Zaira Wasim: సైలెంట్ గా పెళ్లి చేసుకున్న 'దంగల్' నటి
- నిరాడంబరంగా పెళ్లి చేసుకున్న దంగల్ నటి జైరా వసీం
- ఇన్స్టాగ్రామ్లో నిఖా వేడుక ఫొటోలు షేర్
- నిఖా నామాపై సంతకం చేస్తున్న చిత్రం పోస్ట్
- భర్తతో కలిసి చంద్రుడిని చూస్తున్న మరో ఫొటో
- భర్త వివరాలు, ముఖం కనిపించకుండా జాగ్రత్త
- 2019లో మతం కోసం నటనకు గుడ్బై చెప్పిన జైరా
'దంగల్' చిత్రంతో దేశవ్యాప్తంగా గుర్తింపు తెచ్చుకున్న నటి జైరా వసీం తన అభిమానులను ఆశ్చర్యానికి గురిచేశారు. ఎటువంటి చడీచప్పుడు లేకుండా వివాహం చేసుకున్నారు. తన నిఖా వేడుకకు సంబంధించిన కొన్ని ఫొటోలను సోషల్ మీడియాలో పంచుకుని ఈ శుభవార్తను తెలియజేశారు. ప్రస్తుతం ఈ ఫొటోలు ఇంటర్నెట్లో వైరల్ అవుతున్నాయి.
జైరా తన ఇన్స్టాగ్రామ్ ఖాతాలో రెండు చిత్రాలను పోస్ట్ చేశారు. ఒక ఫొటోలో ఆమె మెహందీతో ఉన్న చేతితో నిఖా నామా (వివాహ ఒప్పంద పత్రం)పై సంతకం చేస్తుండగా, మరొక ఫొటోలో తన భర్తతో కలిసి రాత్రిపూట ఆకాశంలో చంద్రుడిని చూస్తున్న దృశ్యం ఉంది. ఈ ఫొటోలో వారిద్దరూ వెనుక నుంచి మాత్రమే కనిపిస్తున్నారు. జైరా భర్త ముఖాన్ని మాత్రం రివీల్ చేయలేదు. ఈ పోస్ట్కు "ఖుబూల్ హై x3" (నాకు సమ్మతమే) అనే క్యాప్షన్ జోడించారు. ఈ వేడుకలో జైరా ఎరుపు రంగు దుపట్టా ధరించగా, ఆమె భర్త క్రీమ్ కలర్ షేర్వాణీలో కనిపించారు.
అమీర్ ఖాన్ నటించిన 'దంగల్' (2016) సినిమాతో జైరా నటిగా పరిచయమయ్యారు. ఈ చిత్రంలో రెజ్లర్ గీతా ఫోగట్ చిన్నప్పటి పాత్రలో అద్భుతంగా నటించి జాతీయ ఉత్తమ సహాయ నటి అవార్డును సైతం గెలుచుకున్నారు. ఆ తర్వాత 'ది స్కై ఈజ్ పింక్' అనే సినిమాలోనూ నటించారు. అయితే, తన మత విశ్వాసాలకు నటన అడ్డు వస్తోందని భావించి 2019లో చిత్ర పరిశ్రమకు దూరం అవుతున్నట్లు ఆమె ప్రకటించి సంచలనం సృష్టించారు. అప్పటి నుంచి నటనకు, ప్రచారానికి దూరంగా ఉంటున్న జైరా, ఇప్పుడు ఉన్నట్టుండి పెళ్లి ఫొటోలను పంచుకోవడంతో అభిమానులు, నెటిజన్లు ఆమెకు శుభాకాంక్షలు తెలుపుతున్నారు.
జైరా తన ఇన్స్టాగ్రామ్ ఖాతాలో రెండు చిత్రాలను పోస్ట్ చేశారు. ఒక ఫొటోలో ఆమె మెహందీతో ఉన్న చేతితో నిఖా నామా (వివాహ ఒప్పంద పత్రం)పై సంతకం చేస్తుండగా, మరొక ఫొటోలో తన భర్తతో కలిసి రాత్రిపూట ఆకాశంలో చంద్రుడిని చూస్తున్న దృశ్యం ఉంది. ఈ ఫొటోలో వారిద్దరూ వెనుక నుంచి మాత్రమే కనిపిస్తున్నారు. జైరా భర్త ముఖాన్ని మాత్రం రివీల్ చేయలేదు. ఈ పోస్ట్కు "ఖుబూల్ హై x3" (నాకు సమ్మతమే) అనే క్యాప్షన్ జోడించారు. ఈ వేడుకలో జైరా ఎరుపు రంగు దుపట్టా ధరించగా, ఆమె భర్త క్రీమ్ కలర్ షేర్వాణీలో కనిపించారు.
అమీర్ ఖాన్ నటించిన 'దంగల్' (2016) సినిమాతో జైరా నటిగా పరిచయమయ్యారు. ఈ చిత్రంలో రెజ్లర్ గీతా ఫోగట్ చిన్నప్పటి పాత్రలో అద్భుతంగా నటించి జాతీయ ఉత్తమ సహాయ నటి అవార్డును సైతం గెలుచుకున్నారు. ఆ తర్వాత 'ది స్కై ఈజ్ పింక్' అనే సినిమాలోనూ నటించారు. అయితే, తన మత విశ్వాసాలకు నటన అడ్డు వస్తోందని భావించి 2019లో చిత్ర పరిశ్రమకు దూరం అవుతున్నట్లు ఆమె ప్రకటించి సంచలనం సృష్టించారు. అప్పటి నుంచి నటనకు, ప్రచారానికి దూరంగా ఉంటున్న జైరా, ఇప్పుడు ఉన్నట్టుండి పెళ్లి ఫొటోలను పంచుకోవడంతో అభిమానులు, నెటిజన్లు ఆమెకు శుభాకాంక్షలు తెలుపుతున్నారు.
