Yuvraj Mehta: కాపాడండని అరుస్తుంటే వీడియోలు తీశారు: కన్నీరు పెట్టిస్తున్న టెక్కీ తండ్రి ఆవేదన
- గ్రేటర్ నోయిడాలో నీటి గుంతలో కారు పడి టెక్కీ దుర్మరణం
- కాపాడమంటూ రెండు గంటల పాటు తండ్రికి ఫోన్లో ఆర్తనాదాలు
- సహాయక చర్యల్లో అధికారుల నిర్లక్ష్యమే కారణమన్న తండ్రి
- కొడుకు అరుస్తుంటే జనం వీడియోలు తీశారంటూ ఆవేదన
- ఘటనపై ఇద్దరు బిల్డర్లపై కేసు, జూనియర్ ఇంజనీర్పై వేటు
"పాపా బచావో.. నన్ను కాపాడు.. నేను చావాలనుకోవట్లేదు" అంటూ నీటిలో మునిగిపోతూ ఓ కొడుకు తన తండ్రికి ఫోన్లో పెట్టిన ఆర్తనాదాలు అందరి హృదయాలను బరువెక్కిస్తున్నాయి. గ్రేటర్ నోయిడాలో జరిగిన ఘోర ప్రమాదంలో 27 ఏళ్ల సాఫ్ట్వేర్ ఇంజనీర్ యువరాజ్ మెహతా కళ్ల ముందే ప్రాణాలు కోల్పోవడం తీవ్ర విషాదాన్ని నింపింది. అధికారుల నిర్లక్ష్యం, సహాయక చర్యల్లో తీవ్ర జాప్యం వల్లే తన కుమారుడు చనిపోయాడని తండ్రి రాజ్ కుమార్ మెహతా కన్నీరుమున్నీరవుతున్నారు.
గ్రేటర్ నోయిడా సెక్టార్ 150లో నివాసం ఉంటున్న యువరాజ్ మెహతా శుక్రవారం అర్ధరాత్రి తన మారుతి గ్రాండ్ విటారా కారులో ఇంటికి వస్తున్నారు. దట్టమైన పొగమంచు కారణంగా దారి సరిగా కనపడక నిర్మాణంలో ఉన్న ప్రాజెక్టు వద్ద రక్షణ గోడ లేని నీటి గుంతలో ఆయన కారు పడిపోయింది. ప్రమాదం జరిగిన వెంటనే యువరాజ్ కారు పైకప్పు మీదకు ఎక్కి తన తండ్రికి ఫోన్ చేసి విషయం చెప్పాడు.
"నా కొడుకు దాదాపు రెండు గంటల పాటు 'కాపాడండి, కాపాడండి' అని అరుస్తూనే ఉన్నాడు. అక్కడున్న వాళ్లు సహాయం చేసే బదులు వీడియోలు తీస్తున్నారు. అధికారుల దగ్గర కనీసం బోటు గానీ, ఈతగాళ్లు గానీ లేరు. వారు సమయానికి స్పందించి ఉంటే నా కొడుకు బతికేవాడు" అని తండ్రి రాజ్ కుమార్ ఆవేదన వ్యక్తం చేశారు. సహాయక బృందాలు వచ్చేసరికి కారు పూర్తిగా నీట మునగడంతో యువరాజ్ ప్రాణాలు కోల్పోయాడు.
ఈ ఘటనపై స్థానికులు తీవ్ర ఆగ్రహం వ్యక్తం చేయడంతో అధికారులు స్పందించారు. ఇద్దరు రియల్ ఎస్టేట్ కంపెనీల యాజమాన్యాలపై ఎఫ్ఐఆర్ నమోదు చేశారు. నిర్లక్ష్యంగా వ్యవహరించినందుకు నోయిడా అథారిటీకి చెందిన జూనియర్ ఇంజనీర్ నవీన్ కుమార్ను విధుల నుంచి తొలగించి, పలువురు అధికారులకు షోకాజ్ నోటీసులు జారీ చేశారు.
గ్రేటర్ నోయిడా సెక్టార్ 150లో నివాసం ఉంటున్న యువరాజ్ మెహతా శుక్రవారం అర్ధరాత్రి తన మారుతి గ్రాండ్ విటారా కారులో ఇంటికి వస్తున్నారు. దట్టమైన పొగమంచు కారణంగా దారి సరిగా కనపడక నిర్మాణంలో ఉన్న ప్రాజెక్టు వద్ద రక్షణ గోడ లేని నీటి గుంతలో ఆయన కారు పడిపోయింది. ప్రమాదం జరిగిన వెంటనే యువరాజ్ కారు పైకప్పు మీదకు ఎక్కి తన తండ్రికి ఫోన్ చేసి విషయం చెప్పాడు.
"నా కొడుకు దాదాపు రెండు గంటల పాటు 'కాపాడండి, కాపాడండి' అని అరుస్తూనే ఉన్నాడు. అక్కడున్న వాళ్లు సహాయం చేసే బదులు వీడియోలు తీస్తున్నారు. అధికారుల దగ్గర కనీసం బోటు గానీ, ఈతగాళ్లు గానీ లేరు. వారు సమయానికి స్పందించి ఉంటే నా కొడుకు బతికేవాడు" అని తండ్రి రాజ్ కుమార్ ఆవేదన వ్యక్తం చేశారు. సహాయక బృందాలు వచ్చేసరికి కారు పూర్తిగా నీట మునగడంతో యువరాజ్ ప్రాణాలు కోల్పోయాడు.
ఈ ఘటనపై స్థానికులు తీవ్ర ఆగ్రహం వ్యక్తం చేయడంతో అధికారులు స్పందించారు. ఇద్దరు రియల్ ఎస్టేట్ కంపెనీల యాజమాన్యాలపై ఎఫ్ఐఆర్ నమోదు చేశారు. నిర్లక్ష్యంగా వ్యవహరించినందుకు నోయిడా అథారిటీకి చెందిన జూనియర్ ఇంజనీర్ నవీన్ కుమార్ను విధుల నుంచి తొలగించి, పలువురు అధికారులకు షోకాజ్ నోటీసులు జారీ చేశారు.
