Rajinikanth: అన్నకు గుండెపోటు... షూటింగ్ ఆపేసి బెంగళూరు వెళ్లిన రజనీకాంత్
- సూపర్స్టార్ రజినీకాంత్ సోదరుడు సత్యనారాయణకు అస్వస్థత
- బెంగళూరులోని ప్రైవేట్ ఆసుపత్రిలో చేర్పించిన కుటుంబసభ్యులు
- ప్రస్తుతం ఐసీయూ నుంచి బయటకు... కోలుకుంటున్న సత్యనారాయణ
- అన్నయ్యను పరామర్శించి తిరిగి చెన్నైకి పయనమైన తలైవా
- 'జైలర్ 2' సినిమా షూటింగ్లో బిజీగా ఉన్న రజినీకాంత్
సూపర్స్టార్ రజినీకాంత్ ఇంట్లో ఆందోళనకర వాతావరణం నెలకొంది. ఆయన పెద్ద సోదరుడు సత్యనారాయణ రావు గైక్వాడ్ (82) గుండెపోటుకు గురయ్యారు. దీంతో కుటుంబసభ్యులు ఆయన్ను హుటాహుటిన బెంగళూరులోని ఓ ప్రైవేట్ ఆసుపత్రికి తరలించారు. విషయం తెలిసిన వెంటనే రజినీకాంత్ తన పనులన్నీ పక్కనపెట్టి బెంగళూరు వెళ్లి సోదరుడిని పరామర్శించారు. ప్రస్తుతం సత్యనారాయణ ఆరోగ్యం నిలకడగా ఉందని, ఐసీయూ నుంచి సాధారణ గదికి మార్చారని సమాచారం.
వివరాల్లోకి వెళితే, బెంగళూరులో నివాసముంటున్న సత్యనారాయణకు అస్వస్థతగా అనిపించడంతో, కుటుంబసభ్యులు ఎలక్ట్రానిక్ సిటీలోని ఓ ప్రైవేట్ ఆసుపత్రికి తీసుకెళ్లారు. వైద్యులు ఆయనను పరీక్షించి గుండెపోటుగా నిర్ధారించి, వెంటనే ఇంటెన్సివ్ కేర్ యూనిట్ (ఐసీయూ)లో చేర్పించి చికిత్స అందించారు.
సోదరుడి అనారోగ్యం గురించి తెలియగానే రజినీకాంత్.. తాను నటిస్తున్న 'జైలర్ 2' సినిమా షూటింగ్ను తాత్కాలికంగా నిలిపివేసి బెంగళూరు చేరుకున్నారు. ఆసుపత్రికి వెళ్లి సోదరుడి ఆరోగ్య పరిస్థితి గురించి వైద్యులను అడిగి తెలుసుకున్నారు. రజినీకాంత్ ఆసుపత్రికి వచ్చినప్పటి వీడియోలు, చిత్రాలు సామాజిక మాధ్యమాల్లో వైరల్ అయ్యాయి.
ఈ విషయంపై రజినీకాంత్ ప్రతినిధి బృందం స్పందిస్తూ, "సత్యనారాయణ రావు ఆరోగ్యం ఇప్పుడు మెరుగ్గా ఉంది. ఐసీయూలో లేరు. రజినీకాంత్ గారు ఆయన్ను చూసేందుకు వెళ్లారు. ఇప్పుడు తిరిగి చెన్నైకి పయనమవుతున్నారు" అని ఓ ప్రకటనలో తెలిపారు.
రజినీకాంత్ (74) సినీరంగ ప్రవేశానికి ముందు, కష్టకాలంలో ఆయన సోదరుడు సత్యనారాయణ ఎంతో అండగా నిలిచారు. వీరిద్దరి మధ్య బలమైన అనుబంధం ఉంది. కొన్నేళ్ల క్రితం తన సోదరుడి 80వ పుట్టినరోజు వేడుకలను రజినీకాంత్ ఎంతో ఘనంగా నిర్వహించిన విషయం తెలిసిందే. ప్రస్తుతం రజినీకాంత్ 'జైలర్ 2' షూటింగ్లో బిజీగా ఉన్నారు. గోవాలో కొంత భాగం చిత్రీకరణ ముగించుకుని, మిగిలిన షూటింగ్ కోసం చెన్నైకి తిరిగి వస్తున్నారు.
వివరాల్లోకి వెళితే, బెంగళూరులో నివాసముంటున్న సత్యనారాయణకు అస్వస్థతగా అనిపించడంతో, కుటుంబసభ్యులు ఎలక్ట్రానిక్ సిటీలోని ఓ ప్రైవేట్ ఆసుపత్రికి తీసుకెళ్లారు. వైద్యులు ఆయనను పరీక్షించి గుండెపోటుగా నిర్ధారించి, వెంటనే ఇంటెన్సివ్ కేర్ యూనిట్ (ఐసీయూ)లో చేర్పించి చికిత్స అందించారు.
సోదరుడి అనారోగ్యం గురించి తెలియగానే రజినీకాంత్.. తాను నటిస్తున్న 'జైలర్ 2' సినిమా షూటింగ్ను తాత్కాలికంగా నిలిపివేసి బెంగళూరు చేరుకున్నారు. ఆసుపత్రికి వెళ్లి సోదరుడి ఆరోగ్య పరిస్థితి గురించి వైద్యులను అడిగి తెలుసుకున్నారు. రజినీకాంత్ ఆసుపత్రికి వచ్చినప్పటి వీడియోలు, చిత్రాలు సామాజిక మాధ్యమాల్లో వైరల్ అయ్యాయి.
ఈ విషయంపై రజినీకాంత్ ప్రతినిధి బృందం స్పందిస్తూ, "సత్యనారాయణ రావు ఆరోగ్యం ఇప్పుడు మెరుగ్గా ఉంది. ఐసీయూలో లేరు. రజినీకాంత్ గారు ఆయన్ను చూసేందుకు వెళ్లారు. ఇప్పుడు తిరిగి చెన్నైకి పయనమవుతున్నారు" అని ఓ ప్రకటనలో తెలిపారు.
రజినీకాంత్ (74) సినీరంగ ప్రవేశానికి ముందు, కష్టకాలంలో ఆయన సోదరుడు సత్యనారాయణ ఎంతో అండగా నిలిచారు. వీరిద్దరి మధ్య బలమైన అనుబంధం ఉంది. కొన్నేళ్ల క్రితం తన సోదరుడి 80వ పుట్టినరోజు వేడుకలను రజినీకాంత్ ఎంతో ఘనంగా నిర్వహించిన విషయం తెలిసిందే. ప్రస్తుతం రజినీకాంత్ 'జైలర్ 2' షూటింగ్లో బిజీగా ఉన్నారు. గోవాలో కొంత భాగం చిత్రీకరణ ముగించుకుని, మిగిలిన షూటింగ్ కోసం చెన్నైకి తిరిగి వస్తున్నారు.
