T20 World Cup 2026: టీ20 వరల్డ్ కప్కు ముందే ఐసీసీకి కొత్త తలనొప్పి... ఆటగాళ్ల హక్కులపై వివాదం
- టీ20 వరల్డ్ కప్కు ముందు ఐసీసీలో మరో వివాదం
- ఆటగాళ్ల హక్కులపై ఐసీసీ, ప్రపంచ క్రికెటర్ల సంఘం మధ్య రగడ
- కొత్త ఒప్పందంతో ప్లేయర్లకు నష్టమంటున్న డబ్ల్యూసీఏ
- ఆరోపణలను తిరస్కరించిన అంతర్జాతీయ క్రికెట్ మండలి
- వివాదం ముదిరితే టోర్నీపై ప్రభావం పడే అవకాశం
2026 టీ20 వరల్డ్ కప్ ఆరంభానికి ఇంకా చాలా సమయం ఉండగానే, అంతర్జాతీయ క్రికెట్ మండలి (ఐసీసీ) మరో కొత్త వివాదంలో చిక్కుకుంది. ఆటగాళ్ల హక్కుల విషయంలో ప్రపంచ క్రికెటర్ల సంఘం (డబ్ల్యూసీఏ) ఐసీసీపై తీవ్ర అసంతృప్తి వ్యక్తం చేసింది. వరల్డ్ కప్లో పాల్గొనే ప్లేయర్ల పేరు, ఫొటో, వీడియో వంటి వాణిజ్య హక్కులకు సంబంధించి ఐసీసీ రూపొందించిన కొత్త నిబంధనలపై డబ్ల్యూసీఏ అభ్యంతరం తెలిపింది.
గతంలో కుదిరిన ఒప్పందానికి భిన్నంగా కొత్త నిబంధనలు ఉన్నాయని, దీనివల్ల ఆటగాళ్ల హక్కులకు భంగం కలుగుతోందని డబ్ల్యూసీఏ ఆరోపించింది. ముఖ్యంగా మీడియా కార్యక్రమాలు, డ్రెస్సింగ్ రూమ్ యాక్సెస్, వ్యక్తిగత సమాచార వినియోగం వంటి అంశాల్లో ప్లేయర్లకు నష్టం జరుగుతుందని పేర్కొంది. ఈ కొత్త నిబంధనల వల్ల చిన్న దేశాల ఆటగాళ్లు ఎక్కువగా ప్రభావితమవుతారని, వరల్డ్ కప్ చాలా మందికి జీవనాధారమని డబ్ల్యూసీఏ సీఈవో టామ్ మోఫాట్ అన్నారు.
డబ్ల్యూసీఏ ఆరోపణలను ఖండించిన ఐసీసీ
అయితే, ఐసీసీ ఈ ఆరోపణలను ఖండించింది. 2024లో కుదిరిన ఒప్పందం కేవలం కొన్ని దేశాలకు మాత్రమే వర్తిస్తుందని, అన్ని జట్లకు కాదని స్పష్టం చేసింది. మరోవైపు డబ్ల్యూసీఏ మాత్రం అన్ని దేశాల ఆటగాళ్లకు ఒకే విధమైన నిబంధనలు ఉండాలని డిమాండ్ చేస్తోంది. ఇప్పటికే తమకు మద్దతిస్తున్న ఆటగాళ్లతో ఒప్పందాలపై సంతకాలు కూడా చేయించుకున్నట్లు తెలిపింది.
భారత్, శ్రీలంక వేదికగా ఫిబ్రవరి 7 నుంచి ఈ మెగా టోర్నీ జరగనుంది. ఈ లోగా ఈ వివాదం పరిష్కారం కాకపోతే, టోర్నమెంట్ నిర్వహణపై ప్రభావం పడే అవకాశం ఉందని క్రీడా వర్గాలు ఆందోళన వ్యక్తం చేస్తున్నాయి.
గతంలో కుదిరిన ఒప్పందానికి భిన్నంగా కొత్త నిబంధనలు ఉన్నాయని, దీనివల్ల ఆటగాళ్ల హక్కులకు భంగం కలుగుతోందని డబ్ల్యూసీఏ ఆరోపించింది. ముఖ్యంగా మీడియా కార్యక్రమాలు, డ్రెస్సింగ్ రూమ్ యాక్సెస్, వ్యక్తిగత సమాచార వినియోగం వంటి అంశాల్లో ప్లేయర్లకు నష్టం జరుగుతుందని పేర్కొంది. ఈ కొత్త నిబంధనల వల్ల చిన్న దేశాల ఆటగాళ్లు ఎక్కువగా ప్రభావితమవుతారని, వరల్డ్ కప్ చాలా మందికి జీవనాధారమని డబ్ల్యూసీఏ సీఈవో టామ్ మోఫాట్ అన్నారు.
డబ్ల్యూసీఏ ఆరోపణలను ఖండించిన ఐసీసీ
అయితే, ఐసీసీ ఈ ఆరోపణలను ఖండించింది. 2024లో కుదిరిన ఒప్పందం కేవలం కొన్ని దేశాలకు మాత్రమే వర్తిస్తుందని, అన్ని జట్లకు కాదని స్పష్టం చేసింది. మరోవైపు డబ్ల్యూసీఏ మాత్రం అన్ని దేశాల ఆటగాళ్లకు ఒకే విధమైన నిబంధనలు ఉండాలని డిమాండ్ చేస్తోంది. ఇప్పటికే తమకు మద్దతిస్తున్న ఆటగాళ్లతో ఒప్పందాలపై సంతకాలు కూడా చేయించుకున్నట్లు తెలిపింది.
భారత్, శ్రీలంక వేదికగా ఫిబ్రవరి 7 నుంచి ఈ మెగా టోర్నీ జరగనుంది. ఈ లోగా ఈ వివాదం పరిష్కారం కాకపోతే, టోర్నమెంట్ నిర్వహణపై ప్రభావం పడే అవకాశం ఉందని క్రీడా వర్గాలు ఆందోళన వ్యక్తం చేస్తున్నాయి.
