Miyapur illegal construction: మియాపూర్ లో ఐదంతస్తుల బిల్డింగ్ ను కూల్చేస్తున్న హైడ్రా
- మియాపూర్ సర్వే నంబర్ 100లో భారీ అక్రమ కట్టడం కూల్చివేత
- సర్వే నంబర్లు మార్చి నిర్మాణం చేపట్టారని స్థానికుల ఫిర్యాదు
- హెచ్ఎండీఏ ఫెన్సింగ్ తొలగించి నిర్మాణం చేపట్టిన బిల్డర్లు
- రంగంలోకి దిగిన హెచ్ఎండీఏ, హైడ్రా అధికారులు
- కూల్చివేత ప్రాంతంలో భారీగా పోలీసుల మోహరింపు
హైదరాబాద్లోని మియాపూర్లో ఐదంతస్తుల భారీ అక్రమ నిర్మాణాన్ని అధికారులు కూల్చివేస్తున్నారు. సర్వే నంబర్ 100లో నిబంధనలకు విరుద్ధంగా వెలిసిన ఈ కట్టడంపై చర్యలు తీసుకునేందుకు హైడ్రా ప్రత్యేక బృందాలు ఈ ఉదయం రంగంలోకి దిగాయి. ఎలాంటి అవాంఛనీయ ఘటనలు జరగకుండా ఆ ప్రాంతంలో భారీగా పోలీసులను మోహరించారు.
వివరాల్లోకి వెళితే, మియాపూర్లోని సర్వే నంబర్ 100లో ఉన్న ప్రభుత్వ స్థలాన్ని కొందరు కబ్జా చేశారు. హెచ్ఎండీఏ ఏర్పాటు చేసిన ఫెన్సింగ్ను తొలగించి మరీ భారీ నిర్మాణాన్ని చేపట్టారు. అంతేకాకుండా, అధికారులను తప్పుదోవ పట్టించేందుకు సర్వే నంబర్లను మార్చి ఈ అక్రమ నిర్మాణాన్ని కొనసాగించారు. ఈ వ్యవహారంపై స్థానికులు హైడ్రా అధికారులకు ఫిర్యాదు చేశారు.
ఫిర్యాదు స్వీకరించిన హైడ్రా, హెచ్ఎండీఏ అధికారులు క్షేత్రస్థాయిలో విచారణ జరిపి, నిర్మాణం అక్రమమైనదని నిర్ధారించుకున్నారు. ఈ క్రమంలో ఇవాళ ఉదయం ప్రత్యేక యంత్రాలతో కూల్చివేత పనులు ప్రారంభించారు. ఈ సందర్భంగా అక్కడ ఉద్రిక్త వాతావరణం నెలకొనడంతో, పటిష్టమైన పోలీసు బందోబస్తు నడుమ కూల్చివేతలు కొనసాగుతున్నాయి.
వివరాల్లోకి వెళితే, మియాపూర్లోని సర్వే నంబర్ 100లో ఉన్న ప్రభుత్వ స్థలాన్ని కొందరు కబ్జా చేశారు. హెచ్ఎండీఏ ఏర్పాటు చేసిన ఫెన్సింగ్ను తొలగించి మరీ భారీ నిర్మాణాన్ని చేపట్టారు. అంతేకాకుండా, అధికారులను తప్పుదోవ పట్టించేందుకు సర్వే నంబర్లను మార్చి ఈ అక్రమ నిర్మాణాన్ని కొనసాగించారు. ఈ వ్యవహారంపై స్థానికులు హైడ్రా అధికారులకు ఫిర్యాదు చేశారు.
ఫిర్యాదు స్వీకరించిన హైడ్రా, హెచ్ఎండీఏ అధికారులు క్షేత్రస్థాయిలో విచారణ జరిపి, నిర్మాణం అక్రమమైనదని నిర్ధారించుకున్నారు. ఈ క్రమంలో ఇవాళ ఉదయం ప్రత్యేక యంత్రాలతో కూల్చివేత పనులు ప్రారంభించారు. ఈ సందర్భంగా అక్కడ ఉద్రిక్త వాతావరణం నెలకొనడంతో, పటిష్టమైన పోలీసు బందోబస్తు నడుమ కూల్చివేతలు కొనసాగుతున్నాయి.
