Netflix: సౌత్ సినిమాలకు భారీ షాక్ ఇచ్చిన నెట్ఫ్లిక్స్
- సౌత్ సినిమాల కొనుగోలుపై నెట్ఫ్లిక్స్ కీలక నిర్ణయం
- ఇకపై సొంత వెబ్ సిరీస్లు, ఒరిజినల్ కంటెంట్పైనే ఫోకస్
- కంటెంట్ నిర్మాణం కోసం హైదరాబాద్లో కొత్త కార్యాలయం
- తెలుగు, తమిళ నిర్మాతలకు గట్టి ఎదురుదెబ్బ
- భారీ బడ్జెట్ చిత్రాలపై పడనున్న ప్రభావం
ప్రముఖ ఓటీటీ దిగ్గజం నెట్ఫ్లిక్స్ సౌత్ సినిమా ఇండస్ట్రీకి, ముఖ్యంగా తెలుగు, తమిళ నిర్మాతలకు గట్టి షాక్ ఇచ్చింది. ఇకపై దక్షిణాది సినిమాలను భారీ ధరలకు కొనుగోలు చేయకూడదని సంచలన నిర్ణయం తీసుకుంది. దానికి బదులుగా సొంతంగా వెబ్ సిరీస్లు, రియాల్టీ షోలు, ఒరిజినల్ కంటెంట్ చిత్రాలను నిర్మించడంపై దృష్టి పెట్టనుంది. దీనికోసం హైదరాబాద్లో ప్రత్యేకంగా ఒక కార్యాలయాన్ని కూడా ఏర్పాటు చేసింది.
గత కొంతకాలంగా థియేటర్లకు ప్రేక్షకులు రావడం తగ్గడంతో సినీ పరిశ్రమ గడ్డు కాలాన్ని ఎదుర్కొంటోంది. శాటిలైట్ హక్కుల అమ్మకాలు కూడా పడిపోయాయి. ఇలాంటి పరిస్థితుల్లో పెద్ద సినిమాలకు ఓటీటీ హక్కులు ఒక ప్రధాన ఆదాయ వనరుగా ఉండేవి. ముఖ్యంగా స్టార్ హీరోల చిత్రాలకు నెట్ఫ్లిక్స్ వంటి సంస్థలు బడ్జెట్లో సగం వరకు చెల్లించి ఆదుకునేవి. అయితే, సినిమా థియేటర్లలో విఫలమైతే మాత్రం ఓటీటీ సంస్థలు ముందుగా చెప్పిన ధరలో భారీగా కోతలు విధిస్తున్నాయి.
తాజాగా నెట్ఫ్లిక్స్ తీసుకున్న ఈ నిర్ణయంతో పరిస్థితులు పూర్తిగా మారనున్నాయి. ఇతర ఓటీటీ ప్లాట్ఫామ్లతో పోలిస్తే నెట్ఫ్లిక్స్ ప్రీమియం ధరలు చెల్లిస్తుండటంతో నిర్మాతలు ఊరట చెందేవారు. ఇప్పుడు ఆ అవకాశం లేకపోవడంతో భారీ బడ్జెట్తో సినిమాలు నిర్మించే నిర్మాతలు పునరాలోచనలో పడే అవకాశం ఉంది. నిర్మాణ వ్యయాన్ని తగ్గించుకోవడమో లేదా స్టార్ హీరోలు తమ పారితోషికాలు తగ్గించుకోవడమో చేయాల్సిన పరిస్థితి రావచ్చని విశ్లేషకులు భావిస్తున్నారు.
గత కొంతకాలంగా థియేటర్లకు ప్రేక్షకులు రావడం తగ్గడంతో సినీ పరిశ్రమ గడ్డు కాలాన్ని ఎదుర్కొంటోంది. శాటిలైట్ హక్కుల అమ్మకాలు కూడా పడిపోయాయి. ఇలాంటి పరిస్థితుల్లో పెద్ద సినిమాలకు ఓటీటీ హక్కులు ఒక ప్రధాన ఆదాయ వనరుగా ఉండేవి. ముఖ్యంగా స్టార్ హీరోల చిత్రాలకు నెట్ఫ్లిక్స్ వంటి సంస్థలు బడ్జెట్లో సగం వరకు చెల్లించి ఆదుకునేవి. అయితే, సినిమా థియేటర్లలో విఫలమైతే మాత్రం ఓటీటీ సంస్థలు ముందుగా చెప్పిన ధరలో భారీగా కోతలు విధిస్తున్నాయి.
తాజాగా నెట్ఫ్లిక్స్ తీసుకున్న ఈ నిర్ణయంతో పరిస్థితులు పూర్తిగా మారనున్నాయి. ఇతర ఓటీటీ ప్లాట్ఫామ్లతో పోలిస్తే నెట్ఫ్లిక్స్ ప్రీమియం ధరలు చెల్లిస్తుండటంతో నిర్మాతలు ఊరట చెందేవారు. ఇప్పుడు ఆ అవకాశం లేకపోవడంతో భారీ బడ్జెట్తో సినిమాలు నిర్మించే నిర్మాతలు పునరాలోచనలో పడే అవకాశం ఉంది. నిర్మాణ వ్యయాన్ని తగ్గించుకోవడమో లేదా స్టార్ హీరోలు తమ పారితోషికాలు తగ్గించుకోవడమో చేయాల్సిన పరిస్థితి రావచ్చని విశ్లేషకులు భావిస్తున్నారు.
