AP High Court: పీపీపీ విధానంలో వైద్య కళాశాలల నిర్మాణం .. ఏపీ హైకోర్టు కీలక వ్యాఖ్యలు
- పీపీపీ విధానంలో వైద్య కళాశాలలు నిర్మిస్తే తప్పేమిటన్న హైకోర్టు
- టెండర్లపై స్టే ఇచ్చేందుకు హైకోర్టు విముఖత
- తుదపరి విచారణ అక్టోబర్ 29కి వాయిదా
ఆంధ్రప్రదేశ్లో పబ్లిక్ ప్రైవేట్ పార్ట్నర్షిప్ (పీపీపీ) విధానంలో వైద్య కళాశాలల నిర్మాణానికి ప్రభుత్వం తీసుకున్న నిర్ణయంపై హైకోర్టు కీలక వ్యాఖ్యలు చేసింది. ఈ నిర్ణయంలో న్యాయస్థానం జోక్యం చేసుకోలేదని స్పష్టం చేస్తూ, "ప్రభుత్వం ప్రైవేటు భాగస్వామ్యంతో వైద్య కళాశాలలు నిర్మిస్తే తప్పేమిటి?" అని ధర్మాసనం ప్రశ్నించింది.
ప్రభుత్వం పిలిచిన టెండర్లపై స్టే ఇవ్వడానికి హైకోర్టు నిరాకరించింది. "పూర్తిగా ప్రైవేటుకు అప్పగించడం కాకుండా ప్రభుత్వ భాగస్వామ్యం ఉండడం మంచిదే. పీపీపీ విధానంలో ఆసుపత్రుల నిర్మాణం ప్రభుత్వ విధానపరమైన నిర్ణయం. రాజ్యాంగం లేదా చట్టాన్ని ఉల్లంఘించే నిర్ణయాల్లో తప్ప న్యాయస్థానం జోక్యం చేసుకోదు" అని పేర్కొంది.
ధర్మాసనం వ్యాఖ్యలు:
"నిధుల కొరత కారణంగా ప్రభుత్వం పీపీపీ విధానాన్ని ఎంచుకొని ఉండవచ్చు. అది తప్పెలా అవుతుంది? నిధులున్నప్పుడే కట్టాలంటే ఎన్నేళ్లు పడుతుంది. జిల్లాల్లో కోర్టు భవనాలు కూడా నిధుల లేమితో నిలిచిపోయాయి. ఇలాంటి పరిస్థితుల్లో ప్రభుత్వం ప్రైవేటు భాగస్వామ్యంతో ముందుకు రావడం సమంజసమే. ఇలాంటి అంశాల్లో నిర్మాణాత్మకంగా వ్యవహరించాలి, లేకపోతే ప్రభుత్వ వైద్య కళాశాలలు ఎప్పటికీ అభివృద్ధి చెందవు" అని ప్రధాన న్యాయమూర్తి జస్టిస్ ధీరజ్సింగ్ ఠాకూర్, జస్టిస్ చీమలపాటి రవి వ్యాఖ్యానించారు.
పిల్ వివరాలు:
ప్రభుత్వ జీవోపై గుంటూరు జిల్లా తాడేపల్లికి చెందిన సామాజిక కార్యకర్త డాక్టర్ కుర్రా వసుంధర పిల్ దాఖలు చేశారు. ఆమె తరఫున సీనియర్ న్యాయవాది శ్రీరామ్ వాదనలు వినిపిస్తూ, "ప్రజాప్రయోజనాలను పణంగా పెట్టి వైద్య కళాశాలలను ప్రైవేటీకరణ చేస్తున్నారు. 33 ఏళ్ల పాటు ప్రైవేటు సంస్థలు కళాశాలల నిర్వహణ చేస్తాయి. వైద్య కళాశాలల నిర్మాణ పనులు నిలిపివేస్తూ రాష్ట్ర ప్రభుత్వం సెప్టెంబర్లో నిర్ణయం తీసుకుంది. గత ప్రభుత్వ హయాంలో 12 వైద్య కళాశాలలకు రూ.5,800 కోట్లతో పరిపాలనపరమైన అనుమతులు ఇచ్చారు" అని వివరించారు.
దీనిపై ధర్మాసనం స్పందిస్తూ, "పరిపాలనపరమైన అనుమతులు ఇచ్చారనే మాట సరిపోదు. నిధులు కూడా విడుదల చేయాలి కదా? అంత పెద్ద మొత్తాన్ని ప్రభుత్వం ఖర్చు చేయగల స్థితిలో ఉందా?" అని ప్రశ్నించింది.
జీవో 590 నేపథ్యం:
రాష్ట్రంలో ఆదోని, మదనపల్లె, మార్కాపురం, పులివెందుల, పెనుకొండ, పాలకొల్లు, అమలాపురం, నర్సీపట్నం, బాపట్ల, పార్వతీపురం వైద్య కళాశాలలను ప్రభుత్వ – ప్రైవేటు భాగస్వామ్యంతో అభివృద్ధి చేయాలని ప్రభుత్వం ఈ ఏడాది సెప్టెంబర్ 9న జీవో 590 ద్వారా నిర్ణయించింది.
హైకోర్టు ఈ కేసులో సీఎస్, వైద్య ఆరోగ్య శాఖ ముఖ్య కార్యదర్శి, ఏపీ వైద్య సేవలు మరియు మౌలిక వసతుల అభివృద్ధి సంస్థ (ఏపీఎంఎస్ఐడీసీ) ఎండీ, వైద్య విద్యా పరిశోధన సంస్థ ఎండీకి నోటీసులు జారీచేసి, తదుపరి విచారణను అక్టోబర్ 29కి వాయిదా వేసింది.
ప్రభుత్వం పిలిచిన టెండర్లపై స్టే ఇవ్వడానికి హైకోర్టు నిరాకరించింది. "పూర్తిగా ప్రైవేటుకు అప్పగించడం కాకుండా ప్రభుత్వ భాగస్వామ్యం ఉండడం మంచిదే. పీపీపీ విధానంలో ఆసుపత్రుల నిర్మాణం ప్రభుత్వ విధానపరమైన నిర్ణయం. రాజ్యాంగం లేదా చట్టాన్ని ఉల్లంఘించే నిర్ణయాల్లో తప్ప న్యాయస్థానం జోక్యం చేసుకోదు" అని పేర్కొంది.
ధర్మాసనం వ్యాఖ్యలు:
"నిధుల కొరత కారణంగా ప్రభుత్వం పీపీపీ విధానాన్ని ఎంచుకొని ఉండవచ్చు. అది తప్పెలా అవుతుంది? నిధులున్నప్పుడే కట్టాలంటే ఎన్నేళ్లు పడుతుంది. జిల్లాల్లో కోర్టు భవనాలు కూడా నిధుల లేమితో నిలిచిపోయాయి. ఇలాంటి పరిస్థితుల్లో ప్రభుత్వం ప్రైవేటు భాగస్వామ్యంతో ముందుకు రావడం సమంజసమే. ఇలాంటి అంశాల్లో నిర్మాణాత్మకంగా వ్యవహరించాలి, లేకపోతే ప్రభుత్వ వైద్య కళాశాలలు ఎప్పటికీ అభివృద్ధి చెందవు" అని ప్రధాన న్యాయమూర్తి జస్టిస్ ధీరజ్సింగ్ ఠాకూర్, జస్టిస్ చీమలపాటి రవి వ్యాఖ్యానించారు.
పిల్ వివరాలు:
ప్రభుత్వ జీవోపై గుంటూరు జిల్లా తాడేపల్లికి చెందిన సామాజిక కార్యకర్త డాక్టర్ కుర్రా వసుంధర పిల్ దాఖలు చేశారు. ఆమె తరఫున సీనియర్ న్యాయవాది శ్రీరామ్ వాదనలు వినిపిస్తూ, "ప్రజాప్రయోజనాలను పణంగా పెట్టి వైద్య కళాశాలలను ప్రైవేటీకరణ చేస్తున్నారు. 33 ఏళ్ల పాటు ప్రైవేటు సంస్థలు కళాశాలల నిర్వహణ చేస్తాయి. వైద్య కళాశాలల నిర్మాణ పనులు నిలిపివేస్తూ రాష్ట్ర ప్రభుత్వం సెప్టెంబర్లో నిర్ణయం తీసుకుంది. గత ప్రభుత్వ హయాంలో 12 వైద్య కళాశాలలకు రూ.5,800 కోట్లతో పరిపాలనపరమైన అనుమతులు ఇచ్చారు" అని వివరించారు.
దీనిపై ధర్మాసనం స్పందిస్తూ, "పరిపాలనపరమైన అనుమతులు ఇచ్చారనే మాట సరిపోదు. నిధులు కూడా విడుదల చేయాలి కదా? అంత పెద్ద మొత్తాన్ని ప్రభుత్వం ఖర్చు చేయగల స్థితిలో ఉందా?" అని ప్రశ్నించింది.
జీవో 590 నేపథ్యం:
రాష్ట్రంలో ఆదోని, మదనపల్లె, మార్కాపురం, పులివెందుల, పెనుకొండ, పాలకొల్లు, అమలాపురం, నర్సీపట్నం, బాపట్ల, పార్వతీపురం వైద్య కళాశాలలను ప్రభుత్వ – ప్రైవేటు భాగస్వామ్యంతో అభివృద్ధి చేయాలని ప్రభుత్వం ఈ ఏడాది సెప్టెంబర్ 9న జీవో 590 ద్వారా నిర్ణయించింది.
హైకోర్టు ఈ కేసులో సీఎస్, వైద్య ఆరోగ్య శాఖ ముఖ్య కార్యదర్శి, ఏపీ వైద్య సేవలు మరియు మౌలిక వసతుల అభివృద్ధి సంస్థ (ఏపీఎంఎస్ఐడీసీ) ఎండీ, వైద్య విద్యా పరిశోధన సంస్థ ఎండీకి నోటీసులు జారీచేసి, తదుపరి విచారణను అక్టోబర్ 29కి వాయిదా వేసింది.
