ap7am logo

'దొరసాని' మూవీ రివ్యూ

Fri, Jul 12, 2019, 03:47 PM
Movie Name: Dorasani
Release Date: 12-07-2019
Cast: Shivathmika, Anand Devarakonda, Vinay Varma, Kishor, Saranya Pradeep
Director: KVR Mahendra
Producer: Yash Rangineni, Madhura Sridhar reddy
Music: Prashanth R Vihari
Banner: Madhura Entertainment, Big Ben Cinemas

పేదవాడు ప్రేమించకూడదు .. కలవారి అమ్మాయివైపు కన్నెత్తి చూడకూడదనే దొరతనానికీ, ప్రేమంటూ పుట్టాక అది ఎలాంటి అధికారానికి లొంగదనీ .. మనసులు కలిసినవారిని మరణం తప్ప మరేదీ విడదీయలేదని నిరూపించే ఓ ప్రేమ జంటకి జరిగిన పోరాటమే 'దొరసాని'. గ్రామీణ నేపథ్యంలో సాగే ఈ ప్రేమకథలో యూత్ ను ఆకట్టుకునే అన్ని అంశాలు పుష్కలంగా కనిపిస్తాయి.


ప్రేమకి మరణం లేదు .. దానికి ఆస్తులు .. అంతస్తుల భేదం తెలియదు. ధైర్యాన్ని కూడదీసుకుని గెలవడమే తప్ప, ఓడిపోవడానికి అది ఎంతమాత్రం ఒప్పుకోదు. పెద్దరికం పేరుతో పెద్దోళ్లు బెదిరించినా మట్టిలో కలిసేవరకూ అది మనసు మార్చుకోదు. ఈ తరహా కథాంశంతో తెలుగు తెరపైకి ప్రేమకథా చిత్రాలు వస్తూనే వున్నాయి. అందుకు కాస్త భిన్నంగా కొన్ని యధార్థ సంఘటనలను ఆధారంగా చేసుకుని దర్శకుడు కేవీఆర్ మహేంద్ర 'దొరసాని' సినిమాను తెరకెక్కించాడు. తెలంగాణలోని గ్రామీణ ప్రాంతాల్లో ఒకప్పుడు 'గడీ'లు కేంద్రంగా దొరల పాలన సాగింది. ఆ కాలంలో జరిగిన ప్రేమకథగా ఆయన 'దొరసాని'ని తెరపైకి తీసుకొచ్చాడు. చాలా కాలం తరువాత 'గడీ' నేపథ్యంలో వచ్చిన ఈ ప్రేమకథ ప్రేక్షకులను ఎంతవరకూ మెప్పించిందో ఇప్పుడు చూద్దాం.

అది తెలంగాణ ప్రాంతంలోని ఓ గ్రామం .. అక్కడి 'గడీ'కి దొరవారు రాజారెడ్డి(వినయ్ వర్మ). తనను ఎదిరించినవారి ప్రాణాలు తీయడానికి ఆయన ఎంతమాత్రం వెనుకాడడు. ఆయన కూతురే 'దేవకి'(శివాత్మిక). చిన్నప్పుడే తల్లిని పోగొట్టుకున్న దేవకిని అంతా 'దొరసాని' అనే పిలుస్తుంటారు. బంగారు పంజరం వంటి 'గడీ'లో స్వేచ్ఛగా ఎగరలేని పక్షిలా దేవకి ఉంటుంది. యవ్వనంలోకి అడుగుపెట్టిన దేవకి బయటికి రావడం చాలా అరుదు. అలాంటి దేవకిపై పేదింటి అబ్బాయి అయిన రాజు (ఆనంద్ దేవరకొండ) మనసు పారేసుకుంటాడు. అమ్మమ్మ గారి ఊళ్లో చదువుకుంటోన్న రాజు, సెలవులకి తన ఊరు వచ్చినప్పుడు, తొలిసారిగా బతుకమ్మ పండుగ రోజున దేవకిని చూస్తాడు. అప్పటి నుంచి 'గడీ' చుట్టూనే తిరుగుతూ 'దేవకి' మనసు దోచుకుంటాడు. ఓ రాత్రివేళ ఆమెను గడీ నుంచి తీసుకెళ్లి బయటనున్న అందమైన ప్రపంచాన్ని చూపిస్తాడు. ఒకరిని విడిచి మరొకరు ఉండలేని పరిస్థితుల్లో అతనితో కలిసి నడవాలని దేవకి నిర్ణయించుకుంటుంది. పర్యవసానంగా చోటుచేసుకునే అనూహ్యమైన పరిణామాలతో కథ ముందుకు వెళుతుంది.

దర్శకుడు కేవీఆర్ మహేంద్ర ఒక మంచి ప్రేమకథను తెరపై ఆవిష్కరించాడు. ఒకప్పటి గ్రామీణ వ్యవస్థలో దొరతనానికీ .. పేదరికానికి మధ్య గల గీతను ఆయన చాలా స్పష్టంగా చూపించాడు. సాధ్యమైనంతవరకూ కథను సహజత్వంతో నడిపించడానికి ఆయన ప్రయత్నించాడు. స్నేహితులను ఎక్కించుకుని సైకిల్ తొక్కుతుండగా హీరో పాత్రను .. బతుకమ్మ పండుగ రోజున హీరోయిన్ పాత్రను సింపుల్ గా ప్రవేశపెట్టడాన్ని ఇందుకు ఒక నిదర్శనంగా చెప్పుకోవచ్చు. సందర్భానికి తగినట్టుగా మాటలు .. పాటల అమరికలోను ఆయన తన ప్రతిభను చూపించాడు.

కథ చిక్కబడుతున్న కొద్దీ పాత్రలను ఆయన మలుస్తూ వెళ్లిన తీరు ఆకట్టుకుంటుంది. 'దేవకి' గడీ దాటి వెళ్లి రాజును కలుసుకునే సన్నివేశాన్నీ .. రాజు 'గడీ' దాటి దేవకి గదికి వచ్చే సన్నివేశాన్ని ఆయన చాలా ఆసక్తికరంగా చిత్రీకరించాడు. ఇంటర్వెల్ సమయానికి రాజు - దేవకి రహస్య ప్రేమాయణం 'గడీ' కంట్లో పడేలా చేసి, అక్కడి నుంచి  స్క్రీన్ ప్లే పరంగా మరింత 'బిగి'తో ప్రేక్షకుల్లో ఉత్కంఠ పెంచుతూ వెళ్లిన తీరు గొప్పగా వుంది. మధ్యలో నక్సలైట్ల ప్రస్తావన ఉన్నప్పటికీ అది కథలో కలిసిపోయి కనిపిస్తుందే తప్ప .. కథకి అడ్డుపడదు. ఇక క్లైమాక్స్ విషయంలో మాత్రం ఆయన చాలా పెద్ద సాహసమే చేశాడు. అదేమిటనేది తెరపై చూస్తేనే బాగుంటుంది.

నటీనటుల విషయానికొస్తే, 'దేవకి' పాత్రలో దొరసానిగా శివాత్మిక బాగా చేసింది. ఆమెకి ఇది తొలి సినిమానే అయినా, ఎక్కడా తడబాటు పడకుండా చక్కగా చేసింది. రాజును సిద్ధయ్య కొట్టేసి కట్టేసిన సన్నివేశంలోనూ, తను రాజును రహస్యంగా కలుసుకున్నప్పుడు తండ్రి చూసే సన్నివేశంలోను, రాజు కోసం పోలీస్ స్టేషన్ కి పరిగెత్తుకొచ్చే సీన్ లోను శివాత్మిక మంచి నటనను కనబరిచింది.

ఇక ఆనంద్ దేవరకొండ విషయానికొస్తే 'రాజు' పాత్రకి ఆయన సరిగ్గా సరిపోయాడు. అమాయకంగా నవ్వుతూ స్నేహితులను వెంటేసుకుని తిరిగే పల్లెటూరి అబ్బాయిలా, ప్రేమ కోసం ధైర్యంగా 'గడీ'లోకి అడుగుపెట్టే కుర్రాడిలా అతని నటన ఆకట్టుకుంటుంది. తొలిసారిగా దొర ఎదురుగా నిలబడే సీన్ లోను .. సున్నితంగానే అయినా దొరను ఎదిరించే సీన్ లోను బాగా చేశాడు. ఇక 'దొర' పాత్రలో వినయ్ వర్మ ఒదిగిపోయాడు. తన లుక్ .. బాడీ లాంగ్వేజ్ .. డైలాగ్ డెలివరీ బాగున్నాయి. తొలిసారి తన ఎదురుగా రాజు వచ్చినప్పటి సీన్ లోను .. 'దేవకి'ని పట్నానికి పంపించే సీన్ లోను ఆయన నటన హైలైట్ గా అనిపిస్తుంది. ఇక నక్సలైట్ శంకర్ గా కన్నడ కిషోర్ .. దొరవారి పనిమనిషిగా శరణ్య ప్రదీప్ కూడా తమ పాత్రలకి న్యాయం చేశారు.

ప్రశాంత్ ఆర్ విహారి సంగీతం,రామజోగయ్య శాస్త్రి .. గోరెటి వెంకన్న సాహిత్యం ఈ సినిమాకి మరింత బలాన్ని చేకూర్చాయి. ఫస్టాఫ్ లో వచ్చే 'నింగిలోని పాలపుంత' .. 'కళ్లల్లో కలవరమే' పాటలు, సెకండాఫ్ లో వచ్చే 'ఆడిపాడే దొరసాని' పాట హృదయాలకి హత్తుకునేలా వున్నాయి. చిన్మయి పాడిన 'కళ్లల్లో కలవరమే' పాట అన్నిటిలోకి ఎక్కువ మార్కులు కొట్టేస్తుంది. సన్నీ కూరపాటి ఫొటో గ్రఫీ బాగుంది. వర్షం నేపథ్యంలోని 'గడీ' సన్నివేశాలు .. ఓ రాత్రివేళ రాజు - దేవకి ఒక కొండపైకి వెళ్లిన సీన్ మరింత బాగా అనిపిస్తాయి. నవీన్ నూలి ఎడిటింగ్ కి కూడా మంచి మార్కులు ఇచ్చేయ్యొచ్చు. ఎక్కడా అనవసరమైన సీన్ గానీ .. షాట్ గాని లేకుండా ఆయన తన పనితనాన్ని చాలా పట్టుగా నడిపించాడు.

హీరో హీరోయిన్లు కొత్తవాళ్లయినా అదో లోపంగా అనిపించదు. ముఖ్యమైన పాత్రల్లో పెద్దగా తెలుసున్న ఆర్టిస్టులు లేకపోయినా అదో వెలితిగా కనిపించదు. అందుకు కారణం సహజత్వం చుట్టూ అల్లబడిన కథాకథనాలే అనుకోవాలి. తక్కువ బడ్జెట్లో ఎక్కువ అవుట్ పుట్ ను రాబట్టుకున్న చిత్రాల జాబితాలో ఈ సినిమా చేరుతుందని చెప్పాలి. ఇలా బలమైన కథాకథనాలు .. సందర్భానికి తగిన మాటలు .. ఆకట్టుకునే పాటలు .. సహజత్వానికి దగ్గరగా మలచిన పాత్రలు .. అందంగా ఆవిష్కరించిన దృశ్యాలతో ఈ 'దొరసాని' యూత్ హృదయాలను దోచేస్తుందనడంలో ఎలాంటి సందేహం లేదు. 
Review By: Peddinti
X

Feedback Form

I agree to Terms of Service & Privacy Policy
'భాగ్యనగర వీధుల్లో గమ్మత్తు' మూవీ రివ్యూ
ఒక వైపున షార్ట్ ఫిల్మ్స్ లో నటించే ముగ్గురు స్నేహితులు .. మరో వైపున డ్రగ్స్ ను అక్రమంగా తరలించే మాఫియా ముఠా .. వాళ్ల రహస్యాలకి సంబంధించిన ఆధారాలతో తప్పించుకు తిరిగే యువతి .. ఆ ముఠాను పట్టుకోవడానికి ప్రయత్నించే పోలీసుల చుట్టూ తిరిగే కథ ఇది. కసరత్తు చేయని కథతో .. పై పై అల్లేసిన కథనంతో చుట్టేసిన ఈ సినిమా అలరించడం సంగతి అటుంచితే, గందరగోళానికి గురిచేయడంలోనే సక్సెస్ అయింది.
'మిస్ మ్యాచ్' మూవీ రివ్యూ
రెండు ప్రాంతాలు .. రెండు కుటుంబాలు .. వేరు వేరు స్వభావాలు .. అయినా ఒకటి కావాలని ఆరాటపడే రెండు మనసులు. పెళ్లి చేసుకోవాలనుకున్న ఆ జంటకి ఎలాంటి పరిస్థితులు ఎదురయ్యాయి? ఎలాంటి పరిణామాలను ఎదుర్కోవలసి వచ్చింది? అనేది కథ. ఆసక్తికరంగా అనిపించని కథాకథనాలతో ఆద్యంతం ఈ సినిమా నీరసంగా సాగుతుంది .. అనూహ్యమైన మలుపులనేవి లేకుండా అసహనానికి గురిచేస్తుంది. 
'90 ఎంఎల్' మూవీ రివ్యూ
మూడు పూటలా 90 ఎం.ఎల్ మందు తాగనిదే ఉండలేని ‘దేవదాసు’, మందు వాసన తమ గేటు బైట ఉండగానే పసిగట్టే ‘సువాసన’ను ప్రేమిస్తాడు. తన ఈ అలవాటును కప్పిపుచ్చుకుంటూ కథానాయికతో ప్రేమను కొనసాగిస్తాడు. అనుకోని పరిస్థితుల్లో దేవదాసు నిత్య తాగుబోతు అని తెలుసుకున్న కథానాయిక అతనికి దూరం అవుతుంది. ప్రియురాలికి నిజం చెప్పి ఆమె ప్రేమను ఎలా తిరిగి పొందగలిగాడు అనేది కథ. మాస్ ప్రేక్షకులను టార్గెట్ చేసుకున్న ఈ చిత్రం ఆ వర్గానికి నచ్చే అంశాలతో రూపొందింది.
'రాజావారు రాణిగారు' మూవీ రివ్యూ
రాణిపట్ల తన మనసులోని ప్రేమను బయటపెట్టలేక రాజా మౌనంగా ఆరాధిస్తూ ఉంటాడు. కాలేజ్ చదువు కోసం ఊరెళ్లిన రాణి తిరిగిరాగానే ఆమెను ప్రేమిస్తున్నట్టుగా చెప్పాలనుకుంటాడు. ఈ లోగా రాణి తండ్రి ఆమెను తన మేనల్లుడికిచ్చి పెళ్లి చేయాలనుకుంటాడు. అప్పుడు రాజా ఏం చేస్తాడు? పర్యవసానంగా ఏం జరుగుతుంది? అనేదే కథ. పస లేని కథ ..పట్టులేని కథనంతో ఈ పల్లెటూరి ప్రేమకథ ఆకట్టుకోలేకపోయింది.
'అర్జున్ సురవరం' మూవీ రివ్యూ
నకిలీ సర్టిఫికెట్లకి సంబంధించిన వ్యాపారం కోట్ల రూపాయల్లో కొనసాగుతూ ఉంటుంది. ఆ మాఫియా దెబ్బకి 'అర్జున్ సురవరం' అనే రిపోర్టర్ భవిష్యత్తు కూడా ప్రశ్నార్థకంగా మారుతుంది. దాంతో ఆ మాఫియాకి అడ్డుకట్టవేయడానికి అతను రంగంలోకి దిగుతాడు. పర్యవసానంగా అతనికి ఎదురయ్యే పరిస్థితులతో ఈ కథ సాగుతుంది. బలమైన కథాకథనాలతో .. ఆద్యంతం ఆసక్తికరమైన మలుపులతో సాగే ఈ సినిమా ఆకట్టుకుంటుంది.
'తోలుబొమ్మలాట' మూవీ రివ్యూ
జీవితానికి అందాన్నిచ్చేది .. జీవితానికో అర్థాన్నిచ్చేవి బంధాలు - అనుబంధాలేనని నమ్మే వ్యక్తి సోమరాజు. తన కుటుంబ సభ్యులంతా సఖ్యతగా ఉన్నారని భావించిన ఆయనకి, అందులో నిజంలేదనే విషయం తన మరణం తరువాత తెలుస్తుంది. ఆత్మగా వున్న ఆయన, వాళ్లలో మార్పు తీసుకురావడం కోసం ఏం చేశాడనేదే కథ. మూడు తరాలకి చెందిన కుటుంబ సభ్యులతో కలిసి సాగే ఈ కథ ఫరవాలేదనిపిస్తుంది.
'రాగల 24 గంటల్లో' మూవీ రివ్యూ
అనాథశరణాలయంలో పెరిగిన 'విద్య'ను, శ్రీమంతుడైన రాహుల్ ప్రేమించి పెళ్లి చేసుకుంటాడు. పెళ్లి జరిగిన కొంతకాలానికే అతను హత్యకి గురవుతాడు. ఆ హత్యకి కారకులు ఎవరు? ఎందుకు అతణ్ణి హత్య చేయవలసి వచ్చింది? అనేదే కథ. ఆద్యంతం అనూహ్యమైన మలుపులతో సాగే ఈ కథ, సస్పెన్స్ థ్రిల్లర్స్ ను ఇష్టపడేవారికి ఫరవాలేదనిపిస్తుంది. 
'జార్జి రెడ్డి' మూవీ రివ్యూ
ఉస్మానియా యూనివర్సిటీలో 'జార్జి రెడ్డి' చదువుకునేటప్పుడు వున్న సమస్యలు, వాటి పరిష్కారానికై విద్యార్థులను చైతన్యవంతులను చేస్తూ ఆయన పోరాట శంఖం పూరించిన తీరుతో ఈ కథ నడుస్తుంది. ఆ కాలంనాటి కాస్ట్యూమ్స్ విషయంలో కొంత ఇబ్బంది పడినట్టుగా అనిపించినా, సహజత్వానికి దగ్గరగా ఆవిష్కరించిన సన్నివేశాలతో ఈ సినిమా యూత్ ను ఆకట్టుకుంటుందనే చెప్పాలి.
'విజయ్ సేతుపతి' మూవీ రివ్యూ
పచ్చదనానికీ .. మంచితనానికి ప్రతీకగా కనిపించే పల్లెటూరు అది. ఆ ఊరు బాగు కోసం తపించే దేవరాజ్ కొడుకే విజయ్ సేతుపతి. రాజకీయనాయకుడైన చంటబ్బాయ్ .. పారిశ్రామికవేత్త అయిన సంజయ్ కలిసి ఆ ఊళ్లో 'కాపర్ ఫ్యాక్టరీ' పెట్టాలనుకుంటారు. ఆ నిర్ణయాన్ని వ్యతిరేకించిన కారణంగా తన తల్లిదండ్రులనీ, కాబోయే భార్యని విజయ్ సేతుపతి పోగొట్టుకుంటాడు. ఆ తరువాత ఆయన ఏం చేస్తాడు? అనేదే కథ. ఏ మాత్రం కొత్తదనం లేని ఈ కథ సహనానికి పరీక్ష పెడుతూ సాగుతుంది. 
'యాక్షన్' మూవీ రివ్యూ
ఒక ఉన్నతమైన కుటుంబం నుంచి వచ్చిన ఆర్మీ ఆఫీసర్ సుభాశ్, ఒకానొక సంఘటనలో తాను ప్రేమించే అమ్మాయినీ .. తనని ప్రేమించే అన్నయ్యను పోగొట్టుకుంటాడు. తమ కుటుంబ సభ్యుల కారణంగానే కాబోయే ప్రధాని కూడా చనిపోయాడనే నిందను భరించలేకపోతాడు. ఆ సంఘటన వెనక ఎవరున్నారో తెలుసుకుని చట్టానికి అప్పగించి, తన కుటుంబ పరువు ప్రతిష్ఠలను నిలబెట్టడం కోసం సుభాశ్ చేసే ప్రయత్నమే ఈ కథ. 
'తెనాలి రామకృష్ణ బీఏ బీఎల్' మూవీ రివ్యూ
రాజకీయంగా తన ఎదుగుదలకి వరలక్ష్మి అడ్డుగా మారుతుందనే ఉద్దేశంతో, సింహాద్రినాయుడు ఆమెను ఓ హత్య కేసులో ఇరికిస్తాడు. లాయర్ తెనాలి రామకృష్ణ తన తెలివితేటలతో, నిందితురాలైన వరలక్ష్మిని నిర్దోషిగా నిరూపిస్తాడు. ఆ తరువాత తెలిసిన నిజంతో బిత్తరపోతాడు. ఆ నిజం ఏమిటి? దాని పర్యవసానాలు ఎలాంటివి? అనే ఆసక్తికరమైన అంశాల చుట్టూ ఈ కథ తిరుగుతుంది. వినోదమే ప్రధానంగా రూపొందిన ఈ సినిమా ఫరవాలేదనిపిస్తుంది.
'తిప్పరా మీసం' మూవీ రివ్యూ
చిన్నతనంలోనే చెడు బాట పట్టిన కొడుకు .. అతనితో పాటే పెరుగుతూ వచ్చిన వ్యసనాలు. అతను మంచి మార్గంలోకి అడుగుపెట్టే రోజు కోసం ఎదురుచూసే తల్లి. ఆమె ప్రేమకి ద్వేషాన్ని ఫలితంగా ముట్టజెప్పే కొడుకు. ఇలా తల్లీకొడుకుల మధ్య నడిచే కథ ఇది. ప్రధానమైన కథకు వినోదపరమైన మిగతా అంశాలను జోడించకపోవడం వలన, ఈ సినిమా ఇటు యూత్ ను .. అటు ఫ్యామిలీ ఆడియన్స్ ను ఆకట్టుకోలేకపోయిందని చెప్పొచ్చు.
'ఏడు చేపల కథ' మూవీ రివ్యూ
ఒక వైపున ఆత్మల ఆవాహన .. మరో వైపున అరుదైన వ్యాధితో బాధపడే హీరో బృందం .. ఇంకో వైపున తనకి తెలియకుండానే తాను ఎలా గర్భవతినయ్యాననే విషయం తెలుసుకోవడానికి ప్రయత్నించే హీరోయిన్. ఇలాంటి ముఖ్యమైన అంశాలను ముడివేసుకుంటూ వెళ్లిన కథే .. 'ఏడు చేపల కథ'. అడల్ట్ కంటెంట్ చిత్రాలను ఇష్టపడే ప్రేక్షకులకు కూడా ఈ సినిమా ఓ మాదిరిగా అనిపించడం కష్టమేనేమో.
'ఆవిరి' మూవీ రివ్యూ
రాజ్ దంపతులకు ఇద్దరు కుమార్తెలు. పెద్ద కూతురును పోగొట్టుకున్న ఆ దంపతులు, ఆ జ్ఞాపకాలకు దూరంగా వేరే ఇంటికి మారతారు. అక్కడికి వెళ్లిన దగ్గర నుంచి చిన్నకూతురి ప్రవర్తనలో మార్పు వస్తుంది. ఓ రాత్రివేళ హఠాత్తుగా ఆ అమ్మాయి అదృశ్యమవుతుంది. అందుకు కారకులు ఎవరు? అసలా ఇంట్లో ఏం జరుగుతోంది? అనే మలుపులతో 'ఆవిరి' సినిమా సాగుతుంది. ఆసక్తికరమైన కథనం కారణంగా ఈ ఫ్యామిలీ థ్రిల్లర్ ఈ తరహా కథలను ఇష్టపడే ప్రేక్షకులకు నచ్చుతుంది.
'మీకు మాత్రమే చెప్తా' మూవీ రివ్యూ
తనకి కాబోయే భర్త నిజాయితీ పరుడై, ఎలాంటి వ్యసనాలు లేనివాడై వుండాలని కోరుకునే యువతి ఒక వైపు, తన గురించిన ఒక విషయం ఆమెకి తెలిస్తే తమ పెళ్లి ఆగిపోతుందనే ఉద్దేశంతో ఒక యువకుడు పడే పాట్లు మరో వైపు. కథ అంతా కూడా ఈ అంశం చుట్టూనే తిరుగుతుంది. అక్కడక్కడా మాత్రమే నవ్వించే ఈ సినిమా ఓ మాదిరిగా అనిపిస్తుందంతే.
'తుపాకి రాముడు' మూవీ రివ్యూ
పుట్టుకతోనే అనాథలా విసిరివేయబడిన రాముడు, ఆ ఊళ్లో వాళ్లంతా తమవాడు అనుకునేలా పెరుగుతాడు. పుస్తకాల షాపు నడుపుకునే అనితపై మనసు పారేసుకున్న రాముడికి ఒక చేదు నిజం తెలుస్తుంది. అదేమిటి? అప్పుడు రాముడు ఏం చేస్తాడు? అనేదే కథ. గ్రామీణ నేపథ్యంలో సాదాసీదాగా సాగిపోయే ఈ కథ, బిత్తిరి సత్తి నుంచి ఆశించే కామెడీని అందించలేకపోయింది. 
'ఖైదీ' మూవీ రివ్యూ
840 కోట్ల విలువ చేసే 900 కేజీల డ్రగ్స్ పోలీసుల చేతికి చిక్కుతుంది. ఆ డ్రగ్స్ ను తిరిగి చేజిక్కించుకోవడానికి మాఫియా గ్యాంగ్ రంగంలోకి దిగుతుంది. వాళ్ల ప్రయత్నాన్ని అడ్డుకునేందుకు పోలీసులు డిల్లీ అనే ఒక ఖైదీ సాయం కోరతారు. తన కూతురిని కలుసుకోవడం కోసం వాళ్లకి సహకరించడానికి అంగీకరించిన ఆ ఖైదీ, చివరికి తన కూతురిని కలుసుకున్నాడా లేదా అనేదే కథ. బలమైన కథ .. ఆసక్తికరమైన కథనంతో ఈ సినిమా మొదటి నుంచి చివరి వరకూ ప్రేక్షకులను కట్టిపడేస్తుంది. 
'విజిల్' మూవీ రివ్యూ
రౌడీగా చెలామణి అవుతున్న రాజప్ప, తన తనయుడు మైఖేల్ జాతీయస్థాయిలో ఫుట్ బాల్ ఆటగాడిగా కప్పు గెలుచుకురావాలని కలలు కంటాడు. అయితే కప్పు అందుకోవలసిన మైఖేల్, చివరి నిమిషంలో కత్తి పట్టుకోవలసి వస్తుంది. తండ్రి కోరిక నెరవేర్చడం కోసం కోచ్ గా మారిన ఆయనకి ఎలాంటి అవరోధాలు ఎదురవుతాయి? వాటిని ఆయన ఎలా అధిగమించాడు? అనేదే కథ. యాక్షన్ .. ఎమోషన్ పాళ్లు ఎక్కువై వినోదం పాళ్లు తగ్గిన ఈ సినిమా, గతంలో విజయ్ - అట్లీ కాంబినేషన్లో వచ్చిన 'తెరి' .. 'మెర్సల్' స్థాయిని అందుకోలేకపోయిందనే చెప్పాలి. 
'ఆపరేషన్ గోల్డ్ ఫిష్' మూవీ రివ్యూ
ఎంతోమంది కశ్మీర్ పండిట్లను పొట్టనబెట్టుకున్న పాకిస్థాన్ తీవ్రవాది ఘాజీబాబాను, జాతీయ భద్రతా దళానికి చెందిన అర్జున్ పండిట్ బంధిస్తాడు. ఉరిశిక్ష పడిన ఘాజీబాబాను విడిపించుకోవడానికి ఆయన ప్రధాన సహచరుడైన ఫారుక్ 'ఆపరేషన్ గోల్డ్ ఫిష్' ను ఆరంభించడంతోనే అసలు కథ మొదలవుతుంది. విస్తృతమైన పరిథి కలిగిన ఈ కథలో, దర్శకుడు యాక్షన్ సన్నివేశాలకు మాత్రమే ప్రాధాన్యతనిచ్చి మిగతా వాటిని వదిలేశాడు. ఫలితంగా ప్రేక్షకులకు అసహనం  కలుగుతుంది .. నిరాశే మిగులుతుంది. 
'రాజుగారి గది 3' మూవీ రివ్యూ
మనసుపడిన అమ్మాయిని మనువాడాలనుకున్న ఓ యువకుడు, అందుకు అడ్డుపడుతోన్న ఆత్మలపై చేసే పోరాటమే 'రాజుగారి గది 3'. హారర్ కామెడీ చిత్రాలను ఇష్టపడేవారిని ఈ సినిమా ఇటు నవ్వించలేకపోయింది .. అటు భయపెట్టలేకపోయింది. ఒక్క మాటలో చెప్పాలంటే అంచనాలను అందుకోలేకపోయింది. 
'RDX Love' మూవీ రివ్యూ
ఊరు కోసం .. ఊరు జనాల బాగు కోసం తన శీలాన్ని పణంగా పెట్టిన ఓ అందమైన యువతి కథ ఇది. ఆ ఊరు సమస్యని పరిష్కరించడం కోసం తన ప్రాణాలను సైతం త్యాగం చేయడానికి సిద్ధపడిన అలివేలు కథ ఇది. రొమాంటిక్ లవ్ స్టోరీగా కనిపించే ఈ లేడీ ఓరియెంటెడ్ మూవీలో, శృంగారం - ఆదర్శం అనే రెండు అతకని అంశాలను కలిపి చెప్పడానికి దర్శకుడు చేసిన ప్రయత్నం కొంతవరకు మాత్రమే ఫలించిందని చెప్పాలి. 
'ఎవ్వరికీ చెప్పొద్దు' మూవీ రివ్యూ
ప్రేమకి ఎప్పుడూ ప్రధానమైన అడ్డంకిగా మారేది కులమే. ప్రేమికులను ప్రధమంగా భయపెట్టేదీ కులమే. కులాన్ని ప్రాణంగా భావించే ఒక ఆడపిల్ల తండ్రి .. మరో కులానికి చెందిన యువకుడిని ప్రేమిస్తున్నానని తండ్రికి చెప్పడానికి భయపడే కూతురు .. ఆ అమ్మాయినే భార్యగా పొందడం కోసం తెగించే ఓ ప్రేమికుడు. ఈ ముగ్గురి చుట్టూ తిరిగే ప్రేమకథా చిత్రమే 'ఎవ్వరికీ చెప్పొద్దు'. కులం అనే పాయింట్ చుట్టూ అల్లుకున్న ఈ కథ సందేశాత్మకమే అయినా, దర్శకుడు దానిని పూర్తిస్థాయిలో ఆసక్తికరంగా ఆవిష్కరించలేకపోయాడు. 
'చాణక్య' మూవీ రివ్యూ
'రా' సంస్థలో గోపీచంద్ తో పాటు ఆయన నలుగురు స్నేహితులు ఒక టీమ్ గా పనిచేస్తూ ఉంటారు. ఒకానొక సందర్భంలో గోపీచంద్ మినహా ఆయన నలుగురు స్నేహితులను, పాకిస్థాన్ లోని భారత వ్యతిరేక శక్తి కిడ్నాప్ చేస్తుంది. దాంతో తన ప్రాణాలకి తెగించి మరీ వాళ్లను ఇండియా తీసుకురావడానికి హీరో 'కరాచీ' లో అడుగుపెడతాడు. అక్కడ ఏం జరుగుతుంది? ఎలాంటి పరిస్థితులను ఆయన ఎదుర్కోవలసి వస్తుందనేది ఈ కథ. అనూహ్యమైన మలుపులు .. ఆసక్తికరమైన సంఘటనలు ఎంతమాత్రం లేని ఈ సినిమా, ప్రేక్షకులను ఆకట్టుకోవడం కష్టమే!
'సైరా నరసింహా రెడ్డి' మూవీ రివ్యూ
భారతావని స్వేచ్ఛా స్వాతంత్ర్యాల కోసం ఉద్యమాన్ని ఊపిరిగా చేసుకున్న తొలి పోరాట యోధుడి కథ ఇది. ఉడుకు నెత్తురుతో ఉప్పెనలా ఆంగ్లేయులపై విరుచుకుపడిన ఉయ్యాలవాడ నరసింహారెడ్డి కథ ఇది. దేశమాత సంకెళ్లను తెంచడం కోసం తనని తాను సమిధగా సమర్పించుకున్న అమరవీరుని ఆదర్శ చరిత్రగా 'సైరా' ప్రేక్షకుల ముందుకు వచ్చింది. బలమైన కథాకథనాలకు భారీతనాన్ని జోడించి అందించిన ఈ చిత్రం, చిరంజీవి కెరియర్లో ప్రత్యేక స్థానాన్ని దక్కించుకుందనే చెప్పాలి.
'నిన్ను తలచి' మూవీ రివ్యూ
ప్రేమ అనేది ప్రతి నిమిషాన్ని అందమైన అనుభూతిగా మారుస్తుంది .. ఊహల ఊయలను ఉత్సాహంతో ఊపేస్తుంది. అలాంటి సున్నితమైన ప్రేమకథను సుదీర్ఘంగా చెప్పిన చిత్రమే 'నిన్నుతలచి'. నిజమైన ప్రేమను సొంతం చేసుకునేందుకు కథానాయిక అనుభవించిన మానసిక సంఘర్షణే ఈ సినిమా కథ. హృదయాన్ని తాకే సన్నివేశాలుగానీ .. మాటలుగాని .. పాటలుగాని లేని ఈ సినిమా యూత్ ను నిరాశ పరుస్తుంది.
Venky Mama Official Trailer- Venkatesh, Naga Chaitanya..
Venky Mama Official Trailer- Venkatesh, Naga Chaitanya
9 PM Telugu Nedws- 7th December 2019..
9 PM Telugu Nedws- 7th December 2019
Hanging bridge on Siddipet’s Komati Cheruvu- A tourist spo..
Hanging bridge on Siddipet’s Komati Cheruvu- A tourist spot
CM KCR Finishing Touch to Disha Incident: Weekend Comment ..
CM KCR Finishing Touch to Disha Incident: Weekend Comment by RK
Murali Krishna Encounter With Ram Madhav- Promo..
Murali Krishna Encounter With Ram Madhav- Promo
Exclusive CCTV footage of accused Shiva trying to bring th..
Exclusive CCTV footage of accused Shiva trying to bring the petrol to burn Disha dead body
Am I Safe?- Anchor Suma Creates Awareness- A Special Video..
Am I Safe?- Anchor Suma Creates Awareness- A Special Video
A Show cause notice to YSRCP MLA Anam Ramanarayana Reddy!..
A Show cause notice to YSRCP MLA Anam Ramanarayana Reddy!
PV Sindhu Meets AP CM Jagan..
PV Sindhu Meets AP CM Jagan
Shift bodies to Hyderabad: Mahabubnagar police file petiti..
Shift bodies to Hyderabad: Mahabubnagar police file petition in High Court