస్తుంది. ఆ కాలంనాటి కాస్ట్యూమ్స్ విషయంలో కొంత ఇబ్బంది పడినట్టుగా అనిపించినా, సహజత్వానికి దగ్గరగా ఆవిష్కరించిన సన్నివేశాలతో ఈ సినిమా యూత్ ను ఆకట్టుకుంటుందనే చెప్పాలి.
'విజయ్ సేతుపతి' మూవీ రివ్యూ
పచ్చదనానికీ .. మంచితనానికి ప్రతీకగా కనిపించే పల్లెటూరు అది. ఆ ఊరు బాగు కోసం తపించే దేవరాజ్ కొడుకే విజయ్ సేతుపతి. రాజకీయనాయకుడైన చంటబ్బాయ్ .. పారిశ్రామికవేత్త అయిన సంజయ్ కలిసి ఆ ఊళ్లో 'కాపర్ ఫ్యాక్టరీ' పెట్టాలనుకుంటారు. ఆ నిర్ణయాన్ని వ్యతిరేకించిన కారణంగా తన తల్లిదండ్రులనీ, కాబోయే భార్యని విజయ్ సేతుపతి పోగొట్టుకుంటాడు. ఆ తరువాత ఆయన ఏం చేస్తాడు? అనేదే కథ. ఏ మాత్రం కొత్తదనం లేని ఈ కథ సహనానికి పరీక్ష పెడుతూ సాగుతుంది. 
'యాక్షన్' మూవీ రివ్యూ
ఒక ఉన్నతమైన కుటుంబం నుంచి వచ్చిన ఆర్మీ ఆఫీసర్ సుభాశ్, ఒకానొక సంఘటనలో తాను ప్రేమించే అమ్మాయినీ .. తనని ప్రేమించే అన్నయ్యను పోగొట్టుకుంటాడు. తమ కుటుంబ సభ్యుల కారణంగానే కాబోయే ప్రధాని కూడా చనిపోయాడనే నిందను భరించలేకపోతాడు. ఆ సంఘటన వెనక ఎవరున్నారో తెలుసుకుని చట్టానికి అప్పగించి, తన కుటుంబ పరువు ప్రతిష్ఠలను నిలబెట్టడం కోసం సుభాశ్ చేసే ప్రయత్నమే ఈ కథ. 
'తెనాలి రామకృష్ణ బీఏ బీఎల్' మూవీ రివ్యూ
రాజకీయంగా తన ఎదుగుదలకి వరలక్ష్మి అడ్డుగా మారుతుందనే ఉద్దేశంతో, సింహాద్రినాయుడు ఆమెను ఓ హత్య కేసులో ఇరికిస్తాడు. లాయర్ తెనాలి రామకృష్ణ తన తెలివితేటలతో, నిందితురాలైన వరలక్ష్మిని నిర్దోషిగా నిరూపిస్తాడు. ఆ తరువాత తెలిసిన నిజంతో బిత్తరపోతాడు. ఆ నిజం ఏమిటి? దాని పర్యవసానాలు ఎలాంటివి? అనే ఆసక్తికరమైన అంశాల చుట్టూ ఈ కథ తిరుగుతుంది. వినోదమే ప్రధానంగా రూపొందిన ఈ సినిమా ఫరవాలేదనిపిస్తుంది.
'తిప్పరా మీసం' మూవీ రివ్యూ
చిన్నతనంలోనే చెడు బాట పట్టిన కొడుకు .. అతనితో పాటే పెరుగుతూ వచ్చిన వ్యసనాలు. అతను మంచి మార్గంలోకి అడుగుపెట్టే రోజు కోసం ఎదురుచూసే తల్లి. ఆమె ప్రేమకి ద్వేషాన్ని ఫలితంగా ముట్టజెప్పే కొడుకు. ఇలా తల్లీకొడుకుల మధ్య నడిచే కథ ఇది. ప్రధానమైన కథకు వినోదపరమైన మిగతా అంశాలను జోడించకపోవడం వలన, ఈ సినిమా ఇటు యూత్ ను .. అటు ఫ్యామిలీ ఆడియన్స్ ను ఆకట్టుకోలేకపోయిందని చెప్పొచ్చు.
'ఏడు చేపల కథ' మూవీ రివ్యూ
ఒక వైపున ఆత్మల ఆవాహన .. మరో వైపున అరుదైన వ్యాధితో బాధపడే హీరో బృందం .. ఇంకో వైపున తనకి తెలియకుండానే తాను ఎలా గర్భవతినయ్యాననే విషయం తెలుసుకోవడానికి ప్రయత్నించే హీరోయిన్. ఇలాంటి ముఖ్యమైన అంశాలను ముడివేసుకుంటూ వెళ్లిన కథే .. 'ఏడు చేపల కథ'. అడల్ట్ కంటెంట్ చిత్రాలను ఇష్టపడే ప్రేక్షకులకు కూడా ఈ సినిమా ఓ మాదిరిగా అనిపించడం కష్టమేనేమో.
'ఆవిరి' మూవీ రివ్యూ
రాజ్ దంపతులకు ఇద్దరు కుమార్తెలు. పెద్ద కూతురును పోగొట్టుకున్న ఆ దంపతులు, ఆ జ్ఞాపకాలకు దూరంగా వేరే ఇంటికి మారతారు. అక్కడికి వెళ్లిన దగ్గర నుంచి చిన్నకూతురి ప్రవర్తనలో మార్పు వస్తుంది. ఓ రాత్రివేళ హఠాత్తుగా ఆ అమ్మాయి అదృశ్యమవుతుంది. అందుకు కారకులు ఎవరు? అసలా ఇంట్లో ఏం జరుగుతోంది? అనే మలుపులతో 'ఆవిరి' సినిమా సాగుతుంది. ఆసక్తికరమైన కథనం కారణంగా ఈ ఫ్యామిలీ థ్రిల్లర్ ఈ తరహా కథలను ఇష్టపడే ప్రేక్షకులకు నచ్చుతుంది.
YSRCP leader, Comedian Ali visits Delhi BJP office, gives ..
YSRCP leader, Comedian Ali visits Delhi BJP office, gives clarity
Two elephants escape from circus, video goes viral..
Two elephants escape from circus, video goes viral
Pawan Kalyan to visit Vijayawada today..
Pawan Kalyan to visit Vijayawada today
Law Ministry gives nod for Aadhaar Card linking with Voter..
Law Ministry gives nod for Aadhaar Card linking with Voter ID
High Court denies permission for AIMIM rally against CAA, ..
High Court denies permission for AIMIM rally against CAA, ahead of Republic Day
Telangana Municipal Polls 2020 Counting Begins..
Telangana Municipal Polls 2020 Counting Begins
Political Mirchi: KTR To Become CM Soon!..
Political Mirchi: KTR To Become CM Soon!
9 PM Telugu News: 24th January 2020..
9 PM Telugu News: 24th January 2020
Non bailable case against TDP MP Galla Jayadev!..
Non bailable case against TDP MP Galla Jayadev!
Big Byte: Chandrababu Strong Counter To YSRCP MLAs- Selfie..
Big Byte: Chandrababu Strong Counter To YSRCP MLAs- Selfie Scene In Gallery