Donald Trump: చుక్కలనంటిన బంగారం, వెండి ధరలు
- రికార్డు స్థాయికి చేరిన బంగారం, వెండి ధరలు
- లక్ష దాటి దూసుకెళ్తున్న 10 గ్రాముల పసిడి
- హైదరాబాద్లో తులం బంగారం ధర రూ.1.03 లక్షలు
- అమెరికా సుంకాల పెంపుతో పెరిగిన ఆందోళనలు
- సురక్షిత పెట్టుబడిగా బంగారం వైపు చూస్తున్న ఇన్వెస్టర్లు
- భారీగా పెరిగిన కిలో వెండి ధర రూ.1.14 లక్షలు
పసిడి ధర మళ్లీ ఆకాశాన్నంటింది. అంతర్జాతీయంగా నెలకొన్న వాణిజ్య ఉద్రిక్తతల నేపథ్యంలో బంగారం ధరలు మునుపెన్నడూ లేనంత గరిష్ఠ స్థాయికి చేరుకున్నాయి. మన దేశీయ మార్కెట్లో 10 గ్రాముల బంగారం ధర ఏకంగా లక్ష రూపాయల మార్కును దాటేసి వినియోగదారులకు షాక్ ఇచ్చింది. అమెరికా తీసుకుంటున్న కొన్ని నిర్ణయాల కారణంగా పెట్టుబడిదారులు బంగారాన్ని సురక్షితమైన పెట్టుబడిగా భావించడమే ఈ పెరుగుదలకు ప్రధాన కారణంగా కనిపిస్తోంది.
అమెరికా అధ్యక్షుడు ట్రంప్ చేసిన వాణిజ్య ప్రకటనలు ప్రపంచ మార్కెట్లో తీవ్ర ఆందోళనలకు దారితీశాయి. ముఖ్యంగా భారత్పై 25 శాతం అదనపు సుంకం విధించడం, చిప్ల దిగుమతులపై 100 శాతం వరకు సుంకం వేస్తామని హెచ్చరించడం వంటి పరిణామాలు వాణిజ్య యుద్ధ భయాలను తీవ్రతరం చేశాయి. దీంతో ఇన్వెస్టర్లు సురక్షితమైన పెట్టుబడి మార్గంగా బంగారం వైపు భారీగా మొగ్గు చూపుతున్నారు. ఫలితంగా అంతర్జాతీయ మార్కెట్లో పసిడికి ఒక్కసారిగా డిమాండ్ పెరిగింది.
ఈ ప్రభావంతో దేశీయ మార్కెట్లలో బంగారం ధరలు పరుగులు పెట్టాయి. ఢిల్లీ బులియన్ మార్కెట్లో 10 గ్రాముల స్వచ్ఛమైన బంగారం ధరపై ఒక్కరోజే రూ.3,600 పెరిగి రూ.1,02,620కి చేరింది. హైదరాబాద్ మార్కెట్లోనూ ఇదే ధోరణి కొనసాగి, 10 గ్రాముల బంగారం ధర రూ.1.03 లక్షల వద్ద నమోదైంది.
బంగారంతో పాటే వెండి ధర కూడా భారీగా పెరిగింది. కిలో వెండిపై రూ.1,500 పెరిగి, దాని ధర రూ.1.14 లక్షలకు చేరుకుంది. అమెరికా ఫెడరల్ రిజర్వ్ వడ్డీ రేట్లను తగ్గించవచ్చనే అంచనాలు, డాలర్ విలువ బలహీనపడటం కూడా బంగారం ధరల పెరుగుదలకు దోహదపడుతున్నాయని హెచ్డీఎఫ్సీ సెక్యూరిటీస్ సీనియర్ అనలిస్ట్ సౌమిల్ గాంధీ, మరో విశ్లేషకుడు ప్రవీణ్ సింగ్ అభిప్రాయపడ్డారు. అంతర్జాతీయంగా న్యూయార్క్ స్పాట్ మార్కెట్లో ఒక ఔన్సు బంగారం 3,379 డాలర్ల వద్ద ట్రేడవుతోంది.
అమెరికా అధ్యక్షుడు ట్రంప్ చేసిన వాణిజ్య ప్రకటనలు ప్రపంచ మార్కెట్లో తీవ్ర ఆందోళనలకు దారితీశాయి. ముఖ్యంగా భారత్పై 25 శాతం అదనపు సుంకం విధించడం, చిప్ల దిగుమతులపై 100 శాతం వరకు సుంకం వేస్తామని హెచ్చరించడం వంటి పరిణామాలు వాణిజ్య యుద్ధ భయాలను తీవ్రతరం చేశాయి. దీంతో ఇన్వెస్టర్లు సురక్షితమైన పెట్టుబడి మార్గంగా బంగారం వైపు భారీగా మొగ్గు చూపుతున్నారు. ఫలితంగా అంతర్జాతీయ మార్కెట్లో పసిడికి ఒక్కసారిగా డిమాండ్ పెరిగింది.
ఈ ప్రభావంతో దేశీయ మార్కెట్లలో బంగారం ధరలు పరుగులు పెట్టాయి. ఢిల్లీ బులియన్ మార్కెట్లో 10 గ్రాముల స్వచ్ఛమైన బంగారం ధరపై ఒక్కరోజే రూ.3,600 పెరిగి రూ.1,02,620కి చేరింది. హైదరాబాద్ మార్కెట్లోనూ ఇదే ధోరణి కొనసాగి, 10 గ్రాముల బంగారం ధర రూ.1.03 లక్షల వద్ద నమోదైంది.
బంగారంతో పాటే వెండి ధర కూడా భారీగా పెరిగింది. కిలో వెండిపై రూ.1,500 పెరిగి, దాని ధర రూ.1.14 లక్షలకు చేరుకుంది. అమెరికా ఫెడరల్ రిజర్వ్ వడ్డీ రేట్లను తగ్గించవచ్చనే అంచనాలు, డాలర్ విలువ బలహీనపడటం కూడా బంగారం ధరల పెరుగుదలకు దోహదపడుతున్నాయని హెచ్డీఎఫ్సీ సెక్యూరిటీస్ సీనియర్ అనలిస్ట్ సౌమిల్ గాంధీ, మరో విశ్లేషకుడు ప్రవీణ్ సింగ్ అభిప్రాయపడ్డారు. అంతర్జాతీయంగా న్యూయార్క్ స్పాట్ మార్కెట్లో ఒక ఔన్సు బంగారం 3,379 డాలర్ల వద్ద ట్రేడవుతోంది.
