Ramya: నటి రమ్యకు అసభ్యకర మెసేజ్లు.. దర్శన్ అభిమానులపై 380 పేజీల ఛార్జ్షీట్
- నటి రమ్యపై ట్రోలింగ్ కేసులో 12 మందిపై ఛార్జ్షీట్ దాఖలు
- నిందితులంతా నటుడు దర్శన్ అభిమానులేనని నిర్ధారణ
- కోర్టుకు 380 పేజీల ఛార్జ్షీట్ను సమర్పించిన బెంగళూరు సీసీబీ
- అభిమాని హత్య కేసుపై స్పందించడంతో రమ్యపై వేధింపులు
- రేప్ చేస్తామంటూ బెదిరించారని రమ్య ఫిర్యాదు
కన్నడ నటి, మాజీ ఎంపీ రమ్యకు సోషల్ మీడియాలో అసభ్యకర సందేశాలు పంపిన కేసులో కర్ణాటక పోలీసులు కీలక ముందడుగు వేశారు. నటుడు దర్శన్ అభిమానులుగా గుర్తించిన 12 మందిపై గురువారం కోర్టులో ఛార్జ్షీట్ దాఖలు చేశారు. బెంగళూరు సెంట్రల్ క్రైమ్ బ్రాంచ్ (సీసీబీ) అధికారులు 45వ అదనపు చీఫ్ జ్యుడీషియల్ మేజిస్ట్రేట్ (ఏసీజేఎం) కోర్టుకు 380 పేజీల భారీ ఛార్జ్షీట్ను సమర్పించారు.
నటుడు దర్శన్ అభిమాని హత్య కేసులో బాధితురాలి కుటుంబానికి న్యాయం జరగాలని రమ్య సోషల్ మీడియాలో పోస్ట్ చేశారు. దీంతో ఆగ్రహానికి గురైన దర్శన్ అభిమానులు ఆమెను లక్ష్యంగా చేసుకుని అసభ్య పదజాలంతో దూషణలకు దిగారు. కొందరైతే అత్యాచారం చేస్తామంటూ తీవ్రంగా బెదిరించారు. ఈ ఘటనపై రమ్య జులై 28న బెంగళూరు పోలీస్ కమిషనర్ సీమంత్ కుమార్ సింగ్కు ఫిర్యాదు చేశారు. తనను వేధిస్తున్న 43 సోషల్ మీడియా ఖాతాల వివరాలను పోలీసులకు అందించారు.
ఈ ఫిర్యాదు ఆధారంగా దర్యాప్తు చేపట్టిన పోలీసులు ఇప్పటివరకు 12 మందిని అరెస్ట్ చేశారు. నిందితులంతా దర్శన్ అభిమానులేనని విచారణలో తేలింది. ఛార్జ్షీట్లో రమ్య వాంగ్మూలంతో పాటు నిందితులు అంగీకరించిన నేర వివరాలను, సోషల్ మీడియాలో పెట్టిన పోస్టుల స్క్రీన్షాట్లను పోలీసులు జతపరిచారు. అరెస్ట్ అయిన వారిలో నలుగురు ప్రస్తుతం జైల్లో ఉండగా, మిగతా వారు బెయిల్పై విడుదలయ్యారు.
ఈ సందర్భంగా రమ్య మాట్లాడుతూ... "సామాన్యులకు కూడా న్యాయంపై నమ్మకం కలిగించేందుకే దర్శన్ బెయిల్ పిటిషన్పై సుప్రీంకోర్టు పరిణామాల గురించి పోస్ట్ చేశాను. ఆ తర్వాతే నాపై ట్రోలింగ్ మొదలైంది. ఒక మహిళ గొంతుకగా ఈ ఫిర్యాదు చేశాను. నాకే ఇలా జరిగితే, సాధారణ మహిళల పరిస్థితి ఏంటి?" అని ప్రశ్నించారు. సెలబ్రిటీలుగా ఉన్నవారు చట్టాన్ని గౌరవిస్తూ ఇతరులకు ఆదర్శంగా నిలవాలని, తన అభిమానులు ఇలాంటి చర్యలకు పాల్పడవద్దని దర్శన్ చెప్పి ఉండాల్సిందని ఆమె అభిప్రాయపడ్డారు.
ఈ కేసులో మరో ఆరుగురు నిందితుల కోసం పోలీసులు గాలిస్తున్నారు. వారిని అరెస్ట్ చేశాక అదనపు ఛార్జ్షీట్ దాఖలు చేస్తామని అధికారులు తెలిపారు. త్వరలోనే ఈ కేసు విచారణను కోర్టు చేపట్టనుంది. కాగా, అభిమాని హత్య కేసులో దర్శన్ రెండో నిందితుడిగా, ఆయన స్నేహితురాలు పవిత్ర గౌడ మొదటి నిందితురాలిగా బెంగళూరు సెంట్రల్ జైల్లో ఉన్న విషయం తెలిసిందే.
నటుడు దర్శన్ అభిమాని హత్య కేసులో బాధితురాలి కుటుంబానికి న్యాయం జరగాలని రమ్య సోషల్ మీడియాలో పోస్ట్ చేశారు. దీంతో ఆగ్రహానికి గురైన దర్శన్ అభిమానులు ఆమెను లక్ష్యంగా చేసుకుని అసభ్య పదజాలంతో దూషణలకు దిగారు. కొందరైతే అత్యాచారం చేస్తామంటూ తీవ్రంగా బెదిరించారు. ఈ ఘటనపై రమ్య జులై 28న బెంగళూరు పోలీస్ కమిషనర్ సీమంత్ కుమార్ సింగ్కు ఫిర్యాదు చేశారు. తనను వేధిస్తున్న 43 సోషల్ మీడియా ఖాతాల వివరాలను పోలీసులకు అందించారు.
ఈ ఫిర్యాదు ఆధారంగా దర్యాప్తు చేపట్టిన పోలీసులు ఇప్పటివరకు 12 మందిని అరెస్ట్ చేశారు. నిందితులంతా దర్శన్ అభిమానులేనని విచారణలో తేలింది. ఛార్జ్షీట్లో రమ్య వాంగ్మూలంతో పాటు నిందితులు అంగీకరించిన నేర వివరాలను, సోషల్ మీడియాలో పెట్టిన పోస్టుల స్క్రీన్షాట్లను పోలీసులు జతపరిచారు. అరెస్ట్ అయిన వారిలో నలుగురు ప్రస్తుతం జైల్లో ఉండగా, మిగతా వారు బెయిల్పై విడుదలయ్యారు.
ఈ సందర్భంగా రమ్య మాట్లాడుతూ... "సామాన్యులకు కూడా న్యాయంపై నమ్మకం కలిగించేందుకే దర్శన్ బెయిల్ పిటిషన్పై సుప్రీంకోర్టు పరిణామాల గురించి పోస్ట్ చేశాను. ఆ తర్వాతే నాపై ట్రోలింగ్ మొదలైంది. ఒక మహిళ గొంతుకగా ఈ ఫిర్యాదు చేశాను. నాకే ఇలా జరిగితే, సాధారణ మహిళల పరిస్థితి ఏంటి?" అని ప్రశ్నించారు. సెలబ్రిటీలుగా ఉన్నవారు చట్టాన్ని గౌరవిస్తూ ఇతరులకు ఆదర్శంగా నిలవాలని, తన అభిమానులు ఇలాంటి చర్యలకు పాల్పడవద్దని దర్శన్ చెప్పి ఉండాల్సిందని ఆమె అభిప్రాయపడ్డారు.
ఈ కేసులో మరో ఆరుగురు నిందితుల కోసం పోలీసులు గాలిస్తున్నారు. వారిని అరెస్ట్ చేశాక అదనపు ఛార్జ్షీట్ దాఖలు చేస్తామని అధికారులు తెలిపారు. త్వరలోనే ఈ కేసు విచారణను కోర్టు చేపట్టనుంది. కాగా, అభిమాని హత్య కేసులో దర్శన్ రెండో నిందితుడిగా, ఆయన స్నేహితురాలు పవిత్ర గౌడ మొదటి నిందితురాలిగా బెంగళూరు సెంట్రల్ జైల్లో ఉన్న విషయం తెలిసిందే.
