Vishen Lakhiani: అమెరికాలో భారత సంతతి సీఈఓకు అవమానం.. వైరల్ అవుతున్న ఇన్స్టాగ్రామ్ వీడియో
- అమెరికాలో జాత్యహంకారం పెరుగుతోందన్న విషెన్ లఖియానీ
- యూఎస్ ఎయిర్పోర్టులో తనను ఎఫ్బీఐ అడ్డుకుందని ఆవేదన
- అసాధారణ ప్రతిభావంతులకు ఇచ్చే ఓ-1 వీసా ఉన్నా ఇబ్బందులు
ప్రముఖ ఎడ్యుకేషన్ టెక్నాలజీ సంస్థ 'మైండ్వ్యాలీ' వ్యవస్థాపకుడు, సీఈఓ విషెన్ లఖియానీకి అమెరికాలో చేదు అనుభవం ఎదురైంది. భారత సంతతికి చెందిన ఈ మలేషియన్ వ్యాపారవేత్త, అమెరికాలో పెరుగుతున్న జాత్యహంకారం, విదేశీయుల పట్ల వ్యతిరేకతపై తీవ్ర ఆందోళన వ్యక్తం చేశారు. అసాధారణ ప్రతిభావంతులకు ఇచ్చే ఓ-1 వీసా తన వద్ద ఉన్నప్పటికీ, యూఎస్ విమానాశ్రయంలో ఫెడరల్ బ్యూరో ఆఫ్ ఇన్వెస్టిగేషన్ (ఎఫ్బీఐ) అధికారులు తనను అడ్డుకున్నారని ఆయన తెలిపారు.
ఈ ఘటనపై ఇన్స్టాగ్రామ్లో ఒక వీడియో పోస్ట్ చేసిన లఖియానీ, "ఒకప్పుడు ఎంతో ఇష్టపడిన అమెరికాకు రావాలంటేనే ఇప్పుడు భయమేస్తోంది" అని ఆవేదన వ్యక్తం చేశారు. తాను గత 22 ఏళ్లుగా అమెరికాలో పన్నులు చెల్లిస్తున్నానని, తన కంపెనీలో ప్రపంచవ్యాప్తంగా 230 మంది ఉద్యోగులు ఉన్నారని గుర్తుచేశారు. కొందరు రాజకీయ నాయకులు తమ వైఫల్యాలను కప్పిపుచ్చుకోవడానికి వలసదారులను నిందిస్తున్నారని, దీనివల్ల అమెరికా సంకుచితంగా మారుతోందని విమర్శించారు.
లఖియానీ పోస్ట్ సోషల్ మీడియాలో వైరల్గా మారింది. ఇప్పటికే ఈ వీడియోను పది లక్షల మందికి పైగా వీక్షించారు. ఆయన ఆవేదనతో ఏకీభవిస్తూ చాలా మంది తమ అనుభవాలను పంచుకున్నారు. "ఇలాంటి జాతి వివక్ష వల్లే ట్యాలెంట్ వీసా ఉన్నప్పటికీ నేను అమెరికా వదిలి వచ్చేశాను" అని ఒకరు కామెంట్ చేయగా, "మీ అనుభవం మమ్మల్ని బాధించింది" అని మరొకరు పేర్కొన్నారు. ఈ ఘటనతో అమెరికాలో వలస విధానాలు, విదేశీ నిపుణుల పట్ల వ్యవహరిస్తున్న తీరుపై మరోసారి చర్చ మొదలైంది.
ఈ ఘటనపై ఇన్స్టాగ్రామ్లో ఒక వీడియో పోస్ట్ చేసిన లఖియానీ, "ఒకప్పుడు ఎంతో ఇష్టపడిన అమెరికాకు రావాలంటేనే ఇప్పుడు భయమేస్తోంది" అని ఆవేదన వ్యక్తం చేశారు. తాను గత 22 ఏళ్లుగా అమెరికాలో పన్నులు చెల్లిస్తున్నానని, తన కంపెనీలో ప్రపంచవ్యాప్తంగా 230 మంది ఉద్యోగులు ఉన్నారని గుర్తుచేశారు. కొందరు రాజకీయ నాయకులు తమ వైఫల్యాలను కప్పిపుచ్చుకోవడానికి వలసదారులను నిందిస్తున్నారని, దీనివల్ల అమెరికా సంకుచితంగా మారుతోందని విమర్శించారు.
లఖియానీ పోస్ట్ సోషల్ మీడియాలో వైరల్గా మారింది. ఇప్పటికే ఈ వీడియోను పది లక్షల మందికి పైగా వీక్షించారు. ఆయన ఆవేదనతో ఏకీభవిస్తూ చాలా మంది తమ అనుభవాలను పంచుకున్నారు. "ఇలాంటి జాతి వివక్ష వల్లే ట్యాలెంట్ వీసా ఉన్నప్పటికీ నేను అమెరికా వదిలి వచ్చేశాను" అని ఒకరు కామెంట్ చేయగా, "మీ అనుభవం మమ్మల్ని బాధించింది" అని మరొకరు పేర్కొన్నారు. ఈ ఘటనతో అమెరికాలో వలస విధానాలు, విదేశీ నిపుణుల పట్ల వ్యవహరిస్తున్న తీరుపై మరోసారి చర్చ మొదలైంది.
