Gali Janardhan Reddy: ఆలయంపై కుట్ర.. తెరవెనుక రాహుల్ గాంధీ.. ఎమ్మెల్యే గాలి సంచలన ఆరోపణలు
ప్రముఖ పుణ్యక్షేత్రం ధర్మస్థల మంజునాథ ఆలయం కేంద్రంగా కర్ణాటక రాజకీయాలు వేడెక్కాయి. హిందూ ఆలయాలపై కాంగ్రెస్ పార్టీ కుట్రపూరితంగా దుష్ప్రచారం చేయిస్తోందని గంగావతి ఎమ్మెల్యే గాలి జనార్దన్ రెడ్డి చేసిన ఆరోపణలు తీవ్ర దుమారం రేపాయి. ఈ వ్యాఖ్యలపై కాంగ్రెస్ ఎంపీ శశికాంత్ సెంథిల్ తీవ్రంగా స్పందించారు. తనపై నిరాధార ఆరోపణలు చేశారంటూ జనార్దన్ రెడ్డిపై బెంగళూరు సిటీ సివిల్ కోర్టులో శనివారం పరువునష్టం దావా వేశారు.
అంతకుముందు బళ్లారిలోని తన నివాసంలో బీజేపీ నేతలతో కలిసి గాలి జనార్దన్ రెడ్డి మీడియాతో మాట్లాడారు. ధర్మస్థల ఆలయంలో హత్యలు జరిగాయంటూ కొందరు యూట్యూబర్ల చేత కాంగ్రెస్ ఎంపీ శశికాంత్ సెంథిల్ ఉద్దేశపూర్వకంగా అసత్య ప్రచారం చేయించారని ఆయన ఆరోపించారు. ఈ కుట్ర వెనుక కాంగ్రెస్ అగ్రనేత రాహుల్ గాంధీ కూడా ఉన్నారని విమర్శించారు. హిందువుల మనోభావాలను దెబ్బతీయడమే లక్ష్యంగా కాంగ్రెస్ పార్టీ ఈ చర్యలకు పాల్పడుతోందని అన్నారు.
ఈ మొత్తం వ్యవహారంపై నిజానిజాలు తేలాలంటే సీబీఐ లేదా ఎన్ఐఏతో విచారణ జరిపించాలని జనార్దన్ రెడ్డి డిమాండ్ చేశారు. ఇదే సమయంలో, ధర్మస్థలంలో మృతదేహాలను పాతిపెట్టానని పోలీసులకు ఫిర్యాదు చేసిన మాజీ పారిశుద్ధ్య కార్మికుడు చన్నయ్య అసలు నిజాన్ని అంగీకరించాడని గుర్తుచేశారు. కొందరి ఒత్తిడి వల్లే తాను తప్పుడు ఫిర్యాదు చేసినట్టు అతడు ఒప్పుకున్నాడని తెలిపారు.
ఆలయంపై అసత్య ఆరోపణలు చేస్తూ పోలీసులను తప్పుదోవ పట్టించిన మాజీ కార్మికుడు చన్నయ్యను కోర్టు 14 రోజుల జ్యుడీషియల్ రిమాండ్కు తరలించింది. ఒకవైపు రాజకీయ నేతల మధ్య ఆరోపణలు, పరువునష్టం దావాలు, మరోవైపు తప్పుడు ఫిర్యాదు చేసిన వ్యక్తికి రిమాండ్ విధించడంతో ఈ వివాదం మరింత సంక్లిష్టంగా మారింది.
అంతకుముందు బళ్లారిలోని తన నివాసంలో బీజేపీ నేతలతో కలిసి గాలి జనార్దన్ రెడ్డి మీడియాతో మాట్లాడారు. ధర్మస్థల ఆలయంలో హత్యలు జరిగాయంటూ కొందరు యూట్యూబర్ల చేత కాంగ్రెస్ ఎంపీ శశికాంత్ సెంథిల్ ఉద్దేశపూర్వకంగా అసత్య ప్రచారం చేయించారని ఆయన ఆరోపించారు. ఈ కుట్ర వెనుక కాంగ్రెస్ అగ్రనేత రాహుల్ గాంధీ కూడా ఉన్నారని విమర్శించారు. హిందువుల మనోభావాలను దెబ్బతీయడమే లక్ష్యంగా కాంగ్రెస్ పార్టీ ఈ చర్యలకు పాల్పడుతోందని అన్నారు.
ఈ మొత్తం వ్యవహారంపై నిజానిజాలు తేలాలంటే సీబీఐ లేదా ఎన్ఐఏతో విచారణ జరిపించాలని జనార్దన్ రెడ్డి డిమాండ్ చేశారు. ఇదే సమయంలో, ధర్మస్థలంలో మృతదేహాలను పాతిపెట్టానని పోలీసులకు ఫిర్యాదు చేసిన మాజీ పారిశుద్ధ్య కార్మికుడు చన్నయ్య అసలు నిజాన్ని అంగీకరించాడని గుర్తుచేశారు. కొందరి ఒత్తిడి వల్లే తాను తప్పుడు ఫిర్యాదు చేసినట్టు అతడు ఒప్పుకున్నాడని తెలిపారు.
ఆలయంపై అసత్య ఆరోపణలు చేస్తూ పోలీసులను తప్పుదోవ పట్టించిన మాజీ కార్మికుడు చన్నయ్యను కోర్టు 14 రోజుల జ్యుడీషియల్ రిమాండ్కు తరలించింది. ఒకవైపు రాజకీయ నేతల మధ్య ఆరోపణలు, పరువునష్టం దావాలు, మరోవైపు తప్పుడు ఫిర్యాదు చేసిన వ్యక్తికి రిమాండ్ విధించడంతో ఈ వివాదం మరింత సంక్లిష్టంగా మారింది.
