Jr NTR: తండ్రి హరికృష్ణను తలుచుకుంటూ జూనియర్ ఎన్టీఆర్ ఎమోషనల్ ట్వీట్
- తండ్రి హరికృష్ణ 69వ జయంతి సందర్భంగా ఎన్టీఆర్ భావోద్వేగ పోస్ట్
- 'నా అస్తిత్వం, వ్యక్తిత్వం, ధైర్యం మీరే' అంటూ తండ్రికి నివాళి
- 2018 ఆగస్టు 30న రోడ్డు ప్రమాదంలో మృతి చెందిన హరికృష్ణ
దివంగత నటుడు, తన తండ్రి నందమూరి హరికృష్ణ 69వ జయంతి సందర్భంగా యంగ్ టైగర్ ఎన్టీఆర్ తీవ్ర భావోద్వేగానికి లోనయ్యారు. తండ్రిని స్మరించుకుంటూ ఆయన సోషల్ మీడియాలో పెట్టిన ఓ పోస్ట్ అభిమానులను కదిలిస్తోంది. తన జీవితంలో తండ్రి స్థానం ఏమిటో వివరిస్తూ ఎన్టీఆర్ హృదయానికి హత్తుకునేలా నివాళి అర్పించారు.
‘‘ఈ అస్తిత్వం మీరు. ఈ వ్యక్తిత్వం మీరు. మొక్కవోని ధైర్యంతో కొనసాగే మా ఈ ప్రస్థానానికి నేతృత్వం మీరు. ఆజన్మాంతం తలుచుకునే అశ్రుకణం మీరే’’ అంటూ తండ్రితో తనకున్న అనుబంధాన్ని ఎన్టీఆర్ అక్షరాల్లో పంచుకున్నారు. ఈ పోస్ట్ ప్రస్తుతం సోషల్ మీడియాలో వైరల్గా మారింది. తారక్ అభిమానులు, నెటిజన్లు హరికృష్ణను గుర్తుచేసుకుంటూ కామెంట్లు పెడుతున్నారు.
నందమూరి హరికృష్ణ 2018 ఆగస్టు 30న నల్లగొండ జిల్లా అన్నెపర్తి సమీపంలో జరిగిన ఘోర రోడ్డు ప్రమాదంలో కన్నుమూసిన విషయం తెలిసిందే. నెల్లూరు జిల్లాలో ఒక అభిమాని వివాహానికి హాజరయ్యేందుకు వెళ్తుండగా ఈ దుర్ఘటన చోటుచేసుకుంది.
ఇక ఎన్టీఆర్ సినిమాల విషయానికి వస్తే, ప్రస్తుతం ఆయన ప్రశాంత్ నీల్ దర్శకత్వంలో ఓ భారీ చిత్రంలో నటిస్తున్నారు. ఈ సినిమాకు 'డ్రాగన్' అనే టైటిల్ను పరిశీలిస్తున్నట్లు ప్రచారం జరుగుతోంది. ఇందులో రుక్మిణి వసంత్ హీరోయిన్గా నటిస్తుండగా, షూటింగ్ వేగంగా సాగుతోంది. ఈ చిత్రాన్ని వచ్చే ఏడాది విడుదల చేసేందుకు సన్నాహాలు చేస్తున్నారు.
‘‘ఈ అస్తిత్వం మీరు. ఈ వ్యక్తిత్వం మీరు. మొక్కవోని ధైర్యంతో కొనసాగే మా ఈ ప్రస్థానానికి నేతృత్వం మీరు. ఆజన్మాంతం తలుచుకునే అశ్రుకణం మీరే’’ అంటూ తండ్రితో తనకున్న అనుబంధాన్ని ఎన్టీఆర్ అక్షరాల్లో పంచుకున్నారు. ఈ పోస్ట్ ప్రస్తుతం సోషల్ మీడియాలో వైరల్గా మారింది. తారక్ అభిమానులు, నెటిజన్లు హరికృష్ణను గుర్తుచేసుకుంటూ కామెంట్లు పెడుతున్నారు.
నందమూరి హరికృష్ణ 2018 ఆగస్టు 30న నల్లగొండ జిల్లా అన్నెపర్తి సమీపంలో జరిగిన ఘోర రోడ్డు ప్రమాదంలో కన్నుమూసిన విషయం తెలిసిందే. నెల్లూరు జిల్లాలో ఒక అభిమాని వివాహానికి హాజరయ్యేందుకు వెళ్తుండగా ఈ దుర్ఘటన చోటుచేసుకుంది.
ఇక ఎన్టీఆర్ సినిమాల విషయానికి వస్తే, ప్రస్తుతం ఆయన ప్రశాంత్ నీల్ దర్శకత్వంలో ఓ భారీ చిత్రంలో నటిస్తున్నారు. ఈ సినిమాకు 'డ్రాగన్' అనే టైటిల్ను పరిశీలిస్తున్నట్లు ప్రచారం జరుగుతోంది. ఇందులో రుక్మిణి వసంత్ హీరోయిన్గా నటిస్తుండగా, షూటింగ్ వేగంగా సాగుతోంది. ఈ చిత్రాన్ని వచ్చే ఏడాది విడుదల చేసేందుకు సన్నాహాలు చేస్తున్నారు.
