పెళ్లిపై రష్మిక మందన్న ఆసక్తికర వ్యాఖ్యలు.. అతని కోసం తూటాకైనా ఎదురెళ్తానని వ్యాఖ్య
- తనకు కాబోయే భర్తపై స్పందించిన రష్మిక మందన్న
- తనను, తన పనిని అర్థం చేసుకునే వ్యక్తి కావాలన్న రష్మిక
- తన కోసం యుద్ధం చేయగల ధైర్యం ఉండాలని వ్యాఖ్య
తాజాగా ఓ చిట్చాట్లో పాల్గొన్న రష్మికకు తన భాగస్వామికి ఉండాల్సిన లక్షణాల గురించి ప్రశ్న ఎదురైంది. దీనికి ఆమె స్పందిస్తూ, "నన్ను పూర్తిగా అర్థం చేసుకునే వ్యక్తిని పెళ్లి చేసుకోవాలనుకుంటున్నాను. నా వైపు నుంచి ప్రతీ విషయాన్ని ఆలోచించాలి. నా పనిని గౌరవించాలి. ఎలాంటి పరిస్థితులనైనా ధైర్యంగా ఎదుర్కొనే వ్యక్తి అయితే బాగుంటుంది" అని తెలిపారు.
అంతటితో ఆగకుండా, "మంచి వ్యక్తిత్వంతో పాటు, నా కోసం యుద్ధం చేయగల సత్తా అతనికి ఉండాలి. అలాంటి వ్యక్తి నా జీవితంలోకి వస్తే, అతని కోసం నేను ఎంత దూరమైనా వెళ్తాను. అవసరమైతే యుద్ధంలో తూటాకు కూడా ఎదురెళ్లడానికి సిద్ధంగా ఉన్నాను" అంటూ తన ప్రేమను, నిబద్ధతను తెలియజేశారు. ఆమె చెప్పిన లక్షణాలన్నీ విజయ్ దేవరకొండకు సరిగ్గా సరిపోతాయని, అతడిని ఉద్దేశించే రష్మిక ఈ వ్యాఖ్యలు చేసిందని నెటిజన్లు చర్చించుకుంటున్నారు.
