island: కాస్త డబ్బులుంటే ఈ దీవిని కొనేసుకోవచ్చు.. సొంత బీచ్.. ఏడు ఇళ్లు.. ఒక పబ్.. ఇంకా మరెన్నో!
- యూకేలోని స్కాట్లాండ్ తీరానికి సమీపంలో దీవి
- రూ.26 కోట్లకు అమ్మకానికి పెట్టిన నైట్ ఫ్రాంక్ ప్రాపర్టీస్ సంస్థ
- 453 ఎకరాల విస్తీర్ణం.. ఒక హెలిప్యాడ్, లైట్ హౌజ్ కూడా..
మీకంటూ సొంతంగా ఓ దీవిని కొనుక్కోవాలనుకుంటున్నారా? ప్రశాంతంగా గడిపేయాలనుకుంటున్నారా? అయితే ఓ దీవి రెడీగా ఉంది. యూకేలోని స్కాట్లాండ్ పశ్చిమ తీరంలోని సాండా దీవి అమ్మకానికి రెడీగా ఉంది. ప్రఖ్యాత నైట్ ఫ్రాంక్ ప్రాపర్టీస్ సంస్థ దీన్ని అమ్మకానికి పెట్టింది.
ఎన్నో సదుపాయాలతో..
- 453 ఎకరాల మేర విస్తరించి ఉన్న సాండా దీవిలో ఏడు ఇళ్లు, ఒక చిన్నపాటి పబ్ సెటప్‌ ఉన్నాయి. హెలికాప్టర్‌ దిగడానికి వీలుగా హెలిప్యాడ్ కూడా ఉంది. ఓ చిన్నపాటి బీచ్ కూడా ఉంది. పక్కనే రెండు మరింత చిన్న దీవులు కూడా ఉన్నాయి. ఆ రెండింటిని కూడా సాండా దీవితోపాటు ఇచ్చేస్తారట. ఈ చిన్న దీవుల్లో ఒక దానిపై లైట్ హౌజ్ కూడా ఉంది.
- ఇక్కడ ఒక చిన్న గొర్రెల ఫామ్‌ కూడా ఉంది. అందులో 55 గొర్రెలు కూడా ఉన్నాయట. ఇక సముద్ర పక్షులు, ఇతర జంతువులు కూడా ఈ దీవిలో ఆవాసం ఏర్పాటు చేసుకుని ఉన్నాయట.
- ఉత్తర ఐర్లాండ్‌ నుంచి బోటులో ఈ దీవికి చేరుకోవచ్చు. ఉత్తర ఐర్లాండ్‌ లోని క్యాంపెల్‌ టౌన్‌ నుంచి 20 కిలోమీటర్ల దూరంలో ఉంటుందని నైట్ ఫ్రాంక్ సంస్థ పేర్కొంది.
- మరి ధర ఎంతో తెలుసా.. 31 మిలియన్‌ పౌండ్లు.. మన కరెన్సీలో జస్ట్‌ 26 కోట్ల రూపాయలు మాత్రమే. అంటే కాస్త డబ్బులున్న వాళ్లు ఈజీగానే కొనేసుకోవచ్చన్నమాట.
