ఆసీస్ మాజీ కెప్టెన్ మైఖేల్ క్లార్క్‌కు మళ్లీ స్కిన్ క్యాన్సర్.. ముక్కుపై సర్జరీ!
- ముక్కుపై ఏర్పడిన క్యాన్సర్ గడ్డ సర్జరీ ద్వారా తొలగింపు
- తన ఆరోగ్య పరిస్థితిపై సోషల్ మీడియాలో పోస్ట్ పెట్టిన క్లార్క్
- ప్రతి ఒక్కరూ క్రమం తప్పకుండా చర్మ పరీక్షలు చేయించుకోవాలని విజ్ఞప్తి
- నివారణ కంటే ముందుగా గుర్తించడమే కీలకమని వెల్లడి
- ప్రపంచంలోనే ఆస్ట్రేలియాలో స్కిన్ క్యాన్సర్ బాధితులు అత్యధికం
ఆస్ట్రేలియా క్రికెట్ దిగ్గజం, మాజీ కెప్టెన్ మైఖేల్ క్లార్క్ మరోమారు స్కిన్ క్యాన్సర్ బారినపడ్డాడు. తన ముక్కుపై ఏర్పడిన క్యాన్సర్ కణితిని సర్జరీ ద్వారా తొలగించుకున్నాడు. ఈ విషయాన్ని క్లార్క్ స్వయంగా సోషల్ మీడియా ద్వారా వెల్లడిస్తూ ప్రజలందరూ తమ ఆరోగ్యం పట్ల అప్రమత్తంగా ఉండాలని కోరాడు.
"స్కిన్ క్యాన్సర్ అనేది నిజం! ముఖ్యంగా ఆస్ట్రేలియాలో ఇది చాలా తీవ్రమైన సమస్య. ఈ రోజు నా ముక్కుపై ఉన్న మరో క్యాన్సర్ గడ్డను తొలగించారు. మీరందరూ క్రమం తప్పకుండా చర్మ పరీక్షలు చేయించుకోవాలని గుర్తు చేస్తున్నాను. నివారణ అనేది చికిత్స కంటే ఉత్తమమైనది. నా విషయంలో రెగ్యులర్ చెకప్‌లు, ముందుగా గుర్తించడమే నన్ను కాపాడుతోంది. నా డాక్టర్ బిష్ సోలిమన్ దీన్ని ముందుగానే గుర్తించినందుకు కృతజ్ఞతలు" అని క్లార్క్ తన ఇన్‌స్టాగ్రామ్ పేజీలో రాసుకొచ్చాడు.
తన సొగసైన బ్యాటింగ్, అద్భుతమైన కెప్టెన్సీతో ఆస్ట్రేలియాకు ఎన్నో విజయాలు అందించిన క్లార్క్ 2004 నుంచి 2015 వరకు అంతర్జాతీయ క్రికెట్‌లో కొనసాగాడు. అతడి కెప్టెన్సీలోనే ఆస్ట్రేలియా 2013-14 యాషెస్ సిరీస్‌ను 5-0తో కైవసం చేసుకోవడమే కాకుండా 2015లో వన్డే ప్రపంచ కప్‌ను కూడా గెలుచుకుంది.
ప్రపంచవ్యాప్తంగా చర్మ క్యాన్సర్ కేసులు ఆస్ట్రేలియాలోనే అత్యధికంగా నమోదవుతున్నాయి. సూర్యుడి నుంచి వెలువడే అతినీలలోహిత (యూవీ) కిరణాల ప్రభావం ఎక్కువగా ఉండటం, ఎక్కువ మంది ప్రజలు సున్నితమైన చర్మతత్వం కలిగి ఉండటమే ఇందుకు ప్రధాన కారణం. గణాంకాల ప్రకారం ఆస్ట్రేలియాలో ప్రతి ముగ్గురిలో ఇద్దరు తమ 70 ఏళ్ల వయసు వచ్చేలోగా స్కిన్ క్యాన్సర్ బారిన పడుతున్నారని అంచనా.
"స్కిన్ క్యాన్సర్ అనేది నిజం! ముఖ్యంగా ఆస్ట్రేలియాలో ఇది చాలా తీవ్రమైన సమస్య. ఈ రోజు నా ముక్కుపై ఉన్న మరో క్యాన్సర్ గడ్డను తొలగించారు. మీరందరూ క్రమం తప్పకుండా చర్మ పరీక్షలు చేయించుకోవాలని గుర్తు చేస్తున్నాను. నివారణ అనేది చికిత్స కంటే ఉత్తమమైనది. నా విషయంలో రెగ్యులర్ చెకప్‌లు, ముందుగా గుర్తించడమే నన్ను కాపాడుతోంది. నా డాక్టర్ బిష్ సోలిమన్ దీన్ని ముందుగానే గుర్తించినందుకు కృతజ్ఞతలు" అని క్లార్క్ తన ఇన్‌స్టాగ్రామ్ పేజీలో రాసుకొచ్చాడు.
తన సొగసైన బ్యాటింగ్, అద్భుతమైన కెప్టెన్సీతో ఆస్ట్రేలియాకు ఎన్నో విజయాలు అందించిన క్లార్క్ 2004 నుంచి 2015 వరకు అంతర్జాతీయ క్రికెట్‌లో కొనసాగాడు. అతడి కెప్టెన్సీలోనే ఆస్ట్రేలియా 2013-14 యాషెస్ సిరీస్‌ను 5-0తో కైవసం చేసుకోవడమే కాకుండా 2015లో వన్డే ప్రపంచ కప్‌ను కూడా గెలుచుకుంది.
ప్రపంచవ్యాప్తంగా చర్మ క్యాన్సర్ కేసులు ఆస్ట్రేలియాలోనే అత్యధికంగా నమోదవుతున్నాయి. సూర్యుడి నుంచి వెలువడే అతినీలలోహిత (యూవీ) కిరణాల ప్రభావం ఎక్కువగా ఉండటం, ఎక్కువ మంది ప్రజలు సున్నితమైన చర్మతత్వం కలిగి ఉండటమే ఇందుకు ప్రధాన కారణం. గణాంకాల ప్రకారం ఆస్ట్రేలియాలో ప్రతి ముగ్గురిలో ఇద్దరు తమ 70 ఏళ్ల వయసు వచ్చేలోగా స్కిన్ క్యాన్సర్ బారిన పడుతున్నారని అంచనా.
