HDFC Bank: హెచ్డీఎఫ్సీ బ్యాంకుకు జరిమానా విధించిన ఆర్బీఐ
- హెచ్డీఎఫ్సీ బ్యాంక్పై రూ.91 లక్షల జరిమానా విధించిన ఆర్బీఐ
- నిబంధనలు పాటించకపోవడమే ప్రధాన కారణమని వెల్లడి
- మన్నకృష్ణ ఇన్వెస్ట్మెంట్స్కు కూడా రూ.3.10 లక్షల ఫైన్
- వినియోగదారుల లావాదేవీలపై ప్రభావం ఉండదని స్పష్టీకరణ
ప్రముఖ ప్రైవేట్ రంగ బ్యాంకింగ్ దిగ్గజం హెచ్డీఎఫ్సీ బ్యాంక్కు భారతీయ రిజర్వ్ బ్యాంక్ (ఆర్బీఐ) భారీ జరిమానా వడ్డించింది. పలు నిబంధనలను ఉల్లంఘించినందుకు బ్యాంకుపై రూ.91 లక్షల జరిమానా విధించినట్లు శుక్రవారం ఒక ప్రకటనలో తెలిపింది. దీంతో పాటు మన్నకృష్ణ ఇన్వెస్ట్మెంట్స్ ప్రైవేట్ లిమిటెడ్ అనే సంస్థకు కూడా రూ.3.10 లక్షల ఫైన్ విధించింది.
బ్యాంకింగ్ రెగ్యులేషన్ యాక్ట్లోని పలు సెక్షన్లను హెచ్డీఎఫ్సీ ఉల్లంఘించినట్లు ఆర్బీఐ పేర్కొంది. ముఖ్యంగా రుణాలపై వడ్డీ రేట్లు, కేవైసీ నిబంధనలు, ఆర్థిక సేవల అవుట్సోర్సింగ్ వంటి అంశాలలో ఆర్బీఐ ఆదేశాలను పాటించలేదని తెలిపింది. ఒకే కేటగిరీ రుణాలకు పలు రకాల బెంచ్మార్కులను ఉపయోగించినట్లు తనిఖీల్లో తేలింది. అంతేకాకుండా, బ్యాంకుకు చెందిన ఒక అనుబంధ సంస్థ నిబంధనలకు విరుద్ధమైన వ్యాపారాన్ని నిర్వహించినట్లు ఆర్బీఐ గుర్తించింది.
మరోవైపు, నాన్-బ్యాంకింగ్ ఫైనాన్షియల్ కంపెనీ (NBFC) అయిన మన్న కృష్ణ ఇన్వెస్ట్మెంట్స్లో పాలనాపరమైన లోపాలు ఉన్నట్లు ఆర్బీఐ కనుగొంది. ఆర్బీఐ నుంచి ముందస్తు అనుమతి లేకుండా డైరెక్టర్ను నియమించడం ద్వారా యాజమాన్యంలో మార్పులకు కారణమైనందుకు జరిమానా విధించింది.
అయితే ఈ జరిమానాలు కేవలం నియంత్రణాపరమైన లోపాలకు సంబంధించినవేనని, వినియోగదారుల లావాదేవీల చెల్లుబాటుపై ఎలాంటి ప్రభావం చూపవని ఆర్బీఐ స్పష్టం చేసింది. కాగా, సెప్టెంబర్లో కూడా దుబాయ్ ఫైనాన్షియల్ సర్వీసెస్ అథారిటీ (DFSA) అక్కడి హెచ్డీఎఫ్సీ బ్యాంక్ బ్రాంచ్ కొత్త ఖాతాదారులను చేర్చుకోకుండా నిషేధం విధించిన విషయం తెలిసిందే.
బ్యాంకింగ్ రెగ్యులేషన్ యాక్ట్లోని పలు సెక్షన్లను హెచ్డీఎఫ్సీ ఉల్లంఘించినట్లు ఆర్బీఐ పేర్కొంది. ముఖ్యంగా రుణాలపై వడ్డీ రేట్లు, కేవైసీ నిబంధనలు, ఆర్థిక సేవల అవుట్సోర్సింగ్ వంటి అంశాలలో ఆర్బీఐ ఆదేశాలను పాటించలేదని తెలిపింది. ఒకే కేటగిరీ రుణాలకు పలు రకాల బెంచ్మార్కులను ఉపయోగించినట్లు తనిఖీల్లో తేలింది. అంతేకాకుండా, బ్యాంకుకు చెందిన ఒక అనుబంధ సంస్థ నిబంధనలకు విరుద్ధమైన వ్యాపారాన్ని నిర్వహించినట్లు ఆర్బీఐ గుర్తించింది.
మరోవైపు, నాన్-బ్యాంకింగ్ ఫైనాన్షియల్ కంపెనీ (NBFC) అయిన మన్న కృష్ణ ఇన్వెస్ట్మెంట్స్లో పాలనాపరమైన లోపాలు ఉన్నట్లు ఆర్బీఐ కనుగొంది. ఆర్బీఐ నుంచి ముందస్తు అనుమతి లేకుండా డైరెక్టర్ను నియమించడం ద్వారా యాజమాన్యంలో మార్పులకు కారణమైనందుకు జరిమానా విధించింది.
అయితే ఈ జరిమానాలు కేవలం నియంత్రణాపరమైన లోపాలకు సంబంధించినవేనని, వినియోగదారుల లావాదేవీల చెల్లుబాటుపై ఎలాంటి ప్రభావం చూపవని ఆర్బీఐ స్పష్టం చేసింది. కాగా, సెప్టెంబర్లో కూడా దుబాయ్ ఫైనాన్షియల్ సర్వీసెస్ అథారిటీ (DFSA) అక్కడి హెచ్డీఎఫ్సీ బ్యాంక్ బ్రాంచ్ కొత్త ఖాతాదారులను చేర్చుకోకుండా నిషేధం విధించిన విషయం తెలిసిందే.
