iPhone 16: భారత్లో మారిన స్మార్ట్ ఫోన్ ట్రెండ్... అమ్మకాల్లో ఐఫోన్ 16 టాప్
- ఇండియాలో ఐఫోన్ 16 సరికొత్త రికార్డ్
- మారుతున్న స్మార్ట్ఫోన్ కొనుగోలు సరళి
- 2025లో 61 లక్షల ఐఫోన్ 16 యూనిట్ల విక్రయం
- ఈఎంఐ, ఫైనాన్సింగ్ ఆప్షన్లతో పెరిగిన అమ్మకాలు
- భారత్లో రికార్డు ఆదాయం సాధించామన్న యాపిల్ సీఈవో
భారత స్మార్ట్ఫోన్ మార్కెట్లో వినియోగదారుల కొనుగోలు సరళిలో స్పష్టమైన మార్పు కనిపిస్తోంది. ఇప్పటివరకు బడ్జెట్ ఫోన్లదే హవా కాగా, ఇప్పుడు ప్రీమియం సెగ్మెంట్ వైపు మొగ్గు చూపుతున్నారు. దీనికి నిదర్శనంగా, 2025లో యాపిల్ సంస్థకు చెందిన ఐఫోన్ 16 బేస్ వేరియంట్ అత్యధికంగా అమ్ముడైన స్మార్ట్ఫోన్గా నిలిచింది. ఈ విషయాన్ని 'కౌంటర్పాయింట్ రీసెర్చ్' తన నివేదికలో వెల్లడించింది.
'కౌంటర్పాయింట్' నివేదిక ప్రకారం, 2025లో భారతదేశంలో మొత్తం 154 మిలియన్ల (15.4 కోట్లు) స్మార్ట్ఫోన్లు అమ్ముడయ్యాయి. ఇందులో ఒక్క ఐఫోన్ 16 బేస్ మోడల్ అమ్మకాలే సుమారు 6.16 మిలియన్ల (61.6 లక్షల) యూనిట్లుగా ఉన్నాయి. ఇది మొత్తం మార్కెట్లో సుమారు 4 శాతం వాటాకు సమానం. 2024 సెప్టెంబర్లో విడుదలైన ఈ ఫోన్ బేస్ వేరియంట్ ధర సుమారు రూ. 71,000 కావడం గమనార్హం.
యాపిల్ బ్రాండ్కు ఉన్న ఆకర్షణ, సులభమైన నెలవారీ వాయిదాలు (EMI), ఎక్స్ఛేంజ్ ఆఫర్లు వంటి ఫైనాన్సింగ్ సదుపాయాలు ఖరీదైన ఫోన్లను కూడా అందుబాటులోకి తీసుకువచ్చాయని నివేదిక పేర్కొంది. ప్రస్తుతం దేశంలో అమ్ముడవుతున్న ప్రీమియం స్మార్ట్ఫోన్లలో సుమారు 60 శాతం ఈఎంఐ ప్లాన్లపైనే కొనుగోలు చేస్తున్నారని కౌంటర్పాయింట్ రీసెర్చ్ తెలిపింది.
భారత్లో తమ వ్యాపారం అద్భుతంగా సాగుతోందని యాపిల్ సీఈవో టిమ్ కుక్ ఇటీవలే తెలిపారు. అక్టోబర్-డిసెంబర్ త్రైమాసికంలో భారత్లో రికార్డు స్థాయిలో ఆదాయాన్ని నమోదు చేశామని ఆయన ప్రకటించారు. భారత్ వంటి అభివృద్ధి చెందుతున్న మార్కెట్లలో రెండంకెల బలమైన వృద్ధిని చూశామని, త్వరలో ముంబైలో మరో స్టోర్ ప్రారంభించాలనే యోచనలో ఉన్నామని గురువారం జరిగిన ఎర్నింగ్స్ కాల్లో టిమ్ కుక్ వివరించారు. ప్రపంచంలోనే భారత్ రెండవ అతిపెద్ద స్మార్ట్ఫోన్ మార్కెట్ అని, ఇక్కడ ఐఫోన్, మ్యాక్, ఐప్యాడ్ అమ్మకాలలో త్రైమాసిక రికార్డులు సాధించామని ఆయన పేర్కొన్నారు.
'కౌంటర్పాయింట్' నివేదిక ప్రకారం, 2025లో భారతదేశంలో మొత్తం 154 మిలియన్ల (15.4 కోట్లు) స్మార్ట్ఫోన్లు అమ్ముడయ్యాయి. ఇందులో ఒక్క ఐఫోన్ 16 బేస్ మోడల్ అమ్మకాలే సుమారు 6.16 మిలియన్ల (61.6 లక్షల) యూనిట్లుగా ఉన్నాయి. ఇది మొత్తం మార్కెట్లో సుమారు 4 శాతం వాటాకు సమానం. 2024 సెప్టెంబర్లో విడుదలైన ఈ ఫోన్ బేస్ వేరియంట్ ధర సుమారు రూ. 71,000 కావడం గమనార్హం.
యాపిల్ బ్రాండ్కు ఉన్న ఆకర్షణ, సులభమైన నెలవారీ వాయిదాలు (EMI), ఎక్స్ఛేంజ్ ఆఫర్లు వంటి ఫైనాన్సింగ్ సదుపాయాలు ఖరీదైన ఫోన్లను కూడా అందుబాటులోకి తీసుకువచ్చాయని నివేదిక పేర్కొంది. ప్రస్తుతం దేశంలో అమ్ముడవుతున్న ప్రీమియం స్మార్ట్ఫోన్లలో సుమారు 60 శాతం ఈఎంఐ ప్లాన్లపైనే కొనుగోలు చేస్తున్నారని కౌంటర్పాయింట్ రీసెర్చ్ తెలిపింది.
భారత్లో తమ వ్యాపారం అద్భుతంగా సాగుతోందని యాపిల్ సీఈవో టిమ్ కుక్ ఇటీవలే తెలిపారు. అక్టోబర్-డిసెంబర్ త్రైమాసికంలో భారత్లో రికార్డు స్థాయిలో ఆదాయాన్ని నమోదు చేశామని ఆయన ప్రకటించారు. భారత్ వంటి అభివృద్ధి చెందుతున్న మార్కెట్లలో రెండంకెల బలమైన వృద్ధిని చూశామని, త్వరలో ముంబైలో మరో స్టోర్ ప్రారంభించాలనే యోచనలో ఉన్నామని గురువారం జరిగిన ఎర్నింగ్స్ కాల్లో టిమ్ కుక్ వివరించారు. ప్రపంచంలోనే భారత్ రెండవ అతిపెద్ద స్మార్ట్ఫోన్ మార్కెట్ అని, ఇక్కడ ఐఫోన్, మ్యాక్, ఐప్యాడ్ అమ్మకాలలో త్రైమాసిక రికార్డులు సాధించామని ఆయన పేర్కొన్నారు.
