Suryakumar Yadav: వ్యూహం వికటించింది.. నాలుగో టీ20లో ఓటమిపై సూర్యకుమార్
- వరల్డ్ కప్ వ్యూహంలో భాగంగానే ‘ఐదుగురు బౌలర్ల’ ప్రయోగమన్న సూర్యకుమార్
- ఆటగాళ్ల సత్తాను పరీక్షించేందుకే బ్యాటర్ల సంఖ్యను తగ్గించినట్లు వెల్లడి
- శివమ్ దూబే మెరుపు ఇన్నింగ్స్ను మెచ్చుకున్న సూర్య
- అతడికి తోడుగా మరో బ్యాటర్ ఉంటే ఫలితం వేరేలా ఉండేదన్న కెప్టెన్
విశాఖపట్నం వేదికగా న్యూజిలాండ్తో జరిగిన నాలుగో టీ20లో టీమ్ ఇండియా 50 పరుగుల తేడాతో ఓటమి పాలైనప్పటికీ కెప్టెన్ సూర్యకుమార్ యాదవ్ మాత్రం ధీమాగా ఉన్నాడు. ఈ ఓటమి తమకు ఒక గొప్ప పాఠమని, రాబోయే ప్రపంచకప్కు సిద్ధమవ్వడంలో భాగంగానే తాము ఉద్దేశపూర్వకంగానే ఐదుగురు స్పెషలిస్ట్ బౌలర్లతో బరిలోకి దిగామని ఆయన స్పష్టం చేశాడు.
మ్యాచ్ అనంతరం సూర్య మాట్లాడుతూ.. "మేము ఈ రోజు కావాలనే ఆరుగురు బ్యాటర్లు, ఐదుగురు పక్కా బౌలర్లతో ఆడాము. 200 పరుగుల లక్ష్యాన్ని ఛేదించేటప్పుడు, ఆరంభంలోనే వికెట్లు పడితే మిగిలిన వారు ఎలా ఆడతారో పరీక్షించాలనుకున్నాం. అందుకే ఈ కఠిన నిర్ణయం తీసుకున్నాం. వరల్డ్ కప్ జట్టులో భాగమైన ఆటగాళ్లందరికీ అవకాశం ఇవ్వడం మా ప్రాధాన్యం" అని పేర్కొన్నారు.
మంచు ప్రభావం ఎక్కువగా ఉన్నప్పటికీ, శివమ్ దూబే వీరోచిత పోరాటంపై సూర్య ప్రశంసలు కురిపించాడు. "దూబే అద్భుతంగా ఆడాడు. ఆ సమయంలో అతనికి తోడుగా మరో బ్యాటర్ నిలబడి ఉంటే ఫలితం కచ్చితంగా మారిపోయేది. 50 పరుగుల తేడాతో ఓడిపోయినప్పటికీ, భారీ లక్ష్యాలను ఎలా ఛేదించాలనే విషయంలో మాకు స్పష్టత వచ్చింది. మళ్లీ అవకాశం వస్తే ఛేజింగ్కే మొగ్గు చూపుతాం" అని తన వ్యూహాన్ని వివరించాడు.
వరుసగా మూడు విజయాల తర్వాత భారత్కు ఇది తొలి ఓటమి. ఫిబ్రవరిలో జరగనున్న టీ20 వరల్డ్ కప్ కోసం భారత జట్టు కూర్పుపై యాజమాన్యం చేస్తున్న ప్రయోగాల్లో భాగంగానే ఈ మార్పులు జరిగినట్లు తెలుస్తోంది.
మ్యాచ్ అనంతరం సూర్య మాట్లాడుతూ.. "మేము ఈ రోజు కావాలనే ఆరుగురు బ్యాటర్లు, ఐదుగురు పక్కా బౌలర్లతో ఆడాము. 200 పరుగుల లక్ష్యాన్ని ఛేదించేటప్పుడు, ఆరంభంలోనే వికెట్లు పడితే మిగిలిన వారు ఎలా ఆడతారో పరీక్షించాలనుకున్నాం. అందుకే ఈ కఠిన నిర్ణయం తీసుకున్నాం. వరల్డ్ కప్ జట్టులో భాగమైన ఆటగాళ్లందరికీ అవకాశం ఇవ్వడం మా ప్రాధాన్యం" అని పేర్కొన్నారు.
మంచు ప్రభావం ఎక్కువగా ఉన్నప్పటికీ, శివమ్ దూబే వీరోచిత పోరాటంపై సూర్య ప్రశంసలు కురిపించాడు. "దూబే అద్భుతంగా ఆడాడు. ఆ సమయంలో అతనికి తోడుగా మరో బ్యాటర్ నిలబడి ఉంటే ఫలితం కచ్చితంగా మారిపోయేది. 50 పరుగుల తేడాతో ఓడిపోయినప్పటికీ, భారీ లక్ష్యాలను ఎలా ఛేదించాలనే విషయంలో మాకు స్పష్టత వచ్చింది. మళ్లీ అవకాశం వస్తే ఛేజింగ్కే మొగ్గు చూపుతాం" అని తన వ్యూహాన్ని వివరించాడు.
వరుసగా మూడు విజయాల తర్వాత భారత్కు ఇది తొలి ఓటమి. ఫిబ్రవరిలో జరగనున్న టీ20 వరల్డ్ కప్ కోసం భారత జట్టు కూర్పుపై యాజమాన్యం చేస్తున్న ప్రయోగాల్లో భాగంగానే ఈ మార్పులు జరిగినట్లు తెలుస్తోంది.
