Rajyalaxmi: అమెరికాలో ఏపీ విద్యార్థిని మృతి.. ఆదుకునేందుకు కదిలిన ప్రవాస భారతీయులు
- అమెరికాలో కన్నుమూసిన బాపట్ల జిల్లా విద్యార్థిని రాజ్యలక్ష్మి
- ఉన్నత చదువుల కోసం టెక్సాస్ వెళ్లి అనారోగ్యంతో మృతి
- ఆర్థికంగా వెనుకబడిన కుటుంబం కావడంతో సాయానికి పిలుపు
- మృతదేహం తరలింపు కోసం ముందుకొచ్చిన ప్రవాస భారతీయులు
- గోఫండ్మీ ద్వారా నిధులు సేకరిస్తున్న భారత కమ్యూనిటీ
ఉన్నత చదువుల కోసం అమెరికా వెళ్లిన ఆంధ్రప్రదేశ్కు చెందిన ఓ విద్యార్థిని అనారోగ్యంతో అకాల మరణం చెందింది. బాపట్ల జిల్లా కారంచేడుకు చెందిన యార్లగడ్డ రాజ్యలక్ష్మి (23) మృతితో ఆమె కుటుంబంలో తీవ్ర విషాదం నెలకొంది. ఆర్థికంగా వెనుకబడిన కుటుంబం కావడంతో, ఆమె మృతదేహాన్ని స్వదేశానికి తరలించేందుకు అమెరికాలోని ప్రవాస భారతీయులు ముందుకొచ్చారు. 'గోఫండ్మీ' వేదికగా నిధులు సేకరిస్తున్నట్లు మృతురాలి బంధువు చైతన్య వెల్లడించారు.
రాజ్యలక్ష్మి కృష్ణా జిల్లాలోని గుడ్లవల్లేరు ఇంజినీరింగ్ కళాశాలలో విద్యనభ్యసించింది. అనంతరం, 2023లో ఎంఎస్ కంప్యూటర్ సైన్స్ చదివేందుకు అమెరికాలోని టెక్సాస్లో గల యూనివర్సిటీ ఆఫ్ న్యూహెవన్లో చేరింది. ఇటీవల తన కోర్సును పూర్తి చేసి స్నేహితులతో కలిసి ఉద్యోగ ప్రయత్నాల్లో ఉంది. ఈ క్రమంలో ఆమె అనారోగ్యానికి గురయింది.
ఈ నెల 6వ తేదీ రాత్రి కుటుంబ సభ్యులతో ఫోన్లో మాట్లాడిన రాజ్యలక్ష్మి... తనకు జలుబు, ఆయాసంగా ఉందని, చికిత్స కోసం 9న వైద్యుడి అపాయింట్మెంట్ తీసుకున్నానని తెలిపింది. అదే రోజు రాత్రి స్నేహితులతో కలిసి నిద్రపోయిన ఆమె, ఉదయం అల్పాహారం కోసం స్నేహితులు లేపగా కదలికలు లేకపోవడంతో ఆందోళన చెందారు. వెంటనే ఆసుపత్రికి తరలించగా, అప్పటికే ఆమె మృతిచెందినట్లు వైద్యులు ధృవీకరించారు.
ఆమె మరణానికి గల కచ్చితమైన కారణాలను తెలుసుకునేందుకు అక్కడి అధికారులు శవపరీక్ష నిర్వహిస్తున్నారు. రాజ్యలక్ష్మి కుటుంబం ఆర్థిక ఇబ్బందుల్లో ఉండటంతో మృతదేహాన్ని భారత్కు తరలించడం, అంత్యక్రియల ఖర్చులు, ఆమె పేరు మీద ఉన్న విద్యా రుణాలు తీర్చడం, తల్లిదండ్రులకు కొంత ఆర్థిక సాయం అందించడం కోసం భారత కమ్యూనిటీ ఈ నిధుల సేకరణ కార్యక్రమాన్ని ప్రారంభించింది. మృతదేహాన్ని వీలైనంత త్వరగా స్వదేశానికి పంపేందుకు ఏర్పాట్లు చేస్తున్నారు.
రాజ్యలక్ష్మి కృష్ణా జిల్లాలోని గుడ్లవల్లేరు ఇంజినీరింగ్ కళాశాలలో విద్యనభ్యసించింది. అనంతరం, 2023లో ఎంఎస్ కంప్యూటర్ సైన్స్ చదివేందుకు అమెరికాలోని టెక్సాస్లో గల యూనివర్సిటీ ఆఫ్ న్యూహెవన్లో చేరింది. ఇటీవల తన కోర్సును పూర్తి చేసి స్నేహితులతో కలిసి ఉద్యోగ ప్రయత్నాల్లో ఉంది. ఈ క్రమంలో ఆమె అనారోగ్యానికి గురయింది.
ఈ నెల 6వ తేదీ రాత్రి కుటుంబ సభ్యులతో ఫోన్లో మాట్లాడిన రాజ్యలక్ష్మి... తనకు జలుబు, ఆయాసంగా ఉందని, చికిత్స కోసం 9న వైద్యుడి అపాయింట్మెంట్ తీసుకున్నానని తెలిపింది. అదే రోజు రాత్రి స్నేహితులతో కలిసి నిద్రపోయిన ఆమె, ఉదయం అల్పాహారం కోసం స్నేహితులు లేపగా కదలికలు లేకపోవడంతో ఆందోళన చెందారు. వెంటనే ఆసుపత్రికి తరలించగా, అప్పటికే ఆమె మృతిచెందినట్లు వైద్యులు ధృవీకరించారు.
ఆమె మరణానికి గల కచ్చితమైన కారణాలను తెలుసుకునేందుకు అక్కడి అధికారులు శవపరీక్ష నిర్వహిస్తున్నారు. రాజ్యలక్ష్మి కుటుంబం ఆర్థిక ఇబ్బందుల్లో ఉండటంతో మృతదేహాన్ని భారత్కు తరలించడం, అంత్యక్రియల ఖర్చులు, ఆమె పేరు మీద ఉన్న విద్యా రుణాలు తీర్చడం, తల్లిదండ్రులకు కొంత ఆర్థిక సాయం అందించడం కోసం భారత కమ్యూనిటీ ఈ నిధుల సేకరణ కార్యక్రమాన్ని ప్రారంభించింది. మృతదేహాన్ని వీలైనంత త్వరగా స్వదేశానికి పంపేందుకు ఏర్పాట్లు చేస్తున్నారు.
