Filmnagar Police: సినీ అవకాశాల ఆశ చూపి బాలికపై అత్యాచారం
- సినిమాల్లో అవకాశాల పేరుతో బాలికపై లైంగిక దాడి
- కో డైరెక్టర్, కెమెరామెన్కు సహకరించిన పెద్దమ్మ
- హైదరాబాద్ ఫిల్మ్నగర్లో వెలుగు చూసిన దారుణం
- ముగ్గురిపై పోక్సో కేసు నమోదు చేసి అరెస్ట్ చేసిన పోలీసులు
హైదరాబాద్లోని ఫిల్మ్నగర్ పోలీస్ స్టేషన్ పరిధిలో దారుణమైన సంఘటన వెలుగులోకి వచ్చింది. సినిమాల్లో అవకాశాలు ఇప్పిస్తామని నమ్మించి, తొమ్మిదో తరగతి చదువుతున్న బాలికపై ఇద్దరు వ్యక్తులు లైంగిక దాడికి పాల్పడ్డారు. ఈ దారుణానికి బాలిక పెద్దమ్మే సహకరించడం తీవ్ర కలకలం రేపుతోంది. బాధితురాలి టీచర్ ఫిర్యాదు మేరకు పోలీసులు ముగ్గురిని అరెస్ట్ చేసి, పోక్సో చట్టం కింద కేసు నమోదు చేశారు.
పోలీసులు వెల్లడించిన వివరాల ప్రకారం.. 13 ఏళ్ల బాలిక తన పెద్దమ్మ వద్ద ఉంటూ స్థానిక పాఠశాలలో 9వ తరగతి చదువుతోంది. ఆమె పెద్దమ్మకు కడప జిల్లాకు చెందిన సినీ కో డైరెక్టర్ బండి వెంకట శివారెడ్డి, కెమెరామెన్ పెనికెలపాటి అనిల్ అనే వ్యక్తులతో పరిచయం ఉంది. వీరు తరచూ వారి ఇంటికి వస్తూ బాలికపై కన్నేశారు. వారికి సినీ పరిశ్రమలో మంచి పలుకుబడి ఉందని, వారితో చనువుగా ఉంటే మంచి అవకాశాలు వస్తాయని బాలికను ఆమె పెద్దమ్మే నమ్మించింది.
పెద్దమ్మ మాటలు నమ్మిన బాలిక వారితో చనువుగా ఉండడంతో, నిందితులు పలుమార్లు ఆమెపై లైంగిక దాడికి పాల్పడ్డారు. ఈ విషయాన్ని ఎవరికీ చెప్పలేక మదనపడిన బాలిక, చివరకు ధైర్యం చేసి తన పాఠశాలలోని ఉపాధ్యాయురాలికి జరిగిన అన్యాయాన్ని వివరించింది.
ఉపాధ్యాయురాలి ఫిర్యాదుతో వెంటనే స్పందించిన ఫిల్మ్నగర్ పోలీసులు.. నిందితులైన వెంకట శివారెడ్డి, అనిల్తో పాటు వారికి సహకరించిన బాలిక పెద్దమ్మను అరెస్ట్ చేశారు. వారిపై పోక్సో చట్టం కింద కేసు నమోదు చేసి దర్యాప్తు చేస్తున్నట్లు తెలిపారు.
పోలీసులు వెల్లడించిన వివరాల ప్రకారం.. 13 ఏళ్ల బాలిక తన పెద్దమ్మ వద్ద ఉంటూ స్థానిక పాఠశాలలో 9వ తరగతి చదువుతోంది. ఆమె పెద్దమ్మకు కడప జిల్లాకు చెందిన సినీ కో డైరెక్టర్ బండి వెంకట శివారెడ్డి, కెమెరామెన్ పెనికెలపాటి అనిల్ అనే వ్యక్తులతో పరిచయం ఉంది. వీరు తరచూ వారి ఇంటికి వస్తూ బాలికపై కన్నేశారు. వారికి సినీ పరిశ్రమలో మంచి పలుకుబడి ఉందని, వారితో చనువుగా ఉంటే మంచి అవకాశాలు వస్తాయని బాలికను ఆమె పెద్దమ్మే నమ్మించింది.
పెద్దమ్మ మాటలు నమ్మిన బాలిక వారితో చనువుగా ఉండడంతో, నిందితులు పలుమార్లు ఆమెపై లైంగిక దాడికి పాల్పడ్డారు. ఈ విషయాన్ని ఎవరికీ చెప్పలేక మదనపడిన బాలిక, చివరకు ధైర్యం చేసి తన పాఠశాలలోని ఉపాధ్యాయురాలికి జరిగిన అన్యాయాన్ని వివరించింది.
ఉపాధ్యాయురాలి ఫిర్యాదుతో వెంటనే స్పందించిన ఫిల్మ్నగర్ పోలీసులు.. నిందితులైన వెంకట శివారెడ్డి, అనిల్తో పాటు వారికి సహకరించిన బాలిక పెద్దమ్మను అరెస్ట్ చేశారు. వారిపై పోక్సో చట్టం కింద కేసు నమోదు చేసి దర్యాప్తు చేస్తున్నట్లు తెలిపారు.
