Aamir Khan: ఆ ఫోన్ కాల్స్ అబద్ధం.. 'కూలీ' వివాదంపై ఆమిర్ ఖాన్ టీమ్ క్లారిటీ
సూపర్స్టార్ రజినీకాంత్ కథానాయకుడిగా, లోకేశ్ కనగరాజ్ దర్శకత్వంలో తెరకెక్కిన 'కూలీ' సినిమా విడుదలకు సిద్ధమవుతున్న వేళ, బాలీవుడ్ నటుడు ఆమిర్ ఖాన్పై వచ్చిన ఓ ప్రచారం తీవ్ర చర్చనీయాంశంగా మారింది. ఈ సినిమా పంపిణీ వ్యవహారాల్లో ఆమిర్ జోక్యం చేసుకుంటున్నారని వచ్చిన వార్తలను ఆయన నిర్మాణ సంస్థ తీవ్రంగా ఖండించింది. ఆ ప్రచారంలో ఎలాంటి నిజం లేదని తేల్చి చెప్పింది.
ఈ విషయంపై ఆమిర్ ఖాన్ ప్రొడక్షన్స్ ప్రతినిధి ఒకరు స్పష్టత ఇస్తూ ఒక ప్రకటన విడుదల చేశారు. "కూలీ సినిమా పంపిణీలో ఆమిర్ ఖాన్ గానీ, ఆయన బృందం గానీ ఎలాంటి పాత్ర పోషించడం లేదు. ఏ డిస్ట్రిబ్యూటర్కు గానీ, ఎగ్జిబిటర్కు గానీ ఆయన ఎలాంటి ఫోన్ కాల్స్ చేయలేదు. కేవలం దర్శకుడు లోకేశ్ కనగరాజ్, రజినీకాంత్తో ఉన్న స్నేహబంధం కారణంగానే ఆమిర్ ఈ సినిమాలో అతిథి పాత్ర చేశారు" అని ఆ ప్రకటనలో వివరించారు.
ఆగస్టు 14న 'కూలీ' చిత్రంతో పాటు హృతిక్ రోషన్, ఎన్టీఆర్ నటిస్తున్న 'వార్ 2' కూడా విడుదల కానుంది. ఈ నేపథ్యంలో 'వార్ 2' కంటే 'కూలీ'కి ఎక్కువ థియేటర్లు కేటాయించాలని కోరుతూ ఆమిర్ ఖాన్ స్వయంగా పీవీఆర్-ఐనాక్స్ అధినేత అజయ్ బిజ్లీకి ఫోన్ చేశారని జోరుగా ప్రచారం జరిగింది. ఈ వార్తలపై పీవీఆర్-ఐనాక్స్ బృందం సైతం ఆశ్చర్యం వ్యక్తం చేస్తూ, "'కూలీ' సినిమాలో ఆమిర్కు ఎలాంటి ఆర్థిక ప్రయోజనాలు లేవు. ఇది ఊహించని పరిణామం" అని వ్యాఖ్యానించినట్లు వార్తలు వచ్చాయి. తాజా ప్రకటనతో ఈ వదంతులకు తెరపడినట్లయింది.
ఇదిలా ఉండగా, సినిమా విడుదలకు కొద్ది రోజుల ముందు దర్శకుడు లోకేశ్ కనగరాజ్ నేడు తిరువణ్ణామలైలోని ప్రసిద్ధ శివాలయంలో ప్రత్యేక పూజలు నిర్వహించారు. దాదాపు రెండేళ్ల పాటు 140 రోజుల షూటింగ్ జరుపుకున్న ఈ ప్రాజెక్ట్ కోసం కష్టపడిన తన బృందానికి ఆయన కృతజ్ఞతలు తెలిపారు.
ఈ విషయంపై ఆమిర్ ఖాన్ ప్రొడక్షన్స్ ప్రతినిధి ఒకరు స్పష్టత ఇస్తూ ఒక ప్రకటన విడుదల చేశారు. "కూలీ సినిమా పంపిణీలో ఆమిర్ ఖాన్ గానీ, ఆయన బృందం గానీ ఎలాంటి పాత్ర పోషించడం లేదు. ఏ డిస్ట్రిబ్యూటర్కు గానీ, ఎగ్జిబిటర్కు గానీ ఆయన ఎలాంటి ఫోన్ కాల్స్ చేయలేదు. కేవలం దర్శకుడు లోకేశ్ కనగరాజ్, రజినీకాంత్తో ఉన్న స్నేహబంధం కారణంగానే ఆమిర్ ఈ సినిమాలో అతిథి పాత్ర చేశారు" అని ఆ ప్రకటనలో వివరించారు.
ఆగస్టు 14న 'కూలీ' చిత్రంతో పాటు హృతిక్ రోషన్, ఎన్టీఆర్ నటిస్తున్న 'వార్ 2' కూడా విడుదల కానుంది. ఈ నేపథ్యంలో 'వార్ 2' కంటే 'కూలీ'కి ఎక్కువ థియేటర్లు కేటాయించాలని కోరుతూ ఆమిర్ ఖాన్ స్వయంగా పీవీఆర్-ఐనాక్స్ అధినేత అజయ్ బిజ్లీకి ఫోన్ చేశారని జోరుగా ప్రచారం జరిగింది. ఈ వార్తలపై పీవీఆర్-ఐనాక్స్ బృందం సైతం ఆశ్చర్యం వ్యక్తం చేస్తూ, "'కూలీ' సినిమాలో ఆమిర్కు ఎలాంటి ఆర్థిక ప్రయోజనాలు లేవు. ఇది ఊహించని పరిణామం" అని వ్యాఖ్యానించినట్లు వార్తలు వచ్చాయి. తాజా ప్రకటనతో ఈ వదంతులకు తెరపడినట్లయింది.
ఇదిలా ఉండగా, సినిమా విడుదలకు కొద్ది రోజుల ముందు దర్శకుడు లోకేశ్ కనగరాజ్ నేడు తిరువణ్ణామలైలోని ప్రసిద్ధ శివాలయంలో ప్రత్యేక పూజలు నిర్వహించారు. దాదాపు రెండేళ్ల పాటు 140 రోజుల షూటింగ్ జరుపుకున్న ఈ ప్రాజెక్ట్ కోసం కష్టపడిన తన బృందానికి ఆయన కృతజ్ఞతలు తెలిపారు.
