Nitish Kumar: బీహార్ ఎన్నికలు: కోటి ఉద్యోగాలు, లక్షాధికారులుగా దీదీలు.. బీహార్లో ఎన్డీయే మేనిఫెస్టో హైలైట్స్
- బీహార్ అసెంబ్లీ ఎన్నికలకు ఎన్డీయే 'సంకల్ప్ పత్ర' విడుదల
- కోటి ఉద్యోగాలు, ప్రతి జిల్లాలో మెగా స్కిల్ సెంటర్ ఏర్పాటు హామీ
- రైతులకు ఏటా రూ.9,000.. 'కర్పూరీ ఠాకూర్ కిసాన్ సమ్మాన్ నిధి' ప్రకటన
- ఈబీసీ కుటుంబాలకు రూ.10 లక్షల ఆర్థిక సాయం, ప్రత్యేక కమిటీ ఏర్పాటు
- పేదల కోసం ఉచిత రేషన్, విద్యుత్, వైద్యంతో 'పంచామృత్ గ్యారెంటీ'
బీహార్ అసెంబ్లీ ఎన్నికలు-2025 సమీపిస్తున్న వేళ, అధికార జాతీయ ప్రజాస్వామ్య కూటమి (ఎన్డీయే) తమ ఎన్నికల మేనిఫెస్టో 'సంకల్ప్ పత్ర'ను తాజాగా విడుదల చేసింది. భారీ ఎత్తున ఉద్యోగాల కల్పన, మహిళా సాధికారత, రైతులు, పేదలకు సంక్షేమ పథకాలను ప్రధాన హామీలుగా ప్రకటించింది. పాట్నాలో జరిగిన ఈ కార్యక్రమానికి కేంద్ర మంత్రి, బీజేపీ జాతీయ అధ్యక్షుడు జేపీ నడ్డా, ముఖ్యమంత్రి నితీశ్ కుమార్, కేంద్ర మంత్రులు జితన్ రామ్ మాంఝీ (హెచ్ఏఎం-ఎస్), చిరాగ్ పాశ్వాన్ (ఎల్జేపీ-రామ్ విలాస్), ఆర్ఎల్ఎం నేత ఉపేంద్ర కుష్వాహా సహా ఇతర కూటమి నాయకులు హాజరయ్యారు.
ప్రధాన హామీలు ఇవే..
బీహార్లో కోటి ఉద్యోగాలు, ఉపాధి అవకాశాలు కల్పిస్తామని ఎన్డీయే హామీ ఇచ్చింది. ప్రభుత్వ, ప్రైవేటు రంగాల్లో ఈ ఉద్యోగాలను సృష్టిస్తామని, దీనికి అనుగుణంగా యువతకు నైపుణ్య శిక్షణ కార్యక్రమాలు చేపడతామని తెలిపింది. ప్రతి జిల్లాలో ఒక మెగా స్కిల్ సెంటర్ ఏర్పాటు చేసి, రాష్ట్రవ్యాప్తంగా స్కిల్ సెన్సస్ ద్వారా యువత ప్రతిభను గుర్తించి శిక్షణ ఇస్తామని పేర్కొంది. బీహార్ను 'గ్లోబల్ స్కిల్లింగ్ హబ్'గా మార్చడమే లక్ష్యమని మేనిఫెస్టోలో వివరించింది.
'ముఖ్యమంత్రి మహిళా రోజ్గార్ యోజన' కింద వ్యాపారాలు ప్రారంభించే మహిళలకు రూ.2 లక్షల వరకు ఆర్థిక సాయం అందిస్తామని ఎన్డీయే ప్రకటించింది. కోటి మంది మహిళలను లక్షాధికారులుగా (లక్షాధికారి దీదీ)గా (ఏడాదికి లక్ష రూపాయలకు పైగా సంపాదించే మహిళలు) తీర్చిదిద్దేందుకు కృషి చేస్తామని తెలిపింది. విజయవంతమైన మహిళా పారిశ్రామికవేత్తలను ప్రోత్సహించడానికి 'మిషన్ కరోడ్పతి'ని కూడా ప్రవేశపెట్టనున్నట్లు హామీ ఇచ్చింది.
రైతుల కోసం 'కర్పూరీ ఠాకూర్ కిసాన్ సమ్మాన్ నిధి' పథకాన్ని ప్రకటించింది. దీని కింద ప్రతి రైతుకు పంట సీజన్కు రూ.3,000 చొప్పున ఏటా రూ.9,000 అందిస్తామని హామీ ఇచ్చింది. ప్రతి పంచాయతీలో వరి, గోధుమలు, పప్పుధాన్యాలు, మొక్కజొన్న సేకరణ కేంద్రాలు ఏర్పాటు చేసి మద్దతు ధరకు కొనుగోలు చేస్తామని తెలిపింది.
అత్యంత వెనుకబడిన వర్గాల (ఈబీసీ) ఆర్థిక, సామాజిక సాధికారత తమ ప్రభుత్వ ప్రాధాన్యమని డిప్యూటీ సీఎం సామ్రాట్ చౌదరి తెలిపారు. "ఈబీసీ వర్గాలకు చెందిన కుటుంబాలకు రూ.10 లక్షల ఆర్థిక సహాయం అందిస్తాం. వారి సామాజిక, ఆర్థిక పరిస్థితులను అంచనా వేసి, వారి అభివృద్ధికి అవసరమైన సిఫార్సులు చేసేందుకు సుప్రీంకోర్టు రిటైర్డ్ న్యాయమూర్తి అధ్యక్షతన ఉన్నతస్థాయి కమిటీని ఏర్పాటు చేస్తాం" అని ఆయన వివరించారు.
మౌలిక సదుపాయాలు, ఇతర హామీలు
పేదల కోసం 'పంచామృత్ గ్యారెంటీ': ఉచిత రేషన్, 125 యూనిట్ల ఉచిత విద్యుత్, రూ.5 లక్షల వరకు ఉచిత వైద్యం, 50 లక్షల పక్కా ఇళ్ల నిర్మాణం, సామాజిక భద్రతా పింఛన్లు అందిస్తామని ఎన్డీయే హామీ.
కనెక్టివిటీ: ఏడు కొత్త ఎక్స్ప్రెస్వేల నిర్మాణం, 3,600 కిలోమీటర్ల రైల్వే ట్రాక్ల ఆధునికీకరణ, నాలుగు కొత్త నగరాల్లో మెట్రో సేవలు.
పారిశ్రామిక పార్కులు: ప్రతి జిల్లాలో ఫ్యాక్టరీలు, 10 కొత్త ఇండస్ట్రియల్ పార్కుల ఏర్పాటు.
విద్య: పేద కుటుంబాల విద్యార్థులకు కేజీ నుంచి పీజీ వరకు ఉచిత విద్య.
బీహార్లోని 243 అసెంబ్లీ స్థానాలకు నవంబర్ 6, 11 తేదీల్లో రెండు దశల్లో పోలింగ్ జరగనుంది. నవంబర్ 14న ఓట్ల లెక్కింపు చేపట్టనున్నారు. ఎన్డీయే కూటమిలో బీజేపీ, జేడీయూ, ఎల్జేపీ (రామ్ విలాస్), హెచ్ఏఎం(ఎస్), ఆర్ఎల్ఎం పార్టీలు ఉన్నాయి. ఆర్జేడీ నేతృత్వంలోని 'మహాఘట్బంధన్' కూటమి ఇప్పటికే తమ మేనిఫెస్టోను విడుదల చేసి, అధికారంలోకి వస్తే ప్రతి కుటుంబంలో ఒకరికి ప్రభుత్వ ఉద్యోగం ఇస్తామని హామీ ఇచ్చిన విషయం తెలిసిందే.
ప్రధాన హామీలు ఇవే..
బీహార్లో కోటి ఉద్యోగాలు, ఉపాధి అవకాశాలు కల్పిస్తామని ఎన్డీయే హామీ ఇచ్చింది. ప్రభుత్వ, ప్రైవేటు రంగాల్లో ఈ ఉద్యోగాలను సృష్టిస్తామని, దీనికి అనుగుణంగా యువతకు నైపుణ్య శిక్షణ కార్యక్రమాలు చేపడతామని తెలిపింది. ప్రతి జిల్లాలో ఒక మెగా స్కిల్ సెంటర్ ఏర్పాటు చేసి, రాష్ట్రవ్యాప్తంగా స్కిల్ సెన్సస్ ద్వారా యువత ప్రతిభను గుర్తించి శిక్షణ ఇస్తామని పేర్కొంది. బీహార్ను 'గ్లోబల్ స్కిల్లింగ్ హబ్'గా మార్చడమే లక్ష్యమని మేనిఫెస్టోలో వివరించింది.
'ముఖ్యమంత్రి మహిళా రోజ్గార్ యోజన' కింద వ్యాపారాలు ప్రారంభించే మహిళలకు రూ.2 లక్షల వరకు ఆర్థిక సాయం అందిస్తామని ఎన్డీయే ప్రకటించింది. కోటి మంది మహిళలను లక్షాధికారులుగా (లక్షాధికారి దీదీ)గా (ఏడాదికి లక్ష రూపాయలకు పైగా సంపాదించే మహిళలు) తీర్చిదిద్దేందుకు కృషి చేస్తామని తెలిపింది. విజయవంతమైన మహిళా పారిశ్రామికవేత్తలను ప్రోత్సహించడానికి 'మిషన్ కరోడ్పతి'ని కూడా ప్రవేశపెట్టనున్నట్లు హామీ ఇచ్చింది.
రైతుల కోసం 'కర్పూరీ ఠాకూర్ కిసాన్ సమ్మాన్ నిధి' పథకాన్ని ప్రకటించింది. దీని కింద ప్రతి రైతుకు పంట సీజన్కు రూ.3,000 చొప్పున ఏటా రూ.9,000 అందిస్తామని హామీ ఇచ్చింది. ప్రతి పంచాయతీలో వరి, గోధుమలు, పప్పుధాన్యాలు, మొక్కజొన్న సేకరణ కేంద్రాలు ఏర్పాటు చేసి మద్దతు ధరకు కొనుగోలు చేస్తామని తెలిపింది.
అత్యంత వెనుకబడిన వర్గాల (ఈబీసీ) ఆర్థిక, సామాజిక సాధికారత తమ ప్రభుత్వ ప్రాధాన్యమని డిప్యూటీ సీఎం సామ్రాట్ చౌదరి తెలిపారు. "ఈబీసీ వర్గాలకు చెందిన కుటుంబాలకు రూ.10 లక్షల ఆర్థిక సహాయం అందిస్తాం. వారి సామాజిక, ఆర్థిక పరిస్థితులను అంచనా వేసి, వారి అభివృద్ధికి అవసరమైన సిఫార్సులు చేసేందుకు సుప్రీంకోర్టు రిటైర్డ్ న్యాయమూర్తి అధ్యక్షతన ఉన్నతస్థాయి కమిటీని ఏర్పాటు చేస్తాం" అని ఆయన వివరించారు.
మౌలిక సదుపాయాలు, ఇతర హామీలు
పేదల కోసం 'పంచామృత్ గ్యారెంటీ': ఉచిత రేషన్, 125 యూనిట్ల ఉచిత విద్యుత్, రూ.5 లక్షల వరకు ఉచిత వైద్యం, 50 లక్షల పక్కా ఇళ్ల నిర్మాణం, సామాజిక భద్రతా పింఛన్లు అందిస్తామని ఎన్డీయే హామీ.
కనెక్టివిటీ: ఏడు కొత్త ఎక్స్ప్రెస్వేల నిర్మాణం, 3,600 కిలోమీటర్ల రైల్వే ట్రాక్ల ఆధునికీకరణ, నాలుగు కొత్త నగరాల్లో మెట్రో సేవలు.
పారిశ్రామిక పార్కులు: ప్రతి జిల్లాలో ఫ్యాక్టరీలు, 10 కొత్త ఇండస్ట్రియల్ పార్కుల ఏర్పాటు.
విద్య: పేద కుటుంబాల విద్యార్థులకు కేజీ నుంచి పీజీ వరకు ఉచిత విద్య.
బీహార్లోని 243 అసెంబ్లీ స్థానాలకు నవంబర్ 6, 11 తేదీల్లో రెండు దశల్లో పోలింగ్ జరగనుంది. నవంబర్ 14న ఓట్ల లెక్కింపు చేపట్టనున్నారు. ఎన్డీయే కూటమిలో బీజేపీ, జేడీయూ, ఎల్జేపీ (రామ్ విలాస్), హెచ్ఏఎం(ఎస్), ఆర్ఎల్ఎం పార్టీలు ఉన్నాయి. ఆర్జేడీ నేతృత్వంలోని 'మహాఘట్బంధన్' కూటమి ఇప్పటికే తమ మేనిఫెస్టోను విడుదల చేసి, అధికారంలోకి వస్తే ప్రతి కుటుంబంలో ఒకరికి ప్రభుత్వ ఉద్యోగం ఇస్తామని హామీ ఇచ్చిన విషయం తెలిసిందే.
