Shubman Gill: రోహిత్, కోహ్లీతో నా బంధం పాతదే.. వాళ్ల సలహాలు తీసుకుంటా: గిల్
- గిల్ కెప్టెన్సీలో తొలిసారిగా బరిలోకి రోహిత్, కోహ్లీ
- సీనియర్లతో తన బంధంలో ఎలాంటి మార్పు లేదన్న గిల్
- వాళ్ల సలహాలు, అనుభవాలు ఎప్పుడూ తీసుకుంటానని వెల్లడి
- ధోనీ, కోహ్లీ, రోహిత్ వారసత్వం ముందుకు తీసుకెళ్లడం పెద్ద బాధ్యత అని వివరణ
భారత క్రికెట్లో సరికొత్త అధ్యాయం మొదలుకానుంది. యువ కెప్టెన్ శుభ్మన్ గిల్ నాయకత్వంలో సీనియర్ ఆటగాళ్లు రోహిత్ శర్మ, విరాట్ కోహ్లీ మొదటిసారిగా బరిలోకి దిగబోతున్నారు. ఈ నేపథ్యంలో వారిద్దరితో తన సంబంధాలపై వస్తున్న ఊహాగానాలకు గిల్ తెరదించాడు. కెప్టెన్సీ మారినా తమ మధ్య బంధంలో ఎలాంటి మార్పు రాలేదని స్పష్టం చేశాడు. ఆస్ట్రేలియాతో వన్డే సిరీస్ ప్రారంభానికి ముందు శనివారం పెర్త్లో గిల్ మీడియాతో మాట్లాడాడు.
"బయట ఎలాంటి ప్రచారం జరిగినా, మా మధ్య ఏమీ మారలేదు. అంతా పాతరోజుల్లాగే ఉంది. రోహిత్, విరాట్ భాయ్ ఇద్దరూ ఎంతో సహాయం చేస్తారు. వారి అనుభవాలను ఎప్పుడూ పంచుకుంటారు. ఈ పిచ్పై మీరు కెప్టెన్ అయితే ఏం చేసేవారని నేను రోహిత్ను అడిగాను. ఇతర ఆటగాళ్ల నుంచి సలహాలు తీసుకోవడం నాకు అలవాటు. వారితో నాకు మంచి సంబంధాలు ఉన్నాయి" " అని గిల్ అన్నాడు.
ఇద్దరు మాజీ కెప్టెన్ల నుంచి నాయకత్వ పాఠాలు నేర్చుకోవడానికి ఇది మంచి అవకాశమని గిల్ అభిప్రాయపడ్డాడు. "ఈ సిరీస్లో కష్టమైన పరిస్థితులు ఎదురైతే, వారిద్దరి సలహా తీసుకోవడానికి నేను అస్సలు సంకోచించను. వారి నుంచి నేను ఎన్నో విషయాలు నేర్చుకోగలను" అని గిల్ పేర్కొన్నాడు.
అయితే, తనపై పెద్ద బాధ్యత ఉందని గిల్ అంగీకరించాడు. "ధోనీ, కోహ్లీ, రోహిత్ శర్మ వంటి గొప్ప ఆటగాళ్ల వారసత్వాన్ని ముందుకు తీసుకెళ్లడం కచ్చితంగా పెద్ద బాధ్యత. జట్టును ఎలా నడిపించాలి, ఎలాంటి సంస్కృతిని నెలకొల్పాలనే దానిపై వారితో చాలాసార్లు మాట్లాడాను. వారి అనుభవాలు, సూచనలు జట్టుకు ఎంతగానో ఉపయోగపడతాయి" అని తెలిపాడు.
చాంపియన్స్ ట్రోఫీ ఫైనల్ తర్వాత రోహిత్, కోహ్లీ మళ్లీ భారత జెర్సీలో కనిపించడం ఇదే తొలిసారి. ఆస్ట్రేలియాతో మూడు వన్డేల సిరీస్లో భాగంగా పెర్త్ వేదికగా ఈ నెల 19న తొలి మ్యాచ్ జరగనుంది.
"బయట ఎలాంటి ప్రచారం జరిగినా, మా మధ్య ఏమీ మారలేదు. అంతా పాతరోజుల్లాగే ఉంది. రోహిత్, విరాట్ భాయ్ ఇద్దరూ ఎంతో సహాయం చేస్తారు. వారి అనుభవాలను ఎప్పుడూ పంచుకుంటారు. ఈ పిచ్పై మీరు కెప్టెన్ అయితే ఏం చేసేవారని నేను రోహిత్ను అడిగాను. ఇతర ఆటగాళ్ల నుంచి సలహాలు తీసుకోవడం నాకు అలవాటు. వారితో నాకు మంచి సంబంధాలు ఉన్నాయి" " అని గిల్ అన్నాడు.
ఇద్దరు మాజీ కెప్టెన్ల నుంచి నాయకత్వ పాఠాలు నేర్చుకోవడానికి ఇది మంచి అవకాశమని గిల్ అభిప్రాయపడ్డాడు. "ఈ సిరీస్లో కష్టమైన పరిస్థితులు ఎదురైతే, వారిద్దరి సలహా తీసుకోవడానికి నేను అస్సలు సంకోచించను. వారి నుంచి నేను ఎన్నో విషయాలు నేర్చుకోగలను" అని గిల్ పేర్కొన్నాడు.
అయితే, తనపై పెద్ద బాధ్యత ఉందని గిల్ అంగీకరించాడు. "ధోనీ, కోహ్లీ, రోహిత్ శర్మ వంటి గొప్ప ఆటగాళ్ల వారసత్వాన్ని ముందుకు తీసుకెళ్లడం కచ్చితంగా పెద్ద బాధ్యత. జట్టును ఎలా నడిపించాలి, ఎలాంటి సంస్కృతిని నెలకొల్పాలనే దానిపై వారితో చాలాసార్లు మాట్లాడాను. వారి అనుభవాలు, సూచనలు జట్టుకు ఎంతగానో ఉపయోగపడతాయి" అని తెలిపాడు.
చాంపియన్స్ ట్రోఫీ ఫైనల్ తర్వాత రోహిత్, కోహ్లీ మళ్లీ భారత జెర్సీలో కనిపించడం ఇదే తొలిసారి. ఆస్ట్రేలియాతో మూడు వన్డేల సిరీస్లో భాగంగా పెర్త్ వేదికగా ఈ నెల 19న తొలి మ్యాచ్ జరగనుంది.
