Sunrisers Eastern Cape: ఎస్ఏ20: మూడోసారి సింహాసనంపై సన్రైజర్స్.. మళ్లీ ఛాంపియన్స్గా ఆరెంజ్ ఆర్మీ!
- నాలుగేళ్లలో మూడుసార్లు టైటిల్ గెలిచిన సన్రైజర్స్ ఈస్టర్న్ కేప్
- ప్రిటోరియా క్యాపిటల్స్ బ్యాటర్ డెవాల్డ్ బ్రెవిస్ శతకం బాదినా జట్టుకు తప్పని ఓటమి
- 48 పరుగులకే 4 వికెట్లు పడి ఓటమి అంచుల్లోకి సన్రైజర్స్
- బ్రీట్జ్కే-స్టబ్స్ వీరోచిత పోరాటంతో విజయం ఖరారు
దక్షిణాఫ్రికా గడ్డపై 'ఆరెంజ్' జెండా మళ్లీ రెపరెపలాడింది. ఎస్ఏ20 లీగ్ నాలుగో సీజన్ ఫైనల్లో ప్రిటోరియా క్యాపిటల్స్ను చిత్తు చేసిన సన్రైజర్స్ ఈస్టర్న్ కేప్, మరోసారి ట్రోఫీని ముద్దాడింది. నాలుగేళ్ల క్రితం ప్రారంభమైన ఈ లీగ్లో ఇప్పటికే మూడుసార్లు విజేతగా నిలిచి, తామే 'అన్ బీటబుల్' అని ఈస్టర్న్ కేప్ నిరూపించుకుంది.
టాస్ గెలిచి మొదట బ్యాటింగ్ చేసిన ప్రిటోరియా క్యాపిటల్స్కు డెవాల్డ్ బ్రెవిస్ వెన్నెముకగా నిలిచాడు. కేవలం 56 బంతుల్లోనే 8 ఫోర్లు, 7 సిక్సర్లతో విరుచుకుపడి 101 పరుగులతో మెరుపు శతకం బాదాడు. అయితే సన్రైజర్స్ బౌలర్లు కట్టుదిట్టంగా బౌలింగ్ చేయడంతో ప్రిటోరియా నిర్ణీత ఓవర్లలో 7 వికెట్ల నష్టానికి 158 పరుగులు మాత్రమే చేయగలిగింది.
159 పరుగుల లక్ష్యంతో బరిలోకి దిగిన సన్రైజర్స్కు ఆరంభంలోనే గట్టి షాక్లు తగిలాయి. కేవలం 48 పరుగులకే 4 కీలక వికెట్లు కోల్పోయి పీకల్లోతు కష్టాల్లో పడింది. ఈ దశలో మాథ్యూ బ్రీట్జ్కే (68 నాటౌట్), ట్రిస్టన్ స్టబ్స్ (63 నాటౌట్) అద్భుత ఇన్నింగ్స్ ఆడారు. ఆరో వికెట్కు అజేయమైన భాగస్వామ్యాన్ని నెలకొల్పి మరో 4 బంతులు మిగిలి ఉండగానే జట్టును విజయ తీరాలకు చేర్చారు. గత ఏడాది (2025) ఫైనల్ వరకు వెళ్లి రన్నరప్గా నిలిచిన సన్రైజర్స్, ఈసారి మాత్రం కసిగా ఆడి ట్రోఫీని చేజిక్కించుకుంది.
టాస్ గెలిచి మొదట బ్యాటింగ్ చేసిన ప్రిటోరియా క్యాపిటల్స్కు డెవాల్డ్ బ్రెవిస్ వెన్నెముకగా నిలిచాడు. కేవలం 56 బంతుల్లోనే 8 ఫోర్లు, 7 సిక్సర్లతో విరుచుకుపడి 101 పరుగులతో మెరుపు శతకం బాదాడు. అయితే సన్రైజర్స్ బౌలర్లు కట్టుదిట్టంగా బౌలింగ్ చేయడంతో ప్రిటోరియా నిర్ణీత ఓవర్లలో 7 వికెట్ల నష్టానికి 158 పరుగులు మాత్రమే చేయగలిగింది.
159 పరుగుల లక్ష్యంతో బరిలోకి దిగిన సన్రైజర్స్కు ఆరంభంలోనే గట్టి షాక్లు తగిలాయి. కేవలం 48 పరుగులకే 4 కీలక వికెట్లు కోల్పోయి పీకల్లోతు కష్టాల్లో పడింది. ఈ దశలో మాథ్యూ బ్రీట్జ్కే (68 నాటౌట్), ట్రిస్టన్ స్టబ్స్ (63 నాటౌట్) అద్భుత ఇన్నింగ్స్ ఆడారు. ఆరో వికెట్కు అజేయమైన భాగస్వామ్యాన్ని నెలకొల్పి మరో 4 బంతులు మిగిలి ఉండగానే జట్టును విజయ తీరాలకు చేర్చారు. గత ఏడాది (2025) ఫైనల్ వరకు వెళ్లి రన్నరప్గా నిలిచిన సన్రైజర్స్, ఈసారి మాత్రం కసిగా ఆడి ట్రోఫీని చేజిక్కించుకుంది.
