Chandrababu Naidu: కాశీబుగ్గ ఆలయ దుర్ఘటనపై సీఎం చంద్రబాబు స్పందన

శ్రీకాకుళం జిల్లా కాశీబుగ్గలోని వెంకటేశ్వర ఆలయంలో తొక్కిసలాట జరిగి 9 మంది భక్తులు మరణించడంపై ఆంధ్రప్రదేశ్ ముఖ్యమంత్రి చంద్రబాబు తీవ్ర దిగ్భ్రాంతి వ్యక్తం చేశారు. ఈ దురదృష్టకర ఘటనలో పలువురు భక్తులు మరణించడం తనను తీవ్రంగా కలచివేసిందని ఆయన ఆవేదన చెందారు. ఇది అత్యంత విషాదకరమైన సంఘటన అని అభివర్ణించారు.

ఈ ఘటనపై స్పందించిన ముఖ్యమంత్రి, మరణించిన భక్తుల కుటుంబాలకు తన ప్రగాఢ సానుభూతిని తెలియజేశారు. ప్రమాదంలో గాయాలపాలైన వారికి వీలైనంత త్వరగా మెరుగైన వైద్య సేవలు అందించాలని అధికారులను వెంటనే ఆదేశించారు.

స్థానిక అధికారులు, ప్రజాప్రతినిధులు తక్షణమే ఘటనా స్థలానికి చేరుకుని సహాయక చర్యలను పర్యవేక్షించాలని చంద్రబాబు కోరారు. బాధితులకు అండగా నిలవాలని, అవసరమైన అన్ని ఏర్పాట్లు చేయాలని ఆయన స్పష్టమైన ఆదేశాలు జారీ చేశారు.