Pawan Kalyan: విలువలకే పెద్దపీట వేశారు: ఏవీఎం శరవణన్కు పవన్ నివాళి
- ప్రముఖ నిర్మాత ఏవీఎం శరవణన్ మృతిపై పవన్ కళ్యాణ్ సంతాపం
- శరవణన్ మరణ వార్త తీవ్ర దిగ్భ్రాంతికి గురిచేసిందన్న పవన్
- కుటుంబ విలువలతో కూడిన చిత్రాలు నిర్మించారని కొనియాడిన జనసేనాని
- చిరంజీవి 'పున్నమినాగు', రజనీకాంత్ 'శివాజీ' చిత్రాలను గుర్తుచేసుకున్న పవన్
ప్రముఖ సినీ నిర్మాత, లెజెండరీ ఏవీఎం స్టూడియోస్ అధినేత ఎ.వి.ఎమ్. శరవణన్ మృతి పట్ల ఏపీ డిప్యూటీ సీఎం, జనసేన అధ్యక్షుడు పవన్ కల్యాణ్ ప్రగాఢ సంతాపం వ్యక్తం చేశారు. ఆయన మరణ వార్త విని తీవ్ర దిగ్భ్రాంతికి లోనయ్యానని, ఆయన ఆత్మకు శాంతి చేకూరాలని భగవంతుడిని ప్రార్థిస్తున్నట్లు తెలిపారు. ఈ మేరకు పవన్ 'ఎక్స్' వేదికగా స్పందించారు.
భారతీయ చలనచిత్ర పరిశ్రమలో సుదీర్ఘ చరిత్ర కలిగిన ఏవీఎం సంస్థను శరవణన్ సమర్థవంతంగా ముందుకు నడిపారని పవన్ కొనియాడారు. ఆయన కేవలం నిర్మాతగానే కాకుండా, ఎల్లప్పుడూ కుటుంబ సమేతంగా చూసే విలువలతో కూడిన, వైవిధ్యమైన కథలను ఎంచుకున్నారని గుర్తు చేసుకున్నారు.
ఈ సందర్భంగా ఏవీఎం సంస్థ నిర్మించిన పలు మైలురాయి చిత్రాలను పవన్ కల్యాణ్ ప్రత్యేకంగా ప్రస్తావించారు. మెగాస్టార్ చిరంజీవితో నిర్మించిన ‘పున్నమినాగు’ చిత్రం తరాల అంతరం లేకుండా నేటికీ ప్రేక్షకులను విశేషంగా ఆకట్టుకుంటోందని పేర్కొన్నారు. అలాగే ‘సంసారం ఒక చదరంగం’, ‘ఆ ఒక్కటీ అడక్కు’, ‘లీడర్’, ‘మెరుపు కలలు’, సూపర్ స్టార్ రజనీకాంత్ ‘శివాజీ’ వంటి ఎన్నో విజయవంతమైన చిత్రాలను నిర్మించి తెలుగు, తమిళ ప్రేక్షకులను మెప్పించారని శరవణన్ సేవలను స్మరించుకున్నారు.
భారతీయ చలనచిత్ర పరిశ్రమలో సుదీర్ఘ చరిత్ర కలిగిన ఏవీఎం సంస్థను శరవణన్ సమర్థవంతంగా ముందుకు నడిపారని పవన్ కొనియాడారు. ఆయన కేవలం నిర్మాతగానే కాకుండా, ఎల్లప్పుడూ కుటుంబ సమేతంగా చూసే విలువలతో కూడిన, వైవిధ్యమైన కథలను ఎంచుకున్నారని గుర్తు చేసుకున్నారు.
ఈ సందర్భంగా ఏవీఎం సంస్థ నిర్మించిన పలు మైలురాయి చిత్రాలను పవన్ కల్యాణ్ ప్రత్యేకంగా ప్రస్తావించారు. మెగాస్టార్ చిరంజీవితో నిర్మించిన ‘పున్నమినాగు’ చిత్రం తరాల అంతరం లేకుండా నేటికీ ప్రేక్షకులను విశేషంగా ఆకట్టుకుంటోందని పేర్కొన్నారు. అలాగే ‘సంసారం ఒక చదరంగం’, ‘ఆ ఒక్కటీ అడక్కు’, ‘లీడర్’, ‘మెరుపు కలలు’, సూపర్ స్టార్ రజనీకాంత్ ‘శివాజీ’ వంటి ఎన్నో విజయవంతమైన చిత్రాలను నిర్మించి తెలుగు, తమిళ ప్రేక్షకులను మెప్పించారని శరవణన్ సేవలను స్మరించుకున్నారు.
