Sunny Leone: తల్లి కాకముందు ఆరుగురు పిల్లల్ని కోల్పోయా.. సన్నీ లియోన్ భావోద్వేగం
- తల్లి కావడం వెనుక తన కష్టాలను పంచుకున్న సన్నీ లియోన్
- సరోగసీ ద్వారా ఆరుగురు పిల్లలను కోల్పోయినట్లు వెల్లడి
- నలుగురు అమ్మాయిలు, ఇద్దరు అబ్బాయిలు దక్కలేదని ఆవేదన
- దేవుడికి మేమంటే ఇష్టం లేదేమో అని చాలా బాధపడ్డానన్న నటి
- కూతురు నిషానే మమ్మల్ని తల్లిదండ్రులుగా ఎంచుకుందని వ్యాఖ్య
బాలీవుడ్ నటి సన్నీ లియోన్ ప్రస్తుతం ముగ్గురు పిల్లలకు తల్లిగా సంతోషకరమైన జీవితం గడుపుతున్నారు. అయితే, ఈ మాతృత్వపు ఆనందం తనకు అంత సులభంగా దక్కలేదని, దీని వెనుక ఎన్నో కన్నీళ్లు, చెప్పలేని బాధ ఉందని ఆమె తొలిసారిగా వెల్లడించారు. తన కూతురు నిషా తమ జీవితంలోకి రాకముందు, సరోగసీ ద్వారా ఆరుగురు పిల్లలను కోల్పోయినట్లు తెలిపి అందరినీ భావోద్వేగానికి గురిచేశారు.
నటి సోహా అలీ ఖాన్ నిర్వహించిన ఒక పోడ్కాస్ట్ కార్యక్రమంలో పాల్గొన్న సన్నీ లియోన్, తన వ్యక్తిగత జీవితంలోని ఈ విషాదకరమైన అధ్యాయాన్ని పంచుకున్నారు. పిల్లల కోసం తానూ, తన భర్త డేనియల్ వెబర్ ఎంతగానో ప్రయత్నించామని, ఈ క్రమంలో సరోగసీని ఆశ్రయించామని తెలిపారు. "మాకు నలుగురు అమ్మాయిలు, ఇద్దరు అబ్బాయిలు పుట్టాల్సింది. కానీ ఆ ప్రయత్నాలు ఫలించలేదు. ఒకసారి గర్భం దాల్చినట్లు తెలిసినా, అందులో పిండం పెరగడం లేదని వైద్యులు చెప్పారు. ఆ వార్త మమ్మల్ని తీవ్రంగా నిరాశపరిచింది," అని సన్నీ ఆవేదన వ్యక్తం చేశారు.
ఆ సమయంలో తాము ఎంతో మానసిక క్షోభ అనుభవించామని ఆమె గుర్తుచేసుకున్నారు. "మేమేమైనా తప్పు చేశామా? దేవుడికి మేమంటే ఇష్టం లేదా? మాకే ఎందుకిలా జరుగుతోంది? అని ప్రతీరోజూ బాధపడేవాళ్లం. ఆ సమయంలోనే ఒక పాపను దత్తత ఎందుకు తీసుకోకూడదు అనే ఆలోచన వచ్చింది," అని ఆమె వివరించారు.
ఆ నలుగురు అమ్మాయిలను కోల్పోతున్న సమయంలోనే తాము దత్తత కోసం దరఖాస్తు చేసుకున్నామని సన్నీ తెలిపారు. అలా తమ జీవితంలోకి నిషా వచ్చిందని, ఆమె తమను తల్లిదండ్రులుగా ఎంచుకుందని తాము నమ్ముతామని చెప్పారు. "నిషాను మొదటిసారి చూసినప్పుడు తన వయసు 18 నెలలు. కానీ చూడటానికి ఏడాది పాపలా ఉండేది. ఆమెను చూడగానే 'ఇది నా బిడ్డ' అనే బలమైన భావన కలిగింది. ఆ క్షణం నుంచి తను మా సొంతమైంది. తనే మా నిషా కౌర్ వెబర్," అంటూ సన్నీ సంతోషం వ్యక్తం చేశారు.
కాగా, సన్నీ లియోన్ దంపతులు 2017లో నిషాను దత్తత తీసుకున్నారు. ఆ తర్వాత 2018లో సరోగసీ ద్వారా నోవా, ఆషర్ అనే కవల అబ్బాయిలకు జన్మనిచ్చారు.
నటి సోహా అలీ ఖాన్ నిర్వహించిన ఒక పోడ్కాస్ట్ కార్యక్రమంలో పాల్గొన్న సన్నీ లియోన్, తన వ్యక్తిగత జీవితంలోని ఈ విషాదకరమైన అధ్యాయాన్ని పంచుకున్నారు. పిల్లల కోసం తానూ, తన భర్త డేనియల్ వెబర్ ఎంతగానో ప్రయత్నించామని, ఈ క్రమంలో సరోగసీని ఆశ్రయించామని తెలిపారు. "మాకు నలుగురు అమ్మాయిలు, ఇద్దరు అబ్బాయిలు పుట్టాల్సింది. కానీ ఆ ప్రయత్నాలు ఫలించలేదు. ఒకసారి గర్భం దాల్చినట్లు తెలిసినా, అందులో పిండం పెరగడం లేదని వైద్యులు చెప్పారు. ఆ వార్త మమ్మల్ని తీవ్రంగా నిరాశపరిచింది," అని సన్నీ ఆవేదన వ్యక్తం చేశారు.
ఆ సమయంలో తాము ఎంతో మానసిక క్షోభ అనుభవించామని ఆమె గుర్తుచేసుకున్నారు. "మేమేమైనా తప్పు చేశామా? దేవుడికి మేమంటే ఇష్టం లేదా? మాకే ఎందుకిలా జరుగుతోంది? అని ప్రతీరోజూ బాధపడేవాళ్లం. ఆ సమయంలోనే ఒక పాపను దత్తత ఎందుకు తీసుకోకూడదు అనే ఆలోచన వచ్చింది," అని ఆమె వివరించారు.
ఆ నలుగురు అమ్మాయిలను కోల్పోతున్న సమయంలోనే తాము దత్తత కోసం దరఖాస్తు చేసుకున్నామని సన్నీ తెలిపారు. అలా తమ జీవితంలోకి నిషా వచ్చిందని, ఆమె తమను తల్లిదండ్రులుగా ఎంచుకుందని తాము నమ్ముతామని చెప్పారు. "నిషాను మొదటిసారి చూసినప్పుడు తన వయసు 18 నెలలు. కానీ చూడటానికి ఏడాది పాపలా ఉండేది. ఆమెను చూడగానే 'ఇది నా బిడ్డ' అనే బలమైన భావన కలిగింది. ఆ క్షణం నుంచి తను మా సొంతమైంది. తనే మా నిషా కౌర్ వెబర్," అంటూ సన్నీ సంతోషం వ్యక్తం చేశారు.
కాగా, సన్నీ లియోన్ దంపతులు 2017లో నిషాను దత్తత తీసుకున్నారు. ఆ తర్వాత 2018లో సరోగసీ ద్వారా నోవా, ఆషర్ అనే కవల అబ్బాయిలకు జన్మనిచ్చారు.
