The Kerala Story: ‘ది కేరళ స్టోరీ’కి జాతీయ అవార్డు.. తీవ్రంగా ఖండించిన ఎఫ్టీఐఐ విద్యార్థి విభాగం
- 71వ జాతీయ చలనచిత్ర అవార్డుల్లో ‘ది కేరళ స్టోరీ’కి పలు అవార్డులు
- ఈ సినిమాకు అవార్డులు ప్రమాదకరమన్న ఎఫ్టీఐఐ విద్యార్థులు
- రాజకీయ ప్రచారాన్ని సినిమా ముసుగులో చేశారని విమర్శలు
‘ది కేరళ స్టోరీ’ సినిమాకు జాతీయ అవార్డులు ఇవ్వడాన్ని పూణేలోని ‘ఫిల్మ్ అండ్ టెలివిజన్ ఇన్స్టిట్యూట్ ఆఫ్ ఇండియా’ (ఎఫ్టీఐఐ)లోని విద్యార్థి సంఘం తీవ్రంగా ఖండించింది. ఈ సినిమాకు అవార్డు నిరాశపరిచేది మాత్రమే కాకుండా ప్రమాదకరమైనది కూడా అని పేర్కొంది.
71వ జాతీయ చలనచిత్ర అవార్డుల్లో 'ది కేరళ స్టోరీ' దర్శకుడు సుదీప్తోసేన్కు ఉత్తమ దర్శకుడి అవార్డు లభించింది. ఈ చిత్రానికి ఉత్తమ సినిమాటోగ్రఫీ అవార్డు కూడా దక్కింది. 2023లో విడుదలైన ఈ చిత్రం కేరళలోని మహిళలను బలవంతంగా మతమార్పిడి చేసి, ఇస్లామిక్ స్టేట్ (ఐఎస్)లో చేర్చారనే కథాంశంతో రూపొంది వివాదాస్పదమైంది.
ఇది ఒక సినిమా కాదు.. ఒక ఆయుధం
'ది కేరళ స్టోరీ'ని ఒక సినిమాగా కాకుండా ఒక 'ఆయుధంగా' ఎఫ్టీఐఐ విద్యార్థి సంఘం అభివర్ణించింది. "రాజకీయ ప్రచారాన్ని సినిమా వేషంలో ప్రజల మధ్య విద్వేషాన్ని పెంచడానికి ఈ చిత్రం దోహదపడుతుంది. ఇది ముస్లిం సమాజాన్ని లక్ష్యంగా చేసుకుని, ఒక రాష్ట్రాన్ని చెడుగా చూపించడానికి ఉద్దేశించిన ఒక కల్పిత కథనం" అని పేర్కొంది.
ఇది హింసను చట్టబద్ధం చేయడమే
ఈ చిత్రానికి అవార్డు ఇవ్వడాన్ని విద్యార్థులు తీవ్రంగా వ్యతిరేకించారు. ‘‘ప్రభుత్వ సంస్థ తప్పుడు సమాచారాన్ని, అల్పసంఖ్యాకులపై అనుమానాలను పెంచే సినిమాకు అవార్డు ఇవ్వడం అనేది కేవలం కళను గుర్తించడం కాదు, ఇది హింసను చట్టబద్ధం చేయడమే’’ అని పేర్కొంది.
'ఇస్లామోఫోబియాకు అవార్డులు ఇవ్వడం' తమకు ఆమోదయోగ్యం కాదని, అబద్ధాలు, మతతత్వం, ఫాసిస్ట్ భావజాలాన్ని బహుమతిగా ఇవ్వడానికి సినిమా పరిశ్రమ రూపొందిందంటే తాము మౌనంగా ఉండబోమని స్పష్టం చేసింది. "ప్రచారానికి అవార్డులు ఇవ్వడం వల్ల అది నిజం కాబోదు. ఇది కేవలం హింసను ప్రేరేపించడమే" అని వివరించింది.
71వ జాతీయ చలనచిత్ర అవార్డుల్లో 'ది కేరళ స్టోరీ' దర్శకుడు సుదీప్తోసేన్కు ఉత్తమ దర్శకుడి అవార్డు లభించింది. ఈ చిత్రానికి ఉత్తమ సినిమాటోగ్రఫీ అవార్డు కూడా దక్కింది. 2023లో విడుదలైన ఈ చిత్రం కేరళలోని మహిళలను బలవంతంగా మతమార్పిడి చేసి, ఇస్లామిక్ స్టేట్ (ఐఎస్)లో చేర్చారనే కథాంశంతో రూపొంది వివాదాస్పదమైంది.
ఇది ఒక సినిమా కాదు.. ఒక ఆయుధం
'ది కేరళ స్టోరీ'ని ఒక సినిమాగా కాకుండా ఒక 'ఆయుధంగా' ఎఫ్టీఐఐ విద్యార్థి సంఘం అభివర్ణించింది. "రాజకీయ ప్రచారాన్ని సినిమా వేషంలో ప్రజల మధ్య విద్వేషాన్ని పెంచడానికి ఈ చిత్రం దోహదపడుతుంది. ఇది ముస్లిం సమాజాన్ని లక్ష్యంగా చేసుకుని, ఒక రాష్ట్రాన్ని చెడుగా చూపించడానికి ఉద్దేశించిన ఒక కల్పిత కథనం" అని పేర్కొంది.
ఇది హింసను చట్టబద్ధం చేయడమే
ఈ చిత్రానికి అవార్డు ఇవ్వడాన్ని విద్యార్థులు తీవ్రంగా వ్యతిరేకించారు. ‘‘ప్రభుత్వ సంస్థ తప్పుడు సమాచారాన్ని, అల్పసంఖ్యాకులపై అనుమానాలను పెంచే సినిమాకు అవార్డు ఇవ్వడం అనేది కేవలం కళను గుర్తించడం కాదు, ఇది హింసను చట్టబద్ధం చేయడమే’’ అని పేర్కొంది.
'ఇస్లామోఫోబియాకు అవార్డులు ఇవ్వడం' తమకు ఆమోదయోగ్యం కాదని, అబద్ధాలు, మతతత్వం, ఫాసిస్ట్ భావజాలాన్ని బహుమతిగా ఇవ్వడానికి సినిమా పరిశ్రమ రూపొందిందంటే తాము మౌనంగా ఉండబోమని స్పష్టం చేసింది. "ప్రచారానికి అవార్డులు ఇవ్వడం వల్ల అది నిజం కాబోదు. ఇది కేవలం హింసను ప్రేరేపించడమే" అని వివరించింది.
