అసెంబ్లీలో ఒక మాట.. బయట మరో మాట: బీజేపీ, బీఆర్ఎస్లపై కూనంనేని ఫైర్
- బీసీ రిజర్వేషన్లపై హైకోర్టు స్టే విధించడంపై కూనంనేని వ్యాఖ్యలు
- బీజేపీ, బీఆర్ఎస్ పార్టీలు సంబరాలు చేసుకుంటున్నాయని తీవ్ర విమర్శ
- ప్రభుత్వంపై ద్వేషమా? లేక బీసీలపై ప్రేమ లేదా? అని నిలదీత
బీసీ రిజర్వేషన్ల అంశంపై హైకోర్టు ఇచ్చిన స్టే పట్ల బీజేపీ, బీఆర్ఎస్ ఆనందం వ్యక్తం చేస్తున్నాయని సీపీఐ రాష్ట్ర కార్యదర్శి కూనంనేని సాంబశివరావు తీవ్ర ఆరోపణలు చేశారు. ఈ రెండు పార్టీలకు బీసీల పట్ల ఏమాత్రం ప్రేమ లేదని, అందుకే కోర్టు తీర్పును ఒక పండుగలా జరుపుకుంటున్నాయని ఆయన విమర్శించారు.
హైదరాబాద్లో శనివారం ఏర్పాటు చేసిన మీడియా సమావేశంలో ఆయన మాట్లాడారు. బీసీ రిజర్వేషన్ల బిల్లును శాసనసభలో ఏకగ్రీవంగా ఆమోదించినప్పుడు మద్దతు పలికిన ఈ పార్టీలు, ఇప్పుడు బయటకొచ్చి వ్యతిరేకించడం వారి ద్వంద్వ వైఖరికి నిదర్శనమని అన్నారు. ప్రభుత్వంపై ఉన్న ద్వేషంతో బీసీలకు అన్యాయం చేస్తున్నారా? లేక నిజంగానే వారికి బీసీలంటే ప్రేమ లేదా? అని కూనంనేని ప్రశ్నించారు.
రిజర్వేషన్లు 50 శాతం మించరాదన్న సుప్రీంకోర్టు తీర్పు ఉందని, అయితే తమిళనాడులో రాజ్యాంగంలోని 9వ షెడ్యూల్లో చేర్చడం ద్వారా ఆ పరిమితిని అధిగమించారని కూనంనేని గుర్తుచేశారు. రాజ్యాంగ సవరణ చేసే అధికారం కేంద్రంలోని బీజేపీ ప్రభుత్వానికి ఉన్నప్పటికీ, బీసీలకు న్యాయం చేసేందుకు ముందుకు రావడం లేదని ఆయన విమర్శించారు. ఈ మొత్తం వ్యవహారంలో బీజేపీయే ప్రధాన దోషి అని ఆయన స్పష్టం చేశారు.
బీసీలకు న్యాయం జరిగే వరకు తమ పార్టీ పోరాడుతుందని, అందుకే ఈ కేసులో సీపీఐ ఇంప్లీడ్ అయిందని సాంబశివరావు తెలిపారు. బీసీ రిజర్వేషన్లకు అడ్డుపడుతున్న బీజేపీకి బీఆర్ఎస్ వంత పాడుతోందని ఆయన ఆరోపించారు.
హైదరాబాద్లో శనివారం ఏర్పాటు చేసిన మీడియా సమావేశంలో ఆయన మాట్లాడారు. బీసీ రిజర్వేషన్ల బిల్లును శాసనసభలో ఏకగ్రీవంగా ఆమోదించినప్పుడు మద్దతు పలికిన ఈ పార్టీలు, ఇప్పుడు బయటకొచ్చి వ్యతిరేకించడం వారి ద్వంద్వ వైఖరికి నిదర్శనమని అన్నారు. ప్రభుత్వంపై ఉన్న ద్వేషంతో బీసీలకు అన్యాయం చేస్తున్నారా? లేక నిజంగానే వారికి బీసీలంటే ప్రేమ లేదా? అని కూనంనేని ప్రశ్నించారు.
రిజర్వేషన్లు 50 శాతం మించరాదన్న సుప్రీంకోర్టు తీర్పు ఉందని, అయితే తమిళనాడులో రాజ్యాంగంలోని 9వ షెడ్యూల్లో చేర్చడం ద్వారా ఆ పరిమితిని అధిగమించారని కూనంనేని గుర్తుచేశారు. రాజ్యాంగ సవరణ చేసే అధికారం కేంద్రంలోని బీజేపీ ప్రభుత్వానికి ఉన్నప్పటికీ, బీసీలకు న్యాయం చేసేందుకు ముందుకు రావడం లేదని ఆయన విమర్శించారు. ఈ మొత్తం వ్యవహారంలో బీజేపీయే ప్రధాన దోషి అని ఆయన స్పష్టం చేశారు.
బీసీలకు న్యాయం జరిగే వరకు తమ పార్టీ పోరాడుతుందని, అందుకే ఈ కేసులో సీపీఐ ఇంప్లీడ్ అయిందని సాంబశివరావు తెలిపారు. బీసీ రిజర్వేషన్లకు అడ్డుపడుతున్న బీజేపీకి బీఆర్ఎస్ వంత పాడుతోందని ఆయన ఆరోపించారు.
