JD Vance: పిల్లలు, వివాహం ఆటంకాలు కావు.. అవి దేవుడిచ్చిన కానుకలు: జేడీ వాన్స్
- మరోసారి తండ్రి కాబోతున్న వాన్స్
- త్వరలోనే నాలుగో సంతానం కలగబోతోందని ప్రకటించిన అమెరికా ఉపాధ్యక్షుడు
- వివాహం, పిల్లలు కెరీర్కు అడ్డంకులని చెప్పే వామపక్ష భావజాలం అబద్ధమని వెల్లడి
- 3డీ అల్ట్రాసౌండ్ వంటి అధునాతన టెక్నాలజీ శిశువుల ప్రాణాలను కాపాడుతోందని ప్రశంస
అమెరికాలో ఏటా జరిగే అతిపెద్ద అబార్షన్ వ్యతిరేక ప్రదర్శన 'మార్చ్ ఫర్ లైఫ్ 2026'లో ఉపాధ్యక్షుడు జేడీ వాన్స్ కీలక ప్రసంగం చేశారు. "జీవితం ఒక వరం" అనే నినాదంతో సాగిన ఈ కార్యక్రమంలో ఆయన తన వ్యక్తిగత జీవితంలోని సంతోషకరమైన వార్తను పంచుకున్నారు. తన భార్య ఉషా వాన్స్ నాలుగోసారి గర్భం దాల్చారని, జులైలో తమ కుటుంబంలోకి మరో బాబు రాబోతున్నాడని ప్రకటించి అందరినీ ఆశ్చర్యపరిచారు. "నేను చెప్పేదే చేస్తానని చెప్పడానికి ఇదే నిదర్శనం. అమెరికాలో మరిన్ని కుటుంబాలు, మరింత మంది పిల్లలు కావాలని నేను కోరుకుంటున్నాను" అని ఆయన పేర్కొన్నారు.
నేటి సమాజంలో వామపక్ష భావజాలం కలిగిన వారు పెళ్లి, పిల్లలు అనేవి జీవిత పురోగతికి ఆటంకాలని యువతను తప్పుదోవ పట్టిస్తున్నారని వాన్స్ విమర్శించారు. "పిల్లలు భారం కాదు.. వారు మన సంస్కృతికి ఆధారం. అబార్షన్లను ప్రోత్సహించే సంస్కృతి నుంచి జీవించే హక్కును గౌరవించే సంస్కృతి వైపు మనం వెళ్లాలి" అని పిలుపునిచ్చారు.
ఈ సందర్భంగా ట్రంప్ యంత్రాంగం తీసుకున్న కీలక నిర్ణయాలను ఆయన వివరించారు. అబార్షన్లను ప్రోత్సహించే లేదా నిర్వహించే అంతర్జాతీయ స్వచ్ఛంద సంస్థలకు అమెరికా ఇచ్చే నిధులను పూర్తిగా నిలిపివేస్తూ 'మెక్సికో సిటీ పాలసీ'ని చారిత్రాత్మకంగా విస్తరించినట్లు ప్రకటించారు. సామాన్య కుటుంబాలకు పిల్లల పెంపకం భారం కాకుండా 'చైల్డ్ ట్యాక్స్ క్రెడిట్'ను పెంచామని, తద్వారా ఆర్థిక భరోసా కల్పిస్తున్నామని చెప్పారు. దత్తత తీసుకునే ప్రక్రియను మరింత సరళతరం చేస్తూ విశ్వాసం ఆధారిత సంస్థలకు రక్షణ కల్పించినట్లు తెలిపారు.
సుప్రీంకోర్టు ఇచ్చిన 'డోబ్స్' తీర్పును ఆయన చారిత్రాత్మకమైనదిగా అభివర్ణిస్తూ, అబార్షన్ అనేది రాజ్యాంగ పరమైన హక్కు కాదని తేలిపోయిందని అన్నారు. అయితే, ఇదే సమయంలో 'అబార్షన్ పిల్స్' (గర్భస్రావ మాత్రలు)పై మరింత కఠినంగా ఉండాలని సభలో కొందరు నినాదాలు చేయగా.. ఆందోళనలను తాము వింటున్నామని, ఉద్యమంలో భిన్నాభిప్రాయాలు సహజమని వాన్స్ వారందరికీ సర్దిచెప్పారు.
నేటి సమాజంలో వామపక్ష భావజాలం కలిగిన వారు పెళ్లి, పిల్లలు అనేవి జీవిత పురోగతికి ఆటంకాలని యువతను తప్పుదోవ పట్టిస్తున్నారని వాన్స్ విమర్శించారు. "పిల్లలు భారం కాదు.. వారు మన సంస్కృతికి ఆధారం. అబార్షన్లను ప్రోత్సహించే సంస్కృతి నుంచి జీవించే హక్కును గౌరవించే సంస్కృతి వైపు మనం వెళ్లాలి" అని పిలుపునిచ్చారు.
ఈ సందర్భంగా ట్రంప్ యంత్రాంగం తీసుకున్న కీలక నిర్ణయాలను ఆయన వివరించారు. అబార్షన్లను ప్రోత్సహించే లేదా నిర్వహించే అంతర్జాతీయ స్వచ్ఛంద సంస్థలకు అమెరికా ఇచ్చే నిధులను పూర్తిగా నిలిపివేస్తూ 'మెక్సికో సిటీ పాలసీ'ని చారిత్రాత్మకంగా విస్తరించినట్లు ప్రకటించారు. సామాన్య కుటుంబాలకు పిల్లల పెంపకం భారం కాకుండా 'చైల్డ్ ట్యాక్స్ క్రెడిట్'ను పెంచామని, తద్వారా ఆర్థిక భరోసా కల్పిస్తున్నామని చెప్పారు. దత్తత తీసుకునే ప్రక్రియను మరింత సరళతరం చేస్తూ విశ్వాసం ఆధారిత సంస్థలకు రక్షణ కల్పించినట్లు తెలిపారు.
సుప్రీంకోర్టు ఇచ్చిన 'డోబ్స్' తీర్పును ఆయన చారిత్రాత్మకమైనదిగా అభివర్ణిస్తూ, అబార్షన్ అనేది రాజ్యాంగ పరమైన హక్కు కాదని తేలిపోయిందని అన్నారు. అయితే, ఇదే సమయంలో 'అబార్షన్ పిల్స్' (గర్భస్రావ మాత్రలు)పై మరింత కఠినంగా ఉండాలని సభలో కొందరు నినాదాలు చేయగా.. ఆందోళనలను తాము వింటున్నామని, ఉద్యమంలో భిన్నాభిప్రాయాలు సహజమని వాన్స్ వారందరికీ సర్దిచెప్పారు.
