Vijay: అభిమానుల అత్యుత్సాహం.. చెన్నై ఎయిర్పోర్ట్లో కిందపడిపోయిన హీరో విజయ్.. ఇదిగో వీడియో!
తమిళ అగ్ర నటుడు, తమిళగ వెట్రి కళగం (టీవీకే) పార్టీ అధినేత దళపతి విజయ్కు చెన్నై విమానాశ్రయంలో చేదు అనుభవం ఎదురైంది. అభిమానుల అత్యుత్సాహం కారణంగా ఏర్పడిన తోపులాటలో ఆయన అదుపుతప్పి కిందపడిపోయారు. అప్రమత్తమైన భద్రతా సిబ్బంది వెంటనే ఆయనను పైకి లేపి సురక్షితంగా కారు వద్దకు తీసుకెళ్లారు. ఈ ఘటనలో విజయ్కు ఎలాంటి గాయాలు కాకపోవడంతో అభిమానులు, సిబ్బంది ఊపిరి పీల్చుకున్నారు.
'జననాయగన్' సినిమా ఆడియో విడుదల కార్యక్రమం కోసం మలేసియా వెళ్లిన విజయ్, ఈవెంట్ ముగిశాక చెన్నైకి తిరిగి వచ్చారు. ఆయన రాక గురించి తెలుసుకున్న వందలాది మంది అభిమానులు ఎయిర్పోర్ట్కు చేరుకున్నారు. తమ అభిమాన నటుడిని దగ్గరగా చూసేందుకు ఒక్కసారిగా ముందుకు రావడంతో ఈ ఘటన చోటుచేసుకుంది.
అంతకుముందు మలేసియా రాజధాని కౌలాలంపుర్లో 'జననాయగన్' ఆడియో వేడుక అట్టహాసంగా జరిగింది. ఈ కార్యక్రమానికి సుమారు 80 వేల మంది హాజరు కావడంతో అత్యధిక జనసమూహంతో జరిగిన ఆడియో లాంచ్గా ఇది ‘మలేసియా బుక్ ఆఫ్ రికార్డ్స్’లో స్థానం సంపాదించింది. ఈ వేడుకలో దర్శకుడు హెచ్. వినోద్ మాట్లాడుతూ, ఈ చిత్రంలోని చివరి 20 నిమిషాలు విజయ్కు ఒక ఫేర్వెల్ వీడియోలా ఉంటాయని, అయితే ఇది ముగింపు కాదని, ఒక కొత్త ఆరంభం మాత్రమేనని తెలిపారు.
తన రాజకీయ ప్రవేశం నేపథ్యంలో ఇదే తన చివరి సినిమా అంటూ విజయ్ ప్రకటించడం సంచలనమైంది. దీంతో, ఆయన సినిమాల్లో కొనసాగాలని అభిమానుల తరఫున నటుడు నాజర్ విజ్ఞప్తి చేశారు. హెచ్. వినోద్ దర్శకత్వంలో తెరకెక్కిన 'జననాయగన్' చిత్రం వచ్చే ఏడాది జనవరి 9న ప్రేక్షకుల ముందుకు రానుంది.
'జననాయగన్' సినిమా ఆడియో విడుదల కార్యక్రమం కోసం మలేసియా వెళ్లిన విజయ్, ఈవెంట్ ముగిశాక చెన్నైకి తిరిగి వచ్చారు. ఆయన రాక గురించి తెలుసుకున్న వందలాది మంది అభిమానులు ఎయిర్పోర్ట్కు చేరుకున్నారు. తమ అభిమాన నటుడిని దగ్గరగా చూసేందుకు ఒక్కసారిగా ముందుకు రావడంతో ఈ ఘటన చోటుచేసుకుంది.
అంతకుముందు మలేసియా రాజధాని కౌలాలంపుర్లో 'జననాయగన్' ఆడియో వేడుక అట్టహాసంగా జరిగింది. ఈ కార్యక్రమానికి సుమారు 80 వేల మంది హాజరు కావడంతో అత్యధిక జనసమూహంతో జరిగిన ఆడియో లాంచ్గా ఇది ‘మలేసియా బుక్ ఆఫ్ రికార్డ్స్’లో స్థానం సంపాదించింది. ఈ వేడుకలో దర్శకుడు హెచ్. వినోద్ మాట్లాడుతూ, ఈ చిత్రంలోని చివరి 20 నిమిషాలు విజయ్కు ఒక ఫేర్వెల్ వీడియోలా ఉంటాయని, అయితే ఇది ముగింపు కాదని, ఒక కొత్త ఆరంభం మాత్రమేనని తెలిపారు.
తన రాజకీయ ప్రవేశం నేపథ్యంలో ఇదే తన చివరి సినిమా అంటూ విజయ్ ప్రకటించడం సంచలనమైంది. దీంతో, ఆయన సినిమాల్లో కొనసాగాలని అభిమానుల తరఫున నటుడు నాజర్ విజ్ఞప్తి చేశారు. హెచ్. వినోద్ దర్శకత్వంలో తెరకెక్కిన 'జననాయగన్' చిత్రం వచ్చే ఏడాది జనవరి 9న ప్రేక్షకుల ముందుకు రానుంది.
