Shehbaz Sharif: పుతిన్ ముందు మళ్లీ నవ్వుల పాలైన పాక్ ప్రధాని.. పాత సీనే మళ్లీ రిపీట్!
- రష్యా అధ్యక్షుడితో భేటీలో పాక్ ప్రధాని షెహబాజ్ షరీఫ్కు ఇబ్బంది
- చెవిలోంచి పదేపదే జారిపోయిన ఇయర్ఫోన్
- షెహబాజ్ అవస్థలు చూసి చిరునవ్వు చిందించిన పుతిన్
- 2022లోనూ ఉజ్బెకిస్థాన్లో ఇలాగే జరగడంతో వైరల్ అయిన వీడియోలు
- షాంఘై సదస్సులోనూ పాక్ ప్రధానికి పలు ఇబ్బందికర సంఘటనలు
పాకిస్థాన్ ప్రధాని షెహబాజ్ షరీఫ్ను పాత ఇబ్బందే కొత్తగా వెంటాడింది. అంతర్జాతీయ వేదికపై రష్యా అధ్యక్షుడు వ్లాదిమిర్ పుతిన్ ఎదుట ఆయన మరోసారి నవ్వుల పాలయ్యారు. మూడేళ్ల క్రితం జరిగిన ఘటనే పునరావృతం కావడంతో ఆయన ఇబ్బంది పడిన వీడియో ప్రస్తుతం సోషల్ మీడియాలో వైరల్ అవుతోంది.
వివరాల్లోకి వెళితే.. ఇటీవల చైనాలో జరిగిన షాంఘై సహకార సంస్థ (SCO) సదస్సు సందర్భంగా షెహబాజ్ షరీఫ్, పుతిన్తో ప్రత్యేకంగా సమావేశమయ్యారు. ఇద్దరు నేతలు చర్చలు ప్రారంభించేందుకు సిద్ధమవుతుండగా, షెహబాజ్ తన ఇయర్ఫోన్ను చెవికి సరిగ్గా పెట్టుకోవడానికి చాలా ఇబ్బంది పడ్డారు. అది పదేపదే జారిపోతుండటంతో ఆయన అసహనానికి గురయ్యారు. షెహబాజ్ అవస్థను గమనించిన పుతిన్, ముసిముసిగా నవ్వుతూ తన ఇయర్ఫోన్ను తీసి దాన్ని ఎలా పెట్టుకోవాలో చేతి సైగలతో చూపించారు. ఈ ఘటనతో పాక్ ప్రధాని తీవ్రంగా ఇబ్బంది పడ్డారు.
సరిగ్గా ఇలాంటి ఘటనే 2022లో ఉజ్బెకిస్థాన్లో జరిగిన సదస్సులోనూ చోటుచేసుకుంది. అప్పుడు కూడా పుతిన్ ఎదుటే షెహబాజ్ తన ఇయర్ఫోన్తో కుస్తీ పడ్డారు. అధికారులు సహాయం చేయడానికి ప్రయత్నించినా ఫలితం లేకపోయింది. ఆ వీడియో కూడా అప్పట్లో విపరీతంగా వైరల్ అయింది. ‘బీజింగ్లో షెహబాజ్ హెడ్ఫోన్ జారిపోవడం చూసి పుతిన్ నవ్వారు. మళ్లీ అదే జరిగింది’ అని ఓ నెటిజన్ ఎక్స్లో పోస్ట్ చేశారు.
చైనా పర్యటనలో షెహబాజ్ షరీఫ్కు ఇదొక్కటే కాదు, మరికొన్ని ఇబ్బందికర సంఘటనలు కూడా ఎదురయ్యాయి. ప్రధాని నరేంద్ర మోదీ, పుతిన్తో కలిసి నడుస్తుండగా షెహబాజ్ ఒంటరిగా పక్కన నిలబడి ఉన్న వీడియో కూడా వైరల్ అయింది. ఇది అంతర్జాతీయ వేదికపై పాక్కు జరిగిన అవమానంగా పలువురు వ్యాఖ్యానించారు. మరోవైపు, ఇదే సదస్సులో పెహల్గామ్ ఉగ్రదాడిని ఖండించడం కూడా షరీఫ్కు ఇబ్బందికరంగా మారింది.
ఈ భేటీ సందర్భంగా పుతిన్తో మాట్లాడుతూ.. రష్యా, భారత్ మధ్య ఉన్న సంబంధాలను తాము గౌరవిస్తామని, అదే సమయంలో మాస్కోతో పాకిస్థాన్ కూడా బలమైన సంబంధాలను కోరుకుంటోందని షెహబాజ్ షరీఫ్ అన్నారు.
వివరాల్లోకి వెళితే.. ఇటీవల చైనాలో జరిగిన షాంఘై సహకార సంస్థ (SCO) సదస్సు సందర్భంగా షెహబాజ్ షరీఫ్, పుతిన్తో ప్రత్యేకంగా సమావేశమయ్యారు. ఇద్దరు నేతలు చర్చలు ప్రారంభించేందుకు సిద్ధమవుతుండగా, షెహబాజ్ తన ఇయర్ఫోన్ను చెవికి సరిగ్గా పెట్టుకోవడానికి చాలా ఇబ్బంది పడ్డారు. అది పదేపదే జారిపోతుండటంతో ఆయన అసహనానికి గురయ్యారు. షెహబాజ్ అవస్థను గమనించిన పుతిన్, ముసిముసిగా నవ్వుతూ తన ఇయర్ఫోన్ను తీసి దాన్ని ఎలా పెట్టుకోవాలో చేతి సైగలతో చూపించారు. ఈ ఘటనతో పాక్ ప్రధాని తీవ్రంగా ఇబ్బంది పడ్డారు.
సరిగ్గా ఇలాంటి ఘటనే 2022లో ఉజ్బెకిస్థాన్లో జరిగిన సదస్సులోనూ చోటుచేసుకుంది. అప్పుడు కూడా పుతిన్ ఎదుటే షెహబాజ్ తన ఇయర్ఫోన్తో కుస్తీ పడ్డారు. అధికారులు సహాయం చేయడానికి ప్రయత్నించినా ఫలితం లేకపోయింది. ఆ వీడియో కూడా అప్పట్లో విపరీతంగా వైరల్ అయింది. ‘బీజింగ్లో షెహబాజ్ హెడ్ఫోన్ జారిపోవడం చూసి పుతిన్ నవ్వారు. మళ్లీ అదే జరిగింది’ అని ఓ నెటిజన్ ఎక్స్లో పోస్ట్ చేశారు.
చైనా పర్యటనలో షెహబాజ్ షరీఫ్కు ఇదొక్కటే కాదు, మరికొన్ని ఇబ్బందికర సంఘటనలు కూడా ఎదురయ్యాయి. ప్రధాని నరేంద్ర మోదీ, పుతిన్తో కలిసి నడుస్తుండగా షెహబాజ్ ఒంటరిగా పక్కన నిలబడి ఉన్న వీడియో కూడా వైరల్ అయింది. ఇది అంతర్జాతీయ వేదికపై పాక్కు జరిగిన అవమానంగా పలువురు వ్యాఖ్యానించారు. మరోవైపు, ఇదే సదస్సులో పెహల్గామ్ ఉగ్రదాడిని ఖండించడం కూడా షరీఫ్కు ఇబ్బందికరంగా మారింది.
ఈ భేటీ సందర్భంగా పుతిన్తో మాట్లాడుతూ.. రష్యా, భారత్ మధ్య ఉన్న సంబంధాలను తాము గౌరవిస్తామని, అదే సమయంలో మాస్కోతో పాకిస్థాన్ కూడా బలమైన సంబంధాలను కోరుకుంటోందని షెహబాజ్ షరీఫ్ అన్నారు.
