Tirumalagiri Accident: ఆర్మీ వ్యాన్ ఢీ కొని బాలుడి దుర్మరణం.. తిరుమలగిరిలో ప్రమాదం.. వీడియో ఇదిగో!

సికింద్రాబాద్ పరిధిలోని తిరుమలగిరిలో విషాదం చోటుచేసుకుంది. కొడుకును స్కూలులో దింపి రావడానికి స్కూటీపై బయలుదేరిన ఓ తల్లి రోడ్డు ప్రమాదానికి గురైంది. స్కూటీ అదుపుతప్పి కిందపడగా.. వెనక నుంచి వచ్చిన ఆర్మీ వ్యాన్ వారిపైకి ఎక్కింది. ముందు టైర్ ఎక్కడంతో బాలుడు అక్కడికక్కడే చనిపోగా.. తీవ్రంగా గాయపడిన తల్లిని స్థానికులు ఆసుపత్రికి తరలించారు.

తిరుమలగిరిలోని ఆర్మీ స్కూలు వద్ద జరిగిన ఈ ప్రమాదానికి సంబంధించిన వీడియో ప్రస్తుతం సోషల్ మీడియాలో వైరల్ గా మారింది. ఈ ప్రమాదంతో భారీగా ట్రాఫిక్ జామ్ అయ్యింది. కిలోమీటర్ల మేర వాహనాలు నిలిచిపోయాయి. వాహనదారుల సమాచారంతో ఘటనా స్థలానికి చేరుకున్న పోలీసులు ట్రాఫిక్ క్లియర్ చేశారు. కేసు నమోదు చేసుకుని విద్యార్థి మృతదేహాన్ని పోస్టుమార్టం కోసం ఆస్పత్రికి తరలించారు.