Anirudha Srikkanth: సినీ నటిని పెళ్లాడిన మాజీ క్రికెటర్ క్రిష్ణమాచారి శ్రీకాంత్ తనయుడు అనిరుద్ధ
- బిగ్బాస్ నటి సంయుక్తను పెళ్లాడిన క్రికెటర్ అనిరుద్ధ
- సన్నిహితుల మధ్య నిరాడంబరంగా జరిగిన వివాహ వేడుక
- సోషల్ మీడియాలో పెళ్లి ఫోటోలు పంచుకున్న నూతన జంట
- ఆగస్టులోనే తమ ప్రేమ గురించి హింట్ ఇచ్చిన సంయుక్త
తమిళ బిగ్బాస్ ఫేమ్, నటి సంయుక్త షణ్ముగనాథన్, క్రికెటర్ అనిరుద్ధ శ్రీకాంత్ గురువారం వివాహ బంధంతో ఒక్కటయ్యారు. భారత మాజీ క్రికెటర్ క్రిష్ణమాచారి శ్రీకాంత్ కుమారుడే అనిరుద్ధ శ్రీకాంత్. కుటుంబ సభ్యులు, అత్యంత సన్నిహితుల సమక్షంలో వీరి వివాహం నిరాడంబరంగా జరిగింది.
పెళ్లి తర్వాత ఈ జంట తమ సోషల్ మీడియా ఖాతాలలో ఫోటోలను, పెళ్లికి సిద్ధమవుతున్న వీడియోను పంచుకున్నారు. ఈ వీడియోలో సంయుక్త స్నేహితురాలు, ప్రముఖ టీవీ ప్రజెంటర్ భావన బాలకృష్ణన్ మాట్లాడుతూ నూతన వధూవరులకు శుభాకాంక్షలు తెలిపారు. "కొన్నిసార్లు భిన్న మనస్తత్వాలు ఆకర్షితులవుతాయి. కొన్నిసార్లు ఒకేలాంటి వాళ్లు కలుస్తారు. కానీ, స్నేహితులుగా ఒకరికొకరు తోడుగా నిలిచి, ఒకరినొకరు ఓదార్చుకున్న జంట అనిరుద్ధ, సంయుక్త. మీ ఇద్దరికీ అందమైన జీవితం లభించాలని కోరుకుంటున్నాను" అని ఆమె అన్నారు.
బిగ్బాస్ షోతో సంయుక్త బాగా పాపులర్ అయ్యారు. ఇటీవలే ఆమె నటించిన 'మద్రాస్ మాఫియా కంపెనీ' అనే తమిళ చిత్రంలో పోలీస్ అధికారిగా కనిపించారు. మరోవైపు, అనిరుద్ధ క్రికెటర్గా, స్పోర్ట్స్ కామెంటేటర్గా రాణిస్తున్నారు.
కాగా, తాను అనిరుద్ధతో డేటింగ్లో ఉన్నట్లు ఈ ఏడాది ఆగస్టులోనే సంయుక్త తన సోషల్ మీడియా పోస్ట్ ద్వారా పరోక్షంగా వెల్లడించారు. ఎట్టకేలకు వీరి ప్రేమ పెళ్లి బంధంగా మారడంతో అభిమానులు, పలువురు సెలబ్రిటీలు సోషల్ మీడియా వేదికగా శుభాకాంక్షలు తెలుపుతున్నారు.
పెళ్లి తర్వాత ఈ జంట తమ సోషల్ మీడియా ఖాతాలలో ఫోటోలను, పెళ్లికి సిద్ధమవుతున్న వీడియోను పంచుకున్నారు. ఈ వీడియోలో సంయుక్త స్నేహితురాలు, ప్రముఖ టీవీ ప్రజెంటర్ భావన బాలకృష్ణన్ మాట్లాడుతూ నూతన వధూవరులకు శుభాకాంక్షలు తెలిపారు. "కొన్నిసార్లు భిన్న మనస్తత్వాలు ఆకర్షితులవుతాయి. కొన్నిసార్లు ఒకేలాంటి వాళ్లు కలుస్తారు. కానీ, స్నేహితులుగా ఒకరికొకరు తోడుగా నిలిచి, ఒకరినొకరు ఓదార్చుకున్న జంట అనిరుద్ధ, సంయుక్త. మీ ఇద్దరికీ అందమైన జీవితం లభించాలని కోరుకుంటున్నాను" అని ఆమె అన్నారు.
బిగ్బాస్ షోతో సంయుక్త బాగా పాపులర్ అయ్యారు. ఇటీవలే ఆమె నటించిన 'మద్రాస్ మాఫియా కంపెనీ' అనే తమిళ చిత్రంలో పోలీస్ అధికారిగా కనిపించారు. మరోవైపు, అనిరుద్ధ క్రికెటర్గా, స్పోర్ట్స్ కామెంటేటర్గా రాణిస్తున్నారు.
కాగా, తాను అనిరుద్ధతో డేటింగ్లో ఉన్నట్లు ఈ ఏడాది ఆగస్టులోనే సంయుక్త తన సోషల్ మీడియా పోస్ట్ ద్వారా పరోక్షంగా వెల్లడించారు. ఎట్టకేలకు వీరి ప్రేమ పెళ్లి బంధంగా మారడంతో అభిమానులు, పలువురు సెలబ్రిటీలు సోషల్ మీడియా వేదికగా శుభాకాంక్షలు తెలుపుతున్నారు.
