BR Gavai: పదేళ్లు స్థానికంగానే ఉన్న విద్యార్థి.. రెండేళ్లు బయటకు వెళితే స్థానికత కోల్పోవడమేంటి?: సుప్రీం
పదేళ్ల పాటు స్థానికంగా చదువుకున్న విద్యార్థి ఉన్నత విద్య కోసం రెండేళ్లు పొరుగు రాష్ట్రానికి వెళితే స్థానికత ఎలా కోల్పోతారంటూ సుప్రీంకోర్టు ప్రధాన న్యాయమూర్తి ప్రశ్నించారు. ఇతర రాష్ట్రాల్లో రెండేళ్ల పాటు చదువుకుంటే తప్పేమిటని నిలదీశారు. ఈ మేరకు తెలంగాణ స్థానికతపై దాఖలైన పిటిషన్ల విచారణ సందర్భంగా సీజేఐ జస్టిస్ బీఆర్ గవాయ్ ఈ వ్యాఖ్యలు చేశారు. కాగా, పదో తరగతి తర్వాత రెండేళ్లు బయట ఉంటే స్థానికత వర్తించదన్న రాష్ట్ర ప్రభుత్వం ఉత్తర్వులపై పలువురు విద్యార్థులు హైకోర్టును ఆశ్రయించారు.
ఈ పిటిషన్లపై విచారించిన హైకోర్టు.. స్థానికతను నిర్వచించి, పరిధిని, పరిమితులను వెల్లడిస్తూ మార్గదర్శకాలు జారీ చేయాలని తీర్పు చెప్పింది. అయితే, ఈ తీర్పుపై విద్యార్థులు సుప్రీంకోర్టును ఆశ్రయించారు. తాజాగా ఈ పిటిషన్లపై సీజేఐ జస్టిస్ బీఆర్ గవాయ్ నేతృత్వంలోని ధర్మాసనం విచారణ చేపట్టింది. తెలంగాణ ప్రభుత్వం తరఫున సీనియర్ న్యాయవాది అభిషేక్ మను సింఘ్వీ వాదనలు వినిపించారు. రెండేళ్లు బయట ప్రాంతంలో చదువుకోవడానికి వెళితే తప్పేంటని విచారణ సందర్భంగా సీజేఐ ప్రశ్నించారు.
ఈ పిటిషన్లపై విచారించిన హైకోర్టు.. స్థానికతను నిర్వచించి, పరిధిని, పరిమితులను వెల్లడిస్తూ మార్గదర్శకాలు జారీ చేయాలని తీర్పు చెప్పింది. అయితే, ఈ తీర్పుపై విద్యార్థులు సుప్రీంకోర్టును ఆశ్రయించారు. తాజాగా ఈ పిటిషన్లపై సీజేఐ జస్టిస్ బీఆర్ గవాయ్ నేతృత్వంలోని ధర్మాసనం విచారణ చేపట్టింది. తెలంగాణ ప్రభుత్వం తరఫున సీనియర్ న్యాయవాది అభిషేక్ మను సింఘ్వీ వాదనలు వినిపించారు. రెండేళ్లు బయట ప్రాంతంలో చదువుకోవడానికి వెళితే తప్పేంటని విచారణ సందర్భంగా సీజేఐ ప్రశ్నించారు.
