అసలు వారం రోజులు చాలు.. ఉక్రెయిన్, రష్యా యుద్ధంపై ట్రంప్ సంచలన వ్యాఖ్యలు
- యుద్ధం మొదలుపెట్టిన వారం రోజుల్లో గెలవాల్సిందన్న ట్రంప్
- ఏళ్ల తరబడి సాగదీస్తూ రష్యన్ల ప్రాణాలు తీస్తున్నాడని పుతిన్ పై విమర్శ
- రష్యా– ఉక్రెయిన్ మధ్య కాల్పుల విరమణకు ఒప్పందం కుదిర్చానని వెల్లడి
వారి మధ్య ఉన్న ద్వేషం వల్లే యుద్ధానికి ముగింపు పలకడం కష్టమవుతోందని ట్రంప్ పేర్కొన్నారు. యుద్ధాన్ని ఆపి, ఇరు దేశాల మధ్య శాంతి నెలకొల్పేందుకు తాను కాల్పుల విరమణ ఒప్పందం కుదిర్చానని ఆయన తెలిపారు. అయితే, వారు ఈ ఒప్పందాన్ని ఉల్లంఘించి దాడులు జరుపుకుంటున్నారని విమర్శించారు. పశ్చిమాసియాలో శాంతి నెలకొల్పిన తాను ఉక్రెయిన్, రష్యా యుద్ధాన్ని ఆపలేకపోతున్నాననే ప్రచారం జరుగుతోందని, కానీ త్వరలోనే పుతిన్, జెలెన్ స్కీల మధ్య రాజీ కుదురుస్తానని ట్రంప్ పేర్కొన్నారు. వారం రోజుల్లో ముగించాల్సిన యుద్ధాన్ని నాలుగేళ్లుగా సాగదీయడం వల్ల పుతిన్ కు చెడ్డపేరు వస్తోందని ట్రంప్ వ్యాఖ్యానించారు.
