Keto Diet: బరువు తగ్గేందుకు కీటో డైట్... రొమ్ము క్యాన్సర్ ముప్పు ఉందంటున్న నిపుణులు!
- బరువు తగ్గేందుకు పాటించే కీటో డైట్తో బ్రెస్ట్ క్యాన్సర్ ముప్పు
- అమెరికా పరిశోధకుల అధ్యయనంలో వెల్లడైన కీలక విషయాలు
- రక్తంలోని అధిక కొవ్వులే క్యాన్సర్ కణితుల పెరుగుదలకు కారణం
- ఊబకాయం ఉన్న క్యాన్సర్ రోగులు కీటో డైట్కు దూరంగా ఉండాలని సూచన
- బరువు తగ్గినా కణితుల పెరుగుదల వేగవంతం కావొచ్చని హెచ్చరిక
బరువు తగ్గడం కోసం చాలామంది అనుసరించే కీటో డైట్ గురించి ఒక కీలకమైన హెచ్చరిక వెలువడింది. అధిక కొవ్వు, తక్కువ కార్బోహైడ్రేట్లు ఉండే ఈ ఆహార విధానం... ప్రమాదకరమైన బ్రెస్ట్ క్యాన్సర్ ముప్పును పెంచగలదని అమెరికాకు చెందిన తాజా అధ్యయనం ఒకటి తేల్చింది. జంతువులపై చేసిన ఈ పరిశోధనలో సంచలన విషయాలు వెలుగులోకి వచ్చాయి.
అమెరికాలోని ఉటా యూనివర్సిటీకి చెందిన హంట్స్మ్యాన్ క్యాన్సర్ ఇన్స్టిట్యూట్ పరిశోధకులు ఈ అధ్యయనం నిర్వహించారు. ఊబకాయం వల్ల శరీరంలో పెరిగే అధిక కొవ్వులే (లిపిడ్స్) క్యాన్సర్ కణితులు పెరగడానికి కారణమవుతాయని వారు గుర్తించారు. ముఖ్యంగా, ట్రిపుల్-నెగటివ్ బ్రెస్ట్ క్యాన్సర్ వంటి తీవ్రమైన రకాలకు ఇది మరింత ఆజ్యం పోస్తుందని స్పష్టం చేశారు. "క్యాన్సర్ కణాలకు కొవ్వులు ఒకరకంగా వ్యసనంలాంటివి. ఊబకాయంతో బాధపడే వారిలో కొవ్వులు అధికంగా ఉండటం వల్లే బ్రెస్ట్ క్యాన్సర్ ఎక్కువగా, మరింత తీవ్రంగా ఉంటోంది" అని పరిశోధన బృందానికి చెందిన కెరెన్ హిల్జెన్డార్ఫ్ వివరించారు.
ఈ పరిశోధన కోసం ఎలుకలపై ప్రయోగాలు చేశారు. కొన్ని ఎలుకలకు అధిక కొవ్వులు ఉన్న ఆహారాన్ని అందించగా, మరికొన్నింటికి ఊబకాయానికి సంకేతాలైన అధిక గ్లూకోజ్, ఇన్సులిన్ లేకుండా కేవలం రక్తంలో కొవ్వుల స్థాయి ఎక్కువగా ఉండేలా మార్పులు చేశారు. రక్తంలో అధిక స్థాయిలో కొవ్వులు ఉండటమే క్యాన్సర్ కణితుల పెరుగుదలను వేగవంతం చేయడానికి సరిపోతుందని ఈ ప్రయోగాల్లో తేలింది. అదే సమయంలో, శరీరంలో గ్లూకోజ్, ఇన్సులిన్ స్థాయిలు ఎక్కువగా ఉన్నప్పటికీ, కొవ్వుల శాతాన్ని తగ్గిస్తే కణితుల పెరుగుదల వేగం తగ్గిపోవడం గమనార్హం.
కీటో డైట్ వల్ల బరువు తగ్గవచ్చేమో గానీ, దానిలోని అధిక కొవ్వులు అనుకోని దుష్ప్రభావాలకు దారితీస్తాయని, చివరకు క్యాన్సర్ కణితి పెరిగేలా కూడా చేయవచ్చని పరిశోధకులు హెచ్చరిస్తున్నారు. ఊబకాయంతో బాధపడే బ్రెస్ట్ క్యాన్సర్ రోగులు, క్యాన్సర్ను జయించిన వారు కొవ్వులను తగ్గించే చికిత్సలు తీసుకోవడం మేలని, కీటో వంటి అధిక కొవ్వు ఆహారాలకు దూరంగా ఉండాలని సూచిస్తున్నారు. ఈ ఫలితాలు బ్రెస్ట్ క్యాన్సర్కే కాకుండా అండాశయ, పెద్దప్రేగు క్యాన్సర్లకు కూడా వర్తించే అవకాశం ఉందని అధ్యయనం పేర్కొంది. ఈ పరిశోధన వివరాలు 'క్యాన్సర్ అండ్ మెటబాలిజం' అనే జర్నల్లో ప్రచురితమయ్యాయి.
అమెరికాలోని ఉటా యూనివర్సిటీకి చెందిన హంట్స్మ్యాన్ క్యాన్సర్ ఇన్స్టిట్యూట్ పరిశోధకులు ఈ అధ్యయనం నిర్వహించారు. ఊబకాయం వల్ల శరీరంలో పెరిగే అధిక కొవ్వులే (లిపిడ్స్) క్యాన్సర్ కణితులు పెరగడానికి కారణమవుతాయని వారు గుర్తించారు. ముఖ్యంగా, ట్రిపుల్-నెగటివ్ బ్రెస్ట్ క్యాన్సర్ వంటి తీవ్రమైన రకాలకు ఇది మరింత ఆజ్యం పోస్తుందని స్పష్టం చేశారు. "క్యాన్సర్ కణాలకు కొవ్వులు ఒకరకంగా వ్యసనంలాంటివి. ఊబకాయంతో బాధపడే వారిలో కొవ్వులు అధికంగా ఉండటం వల్లే బ్రెస్ట్ క్యాన్సర్ ఎక్కువగా, మరింత తీవ్రంగా ఉంటోంది" అని పరిశోధన బృందానికి చెందిన కెరెన్ హిల్జెన్డార్ఫ్ వివరించారు.
ఈ పరిశోధన కోసం ఎలుకలపై ప్రయోగాలు చేశారు. కొన్ని ఎలుకలకు అధిక కొవ్వులు ఉన్న ఆహారాన్ని అందించగా, మరికొన్నింటికి ఊబకాయానికి సంకేతాలైన అధిక గ్లూకోజ్, ఇన్సులిన్ లేకుండా కేవలం రక్తంలో కొవ్వుల స్థాయి ఎక్కువగా ఉండేలా మార్పులు చేశారు. రక్తంలో అధిక స్థాయిలో కొవ్వులు ఉండటమే క్యాన్సర్ కణితుల పెరుగుదలను వేగవంతం చేయడానికి సరిపోతుందని ఈ ప్రయోగాల్లో తేలింది. అదే సమయంలో, శరీరంలో గ్లూకోజ్, ఇన్సులిన్ స్థాయిలు ఎక్కువగా ఉన్నప్పటికీ, కొవ్వుల శాతాన్ని తగ్గిస్తే కణితుల పెరుగుదల వేగం తగ్గిపోవడం గమనార్హం.
కీటో డైట్ వల్ల బరువు తగ్గవచ్చేమో గానీ, దానిలోని అధిక కొవ్వులు అనుకోని దుష్ప్రభావాలకు దారితీస్తాయని, చివరకు క్యాన్సర్ కణితి పెరిగేలా కూడా చేయవచ్చని పరిశోధకులు హెచ్చరిస్తున్నారు. ఊబకాయంతో బాధపడే బ్రెస్ట్ క్యాన్సర్ రోగులు, క్యాన్సర్ను జయించిన వారు కొవ్వులను తగ్గించే చికిత్సలు తీసుకోవడం మేలని, కీటో వంటి అధిక కొవ్వు ఆహారాలకు దూరంగా ఉండాలని సూచిస్తున్నారు. ఈ ఫలితాలు బ్రెస్ట్ క్యాన్సర్కే కాకుండా అండాశయ, పెద్దప్రేగు క్యాన్సర్లకు కూడా వర్తించే అవకాశం ఉందని అధ్యయనం పేర్కొంది. ఈ పరిశోధన వివరాలు 'క్యాన్సర్ అండ్ మెటబాలిజం' అనే జర్నల్లో ప్రచురితమయ్యాయి.
