Cheryl Grimmer: 55 ఏళ్ల నాటి చిన్నారి అదృశ్యం కేసులో కీలక మలుపు.. ఆస్ట్రేలియా పార్లమెంటు సాక్షిగా నిందితుడి పేరు వెల్లడి
- ఆస్ట్రేలియాలో చిన్నారి అదృశ్యం కేసులో సంచలనం
- ప్రధాన నిందితుడి పేరును పార్లమెంటులో బయటపెట్టిన ఎంపీ
- చట్టపరమైన రక్షణను అధిగమించేందుకు పార్లమెంటరీ ప్రివిలేజ్ వినియోగం
- నిజం తెలియాలంటున్న చిన్నారి కుటుంబ సభ్యులు
- సమాచారం ఇచ్చిన వారికి 1 మిలియన్ డాలర్ల రివార్డు
ఆస్ట్రేలియాలో 55 ఏళ్లుగా మిస్టరీగా మారిన మూడేళ్ల చిన్నారి అదృశ్యం కేసులో ఊహించని పరిణామం చోటుచేసుకుంది. ఈ కేసుకు సంబంధించి ప్రధాన నిందితుడిగా భావిస్తున్న వ్యక్తి పేరును ఓ రాజకీయ నాయకుడు ఏకంగా పార్లమెంటులోనే బహిర్గతం చేశారు. ఈ ఘటన దేశవ్యాప్తంగా సంచలనం రేపుతోంది.
వివరాల్లోకి వెళితే, 1970 జనవరి 12న వోలోంగాంగ్లోని ఫెయిరీ మేడో బీచ్లో చెరిల్ గ్రిమ్మర్ (3) అనే చిన్నారి అదృశ్యమైంది. ఈ కేసులో 'మెర్క్యురీ' అనే మారుపేరుతో ఉన్న వ్యక్తిపై అనుమానాలు వ్యక్తమయ్యాయి. అయితే, నేరం జరిగినప్పుడు అతను మైనర్ కావడంతో చట్టపరంగా అతని పేరును గోప్యంగా ఉంచారు. తాజాగా, న్యూసౌత్ వేల్స్ లెజిస్లేటివ్ కౌన్సిల్ సభ్యుడు జెరెమీ బకింగ్హామ్, తనకున్న పార్లమెంటరీ ప్రత్యేకాధికారాలను ఉపయోగించి సభలో ఈరోజు నిందితుడి అసలు పేరును వెల్లడించారు. చెరిల్ గ్రిమ్మర్ హత్యపై కొత్తగా దర్యాప్తు జరపాలని ఆయన డిమాండ్ చేశారు.
గతంలో 'మెర్క్యురీ' 1971లో తాను నేరం చేసినట్లు ఒప్పుకున్నాడు. ఈ ఒప్పుకోలు ఆధారంగా 2017లో పోలీసులు అతడిపై కిడ్నాప్, హత్య కేసు నమోదు చేశారు. అయితే, ఆ ఒప్పుకోలును సాక్ష్యంగా పరిగణించలేమని న్యాయమూర్తి తీర్పు ఇవ్వడంతో కేసును కొట్టివేశారు. అప్పటి నుంచి తాను నిర్దోషినని అతడు వాదిస్తున్నాడు.
పార్లమెంటులో నిందితుడి పేరును బయటపెట్టినప్పుడు చెరిల్ కుటుంబ సభ్యులు కూడా అక్కడే ఉన్నారు. ఈ చర్యతో నిందితుడికి గానీ, అతని కుటుంబానికి గానీ హాని చేయాలనే ఉద్దేశం తమకు లేదని చెరిల్ సోదరుడి భార్య లిండా గ్రిమ్మర్ తెలిపారు. "మాకు కావలసింది నిజం మాత్రమే. ఈ పరిణామంతోనైనా, సమాచారం తెలిసిన వారు ముందుకొచ్చి చెరిల్కు న్యాయం జరిగేలా సహకరిస్తారని ఆశిస్తున్నాం" అని ఆమె అన్నారు.ఈ కేసులో దర్యాప్తు ఇంకా కొనసాగుతోందని న్యూసౌత్ వేల్స్ పోలీసులు స్పష్టం చేశారు. సమాచారం అందించిన వారికి 1 మిలియన్ ఆస్ట్రేలియన్ డాలర్ల రివార్డును కూడా ప్రకటించారు.
వివరాల్లోకి వెళితే, 1970 జనవరి 12న వోలోంగాంగ్లోని ఫెయిరీ మేడో బీచ్లో చెరిల్ గ్రిమ్మర్ (3) అనే చిన్నారి అదృశ్యమైంది. ఈ కేసులో 'మెర్క్యురీ' అనే మారుపేరుతో ఉన్న వ్యక్తిపై అనుమానాలు వ్యక్తమయ్యాయి. అయితే, నేరం జరిగినప్పుడు అతను మైనర్ కావడంతో చట్టపరంగా అతని పేరును గోప్యంగా ఉంచారు. తాజాగా, న్యూసౌత్ వేల్స్ లెజిస్లేటివ్ కౌన్సిల్ సభ్యుడు జెరెమీ బకింగ్హామ్, తనకున్న పార్లమెంటరీ ప్రత్యేకాధికారాలను ఉపయోగించి సభలో ఈరోజు నిందితుడి అసలు పేరును వెల్లడించారు. చెరిల్ గ్రిమ్మర్ హత్యపై కొత్తగా దర్యాప్తు జరపాలని ఆయన డిమాండ్ చేశారు.
గతంలో 'మెర్క్యురీ' 1971లో తాను నేరం చేసినట్లు ఒప్పుకున్నాడు. ఈ ఒప్పుకోలు ఆధారంగా 2017లో పోలీసులు అతడిపై కిడ్నాప్, హత్య కేసు నమోదు చేశారు. అయితే, ఆ ఒప్పుకోలును సాక్ష్యంగా పరిగణించలేమని న్యాయమూర్తి తీర్పు ఇవ్వడంతో కేసును కొట్టివేశారు. అప్పటి నుంచి తాను నిర్దోషినని అతడు వాదిస్తున్నాడు.
పార్లమెంటులో నిందితుడి పేరును బయటపెట్టినప్పుడు చెరిల్ కుటుంబ సభ్యులు కూడా అక్కడే ఉన్నారు. ఈ చర్యతో నిందితుడికి గానీ, అతని కుటుంబానికి గానీ హాని చేయాలనే ఉద్దేశం తమకు లేదని చెరిల్ సోదరుడి భార్య లిండా గ్రిమ్మర్ తెలిపారు. "మాకు కావలసింది నిజం మాత్రమే. ఈ పరిణామంతోనైనా, సమాచారం తెలిసిన వారు ముందుకొచ్చి చెరిల్కు న్యాయం జరిగేలా సహకరిస్తారని ఆశిస్తున్నాం" అని ఆమె అన్నారు.ఈ కేసులో దర్యాప్తు ఇంకా కొనసాగుతోందని న్యూసౌత్ వేల్స్ పోలీసులు స్పష్టం చేశారు. సమాచారం అందించిన వారికి 1 మిలియన్ ఆస్ట్రేలియన్ డాలర్ల రివార్డును కూడా ప్రకటించారు.
