మ్యాటర్ క్లియర్... బీజేపీలో చేరుతున్న గువ్వల బాలరాజు

తెలంగాణ రాజీకీయాల్లో మరో కీలక పరిణామం చోటుచేసుకుంది. అచ్చంపేట మాజీ ఎమ్మెల్యే గువ్వల బాలరాజు బీఆర్ఎస్ పార్టీకి రాజీనామా చేసిన సంగతి తెలిసిందే. బీఆర్ఎస్ లో తనకు తగిన గౌరవం లభించలేదని ఆయన విమర్శించారు. మరోవైపు ఆయన ఏ పార్టీలో చేరుతారనే చర్చకు తెర పడింది. 

బీజేపీ తెలంగాణ అధ్యక్షుడు రాంచందర్ రావుతో ఈరోజు గువ్వల బాలరాజు భేటీ అయ్యారు. దాదాపు అరగంట సేపు వీరి భేటీ కొనసాగింది. ఈ సందర్భంగా రాంచందర్ రావు మాట్లాడుతూ గువ్వల బాలరాజు బీజేపీలో చేరుతున్నట్టు అధికారికంగా ప్రకటించారు. ఈ నెల 11న (సోమవారం) ఆయన బీజేపీ తీర్థం పుచ్చుకోనున్నారు. హైదరాబాద్ లోని బీజేపీ ప్రధాన కార్యాలయంలో ఆయన బీజీపీ కండువా కప్పుకోనున్నారు.