Deepti Sharma: ఐసీసీ మహిళల ప్రపంచకప్... శ్రీలంకకు భారీ లక్ష్యం నిర్దేశించిన భారత్
- మహిళల ప్రపంచకప్లో శ్రీలంకతో భారత్ తొలి మ్యాచ్
- టాస్ గెలిచి ఫీల్డింగ్ ఎంచుకున్న శ్రీలంక
- మిడిలార్డర్లో కుప్పకూలిన భారత బ్యాటింగ్ లైనప్
- అర్ధశతకాలతో ఆదుకున్న దీప్తి శర్మ, అమన్జోత్ కౌర్
- శ్రీలంక బౌలర్ ఇనోక రణవీరకు నాలుగు వికెట్లు
- ప్రత్యర్థి ముందు 270 పరుగుల లక్ష్యం నిర్దేశించిన టీమిండియా
నేడు ప్రారంభమైన ఐసీసీ మహిళల ప్రపంచకప్ 2025 టోర్నీ తొలి మ్యాచ్ లో భారత్, శ్రీలంక తలపడుతున్నాయి. వర్షం అంతరాయం కలిగించిన ఈ ఈ మ్యాచ్ లో టాస్ ఓడి బ్యాటింగ్ కు దిగిన ఆతిథ్య భారత్ జట్టు నిర్ణీత 47 ఓవర్లలో 8 వికెట్ల నష్టానికి 269 పరుగులు చేసింది. మిడిలార్డర్ విఫలమైనప్పటికీ, దీప్తి శర్మ, అమన్జోత్ కౌర్ల అద్భుత అర్ధశతకాలతో టీమిండియా తిరిగి కోలుకుంది.
గువాహటిలోని బర్సపరా స్టేడియంలో జరుగుతున్న ఈ మ్యాచ్లో శ్రీలంక టాస్ గెలిచి బౌలింగ్ ఎంచుకుంది. బ్యాటింగ్కు దిగిన భారత్కు ఆశించిన ఆరంభం లభించలేదు. ఓపెనర్ స్మృతి మంధన (8) త్వరగానే వెనుదిరిగింది. ఆ తర్వాత మరో ఓపెనర్ ప్రతిక రావల్ (37), హర్లీన్ డియోల్ (48) కలిసి ఇన్నింగ్స్ను చక్కదిద్దే ప్రయత్నం చేశారు. వీరిద్దరూ కుదురుకున్నాక భారత్ మంచి స్కోరు చేసేలా కనిపించింది.
అయితే, శ్రీలంక స్పిన్నర్ ఇనోక రణవీర తన మాయాజాలంతో మ్యాచ్ను ఒక్కసారిగా మలుపుతిప్పింది. ఒకే ఓవర్లో హర్లీన్ డియోల్, జెమీమా రోడ్రిగ్స్ (0), కెప్టెన్ హర్మన్ప్రీత్ కౌర్ (21) వికెట్లను పడగొట్టి భారత బ్యాటింగ్ నడ్డి విరిచింది. దీంతో భారత్ 120/3 నుంచి 124/6కి పడిపోయి పీకల్లోతు కష్టాల్లో చిక్కుకుంది.
ఈ క్లిష్ట పరిస్థితుల్లో దీప్తి శర్మ (53), అమన్జోత్ కౌర్ (57) అద్భుతమైన భాగస్వామ్యంతో జట్టును ఆదుకున్నారు. వీరిద్దరూ సంయమనంతో ఆడుతూనే చెత్త బంతులను బౌండరీకి తరలించి స్కోరు బోర్డును ముందుకు నడిపించారు. కీలకమైన సెంచరీ భాగస్వామ్యం నెలకొల్పి జట్టును పటిష్ట స్థితిలో నిలిపారు. చివర్లో స్నేహ్ రాణా కేవలం 15 బంతుల్లో 2 ఫోర్లు, 2 సిక్సర్లతో 28 పరుగులు చేసి మెరుపు ఇన్నింగ్స్ ఆడటంతో భారత్ 269 పరుగులకు చేరుకోగలిగింది. శ్రీలంక బౌలర్లలో ఇనోక రణవీర 4 వికెట్లతో చెలరేగగా, ఉదేశిక ప్రభోదని 2 వికెట్లు పడగొట్టింది.
గువాహటిలోని బర్సపరా స్టేడియంలో జరుగుతున్న ఈ మ్యాచ్లో శ్రీలంక టాస్ గెలిచి బౌలింగ్ ఎంచుకుంది. బ్యాటింగ్కు దిగిన భారత్కు ఆశించిన ఆరంభం లభించలేదు. ఓపెనర్ స్మృతి మంధన (8) త్వరగానే వెనుదిరిగింది. ఆ తర్వాత మరో ఓపెనర్ ప్రతిక రావల్ (37), హర్లీన్ డియోల్ (48) కలిసి ఇన్నింగ్స్ను చక్కదిద్దే ప్రయత్నం చేశారు. వీరిద్దరూ కుదురుకున్నాక భారత్ మంచి స్కోరు చేసేలా కనిపించింది.
అయితే, శ్రీలంక స్పిన్నర్ ఇనోక రణవీర తన మాయాజాలంతో మ్యాచ్ను ఒక్కసారిగా మలుపుతిప్పింది. ఒకే ఓవర్లో హర్లీన్ డియోల్, జెమీమా రోడ్రిగ్స్ (0), కెప్టెన్ హర్మన్ప్రీత్ కౌర్ (21) వికెట్లను పడగొట్టి భారత బ్యాటింగ్ నడ్డి విరిచింది. దీంతో భారత్ 120/3 నుంచి 124/6కి పడిపోయి పీకల్లోతు కష్టాల్లో చిక్కుకుంది.
ఈ క్లిష్ట పరిస్థితుల్లో దీప్తి శర్మ (53), అమన్జోత్ కౌర్ (57) అద్భుతమైన భాగస్వామ్యంతో జట్టును ఆదుకున్నారు. వీరిద్దరూ సంయమనంతో ఆడుతూనే చెత్త బంతులను బౌండరీకి తరలించి స్కోరు బోర్డును ముందుకు నడిపించారు. కీలకమైన సెంచరీ భాగస్వామ్యం నెలకొల్పి జట్టును పటిష్ట స్థితిలో నిలిపారు. చివర్లో స్నేహ్ రాణా కేవలం 15 బంతుల్లో 2 ఫోర్లు, 2 సిక్సర్లతో 28 పరుగులు చేసి మెరుపు ఇన్నింగ్స్ ఆడటంతో భారత్ 269 పరుగులకు చేరుకోగలిగింది. శ్రీలంక బౌలర్లలో ఇనోక రణవీర 4 వికెట్లతో చెలరేగగా, ఉదేశిక ప్రభోదని 2 వికెట్లు పడగొట్టింది.
