Rahul Bharti: సోదరీమణుల ఏఐ నగ్న చిత్రాలతో బ్లాక్మెయిల్.. తీవ్ర మనస్తాపంతో విద్యార్థి ఆత్మహత్య!
- హర్యానాలోని ఫరీదాబాద్లో చోటుచేసుకున్న దారుణ ఘటన
- రూ. 20 వేలు ఇవ్వాలని, లేదంటే ఫొటోలు వైరల్ చేస్తామని బెదిరింపు
- తీవ్ర మనస్తాపానికి గురై ఆత్మహత్య చేసుకున్న 19 ఏళ్ల యువకుడు
టెక్నాలజీని ఉపయోగించి జరుగుతున్న నేరాలు ఎంతటి దారుణాలకు దారితీస్తున్నాయో చెప్పడానికి ఈ ఘటనే నిదర్శనం. హర్యానాలోని ఫరీదాబాద్లో ఆర్టిఫిషియల్ ఇంటెలిజెన్స్ సాయంతో ముగ్గురు సోదరీమణుల నగ్న చిత్రాలు, వీడియోలు సృష్టించిన కొందరు దుండగులు, వాటితో వారి సోదరుడిని బ్లాక్మెయిల్ చేశారు. ఈ వేధింపులు తట్టుకోలేక ఆ యువకుడు తీవ్ర మనస్తాపంతో ఆత్మహత్య చేసుకున్నాడు.
వివరాల్లోకి వెళితే, రాహుల్ భారతి (19) స్థానిక డీఏవీ కళాశాలలో చదువుతున్నాడు. రెండు వారాల క్రితం గుర్తుతెలియని వ్యక్తులు అతని ఫోన్ను హ్యాక్ చేశారు. ఏఐ టెక్నాలజీని ఉపయోగించి రాహుల్తో పాటు అతని ముగ్గురు సోదరీమణుల నగ్న చిత్రాలు, వీడియోలను సృష్టించారు. అనంతరం 'సాహిల్' అనే పేరుతో రాహుల్కు చాట్ చేస్తూ, ఆ అశ్లీల చిత్రాలను పంపారు. వాటిని సోషల్ మీడియాలో వైరల్ చేయకుండా ఉండాలంటే రూ. 20,000 ఇవ్వాలని డిమాండ్ చేశారు.
ఈ పరిణామంతో రాహుల్ తీవ్ర ఆందోళనకు గురయ్యాడు. అతని తండ్రి మనోజ్ భారతి తెలిపిన వివరాల ప్రకారం, గత 15 రోజులుగా రాహుల్ ఎవరితో మాట్లాడకుండా, సరిగా భోజనం చేయకుండా గదిలోనే మౌనంగా ఉండిపోతున్నాడు. నిందితులు డబ్బు కోసం తీవ్రంగా వేధించడమే కాకుండా, ఆత్మహత్య చేసుకునేలా రాహుల్ను పురిగొల్పారని, అందుకు ఏ పదార్థాలు వాడాలో కూడా సూచించారని కుటుంబ సభ్యులు ఆరోపిస్తున్నారు.
ఈ వేధింపులు భరించలేని రాహుల్, శనివారం సాయంత్రం 7 గంటల సమయంలో కొన్ని మాత్రలు మింగాడు. అతని పరిస్థితి విషమించడంతో కుటుంబ సభ్యులు వెంటనే ఆసుపత్రికి తరలించారు. అయితే, అక్కడ చికిత్స పొందుతూ రాహుల్ మరణించాడు. కుటుంబ సభ్యుల ఫిర్యాదు మేరకు పోలీసులు ఇద్దరు నిందితులపై కేసు నమోదు చేసి దర్యాప్తు ప్రారంభించారు. ఏఐ టెక్నాలజీని వాడుకొని జరుగుతున్న ఈ తరహా నేరాలు సమాజంలో తీవ్ర ఆందోళన కలిగిస్తున్నాయి.
వివరాల్లోకి వెళితే, రాహుల్ భారతి (19) స్థానిక డీఏవీ కళాశాలలో చదువుతున్నాడు. రెండు వారాల క్రితం గుర్తుతెలియని వ్యక్తులు అతని ఫోన్ను హ్యాక్ చేశారు. ఏఐ టెక్నాలజీని ఉపయోగించి రాహుల్తో పాటు అతని ముగ్గురు సోదరీమణుల నగ్న చిత్రాలు, వీడియోలను సృష్టించారు. అనంతరం 'సాహిల్' అనే పేరుతో రాహుల్కు చాట్ చేస్తూ, ఆ అశ్లీల చిత్రాలను పంపారు. వాటిని సోషల్ మీడియాలో వైరల్ చేయకుండా ఉండాలంటే రూ. 20,000 ఇవ్వాలని డిమాండ్ చేశారు.
ఈ పరిణామంతో రాహుల్ తీవ్ర ఆందోళనకు గురయ్యాడు. అతని తండ్రి మనోజ్ భారతి తెలిపిన వివరాల ప్రకారం, గత 15 రోజులుగా రాహుల్ ఎవరితో మాట్లాడకుండా, సరిగా భోజనం చేయకుండా గదిలోనే మౌనంగా ఉండిపోతున్నాడు. నిందితులు డబ్బు కోసం తీవ్రంగా వేధించడమే కాకుండా, ఆత్మహత్య చేసుకునేలా రాహుల్ను పురిగొల్పారని, అందుకు ఏ పదార్థాలు వాడాలో కూడా సూచించారని కుటుంబ సభ్యులు ఆరోపిస్తున్నారు.
ఈ వేధింపులు భరించలేని రాహుల్, శనివారం సాయంత్రం 7 గంటల సమయంలో కొన్ని మాత్రలు మింగాడు. అతని పరిస్థితి విషమించడంతో కుటుంబ సభ్యులు వెంటనే ఆసుపత్రికి తరలించారు. అయితే, అక్కడ చికిత్స పొందుతూ రాహుల్ మరణించాడు. కుటుంబ సభ్యుల ఫిర్యాదు మేరకు పోలీసులు ఇద్దరు నిందితులపై కేసు నమోదు చేసి దర్యాప్తు ప్రారంభించారు. ఏఐ టెక్నాలజీని వాడుకొని జరుగుతున్న ఈ తరహా నేరాలు సమాజంలో తీవ్ర ఆందోళన కలిగిస్తున్నాయి.
